اوووووووووله 3 دنانير خدمه توصيل !!!..ليش وشحقه وحق شنو ؟؟

[الصعيريه]

انا عن نفسي ياكثر مااطلب وعاادي ادفع فلووس المندوووب شسوي بعد...

 

[LuLiTa]

اي و الله صاااجة ,,,,, هالشغلة اتصير معااي يعني تلقين بضاعة سعرها حلوووو و رخيصة بدينارين و لا دينار و نص ,,, بس اتكووون خدمة التوصيل على 2 و 3 !! يعني دبل سعر البضاعة !!! و كل هذا و انتي مو معاينة البضاعة فيي الواااقع !!!فبالتالي اتهونين ,,,

ف اذا تبين تشترين اكثر من شغلة من كذا تاجرة تلقين رووحج دافعة فوووق العشر دنانير بس حق خدمة التوصيل !!! يعني مو حرام ؟؟ انتي خوو فلوس مو لاقيتها بالشارع ,, ف الارخص يا انج تنطرين المعارض و لا اتمرين التاجرة بنفسج ,, و هالعشر اتصير بانزين حق سيارتج شهر كاااامل,,,,اهووو صحيح انه فلووس التوصيل اتكوون للمندوب مو للتاجرة ,,, بس الجيب اللي راح يحاسب و يدفع كل المصاريف اهوو جيب المستهلك ,,,,

و اللي تبي مندوب انا مستعدة اصير لها مندوب و التوصيل على دينار و دينار و نص

 

[((الزين))]

ممكن اشارك بالرد والا ممنوع لانى تاجره
حبيبتى اول شى وللتوضيح انا ما عندى مندوب
حق طلباتى ولا سايق وانا بنفسى اوصل
والله العظيم ان تعب ولويه وتعالى دورى البيت
بس اذا عندى مثلا شى ب6دنانير اقول ما يسوى
اخذ منها توصيل3 حرام بيطلع عليها9
ويكفى اذا وصلته لها وقالت مشكوره ويعطيج العافيه
هذى عندى كبيره وتسوى وايد
وانا مره اتفقت مع سايق يوصل حبوب حق وحده بالجهرا
وكنت متفقه معاها ان سعر التوصيل دينار
ولما قالى باخذ3 قلت له توكل على الله ورحت بنفسى اوصله
ولما طلعت الخدامه رجعت لها الدينار والبنت معانا بالمنتدى
بس اذا انا ظروفى تسمح لى اوصل غيرى لا حبيبتى
يعنى تتفق مع مندوب ويحدد اهو سعر التوصيل واهى مو مستفيده
وبالنسبه حق البنات اللى حرموا يطلبون من المول والسبب الغش
حبيبتى ترى لو خليت خربت والناس مو واحد يعنى
الزباين اللى يمرون علي اشكال وارناق والتاجره بشر
بتشوفين الزين والشين منهم ولا تهقين ان اللى تغش الله بيوفقها
كافى دعوة مظلوم عليها صح والا انا غلطانه؟
واسفه قرقت وايد بس حبيت اوضح لكم مو اكثر

 

[miss mama]

لاااااا والهبه الجديده الحييييييييييييييييييييييييين تكتب موضوع طوول بعررررررض وكل شي اوكي وتمااام والتوصيل تقووووول فلووووووووس مندوووووووووووووب واخرته اهي الي موصله الطلب !!! ..زين شحقه تاخذين فلوس توصيل وكاتبه انه مندوووب ةاخرته بنفسج عند الباااب !! بروحه المنتجات هني سعرها مو عادي فوق المتووسط بشوووي يعني اوكي جزاها الله خير بس مو لهالدرجه صراحه حتى انا بديت ابطل من شغل المنتدى انا شكثرررررررررررررررررررررر طلبت واستغربت من هالشي ..لا وساعااات المندوووب لي صار بدون ولا من عيالناا المراهقين يجي بقمة قلة الادب شوي ويدش يكفخج في بيتكم اذا تاخرتي دقيقه وخليتيه ملطوع برره شهالاخلاق مو كافي بدفع لك زحير 3 دنانير واخرته نفس شينه ويسد الخطط بوجه الزبووونه !! قططططع لووووووووووووووووووووووووووول


لازم نسوي حمله للا للمندوووووووبين لا لل 3 دنانير هههههههههههههههههههههههههههههه

 

[đeɱɛɼɑ™]

مآ ادري اشوف سعر معقول 3 دنآنير
يعني هالمندوب هذي شغلته اكيد بيترزق الله منهآ ..
واذا البنزين مآ يآخذ دينآر توصيل < ولو اني اشك!
انزين اهوه تعبه وشقآه يهآيل من منطقة ليه منطقة مآلهآ اجر ؟!

 

[زي العسل]

صح فعلا الشي هذا يحر موسالفة فلوس او شي لا بس الطلب يكون مايسوى وازيد عليه يطلع غير سعره مره طلبت حبوب انا لو مومحتاجتها ماطلبتها وادري سعرها بمصر رخيصه طلعت علي 8ونص شدعوه ولا ساعات تقولج المندوب ويطلع زوجها واقف عند الباب وكويتي واخذ التوصيل 3 بس الواحد شيقول

 

[متفائله بلا حظ]

شرايكم اني اتصلت على وحده ابي اطلب منها شغله قالت التوصيل بـ 5 دنانير

تقولي انتي بعيده

هذا وانا في هديه عيل لو في ام الهيمان بجم ؟؟؟؟

 

[tmtmt]

مادري يعني ياليت قبل لا تكتبون الموضوع تكوونون عارفين شسالفه

المنوب اهوا الي ياخذ فلوس التوصيل واهوا الي يحدد ...

اول شي كل تاجره وطريقتها وظروفها ..

يعني مثلا انا .. احط 3 طرق للزبونه واهيا تختار
وما تختار الا المندوب

1- توصيل المندوي يا 2 دينار للقريب والجهرا 4
2- ادز سايقهم ياخذهم .
3- ما عندها سايق تمر اهيا باي وقت تاخذهم

وكللهم يقولون مندوب ...

يعني السالفه مو غصب الي ما تبي تدفع زياده خل اتيي اخذ غرضها بتفسها

 

[دراما كوين]

انا اشووف ان التاجره اهي اللي لازم تتحمل فلوس المندوب ... شدعوه كل طلب بدينارين والا 3؟؟؟؟؟
لا وفي بعض التاجرات اللي يبيعون بضايع غاليه يعني بالخمسين وفوق مثلا تلقينها حاطه فلووس للتوصيل بعد؟؟؟ظ شدعوه ؟؟؟؟؟؟؟؟

وانا صارت فيني بعد ان التاجره وصلت الطلب بنفسها وخذت فلوس التوصيل
وصارت لي بعد ان تاجره وصلت الطلب بنفسها بدون لا تاخذ فلوس التوصيل

 

[Gulf Spice]

اللي معندووووش.. ميلزمهوووش

 

[أمـــــل]

بنات بقولكم شىء ليش هاللويه انا بحكم انى تاجره واول مره ادش هالقسم
الحل بسيط جدا ومايحتاي لاي شىء اذه احد يبي يطلب من تاجره تقولها انا ايي اخذ طلبي وبجذى لا تدفعين لمندوب

وبعدين مالنا شغل بفلوس المندوب هو يحدد
اسمحولى بقولكم شغله وايد مهمه يقدرون تاجرات مايبون سيرت المندوب ولا فلوس ولا اى شىء بكل بساطه تحسب فلوس المندوب من شغله وبدون ماتقولكم بس فى اغلب التاجرات ضميرهم مايسمح لان يسمونه الضحك ع ذقون التاجره اللي تخاف ربها تقولكم يا عزيزتى ترا المندوب كذا ياخذ عشان توصيل هذيج الساعه انتى حره تقبلين او ترفضين وتعالى بعمرج وماكو احد من تاجرات تعارض هالشىء لان من حقج
وبعد عندى نقطه مهمه المندوب يا خذ 3 الى 2 دك مو وايد انا اقولكم ليش لان اذه للعنوان يبيله نص ساعه بس اذه مواكثر يفتر يلا يحصل العنوان وبعدين هى بديرا او بجهرى والزبون بام الهيمان وكرت التلفون يدق ع زبونه كل اشوى يعنى هالشي مايكلف وهو مسجين
ولكن ارد واقولكم سالفه المندوب هذى من حقج ترفضين او تقبلين
تذكرت شغله للعلم فقط ادري راح تقولون شكو بامريكا
بامريكا اذه تبين تشرين شغلتين من نفس المكان
الشغلتين يحطونها لج بطلبين هذى بروحى تكلفتها اقصد فيها الشحن من المكان اللي شريي منه لين عنوانج بامريكا فهمتوا
والغرض الثاني مثل مثل يعنى شغلتين مثل مثل كل وحده بروح شفتوا اشلون
اكرر راح تقولون شكو بامريكا بس انا قلت للعلم فقط

وسلامتكم واسفه ع القرقه


تحياااتى

 

[pretty sarona]

صاجه احنا مو عايز علينا 3 دنانير بس كلش اللي قاعد يصير لاهو تجارة ولا شي استغلال لا اكثر ,, يعني لو التاجره نفسها تتعامل مع المندوب و تدفعله شهري و تزيد من سعر السلعه نفسها مبلغ بسيط اوفر , منها ان السعر يكون شامل و منها انج ما تدفعين مرتين

 

[غلاي غير]

انا ما عندي مانع بفلوس التوصيل بس بعض المندوبات الله يهديهم
بس الي يبط جبدج تحطلج صوره تهبل وتنصدمين بالواقع
واهم شي ماترجع الطلب عارفه بضاعتها لووووووووووووووووعه الله يسامحها
ومره وحده شريت منها عبايتين يهبلون بالصوره ولما وصلني المندوب وراح اكتشفت انهم مستعملين وطبعا ماترد لا اهيا ولا المندوب
شقول يعني الله يسامحهم

 

[غصن الغلا]

انا ما عندي مانع بفلوس التوصيل بس بعض المندوبات الله يهديهم
بس الي يبط جبدج تحطلج صوره تهبل وتنصدمين بالواقع
واهم شي ماترجع الطلب عارفه بضاعتها لووووووووووووووووعه الله يسامحها
ومره وحده شريت منها عبايتين يهبلون بالصوره ولما وصلني المندوب وراح اكتشفت انهم مستعملين وطبعا ماترد لا اهيا ولا المندوب
شقول يعني الله يسامحهم

هذي عاد قويه حيل مستعملين الله اكبر

 

[ام العبايه]

الحين مو بس التاجرات حتى اعلانات جرايد الاعلانات التوصيل دينارين ............ وين خدمة المنازل والمدرسين اجره المواصلات روحه ورده عليج مدرى ليش ................

 

[*بسبوسه*]

خل نطالب ادراة المنتدى توفر مندوبين خاصين باسعار معقوله

احنا اصلن لازم نسوي لنا مجلس امه كويتيات

يناقش قضايا المنتدى المتعلقه بنفس هالامور

شرايكم

 

[أم حمد =)]

الي يغث ان اكو اشياء تنباع بجمعيتنا او قريبه يمنا عيل اروح بو10 دقايق اشتري انا احسن ..

 

[:: Diva ::]

عندكم مندوب ول ا تاكسي ارخص ؟
والله ما عندنا مانع

و الاحلى ان لج مطلق الخيار انتي تمرين ولا تطلبين المندوب
بس في بنات تواعدج و ترقصج اسبوع و بالاخير تكنسل طلبها ولا تطلب مندوب !!

و البنات الي قالوا التاجره اهي المندوبه
ترا في مندوبات كويتيات و اشكالهم رزه يعني لا تحطين بذمتج
و الي قالت المندوب كويتي اوكي ممكن بس الي تعاملت معاهم بدون هل شفتي بطاقاتهم المدنيه علشان تقولين زوجها ؟

عجب !

 

[بمبة المفترسة]

3 دنانير هينة في ب 5 دنانير
غير البضايع اللي اسعارها مبالغ فيها تلاقينها بالسوق بدينار ويبيعونها بعشرين
صراحة انا ما ابد ما افكر اشتري منهم لانه كله غش بغش

 

[um_yoyo]

شلونكم بنوتات

بالنسبه للخوات الي يقولون نبي نصير مندوبات و ياخذون دينار او دينار و نص انا اتحداكم اذا اتحملتو يوم:eh_s(1): انا اقولكم ليش لان المنتدوب يتصل و ياخذ موعد ويورح و الاخت تقوله اوه انا طالعه الحين ارجع بعدين او ويي ما عندي فلوس الحين او كاني بالطريج و تلطعه ساعه و يفتح الباب زوجها او اخوها و يحذف الاغراض و يقول ما نبيهم !!! يعني بلاوي بلاوي

المندوب ياخذ دينارين او 3 حاله حال التكسي لان روحه و رجعه

و الي يضحكني صج وحده تطلب مهاد ب 50 و تستغلي دينارين للمندوب !!

ارد واقول اغلبيه التاحرات و انا منهم التوصل للمندوب مو داش بجيبهم شي و بصراحه ما اقدر اوصل بنفسي مو فاضيه ولا لي خلق وما اقدر اوصل 30 طلب باليوم و بوقت معين

و انا معاكم ساعات تاجره توصلي الطلب بنفسها و تاخذ دينارين صج اضحك بس بغصه ! :tomato2:

و ترى الشغله نفسيه يعني انا كنت ابيع الجناط ب 25 و توصيل مجاني و الحين ب 23 و توصيل دينارين صبى حقنه لبن :ggdw::ggdw::ggdw: