اهم الشغلات إلي تجهزينها حق البيبي والمستشفى خل نستفيد

[بنات حواء2]

هلا و الله حبيبتي Luxury اشلونج انشاله بخير بعد عمري
حبيبتي حاضرين و اذا عندج اي استفسار انا حاضر
و بنسبه حق الاحمدي و انتي الصاجه بعيده بس معاملتهم زينه
بس انا اختي ريلها يشتغل بالنفط قالولها انه في مستشفى رويال حيات في خصم حق الي يشتغلون بالنفط ما ادري اذا كانت معلومه صحيح او غلط
و بنسبه حق البواسير و انتي اصاجه المره الحامل معرضه حق البواسير بس انا اشرب كل يوم عصير بتقال عشان يلين و يمشي البطن و همن ما كوا فايده معني امشي وايد بالكليه

و بنسبه حق الجدول انا نسقته عدل و ما عندي محاضرات يوم الخميس يعني اداوم من الاحد لي الاربعاء بس و محاضراتي اشوي متأخره عشان اقدر انام الصبح لأني متأكده انه البيبي ماراح يخليني انام بليل
انا سويت الجدول و سجلت 12 وحده بس ما اتوقع اني راح اداومه انا انشاله بوقف قيدي و بعده برد اكمل من الكورس الصيفي باخذ مواد وايد و يكون البيبي اشوي كبر و غدى شره و إلا انتي شرايج

انتي بأي كليه تداومين
انا في التربية الاساسية

 

[بنات حواء2]

حبيبتي Luxury لازم تجهزين الحين شناطره في شغلات مثل الملابس و القماطات و اللفات خلصيعلى الاقل منهم و اول التاسع اخذي المميات و جهزي توزيعات الككاو ترى الحامل ممكن تولد في اي يوم بالتاسع لأنه عادتن حسبت الدكاتره ما تكون دقيقه مثلن قالج اليوم الفلاني يعني اليوم الفلاني هو متى ما استوى راس الياهل يطلع و لا يهمه مجهزتله و لا لأ انا جهزت جنطة المستشفى و كل ما اتذكر شي اقطه فيها و ملا بس النفاس انشاله بعد باخذهم بعد اسبوع اكون خلصت امتحانات و افتكيت الحمد لله

 

[بنات حواء2]

ها بنات على شنو صفيتوا نشتري المشد الاندونيسي و لا لأ تدرون اشلون خلاص بنزل موضوع و خنشوف راي البنات جميعن انشاله يفيدونه يارب

 

[nazek_q8]

اللي ناطرة تنزيلات مذركير ترى باجر بليل او عقب باجر راح يسووون تنزيلات هذا الموظف قالي

 

[بنات حواء2]

مشكوره بعد عمري بردانه عاد اختي اليوم شاريتلي وايد اغراض من مذركير مسكينه لو تدري جان راحت باجر او عقب باجر

و الله ترى التنزيلات فرصه حق إلي بعدها ما جهزت و حسره حق إلي اشترت و تروح تشوف فرق السعر
اشوى انا ما خذيت وايد اغراض من مذركير بس صدريات و اختي يايبتلي منه و ايد ملابس و بجامات و المعقمه مالت المميات وايد يمدحونها الرماديه إلي تشتغل على كهربه
و انا جهزت كله من سنتر بوينت الملابس كلها

 

[بنات حواء2]

بنات نصيحه مني و الله بتذكروني حزتها اخذوا من مذركير السراويل للاستعمال مره واحده حق المستشفى و الله اريحلكم يصير العلبه فيها 5 حبات و الله ينفعكم بالمستشفى خاصتن انكم بالمستشفى راح يكون نزيف فما تدرون شنو ممكن يصير على الاقل تقدرين كل اشوي تبدلين و تقلينه مره وحده

 

[ألوي الكويت]

هلا و الله حبيبتي الوي الكويت اشلونج انشاله بخير :hearting:
يله عييل خلصنه ما بقى شي انشاله انضحك جنه صج بعد اسبوعين و نص ادش شهري :RoadRunner:
و انتي باقيلج شكثر انشاله

هلا حبيبتي بنات حواء2

أنا أدش:wqedqw: شهري 29/1

يمكن بيني وبينك يومين :080402ask_prv:صح؟؟؟؟؟؟؟؟؟؟؟

 

[بنات حواء2]

امبي الوي الكويت انا ادش شهري 29 - 1 يعني ما في بيني و بينج و لا يوم يله خنشوف منو تسبق الثانيه
اشلون نفسيتج حق الولاده متهيأه عادي و لا مو عادي ما ادري انا قاعده اقص على نفسي اقول ما يعور الطلق و الولاده حلوه

 

[Na77olah]

هلوووو لكل الحوامل
Luxury أنا من صارلي 3 اشهر بلشت اجهز وليلحين ما خلصت طبعا انا على كيف كيفي قاعده اجهز وهذا ثاني حمال لي ترى ما يمدي اتجهزين ابشهر واحد بس وعلى ما اضن انج بجر
طبعا انا الحين اختار وأنا عارفه شنو احتاج وشنو النوعيه الزينه الي بسنتر بويت والي بمذركير وماركس سبنسر طبعا كل واحد فيهم عنده شي احسن من الثاني لأني مجربه من قبل
وشغله ثانيه نصيحه الأساسيات اخذوهم بالتنزيلات ترى راح يفرق معاج وايد السعر وهم حرام تشترينه اليوم بسعر وتلقينه ثاني يوم نص السعر
انا اخر موعد ولاده لي 10-4 منو بنفس وقتي ؟

 

[LUXURY]

بردانه ليش ما قلتي عن التنزيلات مبجر واااااااااااااااي باشق هدومي اهئ اهئ اهئ

الحين لو بقول حق امي وريلي بينتفوني بيقولولي اي لان بنات المنتدى قصوا عليج خخخخخخ
كل ما اقرى شئ اروح اقولهم انا قريت بالمنتدى جذي خخخخخخخ

توني اليوم يايه من مذركير وماخذه اغراض ب110 واااااي بموت من الحره

قلت حق ريلي خنروح سنتر بوينت قال لا هذا يمنا (يبي الفكه من حنتي قمت اتحلم بالتجهيز)
يالله عليها بالعافيه بنيتي خخخخخخخ

بنات حواء2 انا بكلية التربيه جامعة الكويت تخصص انجليزي
بالنسبه حق عصير البرتقال ما اواطن ريحته تحت يشربونه وانا فوق اقول اففففففف ريحة قشر برتقال
اكره ريلي اذا كله والا شرب برتقال وقرب مني
رحت اجهز شوي اليوم بس امي قالت لييييييييش نطري شوي يسوون تنزيلات (جنها حاسه خخخخخ)
وابشرج امي اقتنعت بمستشفى البترول اشوه اليوم كلمت وحده ولدت هناك تقول كل ولاداتها هناك وماتفكر تطلع منهم وقالت ان اهم اساسا خياطهم من نفسهم تجميلي لان نظام اجنبي ما عندهم خياط عادي وخلطبيسه
وانا ان شاء الله باطلب المشد ما افكر اخذ شئ ثاني
تره تعتمد حالة اللي يستخدمونه علشان جذي تختلف الآراء
بس من منو بتاخذينه؟ وبجم؟


يا بنات سمعوني زين وانتبهوا للي بقوله اللي ناقصها شئ والا محتاجه شئ والا سالت عن شئ انا رحت اليوم السوق
دخلت مذركير اللي بسوق شرق اليوم طبعا ريلي اول شئ يطنز علي يقول تو الناس (ما يعرف بهالسوالف وامي تطخخني علشان تبي اهي تجهزني مسكينه من عندها ماتبي اجيس شئ والا اتعب) آخر شئ اهو شرا اشياء انا مابيها ويمشي ويخمط ويقولي وخري انا بنقي الالوان والرسمات خخخخخ
المهم الموظف يعله الشقول ماقالي ان بيسون تنزيلات دشيت بخشمه ماكو فايده انا اشوفهم يحسبون ويغيرون اماكن الاغراض


المهم انا اليوم شريت طقمين اللي ايي الطقم 3 بجامات مع بعض طبعا ملونين يهبلون الواحد ب7,5 دنانير طبعا الحين عقب الخصم تحصلونهم ارخص
بس لحقوا كلللللللش ماكو مقاسات صغيره يدوب جم حبه
وخذيت طقمين اللي ايي 7 فتايل مع بعض جم طويل ب7 دنانير الواحد
وخذيت طقم واحد فنايل نص جم سعره 3,5دنانير
وخذيت الصدريات اللي ايون 5 مع بعض التشك تشك مو الطباقي ةلا اللزق سعرهم دينارين خذيت منهم 2 يعني 10 صدريات
وخذيت دلاغات 5 مع بعض ملونين ب2,250
و4 دلاغات ورديين فيهم كشكش بدينارين
وشريت الحوض اللي معاه اسفنجة التفريك وحوض صغير وفوطه ومفراكه ومقياس الحراره ب17 جنه
و في قطعه بلاستيك مثل الكرسي المايل شوي ينحط بالحوض مال البيبي علشان تقعدينه عليه وانتي تسبحينه ما تمسكينه بايدج ب7دنانير بس قلت حق ريلي ابي الاسفنجه اللي من البغلي
وخذيت كاروكه (السرير المهاد) ممكن تخلينه هزاز وممكن ثابت ب40 يكفي لسن ال6 شهور
هذي الاشياء اللي خذيتها

لقيت عندهم سراير حلوه كبيره وخشبهم حلو وزين واسعارهم من ال50 لي ال150
ولقيت عندهم سلة موسى احجام من ال25 لل40 يمكن توصل اسعارهم
ولقيت عندهم يبيعون طقم مفارش سرير الياهل مع كفره مع اللي ينحط حوالين السرير من داخل وداخله اسفنج اللي عشان ما يكفخ راس الياهل بالسرير
اكيد عرفتوه
وعندهم ستاند فيه من تحت رفين لاغراض البيبي للسبوح والحفاضات ومن فوق حوض التسبيح له وموصل معاه على جنب قطعه اسفنج متين مدعمه طبعا تسحبينها لي فوق الحوض حق تبديل البيبي
وايد حلو مفيد لكذا استعمال وكذا شغله وفيه تواير تدزينه وتحركينه ب37دينار جنه
روحوا عاد انتوا شوفوه
اشوه ماخذيته خالتي عندها واحد يديد قالت اخذيه مني ما استخدمه ولدي عود
ولقيت طقم بدله وفنيله وقبعه ودسوس ومادري شنو بعد ست مع بعض ب10وشوي في منه ازرق وفي ابيض
لقيت طاولات الاكل للبيبي ولقيت عرباين ولقيت كراسي هزازه ولقيت حمالات البيبي اكثر من نوع (للي تبي تستخدم حماله) ومعقمات المميات وانتركم البيبي كذا نوع ما دورت السراويل الاستخدام الواحد قبل الولاده آخذهم
لقيت الستيانات اللي يتبطلون للرضاعه
همممممممم هذا اللي اذكره الحين
باسوي هجوم وزياره ثانيه على سنتر بوينت بوقت ثاني وسرداب عيد النصار واييبلكم تفاصيل رحلتي


انا اليوم خالتي قالتلي ان في محل بالضجيج يبيع اثاث لغرف البيبيات واسعاره وايد مناسبه يصير يم سيرز على الشارع
هذا وصفها

ويالله نشوف همتكم وتفاعلكم واتمنى اكون افدتكم ولو بالقليل ... (حلوه قلييل خخخخخخخخ)

 

[LUXURY]

نحوله
اي والله ببجري
ومشكوره كاني اليوم بداية الخير دام سحبت ريلي عالسوق هالمره اقدر عليه كل مره
وبروح بعد مع امي وخواتي ان شاء الله اكمل شوي شوي
يالله لك الحمد ان شاء الله اخلص بالوقت

 

[Na77olah]

وراح اقولكم شنو جهزت لي الحين
شريت التبانات والفنايل الداخليه النيو بورن والسداري من مذركير طبعا بالتنزيلات وباجي الأشياء من سنتر بوينت اسفنجة البيبي للسباحه والفوطه للسباحه والفوط الي تنحط على المخده عشان لا يرجع البيبي عالمخده والفوط الصغار عشان لمن يرضع انحطه تحت المميه والكبابيس والبروش والصراويل الطويله الي تنلبس تحت النفنوف الي من تحته في سير وطبعا المقراضه مالت البيبي احسن شي مالت مذركير الي طرفها ابيض وطبعا النفانيف الي من تحتهم سير أخذتهم من عيد النصار مع القماطات والفوط الي انشف البيبي لمن انبدل حفاظته ونغسله والنايلون الي ينحط تحته ولفه
هذا الي اذكره
وشريت من لحظه من فضلك كبوس ديور وسدريه إسكادا طبعا هذا حق المستشفى عشان الناس لمن اتروح اتشوفها اتكون بنتي كاشخه
وشريت لفه ورديه وايد حلوه من ليلى جالري محل اسمه اللجين وطبعا شريت منه ومن كذا مكان بدل سنعه عشان بعد 20 يوم عادي اطلع واروح عند اهل ريلي فلازم اكشخها
بس قاعده ادور على كبابيس حلوه ما ابيها عاديه نفس الي بمذركير وسنتر بوينت هذوله حق البيت انا ابيهم حق الطلعه منو شايفه شي جذي اتخبرني
وكل ما اذكر او اشتري شي بقولكم

 

[LUXURY]

نحوله عليها بالف عافيه
اللي خذيتيه من لحظه من فضلك جم طلع عليج؟؟
انا ودي لبنتي بعد شئ كشخه
لان ابي اصورها
اما الكبابيس والله ما شفت ووقت ولادتي ماكو برد وماراح اطلعها الا عقب جم شهر بيكون صيف وحررررر
اذا لقيت والا شفت شئ باقولج
انتي جم لج؟؟ ومتى ولادتج؟

 

[AlZeenah]

قوة بنااات

قبل شوي رديت من موعدي
وعلى اسااس انه فيني بنية

اليوم طلع صبي!!!!!!!!!!!!!!!!!!!!!! :×

 

[miss_dala3]

حبيبتي مس دلع انا ااجع بسلام عند جمال الشرعان خليج عنده وايد ممتاز خالتي والده عنده كذه مره قالتلي ما يخليج تحسين بعوار الطلق و الولاده و يصبر على المره يعني ما يحب القيصريه و هسوالف وااااااااايد ممتاز

بعد عمررررررررررررررررررررررررري
والله ونستينيييييييي حيل
الله يهنيج ويسعدج يارب... ويريح بالك مثل ما ريحتي بالي
لو انتي يمي جان حبيت راسج واللللللللللللللللللللللللللللللللللله
كنت ميته خوف من هالدكتور


انتي اي شهر ؟؟

 

[miss_dala3]

يا بنات محل لحظة من فضلك هذا وين مكانه ؟؟
عنده سوالف حلوة حق البيبي اذا كان صبي ؟؟

 

[nazek_q8]

بالمهلب

 

[nazek_q8]

ماعليه بنات بس اللي اشترو من مذركير قبل التنزيلات ترى عادي روحي لهم رديهم وراح يردون لج باقي المبلغ يعني راح يحسبون لج سعر التنزيلات انا رفيجتي ردولها المبلغ قوليلهم امس شاريتهم وخل يحسبونهم بسعر السيل


وبعد بقولكم ترى سنتربوينت اللي بالري راح يسوي تنزيلات تقريبا 16/1 هذا الموظف قالي انا دايما اسأل قبل لا اجهز)


روحوا بليل مذركير في سيل انا بروح على كلام الموظف وبشوف

 

[Na77olah]

Luxury انا اخر موعد ولاده لي 10_4 يعني انا بالسابع
الكبوس الديور ب 15.750 والسدريه الاسكادا ب 19.500
وحبوبه لازم تشترين كبوس حق بعد السباحه لا تنسين التكيف

 

[Na77olah]

الزينه
كلشي من الله حلو بنيه او صبي بس انا لو كنت مكانج جان تضايقت حدي
انا عندي ولد وبخاطري ابنيه اموت عالبنات واااي ناطرتها ابي اوديها معاي الصالون ونسوي مع بعض حمام زيت