اهم الشغلات إلي تجهزينها حق البيبي والمستشفى خل نستفيد

[::فوشيه::]

قوووو حوووووامل ,,, أخباااركم ياقلبي ؟ ؟ ؟

أنا شريت بس لبس البيبي من سنتر بوينت ,,, باقي أغراض الحمام والسرير وجنطه للملابسه وشغلات وايد ..؟ ؟ ؟


وباقي أشتري بدله كشخه للأستقبال بالمستشفى؟ ؟ منو يعرف أماكن لبس الصبيان المواليد كشخه وحلوات ؟ ؟

نحوووله أنا مثلج بشهر السابع <<<<<<<<<<<<<<

 

[Na77olah]

دلوعه حياتي الله يتمم عليج انشالله بس احنا متوهقين ماندري بيكون شلون الجو عموما انا شريت 2 تبان شتوي ولبس كشخه شتوي بس واحد بس مو وايد اثقيل وبالنسبه لأغراض استقبال المستشفى راح ابلش فيه من هالشهر انشالله

 

[ألوي الكويت]

امبي الوي الكويت انا ادش شهري 29 - 1 يعني ما في بيني و بينج و لا يوم يله خنشوف منو تسبق الثانيه
اشلون نفسيتج حق الولاده متهيأه عادي و لا مو عادي ما ادري انا قاعده اقص على نفسي اقول ما يعور الطلق و الولاده حلوه

الله يسهل علينا ونولد بالسلامه

السهاله من رب العالمين

بس لازم الوحده تحاتي:0bee2e8d89:

 

[::فوشيه::]

تسلمين ياقلبي نحوووله , , , أعتقد شهر 4 الجو زين مو بارد ؟ ؟

من وين بتشترين الكفر , , , ما قلتولي ماتعرفون ملابس مواليد البيبي كشخه للأستقبال < < <

نحوووله ياقلبي وين صاير محل لحضه من فضلك ؟ ؟ ؟

 

[::فوشيه::]

ألوي الكويت . . . الله يقومج بسلامه ياقلبي < < <


جم باقي على موعد ولادتج ؟ ؟ ؟

 

[Na77olah]

دلووعه لحظه من فضلك بالمهلب تحت روحي شوفي عندهم لبس للأستقبال كله عنده ماركات وهم روحي محل اللجين اهوه صاير تحت بليلى جالري وروحي غاب بالأفنيوز ترى مرات اييبون شغلات حلوه انا شريت لبس احمر مع جوتيه عجيب اينن وعندج بعد جاكادي بالرايه والكوت هم عندهم شغلات للمواليد حلوه
وانا عندي كفر شاريته غالي لونه اووف وايت بوديه عند وحده ابيها اتضيف عليه شرايط وشوارفسكي وبسوي المفارش نفس فكرة الكفر ونفس الألوان طبعا اووف وايت ابنفسجي فاتح وحتى لبس الأستقبال بسويه عندها طبعا انا بطلع موديله قبل لا اروحلها

 

[Na77olah]

ألوي حتى انا بعد ميته من الخوف تبون الصراحه انا ودي قيصريه خايفه حدي من الطلق على الأقل انا مجربه القيصريه من قبل بس الطلق ما جربته لوووووووول
الي قاعده احاتيه اخاف ايني الطلق واقعد يوم كامل اطلق ويعابلون فيني وبالأخير ما انفتح وايد ويسوون لي قيصريه هذا الي خايفه منه

 

[بنات حواء2]

هلا و الله حبيبتي Luxury اما قصتج مع البرتقال غريبه عاد و الله انا احبه مع الليمون عجيب و يمشي البطن و هو زين حق الحامل وايد و بنسبه حق التنزيلات صج حسافه بس اهم شي انج افتكيتي و قليتي عن نفسج هم شي على الاقل لحقي ختخلصين و بنسبه حق المشد الاندونيسي في اثنين بالمنتدى يبيعونه وحده ام عفاف الكويت ب 8 دك مع التوصيل و و حده في منتدى كويتيات عندها موضوع تبيعه ب 6 دك مع التوصيل ما ادري في فرق بينهم و إلا اثنينهم نفس الشي

و بالعافيه حبيبتي اغراض البيبي تلبسينه بالعافيه عليه
ما قلتيلي شقالولج بنيه و لا ولد

 

[بنات حواء2]

حبيبتي نحوله عليج بالعافيه اغراض البيبي و تلبسينه بالعافيه حبيبتي و بنسبه حق الكبابيس حتى انا ابي كبابيس غريبه بس ما تحصلين هني دورت بس ما لقيت تحصلين في المواقع ممكن لأنه اخوي كله يطلب حق اعياله من موقع امريكي ملابس حق عياله ماشاء الله اهمه ثلاثه توم و يو بعد فتره فغاليين عليه وايد

ملابسهم كله طلبيه بس و الله ما اعرف طريقته او شنو هلموقع

 

[بنات حواء2]

هلا و الله حبيبتي الزينه بنيه و لا الصبي كلهم خير من الله بس عسى ما جهزتي وردي و توهقتي ؟

 

[بنات حواء2]

يا بعد عمري miss_dala3 شكلج قاعده تحاتين وايد لا ارتاحي حبيبتي و ريحي بالج و نفسيتج ترى دكتور وايد زين حتى خالتي و رفيجتها دكتوره سكر كله عنده يولدون عنده و هو توه ياي السلام ما صارله فتره طويله
خالتي قالتلي راح يولدج طبيعي من غير ما تحسين بألم انا الحين بشهر الثامن و انشاء الله ادش شهري تاريخ 29 - 1 و قالي حدج اذا ما ييتين يفيج طلق راح اولدج بطلق صناعي تاريخ 2-3 ما يقدر يخليني اكثر من جذي

أصلن هو اذا تكلمتي معاه تحسينه عارف شغله و عارف إلي له و إلي عليه حتى انا كل ما اروحله اقوله انا خايفه من الولاده يوقلي شنو تخافين اصلن الولاده شي عادي انتي تقدرين تولدين نفسج وااااااااااااااااااااااااااااااااااااااااااي لمن قالها بققت عيوني
يقولي تقدرين تولدين نفسج من غر ما تحسين بألم قالي لا تحاتين معاي ما تحسين بألم الولاده لمجرد انا معاج في غرفة الولاده انتي راح تحسين براحه نفسيه انشاله و خالتي قالتلي انه عطاها ابر في الرحم من تحت تخليج ما تحسين بالجنين و هو يطلع بس تدفعين
و عندي موعد تاريخ 19 -1 ياي انشاله
انتي انشاله بأي شهر ؟ و متى موعد ولادتج ؟
و شنو قالج بنيه و لا صبي ؟

 

[بنات حواء2]

حبيبتي miss_dala3 نسيت اقولج انه محل لحظه من فضلك في المهلب تحت و في محل بالمهلب امس اختي يايبتلي منه ملا بس حلوه حق الصبيان روعه بالدور الاول ما تدشينه و الله ما ادري شسمه قالنلي قبال ستاربكس

 

[بنات حواء2]

حبيبتي البردانه ماشاء الله عليج اخبار التنزيلات ما نسأل احد فيها غيرج يعطيج ألف عافيه بعد عمري ما صرتي

 

[بنات حواء2]

هلا و الله حبيبتي دلوعه حياج الله معانه حبيت اقولج حق الصبيان تحصلين نفانيف حلوه حق الاستقبال في سرداب عيد النصار و في مره عندها مشغل بالدعيه تسويلج فكره وايد حلوه حق الاستقبال بدال ما تحطين الياهل بالجيس تحطينه على مخده على لون الكفر و مزين في الدانتيل و التورو الكرستال اذا حبيتي و لبس البيبي يكون طقم مع المخده تسويله نفنوف و كبوس وايد حلو و اتوقع بشي و عشرين جان ما خاب ظني ممكن ب 24 دك انا سويته تفصال مع كفري كامل
اخترت اللون البنفسجي مع الذهبي

 

[بنات حواء2]

حبيبتي Na77olah الجو راح يكون دافي و شوي مايل على لحر ترى احنه شتانه مو وايد انا انشاله اولد شهر 2 و ما خذيت شتوي خذيت ربيعي القطن الثقيل

 

[بنات حواء2]

هلا و الله حبيبتي الوي الكويت و انتي الصاجه انا بعد خايفه بس صدقني و من الثقل و عوار الضهر و التعب و الارهاق بنقول هذا العوار يهون
و بعدين لا تخافين و لا تزرعين الخوف بقلبج ترى الخوف يخليج تتوترين في الولاده لا خليج عادي و انشاله تولدين بسلامه يارب و يسهل علينه اجمعين

 

[بنات حواء2]

طبعن احنه مفتقدين استبرق وايد اضاهر انه بنتها مو مخليه عليها وقت بعد عمري انشاله عن قريب تدخلو تطمنه عنها و عن استبرق :tek:

 

[بنات حواء2]

يا بعد عمري الحامل الحزين انقطعت اخبارها كلش بنات عفيه الي يعرف عنها شي يقولنه لأه صج افتقدناها فجأه

حتى همسة ورد بعد كلش مالها صوت ياريت يبشرونه عنهم انهم بخير لأنه و الله قاعده احاتيهم فجأه قطعوا
انشاله ما فيهم إلا الخير يارب و عن قريب يشاركونه الحوار

 

[LUXURY]

نحوله
مشكوره حبيبتي
انا بشتري كبابيس بس العاديه لكن ابي شئ حلو وكشخه حق اذا ياني احد
والله بروح بامرهم واشوف
انا سابقتج انا آخر موعد لي 20-3
الله يسهل
انا بنيتي مقلوبه اساسا بس مو بالنص لا شوي مايله فهذا يسبب احتمال كبير اولد مبجر
الله يستر
بس صراحه اذا ولدت مبجر احسنلي ابي افتك
لا تحاتين الطلق اخذي ابرة ظهر وكمام وما تحسين بشئ
وحطي بالج على كفرج لا تودينه علبن بتحلينه ويخربونه لج اذا غالي بيحنرق قلبج عليه انا قمت احاتيه خخخخخخ



بنات حواء2
والله على قولتج الحمدلله عليها بالعافيه بنيتي (فيني بنت اجابة على السؤال الثاني لج)
والله ما احب البرتقال

تعالي الحين باخذ باذن الله كفر كله ذهبي وخاطري الذهبي مع البنفسجي بس مادري شسوي اهو من فوق مورد منه وفيه ومن داخل ساده وحلو مادري احط كوشيات وثرو بنفسجي علشان اركب اللونين اللي بخاطري والا يطلع هلاقه؟



الزينه
المهم سلامتج وسلامة البيبي مو مهم بنت والا صبي المهم الصحه والعافيه
بس عسا مو مجهزه لون بناتي خخخخخخ
يمكن تقدرين اذا شاريه تردينهم


دلوعه
لحظه من فضلك للبنات والصبيان على حد علمي

بردانه
والله بشوف اردهم والا ما يمدي بس عموما عليها بالعافيه بنيتي خخخخخخخ


واااااااي يا بنات لحقوني
وايد تعبانه واليوم زلقت على آخر دريتين ما طحت بس هبدت على الدريه الاخيره وانا واقفه يعني ريولي الثنتين نزلو مع بعض حيل وطقو على آخر دريه
البيبيه اوكي لكن ظهري وعزيزوي وريلي اححححح يعورون

 

[miss_dala3]

يا بعد عمري miss_dala3 شكلج قاعده تحاتين وايد لا ارتاحي حبيبتي و ريحي بالج و نفسيتج ترى دكتور وايد زين حتى خالتي و رفيجتها دكتوره سكر كله عنده يولدون عنده و هو توه ياي السلام ما صارله فتره طويله
خالتي قالتلي راح يولدج طبيعي من غير ما تحسين بألم انا الحين بشهر الثامن و انشاء الله ادش شهري تاريخ 29 - 1 و قالي حدج اذا ما ييتين يفيج طلق راح اولدج بطلق صناعي تاريخ 2-3 ما يقدر يخليني اكثر من جذي

أصلن هو اذا تكلمتي معاه تحسينه عارف شغله و عارف إلي له و إلي عليه حتى انا كل ما اروحله اقوله انا خايفه من الولاده يوقلي شنو تخافين اصلن الولاده شي عادي انتي تقدرين تولدين نفسج وااااااااااااااااااااااااااااااااااااااااااي لمن قالها بققت عيوني
يقولي تقدرين تولدين نفسج من غر ما تحسين بألم قالي لا تحاتين معاي ما تحسين بألم الولاده لمجرد انا معاج في غرفة الولاده انتي راح تحسين براحه نفسيه انشاله و خالتي قالتلي انه عطاها ابر في الرحم من تحت تخليج ما تحسين بالجنين و هو يطلع بس تدفعين
و عندي موعد تاريخ 19 -1 ياي انشاله
انتي انشاله بأي شهر ؟ و متى موعد ولادتج ؟
و شنو قالج بنيه و لا صبي ؟

بعد عمري والله ..
صج صج ريحتيني الحمدلله ..
انا سمعت انه كان بمستشفى الاحمدي .. طبعا مستواهم لا يعلا عليه انا اختي ريلها بال النفط وساكنه بالاحمدي كانت ولادتها هناك .. ارتاحت وايد ..
انا الحين متطمنة والله كنت كله اقول حق ريلي بغير الدكتور.. يقوللي لا مبين عليه خوش دكتور..
انا موعدي يوم 20/1
ادش التاسع يوم 24/1

موعد ولادة متوقع المفروض 20/1 ..
بس اللي تعبني من الدكتور انه كل مره كان يقوللي البيبي مو مبين نوعه
ليما وصلت السابع - جان انزل تحت اسوي سونار ثلاثي الابعاد
طلع ولد .. قوليلي ممكن السونار الثلاثي هذا يغلط ؟؟؟