اهم الشغلات إلي تجهزينها حق البيبي والمستشفى خل نستفيد

[دقدوقه]

قووه بنوتات شخباركم
شلوونكم مع الثقل؟؟




بليز الي عنده رقم مصنع الككاو ياليت تعطيني يااه واكون شاكرتلكم

 

[احلى كويتيه]

الزينه السرداب صاير قبال مستشفى دار الشفا اسم المحل الزهور الشرقيه

 

[إستبرق]

هلا جنان يالله انشاءالله تييب لج الخام الي يعجبج وترتاحين وامبلا صح ترى الككا مع الرهش شوي ثقيل وانا مارحت المصنع واخترت تعرفين ما اقدر اتحرك من ريولي والشد وانا مجربه هالنوعين مالات الككاو وابي الشكل المربع فقلت له ييبلي منهم
وانا كنت قبل تدرين ناويه انا اسوي التوزيعات بس والله الحين تعبت وااااااااااااايد ويبيله قعده ولويه ولما قلت لام عفاف وارتحت بصراحه لها ماشاءالله خوش وحده الله يوفقها قلت خلاص اسوي عندها واليوم دقت علي قالت لي يمكن باجر ولاعقبه انشاءالله استلم التوزيعات والستاند ما اقدر اخذه معاي المستشفى لانه كبير وانتي اكيد اذا تبين تسوين استقبالج هناك لازم تاخذينه معاج والله يسهل عليج يارب وامبلا عندي موعد يوم الاربعاء انشاءالله وبقول للدكتوره اليوم حدي بعد رحت فيها قبوا علي ريولي اثنينهم والله ما اقدر اتحرك

 

[إستبرق]

الزينه حبوبه
السرداب قبال دار الشفا في مجمع فيه محل بياع الورد تلقين بنفس المجمع السرداب وامين يارب الله يسهل علينا يارب



دقدوقه هلا والله حبوبه والله نحمد الله والثقل اخييييييييييييه خليها على الله الله كريم يارب
ورقم المصنع هذا رقم الي يشتغل فيه اسمه يوسف 7670977

 

[بنات حواء2]

هلا حبيبتي الزينه السرداب مثل وصف احلى كويتية يعطيها العافيه قبال دار الشفا بحولي

 

[بنات حواء2]

هلا حبيبتي دقدوقه و الله احنه تمام و رقم المصنع مثل ما قالتلج استبرق
:33_1185028183:

 

[بنات حواء2]

هلا حبيبتي مها الله يسمع منج و تييبلي اللون إلي انا ابيه بذن الله
و بنسبه حق الككاو و الرهش انا ضقته طعمه حلو بس من كثر ما كرهوني في كرهته قتلهم خلاص ما ابيه هونت
و همه بنسبه حق ككاوهم ماشاء الله و الله كله حلو ما تدرين شنو تاخذين شنو ما تاخذين انا بعد عجبني الككاو الساده على قلب حب عجيب الصراحه وايد لذيذ و المكسرات نفس الشي
و بنسبه حق ريلج الله يعينج و الله بس لازم تقولين حق الدكتور

و بنسبه حق التوزيعات اضاهر انا بعد بصير مثلج
بدامج ما تقدرين و حاسه نفسج تعبانه ما تسوى خلاص توكلي على الله و انشاله ام عفاف ما راح تقصر معاج و هي اصلن شغلها وايد حلو انا شفته كذا مره

و بنسبه حق الاستاند كلامج عدل اذا انتي منتي مسويه استقبال لا تثقلين على نفسج و تضيجين عليج خليه بالبيت

بس انا بسوي بالمستشفى الاستقبال

احنه طريقة اهلنه ييون المستشفى يتحمدون السلامه و يباركون للمولود
و بعدين ييون البيت عشان ييبون هديت المولود
يعني لازم اسوي ككاو حق المستشفى
و لا زم اسوي حق البيت
فسويت شكل وايد حلو خذيته من السرداب بخليه حق البيت 108 حبات اتوقع زين إلي يلحق يلحق و إلي ما يلحق بعطي حلو قهوه بس

اما بالمستشفى انشاله بحط ككاو شكل ثاني في بالي هو شكل بسط تكون علبه شفافه صغيره على قد الككاوه بحط فيها الغش و الككاوه و بعدين اصكره و اربطه بشريطه على لون الكفر و احط فيها الشغلات الحلوه لصغيره مثل شغل بوابة الهدايا

و طبعن راح يكون لستاند نفس لون الكفر يعني اذا اخترت اللو البنفسجي قلت بصبغ لستان
في بنفسجي و يمكن اركب عليه تور بنفسجي و هسوالف

عاد انا احب هلفناتق و اتمتع فيهم لمن اسويهم

شرايج بفكرت الككاو حق المستشفى ناعمه و بسيطه و الصراحه انا خذيتها من وحده في المعرض مسويتها اغراضها كلها من السرداب
و شغلها وايد حلو
انا انشاله ناويه اروح اكمل شغل السرداب انشاله الشهر الياي عشان خلاص يصير كل شي عندي بس اجهزه و اخليه لي التاسع احط الككاو بس

 

[بنات حواء2]

صج مها مره قلتيلي انه رفيج ريلج بييب فنيال الككاو ياب و إلا بعده و اشلون الطعم ؟

 

[froha83]

هلا والله حوامل
شلونكم شخباركم انشالله بخير
رحت ذاك اليوم محل كاكاو خذيت منه ربع كيلو مشكل علشان اسوي الدزاينات عليهم وابدأ اقص والزق علشان شهر واحد بشتري الكاكاو بس الزق الشرايط اللي مجهزتهم على طول
وبالنسبة للاستاند محتارة اوديه المستشفى ولا لأ ؟؟لأنه كبير واخاف يتكسلر من الشيل والحط مع اني ما ابي اسوي استقبال بالمستشفى بس في ناس راح اييونن المستشفى و ما أعتقد أييون البيت
انتوا شراكم؟؟

 

[إستبرق]

هلا جنان يالله انشاءالله تضبطج المره هذي وتسوي كل الي بخاطرج واذا انتي ييون الناس البيت ولامستشفى امبلا غيري احسن عاد تدرين الستاند من فتره شفت وحده عارضه بالمنتدى ستاند مع الصواني وكل هالسوالف لون بنفسجي وحلو شغلها ماشاءالله حتى الصواني وعلبه الكلينكس حلوه
وانا امبلا قلت للستاند للبيت عاد تدرين حتى الحين بس يطلع لازم اوديه بيت اهلي بالغرفه الي بقعد فيها بس ماودي ان اذا احد راح بيت اهلي راح يشوفونه قبل الولاده الله كريم ويكتب الي فيه الخير
وبخصوص الفنايل امبلا دق على زوجي قاله انه يابهم وخلصوا ورد ياب بعد بس ماذقتهم للحين




فروحه لو رايحه المصنع ومشتريه الككاو والله حلو وفرش ومجربه عليه واحسن جهزي شغلج من الحين بس تعبين الككاو بعدين وبالنسبه للستاند انتي مثلي انا بعد قالت لي ام عفاف كبير وجذي قلت بخليه للبيت بس انا الي ييون لي المستشفى بس زوجات اخواني وخواتي ويردون ييون البيت فقلت بخليه للبيت ولالويه المستشفى وانا مو مسويه استقبال هناك استقبالي انشاءالله ورى الاربعين

 

[بنات حواء2]

هلا حبيبتي فروحه شنو هلغيبه لطويله شدعوه تتغلين علينه

بنسبه حق الاستاند اذا الناس بيون بالمستشفى لازم تكونين موديه الككاو عادي وديه معاج المستشفى انا بودي لأني بسوي استقبال

بجم خذيتي الككاو ؟؟؟

 

[بنات حواء2]

هلا مها يله انشاله يصير كل إلي بخاطري و افتك ادعيلي بس

و حسافه إلي تقولين عنهم اكيد انباعوا
و بنسبه حق الفناييل ما سألتي بجم ؟

اذا عرفتي مو تنسيني قوليلي

 

[إستبرق]

هلا حبوبه جنان
والله ماسألت على جم خلاص انشاءالله اسأل زوجي واقولج

 

[froha83]

خذت الكاكا من المحل اللي بمستشفى السلام صراحة يهبل بلجيكي الكيلو على 12 دينار بس صراحة روعة
خذت 13 حبة 7 أشكال ب 3 دنانير
جربيه وادعيلي

 

[إستبرق]

وي فروحه هههههههههههههههه موعدي الي طاف دخلت المحل الي بالسلام هم محلين واحد تحت وواحد فوق بس ماجربت الككاو مالهم بس شفت ستاند فالمحل الي فوق وزوجي ظل يقولي اخذيه اخذيه كان حلو لونه وردي وفيه 60 حبه ككاو بس قلت له لا ما ابي بسوي الككاو مع حصن المسلم عند ام عفاف
وحبوبه قبل لا تشترين ككاو لتوزيعاتج روحي شوفي المصنع والله يهبل وانواع واااااااااااااااااااااااااااايد مو شوي وماتخسرين
والله يوفقج

 

[froha83]

حبيبتي استبرق أنا راح أنوع يعني كيلو مشكل من اللي بالسلام وكيلو من المصنع جذي يعني من كل بستان وردة هههههههه
بلشت اسوي الدزاينات
ما قلتيلي بشنو تنصحيني اخذ من المصنع ؟؟ يعني على شنو ؟ بسكوت/ كسرات ......... الخ

 

[AlZeenah]

ايييييي عرفتة هذا السرداب اللي قصدكم عنةة

مشكووورين

 

[froha83]

بنات حواء2 والله مشغولة هاليومين قاعدة اكمل تجهيزي لان حاسه اني ثقلت و اخاف بعدين ما اقدر واصير ثقيله وايد
انت وين وصلتي بالتجهيز؟؟

 

[إستبرق]

فروحه اي حلو حتى جذي يالله تنوعين من مكانين
ووالله المصنع على حسب انا ما اقدر اقولج خخخخخخخ لاني انا احب الككاو الي فيه بسكوت ومكسرات يعني زوجي ياب انواع ثانيه وحلوين بس انا ما احب شي كثر البسكوت والمكسرات انتي اذا رحتي قعدي وتذوقي على كيف كيفج
ويالله انشاءالله تخلصينهم بكل خيير وعافيه





الزينا العفو حبيبتي وحياج الله

 

[أم نوني]

حبيباتي انشاء الله بديت اجهز الحين ..و حابة اسألكم ابي وحدة تسوي نفانيف حق الياهل للاستقبال ناعم مع المهاد و اللفة و كبوس.. هذي السوالف..سعر مناسب..