اختي تقولين المشوار يكلف نص دينار .
طيب تعالي استلميه من بيت التاجره او مكان تحدده لج التاجره .
ترى والله صارت معاي تطلب بام الهيمان واذا قلنا لها سعر التوصيل تقول الله شدعوه الطريج كله نص ساعه .
اذا تشوفينه نص ساعه تعالي استلمي من القادسيه .
تقول لا والله بعيد علي .
طيب اذا تشوفينه بعيد عليج عيل مو بعيد على المندوب .
لا وهذا غير بعض الزباين الي يلوعون جبد المندوب ، تنقعه بالشمس نص ساعه وبعدين تطلع تقط الفلوس بوييهه كانه طرار .
المهم بعض الي نتعامل معاهم احيانا يطلعون بطلب واحد بس .
شوفي المشوار يستلم الطلب من القادسيه ويوصله مثلا على ام الهيمان او الجهراء ويرجع مره ثانيه .
تبونه يوصل على ربع دينار .
وتقيسين المطاعم بالمندوبين .
المندوب احيانا يطلع لج على طلب واحد .
لكن المطعم بالغالب له اكثر من فرع ( خصوصا الوجبات السريعه )
انتي اليوم تطلبين وبيتج بالقادسيه مثلا ما يطلعون لج الطلب من الفحيحيل يطلعون الطلب يا من نفس القادسيه او من الدعيه والمناطق الي حوالين منطقتج .
وفرضا طلع من الفحيحيل ما يوصلج طلب على دينار ونص دينار اقل شيء يبيج تطلبين 10 دنانير .
ومع هذا اغلب المطاعم عندهم سيارات صغيره وما تصرف بنزين وايد وما يطلعونها الا على الطلبات الكبار .واهني اهم كاسبين من وراج .
والطلبات الصغيره يطلعونها لج بالدراجات
وعاد يطلع معاج 4 و5 طلبات ما يطلع على طلب واحد .
وعموما بامكانه الزبونه ان تسال المندوب جم تاخذ على هلـ مشوار ؟ وتشوف شنو رده ؟ هذي للي تشك فينا ان احنا الي ناخذ فلوس التوصيل .
وعموما بالنهايه رضا الناس غايه لا تدرك . ندفع من حسابنا ؟ بالله سلعه كل سعرها نص دينار بدفعلج جم دينار حتى توصلج لـ منطقتج ؟؟؟؟؟؟
وفعلا الي عندها توصيل رخيص تكتب الرقم .
في وحده تقول ان لجميع المناطق التوصيل بدينار ونص .
والله اني اتصلت عليها استغربت من اسعارها .!!!!!! وشروطها .
واحنا بعد ما نقدر نحط بضاعتنا عند كل شخص على ان اسعاره رخيصه وبعدين يطلع حرامي خو ما عندنا ممسك عليه .
وسلامتكم .
