اهم الشغلات إلي تجهزينها حق البيبي والمستشفى خل نستفيد

[بنات حواء2]

و هذا نوعين من كمادات الصدر تحتاجونهم حق اول الايام عشان يدر الحليب بس ما ادري اذا تلقون منهم في مذركير او لأ بس اكيد تحصلون في الصيدليات

 

[بنات حواء2]

و هذي مخدات للرضاعه وايد يقولن عنها مفيده و اتوقع موجودين في مذركير

 

[بنات حواء2]

هذي ملابس داخليه للاستعمال مره واحده هذا إلي قتلكم عنه انه مفيده بذات حق المستشفى لأنه لبسه وحده و تغلينه و فيه 5 قطع في مذركير

 

[بنات حواء2]

هذي ملابس من مذركير حق الصبيان عاد انا احب الجنز حقهم

كربون الياهل إلي حاطينه يهبل ودي ابوسه لين اقول بس انشاله ولدي يشبه

 

[أم^مشمش]

اشلونكم بنات شخباركم مع هالبرد القارص ابيكم تساعدوني بشغلة ماعليكم امر بما انكم الحين اتجهزون حق ولادتكم بغيت اسوي كاكاو حق اختي لانها تولد شهر 2 وشفت تساند عند لاكشيت عجييييييييب بس وايد غالي اب 160 دينار وانا وحدة ماعندي معاش على الله وعلى الاعانة المهم الي ابيييه مكان يبيعون استاندات حلوه تصلح حق كاكاو علمووني من ويين غير بياع الورد لانه شفت ماحصلت الي ابيه عندهم وجراكم الله الف خير خواتي والله يسهل عليكم ياااااارب

 

[miss_dala3]

هلا و الله حبيبتي مسس دلع الدكتور كان يشتغل بلعددان و اضاهر بعدين راح الاحمدي و اكيد مستشفى الاحمدي ما ييبون اي شي كله دكاتره فاهمين و اكيد الاحمدي معاملتهم و ادويتهم ماكو عليها ما يبيله

و هو ما يقولج شنو في بطنج قبل لا يتأكد عشان لا تروحين تشترين و تتوهقين بالاغراض انا بعد قالي بالسابع لمن تأكد انه فيني ولد و بيني و بنيج ولد و لا بنت كلهم خير من الله و بنسبه حق الملابس كله اشتري الابيض و الاوفوايت لأنهم يركبون على الاثنين انا قالي صبي بس ما جهزت اللون الازرق لأنه ما ادري شنو ممكن يصير بعدها يمكن يتبدل عمومن حبيبتي الله يسهل عليج انشاله و تولدين بسلامه و لا تنسين تبشريني انا بنتظارج انشاله عقب ما تولدين لا تخليني احاتيج
موعدج و رى مو عدي يوم الاحد يصادف

اكيد راح اطمنج .. بس انتي قبلي بيوم ..
طمنيني انتي بالأول شراح يقولج الدكتور ..
بالنسبة حق نوع البيبي اهو كان يقوللي شتبين مو مهم اذا بنية والا صبي .. المهم السلامه
اقوله عشاه اعرف شنو اشتري..
بس لما وصلت السابع قلتله دكتور ممكن اروح اسوي ال فور دي.. قاللي اوكيه براحتك
قاللي انا ينفعني عشان اتطمن أكثر على البيبي في تفاصيل ما تبين معانا بالسونار العادي
قاللي انا عارف انتي بس تبين تعرفين بنت أو ولد
طمنتيني وايد ..

بغيت أسألج سؤال ماله شغل بالموضوع ..
وكل البنات لو يعرفون ..
انا حابة احط عندي بالبيت جهاز بخار بالحمام .. عندي حمام زيادة بالبيت ..
وبابه المنيوم .. اختي قالتلي ييبي جهاز بخار وطيحيله حمام مغربي بالبيت ..
راح تلقين عقب الاربعين .. دام انتي بالبيت وما راح تقدرين تطلعين الصالون الا اخر الاربعين
راح اخليها تييبلي الصابون المغربي والليفه وخلطات .. بحطهم داخل الحمام برف
بس ابعرف جم يطلع على جهاز البخار.. عشان اشتريه من الحين ؟؟

 

[أم عزيـز]

بالنسبه حق التجهيزات انا عن نفسي ما احب اسوي استقبال في المستشفى
لأن حزتها بكون تعبانه وحتى اللي يبون يزوروني راح يتقيدون لازم اييون في هاليوم
وغير جذي ما اقدر اخذ راحتي واسولف مع كل اللي يبي اييني في الاستقبال بالمستشفى

عشان جذي ما احب اخب روحي ولا افكر استقبال بالمستشفى
بس اغراش المستشفى تكون كفر شكله حلو مع جيس الكلينكس والكوشيات طبعا

واشتري حلو تقديم + معجبات تقديم صغيره

وجنطه المستشفى للبيبي فيها (تبان داخلي 3 + مهاد 3 + ملابس طباقي كامله 3+ سدريات ما اتقيد بالعدد يعني تقريبا 5 او 6 + وكبوس حق راس الياهل على لون ملابسه + شال حق البيبي خاصه في فصل الشتا)

وطبعا جنطتي فيها (3 ملابس استقبال للمستشفى اللي تصير من بره ستن ومداخل قطن (انا احب البيجامات اكثر من الدراعات) + ستيانات الرضاعه + ملابس داخليه + كوتكس طبعا + وشورت استرج مثل الدلاغات الشفافه لبسه وحده + وطبعا مشط + كريم جسم + معجون أسنان وفرشة أسنان + فوطه ) طبعا هذا اهم الأشياء

وبالنسبه للمشتريات المهمه للبيبي
سرير البيبي
ملابس داخليه طباقي (تبان) وطبعا كثري منهم لأن وايد راح تستهلكينهم
سدريات
ملابس قطن او مخمل اذا في فصل الشتا كامله للبيبي
مهادات
كبوس
كيس البيبي تحطين فيه البيبي اذا كنتي تبين تطلعين معاه
رضاعات + فرشه لغسل الرضاعات
كفر لسرير البيبي
جنطه لملابس البيبي (طبعا حق الطلعه)


===============

بالنسبه للأم :
ملابس للاستقبال (تكون ستن ومن داخل قطن)
ستيانات مريحه لرضاعه
ملابس داخليه قطن
حزام شد ترهل بعد الولاده او كورسيه (تلقونه بالصيدليه وفي سنتر بوينت)
كفر للمستشفى للي يحبون استقبالات المستشفى

==============

كاكاو البيبي وطبعا في اماكن وايد بالكويت حق هالسوالف
حلو تقديم
ومعجبات تقديم
وسكر تقديم


هذي اهم الشغلات والباجي اتوقع معروف وبسيط يعني ماراح تتعبون وانتوا تدرونه
مثل الشامبو وكريم الجسم للبيبي وكريم لمنطقه الحفاظات ورغوه الحمام للبيبي ومشط البيبي ومقص خاص لأظافر البيبي
وهالشغلات الصغيره كلها موجوده بالجمعيات ومتوفره في كل مكان )

واحسن الماركات بالنسبه لي سيباميد وبيبي جونسون
واتمنى اني ما اكون طولت عليكم

 

[miss_dala3]

وطبعا جنطتي فيها (3 ملابس استقبال للمستشفى اللي تصير من بره ستن ومداخل قطن (انا احب البيجامات اكثر من الدراعات)

ام عزيز ..
يعطيج ألف عافيه على الشرح الحلو ..
بغيت أسألج .. شنو قصدج بيجامات ؟؟
يعني بنطلون .. مو دراعه والا شنو ..
لاني انا وحده ما احب شي اسمه دراعه ..
ومن وين الاقي منهم وبجم تقريبا أرجوا الرد ..

 

[nazek_q8]

أم عزيـز

مشكووورة بصراحة هذا اللي ادور عليه شلون اجهز جنطة المستشفى حقي وحق البيبي

 

[nazek_q8]

LUXURY
Na77olah
miss_dala3

يعطيكم العافية.. وايد استفدت من خبراتكم

 

[miss_dala3]

افا عليج بالخدمة ..
بردانة ما تعرفين بجم جهاز البخار .. مال الحمام المغربي ..
ابي احط واحد بالبيت عندي حق الاربعين اشتغل عمري عدل

 

[SweeTa_4ever]

قوه بنات شلونكم؟ مشكووورين وااايد استفدت منكم الله يعطيكم العافيه :** بس حبيت اسألكم من وين اييب نفانيف الستان للنفاس ابي حلوين وسعرهم مقبول رحت الطاهر وانور كلهم على 100 وشي اشدعوه :lkmnkl:انا باخذ وايد جم بيطلع ممكن اتفيدوني :080402ask_prv:

 

[أم عزيـز]

ام عزيز ..
يعطيج ألف عافيه على الشرح الحلو ..
بغيت أسألج .. شنو قصدج بيجامات ؟؟
يعني بنطلون .. مو دراعه والا شنو ..
لاني انا وحده ما احب شي اسمه دراعه ..
ومن وين الاقي منهم وبجم تقريبا أرجوا الرد ..

الله يعافيج حبيبتي
شوفي حبيبتي البيجامات يعني قطعتين بنطلون وقميص طبعا
انا شريت من سوق المباركيه في محل يبيع دراريع وبيجامات لنفاس يم الرصاصي للعطور
واسعاره حلوه وايد في شي 15 وفي 14 وحتى يبيع النعال (كرمج الله) خامتها مثل الدراعه الستن وسعرها ب7 دنانير واللي تبيع وحده هنديه بس حبوبه وايد وروحها حلوه
شغلاتها وايد حلوين والألوان فاتحه تينن

انا اخذت اوف وايت وبيج واخذت بنفسجي فاتح
من بره ستن ومن داخل قطن وحتى الموديلات والقصات وايد روعه ان شاء الله يعجبج
وفي موديلات مخصوصه لرضاعه فيها تفحات صوب الصدر علشان الرضاعه

أم عزيـز

مشكووورة بصراحة هذا اللي ادور عليه شلون اجهز جنطة المستشفى حقي وحق البيبي

حياج الله حبيبتي
وحاظره لأي سؤال او أي استفسار

 

[أم عزيـز]

قوه بنات شلونكم؟ مشكووورين وااايد استفدت منكم الله يعطيكم العافيه :** بس حبيت اسألكم من وين اييب نفانيف الستان للنفاس ابي حلوين وسعرهم مقبول رحت الطاهر وانور كلهم على 100 وشي اشدعوه :lkmnkl:انا باخذ وايد جم بيطلع ممكن اتفيدوني :080402ask_prv:

حبيبتي سوق المباركيه يم محل الرصاصي للعطور
من الفترينه راح تعرفينه شغلها وايد حلو
دراعات وبيجامات لنفاس والألوان روعه وناعمه
من بره ستن ومن داخل قطن في عنده دراعات لرضاعه مخمل ودافيه
انا خذيت ومحده والباجي بيجامات لأني ما احب الدراريع وايد
بس تره عنده درارييع تينن

طبعا السعر في على 15 وفي على 14 يعني مو غالي

وعلى فكره بعد في عندج مجمع النقره الجنوبي في محلات تبيع هالسوالف

 

[SweeTa_4ever]

مشكووره ام عزيز ماقصرتي بس حبيبتي سوق المباركيه كبير اي صوب المحل بره وله داخل بالسرداب وشنوو المحلات الي يمه ؟

 

[miss_dala3]

الله يعافيج حبيبتي
شوفي حبيبتي البيجامات يعني قطعتين بنطلون وقميص طبعا
انا شريت من سوق المباركيه في محل يبيع دراريع وبيجامات لنفاس يم الرصاصي للعطور
واسعاره حلوه وايد في شي 15 وفي 14 وحتى يبيع النعال (كرمج الله) خامتها مثل الدراعه الستن وسعرها ب7 دنانير واللي تبيع وحده هنديه بس حبوبه وايد وروحها حلوه
شغلاتها وايد حلوين والألوان فاتحه تينن

انا اخذت اوف وايت وبيج واخذت بنفسجي فاتح
من بره ستن ومن داخل قطن وحتى الموديلات والقصات وايد روعه ان شاء الله يعجبج
وفي موديلات مخصوصه لرضاعه فيها تفحات صوب الصدر علشان الرضاعه

مشكورة والله .. بس قوليلي همن البجامات ستان .. ومن داخل قطن ..
ومنها ألوان البيج والبنفسجي الفاتح .. والا بس الدراعات

قوليلي بعد معاهم روب والا بس جذي عاديين

 

[nazek_q8]

miss_dala3 لا والله ماعرف جم بس بطلي الوسيط تلقين منهم ودقي

بنات ترى اليوم تنزيلات سنتربوينت الري وحولي لاحقوا كملو باجي جهازكم

 

[أم عزيـز]

مشكووره ام عزيز ماقصرتي بس حبيبتي سوق المباركيه كبير اي صوب المحل بره وله داخل بالسرداب وشنوو المحلات الي يمه ؟

شفتي عماره اولادنا ؟ وراها بالضبط
وراح تلقين بسطرته الرصاصي للعطور والبخور ومحلات يبيعون ملافع وعبي
مافي غيره يبيع ملابس نفاس يعني مميز

مشكورة والله .. بس قوليلي همن البجامات ستان .. ومن داخل قطن ..
ومنها ألوان البيج والبنفسجي الفاتح .. والا بس الدراعات

قوليلي بعد معاهم روب والا بس جذي عاديين

اي حبيبتي من بره ستن ومن داخل قطن والبيجامات في منها كل الألوان بيج وأوف وايت ووردي وبنفسجي فاتح واتوقع في ألوان فاتحه ثانيه بس ماني ذاكره شنو بالضبط
بس ماشفت عندهم ارواب صراحه بس دراعات وبيجامات بس شغل مرتب وناعم

 

[أم عزيـز]

miss_dala3 لا والله ماعرف جم بس بطلي الوسيط تلقين منهم ودقي

بنات ترى اليوم تنزيلات سنتربوينت الري وحولي لاحقوا كملو باجي جهازكم

والله ؟

عاد انا اول أمس رحت سنتر بوينت مافي تنزيلات مع اني قبل 10 ايام بالضبط شفت خوش تنزيلات اكثر من 30 % وجهزت شغل البيبي كله من اللي عند الأوقاف

زين والله اذا التنزيلات رجعت مره ثانيه خل اروح الحق اشوف شنو ناقصني
مشكوره يا قلبي على المعلومه ما قصرتي

 

[SweeTa_4ever]

مشكوره حبيبتي ام عزيز انشالله اروح وشوف وانشالله القى وفتك