اهم الشغلات إلي تجهزينها حق البيبي والمستشفى خل نستفيد

[nazek_q8]

الللي عندهم خبرة وجهزوا علموني انا اول مره وماعرف اجهز شكثر اخذ تبانات داخلية والبجامات الكاملة من نيو بور ومن 0-3 وشكثر اخذ حق المستشفى وجم مهاد حدي حايسة ام شريت اغراض واحس انهم شوية

 

[miss_dala3]

اختي بردانة ..

التبانات تاخذين تقريبا 12 اييون مجموعة كل 6 مجموعة على حسب المكان اللي بتاخذين منه ...
البجامات .. اذا ولادتج بالشتا .. يبيلج تكثرين .. يعني انا خذيت 5 وبزيدهم 6 الحين ..
بس لاتاخذين اللي مسكرين من الريول عشان ما تتقيدين فيهم اذا كبر البيبي شوي..
اخذي معاهم طقمهم الدلاغات .. انا خذيت كل بجامة مع دلاغها وكبوسها ودسوسها بعد ..
المهادات كافي 6 ...
يبيلج على الاقل 3 بدلات كشخه حق التصوير .. وحق اذا بيونج ناس.. وتبين تكشخين البيبي
يبيلج على الاقل صداري حق البيبي 6 مال الكشخة .. اللي خام عادي
و6 اللي يصير من ورا نايلون عملي اكثر حق اذا ماعندج ضيوف ...
ويبيلج 6 فوط مالت الكتف حق عقب ما تشربين البيبي الحليب

يبيلج جنطة اغراض البيبي + جيس البيبي اللي تحطينه فيه عن البرد لما تطلعين من المستشفى ...
تلاقين منهم طقم بلاند مارك .. ترا نوعيتهم حلوة انا خذيت من هناك ...
بالنسبة حق النيو بورن ..
اخذي بس قطعتين .. من كل شغله لا تكثرين ..
لانه النيوبورن بس حق اول 10 او 8 ايام ..
عقب تحتاجين من 0-3
انا خذيت كله 0-3 حسيت ماكو فرق بالحجم

مادري اذا خذيتي باقي سوالف اغراض البيبي اغراض الحمام .. وجنطة العناية .. والمميات .. المعقم .. سخان الحليب
قوليلي اذا عندج اي سؤال عنهم .. لاني خلصت من هالسوالف ..

انشاءالله اكون افدتج

 

[nazek_q8]

مشكووره miss_dala3

انا اخذت 2 تبانات داخليه نيو بورن و3 الكامل مع الكبوس والصدرية حق المستشفى اعتقد جذي كافي؟؟
واخذت 0-3 وايد يعني 7 تبانات وبجامات كاملة 3 وبعد بشتري..
مادري اخذ نفنوف حق فترة الاربعين او لحد ماطيح سرة الياهل اح احسن من البجامة او السروال؟؟
وشرايج انا سمعت وايد يقولون ان بضاعة لاندمارك حق التبانات والبجامات اكثر جودة من مذركير وماتوسع بالغسيل؟؟
ابي طقم كامل مهاد والحبل والنفنوف والكبوس والدسوس والدلاغ حق الاربعين من وين؟؟

 

[miss_dala3]

نسيت اقولج نفنوف احسن شي حق اول ايام البيبي اخذي على الاقل 6

بالنسبة لأغراض لاند ماز وايد حلوة فطن مضمون .. ومايختربون ويا الغسيل

المهاد وباجي الاشياء اخذيها من عيد النصار عندهم أشكال وألوان

 

[أم الزين و الحلا]

بنات حواء ممكن رقم المرة اللي بالدعية أو عنوانها

 

[Na77olah]

Luxury الحمدلله الله ستر ديري بالج مووقته وماتشوفين شر حبويه
بردانه لمن اتروحين سنتر بوينت او مذركير وانتي قاعده تتمشين فيه تتذكرين كل الي محتاجته واحسن نوع تبانات ماركس سبنسر

 

[LUXURY]

بردانه
انا خذيت اللي ايون 7 مع بعض منهم علبتين
والبجامات خذيت من اللي ست 3 مع بعض اخذت علبتين مادري 3 وباخذ من عيد النصار وسنتر بوينت
والست المهاد مع النفنوف والكبوس والربطه من عيد النصار اشكاااااال والوان
يبيلج عالاقل 8 انا باخذ 10 لان احنا علطول الياهل ممهد والياهل معروف وايد يوصخ ويستفرغ
الصدريات من مذركير اخذت ال5حبات بدينارين خذيت منهم2
والدلاغات نفس الشي 4 مادري 5 دلاغات بدينارين
يبيلج بدلتين او 3 كشخه
وقبعات لا تنسين عن البرد
الجنطه مع جيس البيبي طقم اللي حلوين فيهم تور والا دانتيل وشرايط من عيد النصار
في فوط اللي ايون مربعين صغار 5 او 6 مع بعض بعلبه مادري من وين بالضبط اكيد تلقين بكل مكان يبيع اغراض يهال اخذي علبه والا ثنتين احسنلج
التبانات كل من يقول لاند مارك احسن من الباجي
وتره ماكو فرق النفانيف والبجامات لان الياهل نتفه على ما يطيح سره يكون حجم الحفاظه عليه شوي كبير فيغطي السر
والسر ماياخذ وقت على ما يطيح
وكل شئ اخذيه من 0-3 اشهر النيوبورن ماينفعج

ان شاء الله مانسيت شئ

 

[LUXURY]

نحوله
اي والله الله ستر
بس ريلي البارحه الظاهر حلمان انه جاكي شان رفسني ذيييييج الرفسه على نفس مكان العوار واااااي الحين بس منسدحه وتعبانه حدي احس تكسرت
والمشكله انه ما يذكر عباله ابالغ ويضحك علي بعد خخخخخ

 

[OM_REETAG]

مشكورييييين بنات فعلا موضوع مفيد ومرجع مهم

 

[بنات حواء2]

هلا و الله حبيبتي Luxury ما تشوفين شر عسى ما تعورتي انشاله ما فيج إلا العافيه انا ذاك اليوم طحت مثل الطيحه بس الحمد لله الله الحافظ

و بنسبه حق الكفر ليش كله ذهبي ليش ما لونين يداخلون في بعض يعني يي ذهبي ف بنفسجي و دخلي عليه كوشيات بنفسجيه ساده اذا كان الذهبي وايد بالكفر

ليش ما تفصلين ؟
كربون البنات اموت عليهم

 

[بنات حواء2]

هلا و الله حبيبتي مسس دلع الدكتور كان يشتغل بلعددان و اضاهر بعدين راح الاحمدي و اكيد مستشفى الاحمدي ما ييبون اي شي كله دكاتره فاهمين و اكيد الاحمدي معاملتهم و ادويتهم ماكو عليها ما يبيله

و هو ما يقولج شنو في بطنج قبل لا يتأكد عشان لا تروحين تشترين و تتوهقين بالاغراض انا بعد قالي بالسابع لمن تأكد انه فيني ولد و بيني و بنيج ولد و لا بنت كلهم خير من الله و بنسبه حق الملابس كله اشتري الابيض و الاوفوايت لأنهم يركبون على الاثنين انا قالي صبي بس ما جهزت اللون الازرق لأنه ما ادري شنو ممكن يصير بعدها يمكن يتبدل عمومن حبيبتي الله يسهل عليج انشاله و تولدين بسلامه و لا تنسين تبشريني انا بنتظارج انشاله عقب ما تولدين لا تخليني احاتيج
موعدج و رى مو عدي يوم الاحد يصادف

 

[بنات حواء2]

حبيبتي bardana التبانات اخذي من سنتر بوينت من 0 - 3 يلبس الالمولود لي 6 اشهر الخمس قطع بدينارين و نص او و متين فلس
و البجامات اخذي 3 نيو بورن لأنهم بس حق اول 10 ايام بعدين الياهل بسرعه يكبر في الاربعين و اخذي بجامات و من 0-3 و لفات و قماطات و هسوالف

 

[بنات حواء2]

ام الزين و الحلا حبيبتي ادزلجياهم على الخاص

 

[بنات حواء2]

يا هلا فيج حبيبتي Om_reetag و حياج الله معانا و اذا عندج اي استفسار احنه حاضرين

 

[بنات حواء2]

بنات يبتلكم مجموعه اغراض مهمه من منتجات مذركير تحصلونهم في مذركير

هذي صورة شفاطه مالت الصدر يدويه يمدحونها وايد
و يمدحون ماركت بيجون مو جوده في الجمعيات و الصيدليات

 

[بنات حواء2]

و هذي صور صدريات من مذركير وايد حلوين كان ودي آخذ منهم بس خذيت نفسهم بيض لأنهم يتماشون مع كل البجامات بس بعد الاربعين بروح آخذ منهم

 

[بنات حواء2]

و هذي عربانه من مذركير وايد حلوه و فيا ميزات بس بضبط شنو ما ادري و سعرها ب 150 دك

 

[بنات حواء2]

هذ كريم حق إلي ريلها متورمه و على فكره ترى كريمات مذركير وايد يمدحونها

 

[بنات حواء2]

و هذا كريم مساج حق الصدر همن يمدحونه

 

[بنات حواء2]

هذا كريم للحلمه الجافه من مذركير