صباح الخير يااكروشات :eh_s(3):
حبيت اذكركم بشي غير الهدوم واللويه الي احنا فيها
ماطرا في بالكم التجهيز حق انفسناااااااا غير الملابس وتبعاته
اقصد الاعشاب المهمه والاكل الزين والحسو واللهوم وسلامتكم
وشوفوا المواضيع هذي تفيدنااا وايد
http://www.q8yat.net/showthread.php?t=72768&highlight=%CA%CC%E5%ED%D2%C7%CA+%C7%E1%E4%DD%C7%D3
http://www.q8yat.net/showthread.php?t=19516&highlight=%CA%CC%E5%ED%D2%C7%CA+%C7%E1%E4%DD%C7%D3
((جدول النفاس))
المواد المطلوبه:
مطحونه____ كامله
1- المطحونه:
حلب -- ماش -- قشر رمان --فلفل اسود
2- الكامله:
رشاد -- قرفه -- كمون -- ورق زعتر -- حبه سوداء--
3- عسل -- تمر -- زنجبيل مبشور
***
بعض التفاصيل المهمه للإعداد:
1- المواد المطحونه
يجب الحرص على شرائها جديده وكامله ثم تنقى وتغسل وتجفف ثم تطحن بعد تجفيفها ثم تحفظ في علب بلاستك محكمة الاغلاق وتكتب عليها اسماء
محتوياتها..
نعم بتتعبين لكن ثمرة هالتعب تستاهل وبتعجبكم بإذن الله..
***
2-المواد الكامله
نحرص على تنقيتها وغسلها وتعريضها للهواء لتجف.
***
3-العسل
لاتشتري الغالي على اعتبار انه الاصلي وفي الغالب للأسف يغشون بغذاء النحله لتنتج لهم بوفره بغض النظر عن جودة الانتاج..
وانا اشتري من مده العسل الالماني langnese
لانه ثبت بشهادة مربي نحل خبير انه الاصلي..
4- التمر
ممكن استخدامه معجون او عدل كله مفيد بس لقيت المعجون
اطعم واشهىللأكل بس اذا كنتي بتلقين شي نظيف ومن ثقه..
5-الحبه السوداء
تخلط سبع حبات مع العسل وتؤكل كل يوم ملعقه
على الريق من يوم الولاده الى 30 يوم..
6-المره
تجهزين علبة مويه صغيره فيها محلول مره تشربين منه وانتي
في طريقك للمستشفى للولاده..واذا ولدتي تشربين منه علشان ريحة
العطور ممكن تسكر الرجم وتتعسر الولاده لاسمح الله والسبب هو الشمم..
وخلي معاك كسره صغيره حلتيته شميها اذا وصلتي المستشفى وادهني خشمك منها
لأنها تساعد بإذن الله في فتح الرحم بسرعه ويسر..
والله الموفق.
***
المشروبات اليوميه في فترة النفاس:
1- الصباح حليب مغلي محلى بعسل ومعاه فلفل اسود < مع الفطور
2-شاي زنجبيل + قرفه < بعد الغداء او بين الوجبتين
3- شاي الزعتر في الليل قبل النوم
4- الرمان المطحون المضاف للعصير او المعمول كشاي تستخدمينه
بعد ماتنشفين من الدم لحد ماتطلعين..
5-قهوه وقت المغرب معها مره كل ثلاث ايام تستخدمين المره واذا كنتي تاخذين
مضاد حيوي ماتستخدمين المره ابدا لأنها تبطل مفعول المضاد..
الوجبات:
1- الفطور: عندي كذا خيار:
1 سندويشة بيض مقلي مرشوش عليها ملعقه كبيره حلبه مطحونه +فلفل اسود
2خبزه بالمقلاة عباره عن(بر+حلبه+حليب بودره+ملح+سكر+بصله)البر اللى اهو دقيق بر اسمراو دقيق اسمر فقط
تعجن بماء وتدهن بعد ماتجهز بعسل وتؤكل بالعافيه.
***تمر + حليب اللي سبق شرحه.
مهم مهم مهم
آخر عشر ايام من النفاس راح يكون الفطور تمرمقلب بزبده على نار خفيفه
معاه رشاد..
تشربين معاه قهوه او حليب اللي يعجبك..
3عصيدة تسوينها انتى وتكثرين فيها الفلف الاسود وتشربين معاها حليب حار
وطريقة العصيدة هى :
المقادير:
2 ك طحين أسمر + 1 ك سكر +_ ماء حسب احتياج الطحين (لأنه يحتاج إلى الماء حسب نوعه) + 1 ك زبدة + هيل
الطريقة:
نحمس الطحين على النار حتى يتغير لونه إلى البني
نتركه ليبرد ثم نضع عليه مقدار السكر
نضع عليه كمية وافرة من الماء حتى يصبح المزيج سائل تقريبا.
يوضع على النارويوضع عليه مقدار ملعقة كبيرة من الهيل المطحون
وبس خلصت ولافى اسهل منها لاكن نثروا على السطح فلفل اسود واكليها واهى حارة عشان تدفيك
2- الغداء:
*مرقة لحم مع خضارطبعا الخضار هو بس((((بطاط +باذنجان))))
**قبوط
***شوربة كويكر مع قطع لحمه
لما تغرفي الغدا لأكله ضعي عليه ملعقتين ماش مطحون انثريه فوقه
وكليه بالعافيه مع الحرص على اضافة الفلفل الاسود كذلك..
3- العشاء:
1-تمر+حليب
2-سلطه خضراء او تبوله
3_دجاج محشية مع شوربتها
النظافه الشخصيه:
*الهدوء في الحركه اول اسبوع مهم جدا والحرص على عدم رش
منطقة الخياط بالرشاش..بل رشها باليد من بعيد حتى تسقط الخيوط..
**عدم استخدام المره بتاتا كغسول حتى تسقط الخيوط لأنه يشدها ..
بل تمسح بمحلوله الفوطه كل ماحسيتي بحكه..
***التشطف بماء وملح يوميا بدون المبالغه بكمية الملح .
هذا ماعندي باختصار وبدون تعقيد وعند الالتزام به سترون فائده عظيمه
طبعا هالمعلومات نقلتها من الاخت "" فطيرة "" يجزيها ربي الف خير
