اهم الشغلات إلي تجهزينها حق البيبي والمستشفى خل نستفيد

[الزين كويتي والدلع جهراوي]

مرحبااااااااااااا

ودي اسأل الاخت cranberry

ستاند الحمام شلون تركيبه لزاق على الطوفه والا مسمار ؟

وبكم سعره ؟

ومشكوووووووره

 

[بنات حواء2]

هلا و الله حبيبتي الزين كويتي انشاله تعرفين إلي انتي تبينه بس إلي اعرفه انه هذا من سنتر بوينت
و حياج الله في الموضوع

 

[بنات حواء2]

بنات بقيت اسئلكم سؤال قاعده احاتيه وايد بنسبه حق المشد الاندونيسي اشرايكم فيه زين و لا مو زين لأني ناويه اطلب واحد من ام عفاف الكويت بس ما ادري هل هو زين و لا عادي

 

[ألوي الكويت]

بنات بقيت اسئلكم سؤال قاعده احاتيه وايد بنسبه حق المشد الاندونيسي اشرايكم فيه زين و لا مو زين لأني ناويه اطلب واحد من ام عفاف الكويت بس ما ادري هل هو زين و لا عادي

حتي انا ودي اشتريه بس متردده:080402ask_prv:

 

[nazek_q8]

انا بعد ودي اشتريه لاني قريت في كتاب اسرار الحريم ان المشد الاندونيسي افضل بكثير وصحي اكثر من المشد العادي الطبي او اي شي تقليدي مثل الغترة والكشكول)

اللي جربته تقولنا

وبالنسبة للستاند اهو مو لزق ولا مسمار او يتثبت بروحه لانه مثل الطاوله

 

[Na77olah]

مرحبا
حبيت اشاركم الموضوع
المشد وايد يمدحونه بس سالفة انه طوله عشر امتار الي امخليني متردده
ماكو شغل اقعد ساعه الفه على كرشتي لوووووول

 

[الزين كويتي والدلع جهراوي]

bardana

مشكوره عالرد

يعني الستاند ينحط بالارض !

 

[@ ميمي@]

مرحبااااااااااااا

ودي اسأل الاخت cranberry

ستاند الحمام شلون تركيبه لزاق على الطوفه والا مسمار ؟

وبكم سعره ؟

ومشكوووووووره

هلا والله الزين...
الستاند مثل الطاولة وله تواير وسعرة 26 دينار من سنتر بوينت

 

[بنات حواء2]

هلا حبيبتي الوي الكويت عييل احنه متفقين حتى في مشترياتنه
شسويتي على التجهيز انشاله خلصتي
انا خلصت اغراض البيبي توني يايه من سرداب سوق الديره و خذيت جيسين حق البيبي واحد ازرق و منقط واااايد حلو حتى مو موجود إلا في محل واحد و خذيت واحد اوفوايت
و خذيت اللفات من عندهم و ايد حلوين عجبوني و خذيتلي نفنوف انفاس من محل الفلبينيه إلي تحت وايد حلو عجبني حتى لمن لبسته كان وايد حلو علي بس اكيد اذا ولدت و طاحت الكرشه بكون احلى

 

[بنات حواء2]

هلا حبيبتي البردانه حتى انا سامعه انه ممتاز بس ما ادري مره قريت في موضوع انه في بنات يستخدمونه و مستانسين عليه و في ناس ما امدحوه

 

[بنات حواء2]

يا هلا فيج حبيبتي نحوله حياج الله معانه في الموضوع و بنسبه حق طوله حتى انا مستغربه بس لازم نستفسر عن طريقته في اللف او اللبس قبل لا نشتري

 

[بنات حواء2]

اشلونكم بنات انشاله بخير انا حدي تعبانه اليوم قعدت من النوم و كان فيني عوار في الحوض نس النغزات تروح و ترد و لأني بجر ما اعرف عوار الطلق اذا كان هذا طلق او لأ بس بعد فتره حسيت انه العوار خف و راح فجأه و الحمد لله ان الحين ما في شي عاد مو شي اولد في الثامن بعدي ما جهزت ككاوي و توزيعاتي و ما اشتريتلي ملابس عدل يعني و قلت بتنضف قبل الولاده و بسوي شعري زيوت و هشغلات الله لا يقولها اولد بالثامن

 

[LUXURY]

السلام عليكم ورحمة الله وبركاته


واي وناسه سوالفكم تونس
ادري اول مره ادش وداشه عرض بس صج كنت محتاجه هالموضوع وايد

واي فر مخي
انا باقيلي من الموضوع يمكن 3 او 4 صفحات جم ساعه مجابلته اقرا انحولت


بالنسبه لي انا عقب جم يوم بادخل الثامن ان شاء الله
حامل ببنوته
امس رحت اسوي سونار ثلاثي قالي البيبي كبير لازم تيين بالخامس والا السادس بس طبعلي صوره وحده مو واضحه عدل لكن يكفي انا اشوفها وباجي السونار عادي
ماجهزت ولا شئ وراي امتحانات بتاريخ 20 الشهر بس واخلص
ودي اولد بمستشفى البترول koc لان وايد زين والصراحه ماعندي ميزانيه للمستشفيات الخاصه وكل مالهم واينون على الاسعار اشدعوه كل اشوي زايدين اسعارهم
عمري 21
وايد تعبانه من الثقل وطلعتلي خطوط جنها جروح ببطني وآخر ظهري مع اني ما حكيت

بالنسبه للي قريته وفهمته الاحتياجات وايد احنا عندنا خبره بالتجهيز لان عندي خواتي يايبين عيال من قبل
بس ماشاء الله وايد الواحد يحتاج

انا باشوفلي كفر حلو من دبنهامز والا زارا هوم تره حدهم زوغه وكد ومد سنين وبنين واساسا ماني مسويه استقبال بالمستشفى بس علشان اذا احد ياني احد بالبيت يشوف شئ حلو

ودي بلون بنفسجي وذهبي وايد خاطري بهاللون

تصدقون عندنا عضوه اسمها (الكاتبه 72) ماشاء الله شغلها ذرب وايد وحلو واسعارها وايد مناسبه

الحين من وين بالضبط اشتري بجامات البيبي ؟؟؟ دبنهامز والا سبنسر والا من الديره مجمع عيد النصار والا مذركير؟؟

من الديره بآخذ المهادات وجيس البيبي والسرير اللي مال النفاس رخيص والبسه بشئ حلو
وآخذ قمصان للبيت علشان شغلهم حلو وايد مدحوه لي
ولا تنسون اذا الجو بارد لبسو الداخلي الطويل ودلاغات متينه تره اللي بالنفاس اذا دشها هوا يخبصها ما يطلع ويعذبها ويخبص الرحم
دايما تدفوا ديروا بالكم

انا كنت باخذ البجامات من مذركير ال3مع بعض 5 اطقم علشان البيبي وايد يستفرغ ويوصخ
وابي مواعين واستكانات حلوه وذربه

واغراض البيبي (مميات وبانيو وفوط وفنايل وداخلي ودلاغات ودسوس وكبابيس)
كله كنت حاسبه حسابي من مذركير جنه سمعت عندهم تنزيلات الحين صج عاد؟؟
وامي عندها غلاية المميات المعقمه بكرتونها (ماشاء الله كل شئ تحافظ عليه وتخشه)
وباخذ منهم حمالة البيبي علشان اذا باتمشى والا باروح من مكان لمكان والا بشتغل بشئ باخليها معاي
وابي اللاسلكي حق البيبي من وين احسن واحد

وابي نفانيف مع كبابيسهم حلوين باكشخها بس حقي مابي احد ينضلها خخخخخخخ
ابي استانس فيها ياحلوها (جنج شفتيها الحين) خخخخ

في محل بالرحاب يبيع كفرات اختي خذت منه كفرها يهببببببببل ماشاء الله وللحين يكد

اللي قالت عن محل بالنقره شاسمه؟ مال الكفرات

بنات حواء 2

ليش بتوقفين قيدج انا بعد ادرس بس اذا باوقف قيدي باتاخر باقيلي كثرج
ممكن تدزيلي رقم المره اللي بالدعيه خل اروح اشوفها
ومشكوره وايد على الموضوع الحلو

ارجع لكم بعدين اكمل باجي قرقتي تعبت وانا تعبانه

 

[ألوي الكويت]

هلا حبيبتي الوي الكويت عييل احنه متفقين حتى في مشترياتنه
شسويتي على التجهيز انشاله خلصتي
انا خلصت اغراض البيبي توني يايه من سرداب سوق الديره و خذيت جيسين حق البيبي واحد ازرق و منقط واااايد حلو حتى مو موجود إلا في محل واحد و خذيت واحد اوفوايت
و خذيت اللفات من عندهم و ايد حلوين عجبوني و خذيتلي نفنوف انفاس من محل الفلبينيه إلي تحت وايد حلو عجبني حتى لمن لبسته كان وايد حلو علي بس اكيد اذا ولدت و طاحت الكرشه بكون احلى

هلا وغلا بنات حواء 2

انا خلصت أغراضي وأغراض البيبي

بس باقيلي أغراض الجمعيه انشا الله أخلصهم وأفتك

ويبقالي آخر شي الكاكاو

 

[داريني]

مشالله الله يسهل عليكم
شوقتوني على الحمال
معني توني والد ويايبه توام خخخخخخخخ عيني قويه بعد

 

[LUXURY]

بنات حوا2

بعد عمري انتي جم لج من الثامن؟
تره انا تييني نغزات بالحوظ والظهر وريلي تلتوي عادي ه\ا من الثقل مو طلق

الطلق اييلج عوار مثل الدوره بس على اقووووى (يا حسره خرعتها)
انا بس بابين منطقة العوار
وفي ناس ينزل عليهم مثل الافرازات ما قبل الولاده
وترهامي بالبجر رايحه وانتي بكرامه الحمام ونزل الماي عبالها وانتي بكرامه متبوله على نفسها لان بجر ماتعرف
اهو عادة الماي مو صافي فيه لون ومو خفيف ماي مايوه
هذا اللي قالوه لي ويع خخخخخخخ

حطي بالج لا تقعدين وايد مو زينه القعده يعني مجابل الكمبيوتر على كرسي مو زينه
وديري بالج يصير فيج امساك مو زين
اذا نوعج وايد تقعدين في مخده للي فيهم بواسير انا باخذ منها للقعده عالكرسي مده تريح
بس الاحسن تمديي وريلج دايما مرفوعه

ومخدتج لازم تكون مريحه ومستواها زين
لان اذا في مشكله بالمخده والا النوم اييب العوار للجسم كله
وتدفي البرد اييب العوار بالبطن مغص وعوار الظهر والحوض

وديري بالج تره حوسة السوق تتعب وارتاحه احسن لج

والله يتمم عليج وتكملين تجهيزج يارب وتدخلين التاسع وتييبين البيبي بصحه وعافيه ويقومج بالسلامه

 

[LUXURY]

اي صح نسيت اقول عن المشد
انا سامعه ان ينلف من تحت الصدر للحوض (يعني قسم من الحوض ينلف بعد)
بس احد يلفه لج علشان يشده وطوله جذي علشان ينلف اكثر من لفه بالمكان الواحد ويشد عدل
انا بعد ودي آخذه ان شاء الله

 

[LUXURY]

هاي بنات شلونكم ..
انا ليلحين ما شريت شي عمري .. سوالف استقبال والمستشفى ولاشي..
بالنسبة للبيبي تقريبا شريت نص الاغراض..

باقيلي سرير البيبي .. افكر اخذ بعد مهاد صغير من مذركير ( سلة موسى)
والسرير بخليه بدار البيبي .. يكون كبير من سنتربوينت وايد حلوين ..

بالنسبة للأغراض البيبي بغيت أسالكم ..
انا شريت 5 بجامات 2 مخمل .. و3 قطن كاملين طقم كامل..

يحتاي ازيدهم والا لا ؟؟ احس انهم شوية حيل
قلت بروح الديره .. السرداب عشان المهادات .. وصداريات ماشريت ولا وحده ..

وبغيت أسألكم يابنات .............

ابي ادراج حق اغراض البيبي ؟؟ تنصحوني اخذ مالت سنتر بوينت الي مع طاولةالتغيير والا ما تكفي؟؟
وانصحوني من وين اخذ الادراج .. انا نسيت اقولكم ... اني بالشهر الثامن
ويوم 24/1 ادش التاسع .. انصحوني عشان ابلش اكمل باقي اغراض البيبي واغراض المستشفى

مشكووووووووووووووووورين

واااااااي حبيبتي انتي هذا بجرج؟؟

حياتي روحي اشتري بجامات زياده اذا للحين مذركير مسوين تنزيلات انصحج اخذي من بجاماتهم اللي يصيرون طقم 3 مع بعض عالاقل اخذي جيسين من (يعني طقمين = 6بجامات)
واخذي فنايل
وبالديره اخذي من المهادات الرخيصه اللي ما يشوفونها الاوادم تره البيبي وااااااايد يستفرغ ويوصخ وبسرعه تخمر ريحته مادري ليش خخخخخخخخ
وييبي في خابره على ايام اختي كانوا الاطقم صناعه سوريه من الديره تاخذهم
المهاد وربطته مع البجامه والقبعه طقم مع بعض خذتلها اختي وايد كانوا رخاص


اما بالنسبه للادراج انا ناويه آخذ الكبت اللي من ايكيا وحده من الخوات يجزاها الله كل خير تكلمت عنه
اهو بابين واحد للتعليق وواحد ارفف حجمه مناسب وزين ويستخدم حتى لو كبر البيبي
وعندهم كبت ادراج معاه طاولة تغييرولونهم حلوووووو

وموفقه

اي استفسار انا موجوده

وتره ولادتج معاي عقبي بجم يوم
لان انا 19-1 ادش الثامن بيني وبينج 5 ايام

بس ما استعيلتي بالتجهيز؟؟ انا امي وخواتي وريلي زفوني ما يخلوني اجهز يقولون تو الناس خخخخخ

 

[LUXURY]

نسيت اقولج دلع
السراير اللي بسنت بوينت جم اسعارهم؟؟ واشلون خشبهم؟؟

 

[froha83]

السلام عليكم
ما شاء الله وايد كروشات يدد انظموا لنا
حياكم الله