اهم الشغلات إلي تجهزينها حق البيبي والمستشفى خل نستفيد

[بنات حواء2]

شر ماييج حبيبتي و الله الجو تغير علينه و قلبنه فوق حدر عاد مو شي جذي
و حس الكحه كل مالها وتزيد تعبت منها و الله
صج وين البنات اضاهر مشغولين
اضاهر استبرق يابت بنتها و لهت معاها انشاله يكونون طلعوها و تفرح فيها يارب
و عأبالنه

 

[إستبرق]

قوه بنات شلونكم وشخباركم
والله يسهل عليكم يارب
وحبيت ابشركم ان استبرق امس طلعت الظهر من المستشفى
ادعولها ان الله يتمم عليها وتتشافى بكل خير يارب

 

[ألوي الكويت]

استبرق قرت عينك بسلامت استبرق الصغيرونه

الله يشافيها ويعافيها

بنات حواء2

ما تشوفين شر

اكلي عسل حق البلغم وعلطول شربي عصير برتقال مع عصرة ليمون

 

[داريني]

ام استبرق حمدالله على سلامة البنوته
ترا انا متابعتكم بس يصمت خخخ

 

[froha83]

الف مبروك يا استبرق انشالله هالسنه خير عليها انشالله بس ديري بالج الجو يمرض هالايام دفيها عدل وبوسي لي اياها حيل

 

[froha83]

وين الصبايا
ما يبينون

 

[إستبرق]

الوي بشوفه النبي انشاءالله وامين يارب العالمين والله يسلم قلبج ماتقصرين


داريني الله يسلم قلبج حبيبتي والله وليش عاد بصمت شاركينا حديثنا ونورتينا حبيبتي والله




فروحه الله يسلم قلبج حبيبتي وامين يارب العالمين واي والله ماقاعد نظلعها بس لمراجعاتها وكله مدفيينها بس الحين انا الي مرضت ابيه النشله والبلاعيم ذبحوني

 

[بنات حواء2]

هلا و الله حبيبتي مها و ألف مبروك حق استبرق و الحمد لله على سلامتها
و يله الحين النوم يصير عزيز

 

[بنات حواء2]

مشكوره بعد عمري حبيبتي ألوي الكويت عاد انا احب البرتقال

 

[بنات حواء2]

هلا و الله حبيبتي داريني شدعوه ليش هلكبت

 

[بنات حواء2]

هلا و الله فروحه اشلونج شخبارج و الله موجوده بس سامحوني على الغيبه تدرين امتحانات و مرض و الله يبعده عنكم البلغم و الكحه و الله من كثر ما اكح احس انه عضلات صدري و بطني ذابحتني من العوار من الكحه و الله طلعت روحي من الكحه و تخيلي عندي ثلاث امتحانات صعبه وره بعض يعني و الله تعبانه نفسيا و جسديا يله الله يسهلها و يمر هلاسبوع على خير
انتي شمسويه و شلون الثقل معاج ؟

 

[بنات حواء2]

صج بنات ابشاره حق إلي بعدهم ماجهزوا ملابس البيبي ترى سنتر بوينت مسوين تنزيلات و الله انا مارحت بس قالتلي وحده انه مسوين تنزيلات وايد و كل شي عندهم رخيص
انا انشاله ناقصتني جم شغله قلت بروح باجر و بكمل التنتيفات إلي ناقصتني
و يتبقالي جم شغله من سرداب سوق الديره
و يتبقالي بس اغراض الجمعيه
و جذي اكون خلصت و افتكيت انشاله باجر او يوم الخميس اروح بعد الحين كلش ما عندي وقت و السبه الامتحانات و اليئس مالهم

 

[froha83]

هلا والله بنات حواء 2
الله يسهل عليج وتفتكين من هالامتحانات
الجو اليوم حده بارد مو طبيعي
الا ما قلتيلي شنو تجهيزاتج من الجمعية؟؟
و خلصتي ملابس البيت اللي حقج ؟؟ العملية مو الاستقبال ومن وين في اشياء حلوة؟

 

[أم نوني]

استبرق حمدالله على سلامت بنوووتج حطي بالج عليها من البرد خصوصا بعد توها المناعة ضعيفة و لا تخلين احد مريض يشيلها..
ما تشوفين شر حبيبتي بنات حواء2
يالله شدي حيلج على الامتحانات و انشاء الله الله يوفقج ..

باركولي رحت سرداب عيد النصار شريت للبيبي و بعدين رحت سنتر بوينت مع التنزيلات روعة خذيت ديباج للبيبي كامل مع حواجز و كوشيات عنوووونه ...
والله ارتحت ..و على قولة بنات حواء2 باقي لي بس الجمعية للبيبي و جذي اكون خلصت شغلها و يبقالي بس اكمل شغلي و شغل الاستقبال..

 

[أم نوني]

:hjy5jewf:استبرق حمدالله على سلامت بنوووتج حطي بالج عليها من البرد خصوصا بعد توها المناعة ضعيفة و لا تخلين احد مريض يشيلها..و سامحيني على التأخير
ما تشوفين شر حبيبتي بنات حواء2
يالله شدي حيلج على الامتحانات و انشاء الله الله يوفقج ..

باركولي رحت سرداب عيد النصار شريت للبيبي و بعدين رحت سنتر بوينت مع التنزيلات روعة خذيت ديباج للبيبي كامل مع حواجز و كوشيات عنوووونه ...
والله ارتحت ..و على قولة بنات حواء2 باقي لي بس الجمعية للبيبي و جذي اكون خلصت شغلها و يبقالي بس اكمل شغلي و شغل الاستقبال..

 

[أم نوني]

اغراض الجمعية للبيبي مثلا
مميات عنونة و مميات وسط
حلمات للمميات مقاسs
مصاصة (حسب الرغبة..مقاس0-m5)
كلينكس ديتول( لمسح الاشياء القريبة من البيبي مثلا
قطن
قطن اذون خاص للبيبي
قطن لصدر الام (للحليب ا المدر)
حفاضات صغيرة للبيبي (كيس واحد للتجربة النوعية على البيبي و الافضل بامبرز)
فوط صحية للام
شامبو جونسون+ مرطب جونسون+زيت و بودرة جونسون لبشرة البيبي
صابون لملابس البيبي العلبة الوردية عليها صورة بيبي
كمفرت و احلى واحد داوني الازرق للبيبي عجيب
فرشة لغسيل مميات البيبي
ويفضل جدر خاص لمميات البيبي أو الجهاز الخاص بالتعقيم و الصراحة انا احب استخدم الاثنين
مشخال صغير مال الاعشاب للي اتحب تستخدم الينسون او الحلبة للبيبي بس مو اول الايام طبعا
2مطارة للماء المغلي(ترموس)
سكر نبات






الصيدلية :
سودو كريم-لمنطقة الحفاض

ماي غريب او سالينال قايلي عنه د.محمد سعيد استخدمه بدال ماي الغريب في حالة المغص وايد زين استخدمته بولدي

 

[nazek_q8]

ببنات منو احسن بالتبانات والاندر وير للبيبي مذركير او سنتربوينت

وشلون عيد النصار يسوه يعني اروحل واتعنى والا اجهز من سنتربوينت وخلاص

وبعدين شرايكم بجيس الياهل والجنطة من وين احسن

 

[froha83]

هلا والله بردانه
التبانات انا جهزتهم من المكانين شوي من سنتر بوينت وشوي من مذركير
وعيد نصار ما شفت فيه زود الا اللهم المهادات هناك اشكال والوان امي شاريتلي منهم حلوين
اما الجيس والجنطة عندج انار وايد حلوين عمليين وكشخةبنفس الوقت

 

[nazek_q8]

مشكووورة فروحة على الرد
عاد حسافة انار كان مسوي تنزيلات قبل نهاية السنة الحين مادري اذا فيه والا خلص

 

[miss_dala3]

هاي بنات شلونكم ..
انا ليلحين ما شريت شي عمري .. سوالف استقبال والمستشفى ولاشي..
بالنسبة للبيبي تقريبا شريت نص الاغراض..

باقيلي سرير البيبي .. افكر اخذ بعد مهاد صغير من مذركير ( سلة موسى)
والسرير بخليه بدار البيبي .. يكون كبير من سنتربوينت وايد حلوين ..

بالنسبة للأغراض البيبي بغيت أسالكم ..
انا شريت 5 بجامات 2 مخمل .. و3 قطن كاملين طقم كامل..

يحتاي ازيدهم والا لا ؟؟ احس انهم شوية حيل
قلت بروح الديره .. السرداب عشان المهادات .. وصداريات ماشريت ولا وحده ..

وبغيت أسألكم يابنات .............

ابي ادراج حق اغراض البيبي ؟؟ تنصحوني اخذ مالت سنتر بوينت الي مع طاولةالتغيير والا ما تكفي؟؟
وانصحوني من وين اخذ الادراج .. انا نسيت اقولكم ... اني بالشهر الثامن
ويوم 24/1 ادش التاسع .. انصحوني عشان ابلش اكمل باقي اغراض البيبي واغراض المستشفى

مشكووووووووووووووووورين