رد: كل الحوامل اليوم يشاركون شنو اهم الشغلات إلي تجهزينها حق البيبي والمستشفى خل نست
الله يتمم عليكم بنات
أنا حامل في البيبي الثاني ، وولادتي إنشاءالله في شهر 5
بصراحة أنا حسيت بيجامات مذركير حدهم أول شهر ، خصوصا إذا البيبي ماشاءالله ريله طويلة ... بيجامات نكست وماركس اند سبنسر ودبنهامز أحسن ومقاسهم كان مع بنتي أحسن ... وغسيل ولبس وا يتغير شكلهم ...
وإذا البيبي اللي ياي بنت ، أقترح حفاظات ليبرو Libro وخصوصا المقاس رقم 1 عندهم / أنا جربت معظم أنواع الحفاظات وما صار قد بينتي إلا هذا النوع ، صج غالي بس الحمدلله ما صار لها حساسية كلش وهي الحين عمرها سنتين ...
حفاظات بوتس بعد زينة Boots ...
وحق كريم الحفاظات ... أقترح الكريم اللي فيه زنك ... مثل سودوكريم (العلبة الرمادية اللي لزقتها حمرا) لأن الزنك يكافح التهابات الجلد ..
والأفضل إن في بداية عمر الطفل ما يتعرض لمهيجات جلد وايد ... مثلا بدل منتجات جونسون ... استعملوا المنتجات اللي ما فيها عطور ، وجونسون خلوها لما يكمل البيبي على الأقل 3 شهور ... المنتجات مثل سيبامد ...
وحق المستشفى أقترح الملابس الداخلية اللي تنقط لأن بصراحة ما له داعي شي غيره ... ونعال المستشفى وانتوا بكرامة خلي منها 2 ، لأن أنا صارت فيني وتوصخت نعالي وخليت أهلي إييبوون لي واحدة ثانية طوارئ ...
لما ترتبون الجنطة ، حطي كل بيجاما مع الفانيلة مع الكبوس والدسوس مع بعض ولفيهم على بعض ، علشان وقت اللي محتاجتهم ما إدورين كل شي وينه ...
واستعملوا كريم للرضاعة الطبيعية ، أنا استعملت لانسينوه من مركز سلطان وهالمرة لقيت كريم يشبه له من مذركير وما يضر البيبي وقت الرضاعة علشان اتحافظين على الحلمة وما تتشقق... وأقترح استعمال الكفر البلاستيك على الحلمة أول كم مرة علشان الطفل يتعلم يمسك الصدر (هذا إذا كان مو عارف) ...
عندي وايد سوالف بعد بس أحس إني قرقت وايد
