اهم الشغلات إلي تجهزينها حق البيبي والمستشفى خل نستفيد

[froha83]

هلا والله كروشات
شلونج بنات حواء 2 يحليلج اشفيج مستعجلة على الولادة
انا اغراض الجمعية من زمان خالصة منهم ويوم الاربعا جهزت جنطة المستشفى بس مخليتها مفتوحة كل ما اتذكر شي احطه
والله يسهل علينا

 

[LUXURY]

هلا فروحه
انتي متى موعدج؟ ما اشوف بيني وبينج وايد
ووين ناويه تولدين؟

انا بادق على دار الشفا اطلع اسعارهم وارجعلكم اكتبها لكم

 

[LUXURY]

توني دقيت عالمستشفى الموظفه مستعيله بسرعه عطتني بس اسعار الولاده الطبيعي

عاد وحده تشد الهمه معاننا وتدق ترجع تستفسر عن القيصري
عموما اللي بتحسب حساب القيصري تدبل السعر

السعر شامل العنايه والفحوص وحضانة البيبي والخياط اذا الدكتور منهم


الغرفه العاديه
طبيعي والدكتور منهم : 427 دينار
طبيعي الدكتور من بره: 267 دينار + اتعاب الدكتور تحاسبينه بروحه
القيصري والدكتور منهم: 850 دينار
قيصري والدكتور من بره: 570 + اتعاب الدكتور انتي تحاسبينه
الليله الزياده : 50دينار


الجونيور
طبيعي والدكتور منهم : 467 دينار
طبيعي الدكتور من بره: 307 دينار + اتعاب الدكتور تحاسبينه بروحه
الليله الزياده: 70دينار


الملكي:
طبيعي والدكتور منهم : 727 دينار
طبيعي الدكتور من بره: 567 دينار + اتعاب الدكتور تحاسبينه بروحه
الليله الزياده: 200دينار



الامبراطوري:
طبيعي والدكتور منهم : 1227 دينار
طبيعي الدكتور من بره: 1067دينار + اتعاب الدكتور تحاسبينه بروحه
الليله الزياده: 400دينار

اتمنى اني افدتكم

 

[froha83]

هلا والله
Luxury
انا موعدي 11-3
انشالله ناوية اولد برويال حياة عند الدكتورة خالدة

 

[LUXURY]

الله يقومج بالسلامه حبيبتي
اي بيني وبينج 8 ايام
انا 19 ان شاء الله موعدي

 

[froha83]

بنات من وين ناوين تاخذون حلويات القهوة؟؟
ومتى اشتريهم ؟؟ ولا اوصي عليهم ؟؟
يلا خل نستفيد من خبراتكم

 

[LUXURY]

فروحه
انا بافر اشوف احسن حلويات للقهوه
اختي تعرف محل حلو بحولي وشغلاته ناطعه
طبعا اكيد باييب من هيل وزعفران حق الكبار يحبونه الدملوج وهالسوالف
وفي عند امبرس حلو ايييييييينن استخفيت عليه باستقبالي انا وريلي حطينا الصحن بيننا وناكل ورا بعض ليييييييين خلص بربع ياعه خالتي تقول عليكم بالعافيه خخخخخخخ ودها تقول يامال الشفاحه ههههههه
اهو يصير توته من بره كاكاو ومغزوزه بعود
هذا مو معروض طلبيه من داخل يطلعونه لج
بس ما يقعد مده لان التوت يحمض حده 3 او 4 ايام
بس مادري باشوف ادور
لان مابي شئ يخيس لان ماني مسويه استقبال بالمستشفى
انتي كاكاو التوزيعات خلاص قررتي انها من المصنع؟
ودي اروح اشوفه

 

[LUXURY]

بالنسبه حق متى تشترينهم
الدملوج والكاكاو المغلف ما يخرب قبل ولادتج بجم يوم والا باسبوع عادي
والقلاش المحشى بجوز والا فستق ما يخرب
بس الكاكاوات المكشفه والكيك المقطع والحلويات اللي فيها فواكه تخترب


يا بنااااااااااات لا تنسون تحسبون حسابكم اذا خلص ثاني يوم استقبال لكم تقفطون قشانكم وتتزهبون علشان تنامون خفاف ثاني يوم بسرعه تطلعون اغراضكم تره المستشفيات يخمرون ما يقولولج خلص وقت بس حزة الطلعه يقولون عديتي الوقت دفعي ليله زياده

اخاف انسى بعدين فقلتلكم الحين

 

[بنات حواء2]

يا هلا فيج حبيبتي Luxury معانه بنسبه حق السونار عادي ما يبين البيبي واضح لأنه كبير و بنسبه للمستشفى الاحمدي ترى وايد ممتازه اختي ولدت عندهم و سوي استقبالج في البيت و ترى يهتمون فيج مثل الخاص و اكثر و معاملتهم وايد زينه و علاجهم نفس الخاص و احسن و الله نصيحه انصحج بالاحمدي و ترى المستشفيات الخاصه عندهم خصم حق إلي يشتغلون في البترول يمكن 15 % حتى حق الدفاع و الداخليه
و بنسبه للون البنفسجي مع الذهبي نفس لوني بالضبط انا سويته عند وحده عندها مشغل بالدعيه خوش مره و شغلها وايد حلو بعد يينن

حبيبتي اخذي التبانات من سنتر بوينت و البجامات تقدرين تنوعين بين سنتر بوينت و مذركير و اللفات و القماطات من سرداب و الجيس و الجنطه و الفوط كلها من سرداب عيد النصار

و بنسب حق الخطوط ليش ما تحطين كريم من مذركير و الله مدحولياه

و بنسبه حق مذركير لأ الحين ما عندهم تنزيلات و بعدين ترى تقدرين تاخذين هلأغراض من سنتر بوينت ارخص و مسوين تنزيلات الحين و بعدين نفس جودة مذركير و يمكن احسن روحي سنتر بوينت السالميه مسوين تنزيلات فرصتج الحين


و بنسبه حق المحل إلي موجود في مجمع النقره الشمالي اول ما تدشين امشي سيده يصير على يمييج ترى وايد شغلاته حلوه و ارخيص مو غالي

و بالنسبه حق رقم المره إلي في الدعيه انشاله ادزلج رقمها على الخاص

و يا بعد عمري مشكوره على النصايح القيمه ما قصرتي يابعد عمري
لأن انااحس العوار بحوضي من الصوبين بس الحمد لله اليوم ما في شي

و بنسبه حق الملابس الحلوه حق البنات نفانيف مع كبابيسهم تحصلين اشكال و الوان في سرداب عيد النصار ترى وايد حلوين بس انا فيني و لد بس اشوف و اتحسر

و بسبه حق الدراسه شسوي احس انه راح اتعب خاصتن اني راح ارضع و بعدين انا ولادتي اول الكورس يعني راح تضيع علي محاضرات وايد و الكليه يعطوني اجازه بس 20 يوم و بعدها بالاربعين اداوم و قالتلي اختي مو زين تمشين في الاربعين وايد ينزل الرحم و الله محتاره و ما ادري شسوي

 

[بنات حواء2]

هلا و الله حبيبتي الوي الكويت اشلونج انشاله بخير :hearting:
يله عييل خلصنه ما بقى شي انشاله انضحك جنه صج بعد اسبوعين و نص ادش شهري :RoadRunner:
و انتي باقيلج شكثر انشاله

 

[بنات حواء2]

يا بعد عمري داريني الله يخليهم حقج و يتربون بعزكم و الله يعينج على تربيتهم بس حرام عليج ربيهم انا انشاله بعد هذا قايله حق ريلي ما في حمال إلى بعد 4 او 5 سنين و الله خلاخلص دراستي و اتوضف و نتساعد و منها اربيه و يكبر شوي

 

[بنات حواء2]

هلا و الله حبيبتي فروحه اشلونج انشاله بخير يارب و الله مو بيدي امس اخترعت و تدرين يمكن لأنه بجر ما اعرف هذا العوار شنو هو طلق هو ثقل هو شي ثاني و الله اخاف لأني مو ضايقته

حبيبتي فروحه انا عبالي انتي قبلي طلعت انا قبلج انا آخر موعد لي 2-3 قالي اذا ما ولدتي قبل راح اولدج بطلق صناعي يارب ييني الطلق الطبيعي ما ابي صناعي و الله قاعده احاتي

 

[miss_dala3]

واااااااي حبيبتي انتي هذا بجرج؟؟

حياتي روحي اشتري بجامات زياده اذا للحين مذركير مسوين تنزيلات انصحج اخذي من بجاماتهم اللي يصيرون طقم 3 مع بعض عالاقل اخذي جيسين من (يعني طقمين = 6بجامات)
واخذي فنايل
وبالديره اخذي من المهادات الرخيصه اللي ما يشوفونها الاوادم تره البيبي وااااااايد يستفرغ ويوصخ وبسرعه تخمر ريحته مادري ليش خخخخخخخخ
وييبي في خابره على ايام اختي كانوا الاطقم صناعه سوريه من الديره تاخذهم
المهاد وربطته مع البجامه والقبعه طقم مع بعض خذتلها اختي وايد كانوا رخاص


اما بالنسبه للادراج انا ناويه آخذ الكبت اللي من ايكيا وحده من الخوات يجزاها الله كل خير تكلمت عنه
اهو بابين واحد للتعليق وواحد ارفف حجمه مناسب وزين ويستخدم حتى لو كبر البيبي
وعندهم كبت ادراج معاه طاولة تغييرولونهم حلوووووو

وموفقه

اي استفسار انا موجوده

وتره ولادتج معاي عقبي بجم يوم
لان انا 19-1 ادش الثامن بيني وبينج 5 ايام

بس ما استعيلتي بالتجهيز؟؟ انا امي وخواتي وريلي زفوني ما يخلوني اجهز يقولون تو الناس خخخخخ

حبيبتي .. ااااااااااسفه طولت عليج بالرد .. انا ماعندي نت بالبيت انطر ايي الدوام لانه توني نقلت بيت يديد من شهر ..
حبيبتي مشكورة على النصايح .. وانشاءاله على المعاش بروح اكمل باجي الاغراض والادراج بعد باخذ مال ايكيا اينن شفته ويدوووووووم معاج لانه انا بنت عمي خذت كبت بس ارفف وندمانه قالت ياليت خذيت شي كبير .. لانها توهقت بهدايا البيبي .. ماكو مكان ..
الزين بمال ايكيا فيه مكان حتى حق الحفاظات ايننننننننننننننن .. عاد حسافه لو الرواتب تنزل هاليومين نلحق على تنزيلات ايكيا لوووووووووول
حبيبتي .. انا ادش التاسع 24/1 مو الثامن ... يعني ممكن اولد اول شهر 2 عرفتي.. بيني وبينج اكثر من 3 اسابيع .. عشان جذي انا ما استعيلت بالعكس ان بلشت اشري اغراضي اول الثامن وليلحين ما خلصت بعد ولاشي من اعراضي شريتهم او حتى سوالف المستشفى .
طمنيني عليج

 

[miss_dala3]

بناااااااااااااااااااات بغيت أسألكم ..
منو تراجع بمستشفى السلام ..
انا ناوية اولد هناك ... بنت عمي ولدت قيصري هناك ..
وكانت مرتاحة ..
انا انشاءالله نويت اولد هناك بالذات اني اراجع من اول حمالي هناك ..
اذا وحده تراجع هناك تقوللي عند اي دكتور..
انا دكتور .. جمال شرعان .. وايد زين ..
واحس انه فهمان كل شي..
اول ما يشوفني يقوللي انا شنو فيني..
كان مستشار في مستشفى العدان .. وكان بمستشفى الاحمدي بعد

 

[LUXURY]

هلا والله بنات حواء

الحمدلله رجعتيلنا بالسلامه حبيبتي طمنتينا عليج

مشكوره على الرد
وايد افدتيني بالنسبه حق اغراض البيبي ومن وين آخذهم
ان شاء الله بامر سنتر بوينت
واللون مال الكفر تره وايد اينن غريب وحلو عليج بالف عافيه حبيبتي

ومستشفى الاحمدي انا ادري انه زين بس امي تقول بعيد وما تدل ومن هالسوالف والا ستافهم عجيب ادري فيه

باحاول اقنعها
بس تره خصم المستشفيات الخاصه ما يصير لموظفي البترول لان عندهم مستشفى واحسن دكاتره واحسن ادويه


الخطوط احطلها والله زيت زيتون وبيبي اويل وفوقه كريم جلسرين طبقااات ماكو فايده
من نفسهم طلعوا


وحطي بالج على نفسج
تره القعده اللي مو عدله والقعده على كرسي وايد تييب البواسير اسم الله عليج


والدراسه انا بعد ودي اوقف بس اخاف اتاخر وايد باغيب وكيفهم بس قبل الدوام اييبلي وحده ترددني علشان يرتفع الرحم
ومع النفاس الزين يرتفع
انا ضبطت جدولي ورا بعض بمكان واحد علشان ما امشي وايد
انا عكسج ابي يهال ورا بعض وريلي يقول نطري جم سنه زياده

 

[LUXURY]

دلوعه
اي حبيبتي روحي ايكيا اذا نزل المعاش بس تره ايكيا تنزيلاتهم مو ذاك الزود توني مارتهم يعني ماراح يفرق عليج وايد
يعني لا تتحسفين
والحمدلله انج داخله التاسع ما بقى شئ وتفتكين من كل هذا والثقل
اي انا لان عبالي انتي داخله الثامن قلتلج ما بيننا شئ وجهزتي مبجر

انا صراحه اشوف الكل ماشاء الله جهزوا بس انا لان امي تقول تو الناس شكلي باشتري من وراها خخخخخ

 

[froha83]

Luxury
من صجج ما جهزتي ؟؟
شناطرة يحليلج انا مجهزة كل شي بس باقي لي الكاكاو واحاتي<<<<<<<<<لووووووووووووووووووول

 

[LUXURY]

فروحه
شسوي امي تقولي تو الناس
الحين قلت حق ريلي ضارب براسي اكل هندي وفلفل ودني مغل محل ونمر سنتر بوينت بس باشوف شغلهم طبعا لا وصلنا بادبسه واشتري واحط امي جدام الامر الواقع
للحين امي مو مستوعبه اني باولد خخخخخخخ
والله مجابله الموضوع اكتب اللي لازم اشتريه من اساسيات في اشياء تييني هدايا
والله امس خرعتهم شوي قلت انتوا اشضمنكم اكمل للتاسع؟ بالله يتني ولاده على الثامن وانا باقيلي اسبوع وادخله؟ اخلي بنتي مفصخه؟؟ خخخخخخخ اخترعوا قاموا يدعولي ما اولد بسرعه علشان يمدي اجهز

 

[&زهرة اللوتس&]

مشكوووووووووووووورة وماقصرتي انشاء الله ربى يرزقنى ويرزق كل محرومة الذرية الطيبة

 

[بنات حواء2]

حبيبتي مس دلع انا ااجع بسلام عند جمال الشرعان خليج عنده وايد ممتاز خالتي والده عنده كذه مره قالتلي ما يخليج تحسين بعوار الطلق و الولاده و يصبر على المره يعني ما يحب القيصريه و هسوالف وااااااااايد ممتاز