حبيبتي الحمل الحزين و الله العظيم و مو مجامله حقج اني ادعيلج كل ما طريتي على بالي و اقول يارب الله يسخر لها ريلها و يحنن قلبه عليها و على إلي في بطنها بس مو معقوله يكون قاسي ليهدرجه ترى ما كو شي يسوى بهدنيا انه يشوف ضناه و يشيله بيده و يربيه مع امه هذا احلى شي بدنيا اصلن الكبرياء بين الزوجين ما ينفع يهدم بيتهم شنو الفايده اني انتكبر على مرتي و هي تبي تولد و قاعده تتعب عشان تييبلي هالبيبي ترى مهمن كان احساس الابوه لازم يحس فيه و يتحرك فيه ترى ما كو اثنين ما في بينهم مشاكل المشاكل طبيعي تصير بين الزوجين اصلن ما كو اثنين في الدنيا كلها متوافقين بكل شي يعني نفس الافكار و نفس الآراء كوبي عن بعض مستحيل ما في إلا اذا المره و الريال قعدوا مع بعض و تكلموا و تفاهموا و حاول كل واحد يفهم الثاني شنو إلي يبي و شنو إلي ما يبي بعدين يحاولون انهم يسوون شي يرضي الطرف الثاني و هذا كلها من باب الحب و التفاهم بينهم و انتي و ريلج الحين في بينكم بيبي و اكيد في بينكم حب بس شوفي تلقين ناس قاعدين يوزونه عليج
و اهله شنو رايهم ليش ما يقولوله روح حق مرتك و ارجع حق بيتك
يله خليها على الله بس انتي الحين لازم ما تضايقين نفسج انا ادري انه النفسيه التعبانه من الصوبين من الولاده و من الريل بس ترى حرام إلي تسوينه بنفسج لازم ترتاحين و تريحين اعصابج شربي عصيرر ليمون مع نعناع ترى يريح الاعصاب
و فكري اشلون بتشيلين البيبي اول ما تشوفينه و شلون راح تربينه فكري بهشغلات و استبعدي كل شي يضايقج عشان لا يرتفع الضغط ترى الضغط كلش مو زين حق البيبي و الحامل
و انشاله ترد المياه إلمجاريها و ترتاحين و انا اتوقع انشاله اذا مو الحين على ولادتج لازم يرجعلج و مو معقوله يخلي مرته ام عياله تولد و هي متضايقه او زعلانه لا مو معقوله
و بنسبه حق اللاسلكي مال سنتر بوينت اخذي من هناك احسن و عدل انا شايفه من عندهم اشكا لو الوان
و على طاري الحبل السري انا و الله وايد احاتي يقولولي قعدي و قلب و انا اضحك اقعد ما اعرف اشلون اقعد و ما ادري اشلون انام و اقلب احنه و الله مشكله محنه عارفين شنسوي بعمرنه سوينه جذي قالو الحبل السري ما ادري شلون الخبل السري يعني اشلون نصير صنم ما نتحرك لين نولد بله هذي حاله
و بنسبه لنوم ترى لازم تنامين و انتي مرتاحه شلون تنامين و انتي شبه قاعده ترى مو زين جذي البيبي ما ياخذ راحته و ما يتحرك على كيفه لازم تنامين على ضهرج شوي و بعدين على الجوانب عشان البيبي ياخذ راحته في الحركه
انشاله متى ولادتج ؟
و شنو قالولج في بطنج ؟
