اهم الشغلات إلي تجهزينها حق البيبي والمستشفى خل نستفيد

[إستبرق]

هلا حبوبه انشاءالله تخلصين تجهيزج بكل خير وعافيه يارب
ونصيحه مني والله خلصي جهازج قبل التاسع وربي انا من دخلت التاسع صار تعب فتعب والله وربي اني ماتوقعت جذي لاني بالثامن عادي عوار ظهر شوي ومن الكريم خف بس وربي الحين صارلي جم يوم اذا طلعت احس راح اطيح امس رحت السوق صار فيني فلم هندي وكل شوي بطيح من ريولي نصيحه والله خلصي وفكي عمرج والله يوفقج يارب ويسهل عليج انشاءالله
وبالنسبه للسونار الرباعي والله ماسويت كنت ناويه اسويه بس كل يوم اقول باجر لي دخلت التاسع
بس في موضوع وحده سائله عن السونار الرباعي والاغلبيه قالوا احسن شي تسوينه بالسابع
حبوبه ليش ماتكتبين موضوع بهالقسم وسألي البنات لان وايد قالواانهم مسويين وكذا وحده عند دكتوره غير فتعرفين وين احسن شي وتتوكلين على الله والله يكتب لج الي فيه الخير والعافيه يارب
وبخصوص ولادتي الله كريم خخخخخخخ والله ما ادري كان عندي موعد يوم الابعاء عند الدكتوره وقالت لي احتمال تكون قبل العيد بجم يوم انشاءالله عاد الله يسهل تقول يمكن على الاسبوع الياي بس اكثر شي ان قبل العيد بجم يوم والله يكتب الي فيه الخير يارب

 

[froha83]

الله يسهل عليج حبيوبه
بنيت بتطلع قبل العيد علشان تاخذ العيدية <<<<<<<<<<< لوووووووووول
الله يقر عينج فيها وتشوفينها عروس يا رب
بس مو تنسين تدعيلي وقت الولادة ان الله يسهل علي ولادتي

 

[إستبرق]

امين يارب واجمعين خخخخخخخخخخخخخخخخ اي عارفه متى تطلع يمه منها من الحين على طاري الفلوس خخخخخخخخخخخخخخخخخخخخخخخخخ
وامين يارب ووالله انشاءالله ادعيلكم كلكم هذيج المره بنام وقاعده افكر زوجي يقولي شنو تفكرين قلت افكر ادعي لمنو واخلي منو خخخخخخخخخخ قالي اذا تذكرتي احد حزتها
بس انشاءالله اتذكركم كلكم والله يسهل عليج يارب وماتقصرين حبيبتي

 

[احلى كويتيه]

فروحه عادي سويه الحين احسن وقت بين 25 و26 اسبوع وانا مسويته بالوقت هذا وحيل واضح ما شاء الله وسويته بالمواساة وماياثر سونارين بوقت قريب

 

[بنات حواء2]

هلا حبيبتي مها و الله اليوم قاعده اقول ما ادري شسوت مها مع الخدامه عسى تعليمها سهالات انتي بس علميها على نظامج و طريقتج و انشاله تمشي معاج انتي يايبتها مشتغله من قبل و لا و لامره مشتغله لأنه إذا و لا مره مشتغله بتأذيج تلقينها صعب تستوعب معاج و الله يعينج عليها اشلون تتفاهمين معاها كله بالاشارات الله يعينج و الله حلاته تعرف شوي

انا انشاله إذا بكلبلي قلت بيبلي وحده مشتغله من قبل بسعوديه او لبنان و ابي سيلانيه او هنديه

 

[بنات حواء2]

هلا حبيبتي فروحه مالج اثر ما تزورينه وايد مفتقدتج بنسبه للسونار الرباعي و الله ماعندي فكره عنه كلش حبيبتي

و بنسبه حق التجهيز انا رايي من راي استبرق احسن من كذا جانب علشان تقدرين ترتبين شغلج على الراحه و على كيفج من غير ما تدودهين و كل يوم مكان و تضيعين و الله انا شغلي قاعده اسويه حبه حبه عشان افتك و ارتاح و يصير ما عندي شغل لي التاسع

و عشان الميزانيه بعد إلي ما ترحم يعني كل شهر خصصيه حق شي لي التاسع عشان ما تختل ميزانيتج

 

[بنات حواء2]

صج بنات امس رحت معرض كان في بيت برميثيه و الله المعرض لا بأس فيه شفت وحده تسوي حق المواليد شغلات حلوه بس شغلها كله من السرداب و حلو و الله خذيت منها افكار الصراحه لأني انا احب هسوالف اروح اشتري من السرداب و انا اسوي انشاله بذن الله اما بنسبه حق الكفر اليوم انشاله بروح اشوف عند حرمتين اليوم ادعولي انشاله تطلع الاسعار زينه و انشاله بيي اقولكم انشاله عاد تطلع الاسعار زينه و مناسبه انا ما ابي وايد اغراض يعني ما تسوى اغل 250 دك على كفر مدته بس يومين بالمستشفى يعني بالعقل ترى حرام مساكين و الله اغلب البنات في المنتدى متوهقين بكفراتهم تلقينها ما خذه الكفر ب 500 دك و بتبيعه بخساره و الله مجبورين شسوين فيهم

 

[إستبرق]

هلا والله جنان لا والله الخدامه الحمدلله مطيعه والي اعلمها عليه سيده تسويه والمسكيه مو ماكو شغل وايد كل شوي داخله تغسل احمام تكرمين ههههههه ماعندشها شغل تروح تغسل الحمام وتنظف المطبخ مع انه مافيهم شي بس انا مخليتها قلت ما ابي اقولها لاتنظفين خل تتعلم وانا يايبتها مو مشتغله ولا مره هذي اول مره وبالعكس حبوبه انا قالت لي ختي اذا تبين خدامه ييبيها بس اذا مشتغله بالسعوديه اذا دبي ولبنان وهالسوالف تقول كله ييون خربانين حيل وبصراحه انا الهنديه نو وي مافكرت فيها كللللللللش لان ما اواطنهم والسيلانيات كنت افكر اييب سيلانيه بس بعدين هونت وقلت اييب وحده مو مشتغله كلش وانا اعلمها احسن
وصج ماتعرف انجليزي عدل ولا عربي بس ماشاءالله عليها شوي تفهم يعني اكيد انها مو فلته بس يبيلها شوي والحين اي شي ابيه عندنا سستر اخت زوجي وتيي تفهمها وترجم لها وللحين الحمدلله سهالات والله
وبخصوص الكفر اي اكيد ماتبين شي غالي بس ترى انتي حسبي ان مو بس كفر يعني انتي تبين معاه قميصين نفاس وسرير بيبي وكل هالسوالف اكيد راح يطلع عليج جذي حبوبه وانا قلت لج حسبي كل شي لو تبين تشترينه راح يطلع لج نفس الشي والله يوفقج يارب وانشاءالله تلقين الي تبيه
وبخصوص التوزيعات والله يحليلها ام عفاف الي بالمنتدى نزلت عليها حصن المسلم مع الككاو وهي راح تغلفه وامس دقت علي قالت لي انها راح تعطيني معاه استاند وتلبسه كله تور وحركات واحط فيه التوزيعات وحتى مازودت السعر والله انها ماشاءالله وايد حبوبه وعسوله الله يوفقها يارب
تعالي ماتدرين عن الحامل الحزين مختفيه يالله يارب مافيها الى كل خير

 

[همسة ورد]

بناااااااااات حبايبي انا ولدت وبصراحه فيلم مو ولااااااااده . ودعيتلكم بالسهاله
مابي اخرعكم بس اولدوو بعدين اقوولكم قصتي المأساويه

اكتب لكم والبيبي بحظني يرضع .. انشالله قريب بدخل اسوولف لكم

 

[إستبرق]

حبيبتي هموسه حمدالله على سلامتج يارب ويتربى بعزكم البيبي والله يخليه لج والله كنت احاتيج اقول شصار عليها يالله الحمدالله انج بخير وعافيه
ولاتعلقينا قولي لنا قصه الولاده بعد ننطر لي شهر 3 لي ولاده جنان مافينا صبر خخخخخخخخخ
ناطرين من خبرتج يالله

 

[AlZeenah]

الله يسهل عليكم انشاللة

وادعووولي اللة يسهل علي لاني بولادتي الاولى ظليت من س11 الظهر لي 8 الصبح اليوم الثاني على ماولدت وكل هالفترة قاعدة اطلق فخااايفة لاينعاد نفس الفلم هالمرة
وانااا توالناس علي بعد 4 ايام ادش الخامس

وفيني بنووتةة

 

[إستبرق]

امين ياالزينه واجمعين يارب
وانشاءالله الله يثبت البنوته يارب وتولدينها بكل خير وعافيه وبكل سهاله ياارب

 

[بنات حواء2]

هلا حبيبتي مها يله الله يسخر لج الخدامه و تصيرلج احسن من الزينه و انا اقول علميها على الشغل احسن ختصير شاغوله يله الحمد لله


بنسبه للكفر امس رحت حق وحده برميثيه الصراحه كفختني بسعر يصدم قالتلي 450 من غير نفنوف نفاس بس كفر و جيس الياهل قلت ما ابي آخذ الدراعه مللت النفاس باخذها من بره مو شرط تفصال يعني مع الكفر بعدين مني مناك نزلت لي لي 250 دك بس الصراحه ما ادري اخترعت و طلعت رحت حق المره إلي بالدعيه يحليلها خوش مره و شغلها وايد حلو و راقي و ناعم و حصلت عندها نفس شغل المره إلي برميثيه و تحطلج في كرستال على الجوانب و الله ياحلاته ناعم و سوتلي إلي انا ابيه الكفر مع الجيس إلي على بوكيه ورد ديزاينه وايد عجبني و الكلنكس و الزباله تكرمون و نفنوف حق الياهل يا حلاته و مفارش حق الطاوله 3 مفارش و اللون إلي انا ابيه و السعر 160 دك و قالتلي انشاله اذا يتي مره ثانيه راح ارخصلج بعد بسعر وايد ارتحتلها و حق شغلها و اطلعت بعد من اهل ابوي يعني تصيرلي بس من بعيد و الله بس شغلها وايد حلو و مو غالي يعني ما تغلي على الناس كلش وحده ثانيه مسويه نفسي معطتها نفس السعر و الشغل كله دانتيل و تور و ستن و كرستال وايد عجبني و عندها شغلات ناعمه بعد و الله شغلها جنه جاهز قلت ألف الحمد لله لقيت إلي انا ابي و اكثر و بسعر المطلوب


و بنسبه حق مصنع الككاو اليوم رحت و الله محتاره ما ادري شنو آخذ انا ككاو البيت راح يكون غير عن ككاو المستشفى فباخذ نوعين و محتاره ماني عارفه شنو آخذ
مها انتي شنو خذيتي ؟

الصاحه سعر المصنع ماكو عليه الكيلو ب 5 دنانير ما عدا الككاو إلي محشي رهش كيلوه ب 7 دك و الكيلو فيه 60 حبه و الله وايد رخيص و الطعم وايد حلو بس شورو علي شنو آخذ ؟

 

[بنات حواء2]

هلا حبيبتي همسة ورد و الله اني قاعده احاتيج و الله حتى استبرق كل يوم نسأل عنج يله انشاله تزورينه عن قريب و تقولين لنه شصار معاج اصلن انا خايفه جذي و لا جذي على العموم ألف مبروك حق البنوته و الحمد لله على سلامتج و تتربى بعزكم يارب

 

[بنات حواء2]

هلا حبيبتي الزينه يارب الله يسهل علينه و على الجميع يارب الله يسمع منج بس انتي لا تخافين و لا تحاتين و انسي التجربه إلي طافت و توكلي على الله و انشاله ما في إلا الخير هوني علينه و نهون عليج و يارب الله يتمم علج يا حلات البنات

 

[بنات حواء2]

مها بنسبه حق الحامل الحزين و الله حتى انا مفتقدتها بس الضاهر انها ولدت لأنها مو من عادتها تغيب جذي انشاله نطكن عليها عن قريب

و انتي بعد ترى ما بقى شي يله خنشوفها اشلون صايره

 

[إستبرق]

هلا والله جنان امين يارب تظل الخدامه زينه والله هي للحين الحمدلله وايد زينه
وبخصوص الكفر والله زين كل هالغراض ب160 وعيل توكلي على الله وسويه من الحين عشان تفتكين
وبخصوص الككاو انا خذيت نوع الي فبسكوت يربي نسيت اسمه خخخخخخ ونوع فيه فستق وانا نزلته هو ويا حصن المسلم على ام عفاف الي معانه بالمنتدى وتسويهم لي ودقت علي وقالت لي انها سوت لي بعد معاهم ستاند كبير ولبسته تور واكسسوارات بس الستاند ما اقدر اخذه المستشفى لان تقول كبير وايد فما ابي اعتفس بالمستشفى وانا اهلي كلهم ييون البيت قلت احطه فالبيت بس هم يبيلي الحين للمستشفى
بس وربي مو قادره اطلع الحين صارلي جم يوم محبوسه فالبيت لان ريلي ما اقدر احركها الله كريم
وجنان ترى هموسه يايبه صبي مو بنوته
والحامل الحزين والله قاعده افكر فيها لان ولادتها وراي لازم الله يسهل عليها يارب ويوفقها

 

[بنات حواء2]

هلا مها بنسبه حق الكفر و الله انا وايد عاجبني و انشاله ناويه اسوي عندها بس ناطرتها تدق علي عشان بتيبلي عينات خام و انشاله اشوف اللون المناسب إلي انا ابي عاد انا ذوقي صعب

بنسبه حق الككاو و الله انا ما ذقت إلي في فستق ضقت إلي مخلوط معاه كورنفلكس و عجبتني المكسرات الصراحه في واحد داخله نفس الحليب و كورنفلكس و عجبني الرهش بس ريلي و امي يقولن الككاو مع الرهش غثيث ضيقوا خلقي و الله قلت خلاص باخذ على مكسرات يصير طويل شكله و صغير السيز ماله و باخذ النوع الثاني على حليب مع كورنفلكس و انشاله باخذهم على نص الثامن عشان اتفنتق فيهم على كيفي و يكون مناسب عشان الككاو لا يحزر

بنسبه حق موضوع الاستاند انا شايفه استاند في السرداب قلت باخذ منه و انا بسويه على كيفي احس كل ما ادش السرداب ابي اسوي شي بيدي و اطلع بشي حلو بس انا الستاند باخذه معاي بالمستشفى ابي يكون عباره عن طابقين او 3 طوابق بصف عليه الككاو و ماي زمزم مع بعض و قلت ماي زمزم بحطه بعلب بكشخهم و بحط معاهم سكر نبات إلي يصير بعواده نفس الحلاو المصاص امي يايبتلي من ايران قلت خلأحطهم مع ماي زمزم و ذاك اليوم شفت وحده تسوي حق مواليد حاطه نفس الطريقه

و بنسبه حق عفاف اي و اللله شغله وايد حلو الله يوفقها و يرزقها يارب و و الله زين كل هشغلات بتسويلجياهم و ما غلت عليج السعر الله يوفقها يارب

عسى ما شر شفيها ريلج ليش ؟

و بنسبه حق همسة ورد وي انا عبالي كل إلي يدشون الموضوع فيهم بنات


و بنسبه حق الحامل و الله حتى انا احاتيها لأنها مو من عادتها جذي تطول علينه انشاله تدش تطمنه عن قريب يارب

 

[بنات حواء2]

صج مها قولي حق الدكتور عن ريلج خلي يصرفلج كريم اذا كانت ريلج تعورج وايد

 

[AlZeenah]

الله يسهل علينا كلناااااااااااا يارب

بغيت اسالكم السرداب هذا وين صاير؟؟؟؟؟؟