اهم الشغلات إلي تجهزينها حق البيبي والمستشفى خل نستفيد

[بنات حواء2]

إعفيني مشكوره على التنبيهات و بذات شحن التلفون لو مو قايلتلي جان نقطعت عن العالم فترت المستشفى و يعطيج ألف عافيه عتوصيات

و أما مس شوقر ترى ذبحتيني من الضحك إشلون ناسيه لفتج عييل بشنو رايحه بس مشكوووووووووووووره وايد عتنبيهات لأنه فعلن حزت الحزه تنسين أمج و أبوج

و مشكوره يا إخت هوى الدار على المرور

بس ما قلتولي دراريع لنفاس من وين تاخذونهم ؟

و حياكم الله بالموضوع

 

[هوى الدار]

تلقين بالعربيد بلازا تحت محل لملابس النفاس وبالنقره طاهر وانور

 

[Forever & Ever]

هلا حبوووووبه شدعوووووه ماسويت شي

بصرااااحه انا استعمل القمصان الستان الناعمه تاخذينها من الطاهر او انور

واسعارهم حلوه ومناسبه وبعد تقدرين تاخذين مداس عزج الله من عندهم نفس لون القميص.

 

[mrs_sugar]

و أما مس شوقر ترى ذبحتيني من الضحك إشلون ناسيه لفتج عييل بشنو رايحه بس مشكوووووووووووووره وايد عتنبيهات لأنه فعلن حزت الحزه تنسين أمج و أبوج

بس ما قلتولي دراريع لنفاس من وين تاخذونهم ؟

و حياكم الله بالموضوع

حبيبتي الظاهر انتي بكر :eh_s(8):
تروحين بالحجاب و بكامل هدومج و قواج العقلية خخخخخخخ
تدخلين غرفة الولادة ربي كما خلقتني بالبالطو الأخضر مال الولادة
الكلام ينطبق عالحكومة و الخاص
و هدومج يحطونهم بكيس و يعطونه ريلج المسكين
انا ريلي يقول قلبي يعورني لما يعطوني هدومج تكسرين خاطري
و بس يطلعونج بعد ما الله يسهل عليج الغرفة مغطين راسج بالكبوس الأخضر و حزة الروحة البيت ولا هب ....
ماكو هدوم و لا حجاب خخخخخخخخخخخ
ترى صارت معاي شخصيا :eh_s(8)::eh_s(3):

بالنسبة حق قمصان النفاس
عندج مجمع السندس محل بالسرداب ما اعرف اسمه
مجمع الأيوب
مجمع النقرة الشمالي ( محل القاسم و الدوقة ) شغلهم ناعم و اسعارهم حلوة

بالنسبة للرضاعة حاولوا تاخذون القمصان المفتوحة من صوب البطن و ليس الصدر احسها استر من تطلعين شغلج كله برة

هذي شغلة حلوة للي يرضعون تتغطين فيها انتي و البيبي و ما تقمت البيبي ولا شي فيها حديدة ترتفع عن وجهه و تخليج تشوفينه و هو يرضع و بنفس الوقت محد يشوفه

انا شفتها عن بنت خالتي روعة بصراحة حدها مرتاحة منها و شكلي بطلب لي ثنتين

​

 

[بنات حواء2]

عدل كلامكم وايد ناس قالولي نفس الحجي بس في مجمع السندس تحت وايد مدحو قالو عنه عنده شغلات إخذو لكم فره يقولون المشي زين قبل الولاده
بس ترى في ناس يخبون نفسهم وايد انا أحب الدراريع ناعمه و اللون الابيض وز الاوفوايت إلي فيهم دانتيل وايد حلوين و ناعمين

 

[بنات حواء2]

عدل كلامج مس شوقر و الله أنكسر خاطري على كل الحوامل و على نفسي و عليه علينا ليش مو الريايل يحملون عنه و يخففون علينه

 

[بنات حواء2]

اللهيستر و الله انا ببلش تجهيزي من الشهر الخامس بروح بشوف الككاو و الملابس و اول ما اعرف شنو فيني باخذ الشغلات بالتدريج ما ابي كل شي يصير حزت الحزه اخاف انسى وايد شغلات

 

[بنات حواء2]

و ببلش اسوي كريمات و مساج حق صدري من الشهر السادس لأنه إختي مسكينه صدرها ما طلع منه شي لمن ولدت إلا قطرات و انتفخ عليها صدرها بشكل يخرع و تقول قاعده أحس بالحليب يطق بقلبي و بعدين مسكينه نشفت الحليب بصدرها ما قدرت ترضع بنتها و ليلحين متحسفه ليش ما بلشت مساج و كمادات

 

[بنات حواء2]

و مرت إخوي مسكينه و لدت بسابع و وما كانت مجهزه جنطت المستشفى و نقصها وايد شغلات بالمستشفى معنه اهلها ما قصروا بس لأنها ما كانت مجهزه مبجر مسكينه و الله إكسرت خاطري

 

[ام طلال]

شوفي حبيبتي جنطة المستشفى احط فيها ملابس للياهل وفيه كيس صغير عند مذركير فيه لوشن+شور جيل+ بودر للياهل ماركة بايجون هذا بعد احطه بالجنطه واحط لي ملابس داخليه وفوط صحيه وقميصين للنفاس مع المداس عزكم الله واحط جم لفه للبيبي ماانسى طبعا شاحن التليفون عشان لااتوهق وبس والله يقوم كل الحوامل بالسلامه

 

[بنات حواء2]

يعطيج العافيه يا ام طلال

 

[هوى الدار]

خوش كلاااااااااااااااااااام


لا يوقف

 

[جكورة]

يعطيج العافيه حبيبتي على الموضوع الروعه ... كفيتـــي ووفيتي إنتي والبنات ماخليتوا شئ عاد أنا شكثر ناسيه أغراض مع إنه مو بجر بس طولت على ماحملت 4 سنوات عشان جذي ناسيـــة....بالنسبــــة لقمصان النفاس تلقين بسرداب عيد النصار بالمباركيه والنقرة والسندس والأيوب والعربيد بلازا وهم تحصليــن بسيتي سنتر السالميه الدراريع القطنيه البارده لإن أنا ماألبس ستان بإستمرار...بس بغيــت أسأل ووين أحصل البيجامات المفتوحه من تحــت ؟؟؟ ووين أحصل مداسات كشخه للقمصـــان ؟؟؟ وبغيــــت أقولكم شغله ذاك اليوم زايرة رفيجتي والده بنوته وإلا شاريه من سنتر بوينت لفه ساده وكبوس وموديتهم لبركات وحاط عليهم شوارفسكي وردي على أبيض شكله عجيــــب :eh_s(15):

 

[بنات حواء2]

وش فكره جكوره يعطيج العافيه بس من متى تبون تبلشون تجهيز الاغراض ؟

 

[جكورة]

أنا من زمان مبلشه تجهيــز.. تقريبا خلصت ملابس البيبي شريت من سنتر بوينــــت ومن مجمع عيد النصار المهادات بس بسوي لي لفتين نفس طريقة رفيجتي للمستشفــــى.... وشريت لي قميص واحد ستان بلاسيــه وإن شاء الله إذا نزل المعاش :eh_s(22):بكمـــل تجهيزي أنا... وخلصت من صالة إستقبال أهلــــي... بس محتارة أحط سرير وإلا ماله داعي خصوصا إني مو بجر وباقي لي مواعين الإستقبال .... وجنطة المستشفى بجهزها بنهاية الثامن إن شاء الله .... بنات ووين بتولدون إن شاء الله ؟؟؟

 

[رضاب 66]

ماشاالله الموضوع حلو ومتكامل وفكره الستراس وااااايد حلوه .....

 

[بنات حواء2]

انا انشاله بولد في مستشفى السلام وايد حلو و راقي و غرفه وايد حلو بذات الجناح الملكي و فوق على فكره ترى الجناح الملكي فيه احلى من دار الشفى و بنسبه حق جكوره انا اقول اذا مو البكر خليه بدون السرير

 

[بنات حواء2]

و إنتو شرايكم في السلام و وين تبون تولدون

 

[بنات حواء2]

و حياج الله يا رضاب 66

 

[بنات حواء2]

و إذا عندكم اي استفسار عن مستشفى السلام حياكم
و إنتظرو المعلومات اليديده و الصور إلي راح أزود الموضوع فيها