اي احد يقول لي الله يعوضج احس يجرحني

[katkoota90]

السلام عليكم



بنات انا اجهضت والحمدلله على كل حال

بغيت اسال اللي مرو بتجربتي


انا حيل واثقه من نفسي و واثقه بربي ،، ان كل شي يختاره لي حلو و خير لي



و ادري ان اللي صارلي شي طبيعي يصير مع وايد بنات




بس نفسيتي صففففررر اي احد يقول لي الله يعوضج ابجي ودموعي اربع اربع و انجرح حيييييل


و خاطري مكسوووووووور حيييييل




مع اني مقتنعه اميه بالاميه وراضيه باللي صار




هل هالحاله صارت لكم ؟؟؟ وللا بس انا !!

اللي تقرى موضوعي تدعي لي ان الله يجبر خاطري بالراحة النفسية و يبعد عني الضيقه ،،

 

[sosowaty]

و عليكم السلام

اهلين حبيبتي

انا اجهضت من قبل

و الكل قالي الله يعوضج

بالعكس كنت استانس لان دعوة حلوة

ليش تنحرجين هذا شي مكتوب و انتي مو اول وحده و لا اخر وحده

و لا شي يفشل و يحرج و لا اهوه عار

بالعكس المفروض تكونين مستانسه ماتدرين شكثر الله يبيلج الخير

و عسا ان تكرهو شي فهو خير لكم

و قوي ايمانج بالله

و عسالله يعوضج << يلا فرحي

 

[زين ودلال]

عادي حبيبتي طبيعي اللي تمرين فيه

الاجهاض حتى لو بأول الحمل يعور القلب

انا جربت الاجهاض

من شفت الدم قام يزيد قلت خلاص هذا اجهاض اكييد

بس عشان اتطمن اكثر رحت الطبيب واول ما قالي دا اجهاض قلبي عورنيييييييييي حيل وقعدت ابجي غصبن علي ونفسيتي تعبت

بس الحمدلله ربي عوضي وكل شي خيييييييييره الحمدلله

اهم شي انتي لا تخلين الفوليك اسيد

 

[غلاي خليفه]

هلا حبيبتي



الحمد لله خيره لج
اذا انتي واثقه من ربج خلاااص
ولاتكرهوو شيئا وهو خير لكم

انتي حملتي وسقطتي يعني الحمد لله مااعندج مشااكل تحملين

غيرج مااااااحمل كللش ادعي ان الله يكتب اللي فيه الخير

 

[Zaina-al-zaina]

حبوبه ريحي ولاتشيلين بخاطرج

اللي تولد ولاده عاديه ييلها اكتئاب نفاس !!
وتتعب وتبجي وحالتها حاله مع ان البيبي يمهااا !!!

فما بالج انه البيبي مو عندج ؟؟؟ الله يعينج ريريح بالج !

نصيحه فكري باشياء حلوه وتذكري كل شي زين ويونس !
وقعدي مع ناس ينسونج همج !!!

ويارب تحملين احلى حمله وتيبين احلى نونو 

 

[مناوووي]

وعليكم السلام



هلا حبيبيتي

هذا الشيطان يوسوس لج

لاتخلينه يأثر عليج

اغلبيه بالاستغفار وذكر الله

بت

 

[ELFAD3Ah]

ميخالف حبيبتي عادي شعور طبيعي خيره واهم شي تحمدين ربج في هالوقت هذا اختبار من رب العالمين والله يهون عليج ويرزقج بالي تتمنين يارب

 

[ناتشوو]

هاها
ترى انا مو عديمة احساس
بس ذكرتيني باللي مضى
جربته اكثر من مره
ومريت باكتئاب
اللي يشوفني يقول ميت لها ولد كبير
والحمدلله الله عوضني
والحين ادور فرص علشان انخش عنهم
يابنت الحال تعوذي من ابليس
واحتسبي الاجر
ودائما وابدا
خليج قوية متماسكة
شوفي مصايب غيرج وقولي الحمدلله
لاتضيعين ايامج بحزن مو ضروري
وحاولي تشغلين نفسج هالفترة
بالعكس اللي يدعيلج
ابتسمي وقولي امين
لعلها تكون ساعة استجابة
بس حاولي ماتكونين ضعيفة جدام الناس
تبجبجين
ابجي واناي بروحج
والايام تنسيج

 

[rana91]

عادي حبيبتي و انا أقولها لك الله يعوضك يااا رب ^^
أكيد أكيد خير الك
و يا رب كمان تسع شهور يكون عندك و عندي.
كتكووووووووت زغنووووووووووون يااااا رب <<<انا متفائلة في هذا الشهر

 

[اخت خالتهم]

انا مرين فيها مرتين والله يعوضني
لا تحملين بسرعه نطري شهرين يتقوى الدم


وعادي هذي الهرمونات تلعب بنفسيتج
الله يرزقج

 

[*ضيفة*]

حبيبتي مريت فيها مرتين وصعبة لكن الايام تنسي وعلى قولة ناتشو كلامها جدا عجبني لا تضيعي ايامك الحلوة بحزن مو ضروري وان شاء الله ربنا يعوضك توأم سليم معافى وقريبا جدا يارب
وكلمة ربنا يعوضك بالعكس دعاء حلو ويارب ب هالايام الفضيلة يكون عوضك كبير واحلى ما تتمنين يارب
المهم سلامتك ونفسيتك

 

[احلى ديما]

لا ياقلبي.لا تفكرين جذي الحمدلله حملتي وبتحملين بعد بأذن الله ادعي ربج هالايام ماتتعوض

 

[جـــواهر]

ع الاقل عندج امل يعني فيج نسبة حمل احمدي ربج
شتقولين عن اللي تتمني بس نسبة حمل لو واحد بالميه
حبيبتي حمدي ربج واحتسبي الاجر خيره من رب العالمين

 

[-فلانة-]

عادي يا غالية هذي الهرمونات لاعبة بنفسيتج..
عسى ربي يجبر بخاطرج و يفرحج عن قريب و يرزقج باللي تتمناه نفسج..​

 

[عسل حدي]

بقولج ياها الله يعوضج خير
والله يعوضج خير
والله يعوضج خير يارب
والله يعوضج خييير وبتدشين تبشرينا قريب يارب قولي امين

 

[beauty rose]

حبيبتي اللي صارلج صار حقنا كلنا و هذي خيره اختارها ربي

و بجينا ليما قلنا بس و حملنا عقبها و فعلا ربي عوضنا ربي لك الحمد خلي املج بربج كبير

انا ما اجهضت ،، انا وصلت لي الشهر الثالث و مستانسة مافيني شي و يوم رحت راجعت قالت لي الجنين ميت ببطنج :|
ما حسيت بأي الم و رحمي مسكر مافيه شي ! بس شنو ؟ حكمة الله ، الله مو كاتب لهالجنين يعيش
الله يكتب للانسان متى يحيى و متى يموت ، مابيدنا شي غير الدعاء

تخيلي لمة مات ببطني و سويت تنظيفات شقولون لي ؟ يقولووون ايي ضعيفة رحمها ضعييف ما يستحمل و ما اللي تقول فينا بلاوي

شسويت غير الدعاء و العبادة ؟ و ربي رزقني بدال الواحد اثنين توم سبحاااااااان الله و الله يعلم اني ما كنت مخططه لهالشي ربي لك الحمد و الشكر

و اللي قالت عن رحمي ضعيف ؟ انبطت عيونها ! و عبالج بتسكت ؟ بتقول اي راحت عالجت عشان تحمل هههههههههههه

حبيبتي اجهاضج هذا بمر ريحي نفسج جم شهر و بتحملين ان شاء الله و ان شاء الله ربي بتمملج على خير و بتشوفين عيالج يركضون حوالينج و بتنسين اللي راح

لا تعورين قلبج .. تقربي من الله بهالوقت صدقيني دموعج الصادقة هذي اللي تبجينها و دعائج بالعشر الاواخر ربي بيستجيب لج ان شاء الله

و نصيحة لا اتدورين على سبب اجهاضج و تلومين نفسج انا سويت جذي وانا ما سويت جذي مالج شغل بهالسوالف
لان هذي كتبة ربي

و ان شاء الله اذا حملتي مرة ثانية سوي ربط لعنق الرحم يقلل حالات الاجهاض

و بقولج ياها انا بعد الله يعوضج ان شاء الله باللي احسن منه

 

[tbola]

عسا ان تكرهو شيئا وهو خيرن لكم

 

[خالتي قموش]

يمكن خيره لج
ما تدرين
قولي الحمد لله
الرزق على الله

ان شاء الله يعوضج بطفل صالح

 

[the note book]

الحمدلله على كل حال حبيبتي
انا اجهضت من قبل و كنت توني محلله ما مداني
و مع ان كان عندي ولد بس هم بجيت و تضايقت
و نفسيتي تعبت تقريبا اسبوع هذا شي طبيعي
مو بس عشان مزل الجنين عشان الهرمونات نزلت بعد
يعني تخيلي كان هرمون الحمل مثلا 11000 صار 10 بس
اكيد هذا يلعب بالنفسيه لا شعوري
انتي ذكري ربج و استغفري و الحمدلله ما تدرين وين الخيره
و الحين حاولي ريلاكس عشان ريلج مايخترع عليج
و معوضه ان شاءالله مثل ما ربي عوضنا بيعوضج بامره
وانتي الحمدلله مافيج الا العافيه غيرج نطروا سنين ولا حملوا
و ان شاءالله بعد فتره قصيره تبشرينا
بس عطي مجال جسمج يرتاح شهرين عالاقل اخذي منظم او مانع
و الله يكتب لج الي فيه الخير

 

[دلوعة مبارك]

لا تحاتين يالغلا والله بيعوضج ان شاء الله و الله يرزقج و يبعد عنج الضيقة