اي احد يقول لي الله يعوضج احس يجرحني

[قَلبڪْ صًخرْ]

حاسه فيج
انا بعد لما كانو يقولون
لي الله يرزقج دعوه حلوه
بس ماحب بكل مايابو طاري اليهال
خزوني وقالو هالكلمة

يمكن نبالغ يمكن هرموناتنا
يمكن حساسيه زايده

بس الله كبير وبيرزقج الي احسن منه

 

[foshia girl]

حبيبتي انتي الف حمد وشكر لرب العالمين في فرص كثيره لج وان شاء الله بهالايام المباركه تحملين باقرب وقت

شتقولين عن وحده تصير لي ماحملت كلش من 25 سنه وراضيه بقسمتها الحمدلله يارب على كل حال

الله يعوضج ويمسح على قلبج بالراحه ويبعد عنج الضيقه

 

[انجبر قلبي]

ماني فاهمه ليش تتضايقين من دعوة خير لج

اذا ماقالوا الله يعوضج شيقولون

اذا ظلوا ساكتين بتقولون مو مهتمين او مايحسون او مطنشين

صراحة اي وحدة تقولي انها اجهضت اكيد بقولها الله يعوضج

وحتا انتي بدعيلج ربي يعوضج بالاحسن مليون مرة وينسيج كل هم

 

[الـــغـــلآ]

مريت بنفس حالتج ،، ماالومج لان حزة الحزة تجيج ضيقه بسّ والله مرحله و تعدي و ٱ‏​نـا كنت مثلج حملت و اجهضت الْحٍمَدٍللـّہ على گـِْلِْ حال

ترا عادي اغلب الحريم يمرون بهالمرحله و خصوصا بهالوقت

و دايما اغلب اللي يحملون اول حمل يكون ضعيف او مو ثابت

گــِْل اللي حواليني جذي و هم بعد بالمنتدى جذي

آْنَتي للحين عروس و بتستانسين بسّ اهتمي بنفاسج عدل و بترجعين احلى عروس و تسافرين و تروحين و تردين

والله اناا عقب اجهاضي احلى مرحله لان اعيش مراحل العرس و استانس

و الدكتور قايل لي ما احمل الا عقب دورات ( غير النفاس ) عشان يتقوى الرحم و يقدر يتحمل

و آْنـْتي بعد طبقي هالشي اعتبريها فترة نقاهه ووناسه و طلعات و جيات

والله مرت علي وحده حامل بتوم و طيحتهم بالسادس !! ومع هذا راضيه و حامده ربها

و في ناس ما يحملون يتمنون الحمل الله يرزقهم

انتي الْحٍمَدٍللـّہ تحملين ما فيج شي .. لآ تعطين المووع اكبر من حجمه و اشغلي نفسج بأشياء ثانيه عشان تلتهين


و الله يعوضج و يعوضنا خير يا رب

 

[ملاك ^ الحب]

عادي شي طبيعي تبجين

انا اجهضت مرتين واقول الحمد الله وعسى ان تكرهو شيئا وهو خير لكم

حبيبتي تفقدينه الحين ولا تفقدينه واهو بحضنج والا بعد سنين

تعوذي من ابليس والله يعوضج عنه خير وانشالله قريب تبشرينا بالحمال وتفرحين فيه

وقولي لن يصيبنا الا ماكتب الله لنا

والحمد الله على كل حال

 

[TeKaNa_Girl]

انا اجهضت مرتين
فعلا كانت نفسيتي صفر وكنت ابجي حييييل
بس ربج كرييييم ودايم اردد انا لله وان اليه راجعون والحمدلله والله كريم

والحمدلله الله عوضني ببنت وتالي بولد
عسالله يخليهم لي ويحفظهم من كل شر

 

[tannooona]

الحمدلله على كل حال انا اجهضت بس الجنين مكتمل كنت بالسادس والحين صارلي ٤ سنين ربي رزقني ببنوتين اغلى من عيوني الثنتين
وصج تاثرت لما ماتت البيبي بس قبل لااسمع الله يعوضج من احد انا دعيت ربي وقلت اللهم اجرني في مصيبتي واخلفني خيرا منها يارب عوضني مما هو خير لي
والله يعوضج خير مثل ماعوضني

 

[الـــغـــلآ]

في شغله مو واضحه بردي
لما قلت الدكتور قال لآ تحملين الا عقب دورات = قصدي ٣ دورات

 

[tannooona]

الحمدلله على كل حال انا اجهضت بس الجنين مكتمل كنت بالسادس والحين صارلي 4 سنين ربي رزقني ببنوتين اغلى من عيوني الثنتين
وصج تاثرت لما ماتت البيبي بس قبل لااسمع الله يعوضج من احد انا دعيت ربي وقلت اللهم اجرني في مصيبتي واخلفني خيرا منها يارب عوضني مما هو خير لي
والله يعوضج خير مثل ماعوضني

 

[M!Ss Smart]

انتي نفسي انا سقطت صارلي شهر وكان اول حمل ومستانسه فييييه حدي وماكملت شهرين ولا يطيح البيبي اسبوع وانا بجيييي ماسكت وبين فتره وفتره اتذكر فرحتي بالحمل واقعد ابجي راضيه بأمر الله بس موبكيفي لان اول حمل وايد تعلقت فيييه لما شفته باول سونار صج انه حيييل صغير وماتكون بس سبحان الله منج وفييج شي بجسمج يتغذى من اللي تاكلينه الحمدالله على كل حال ادعي ربج يعوضج خير والله يرزقج ويرزقنا احسن والله توني قبل لا اقرا موضوعج افكر بحملي ونزلت دموعي الله يعوضنا خير يارب

 

[BeNt PaRiS]

اي والله كتكوته حاسه فيج


انا اجهضت باخر الثالث

يمكن حالتي اصعب من حالتج

لان انا شفته و شفت ملامحه و اعضاءه

جنه ياهل بس حجمه صغير


عيون و خشم و حلج و اذون

و شلته بيديني


انقهرت


و ليلحين افكر بهالشي و ابجي اتضايق

مع ان بيصير له شهرين


حسيت كل الناس عادي عندهم ما تضايقوا كثري ولا حسو بقيمة الشي


بس سبحان الله الأم تحس انها فقدت عزيز و غالي و شخص جنها تعرفه من زمان

لان تحسه جزء منها و عايش فبطنها اشهر


الحمدلله على كل حال


و الله يعوضنا جميعا

 

[أأأميرة الورد]

الله يعوضكم ويرزقكم بالحمل بصحه وعاااافيه

 

[BeNt PaRiS]

احمدي ربج انه طاح و انتي توج حامل


انا كنت مسويه ثلاث سوناارات و اشوفه بعيوني يتحرك و يتقلب



الحمدلله على كل حال


رددي " اللهم أجرني في مصيبتي و اخلفلي خيرا منها "

 

[كويتيه مذهله 87]

حبيبتي شي طبيعي عادي لا تبجين ولا تتضايقين قولي الحمدالله علي كل حال
والي يقولج الله يعوضج قولي الله كريم

وباجر بتحملين وتنسين هالايام

 

[أم عزيـز]

عادي حبيبتي انا اول زواجي اجهضت مرتين وره بعض وكنت كله ابجي وقلبي مقموت
لان شي خاطري فيه وناطرته
اكون راضيه بحكمه بالله وبقضائه بس نفسيتي تعبانه عشان جذي ابجي

فلا تحاتين فتره وتعدي بس انتي صلي واعي الله يعوضج خير
وان شاء الله ربي يرزقج الحمل السليم ويثبته

 

[بيبي غيرل]

حبيبتي انتي حساسه واايد وقلبج حنون وتحبين اليهال وايد

عشان جذي الي يقولج الله يعوضج تخنقج العبره لكن قوي قلبج حبيبتي وادري والله ما لومج الاجهاض حق ام خصوصا لو كان البجر شي صعب لكن طولي بالج انا اختي اجهضت مرتين مسكينه مره اول شهر حمل والثانيه ماتدري انها حامل
والحمدلله الحين الله عطاها ولد نفس القمر

والاجهاض ترا نعمه اختي من الله لان البيبي يقولج اذا لا سمح الله في تشوه يصير له اجهاض وهذي من نعم الله
علينا فقولي الحمدلله وتذكري اخر جمله كتبتها لمن يقولون لج الله يعوضج خير


عسى الله يرزقج فرحه بحمل قريب تنسيج الي يضيق خلقج

 

[عجزت افهمهم]

معووضة باحسن منة يارب
والحمد الله على كل حال واعتبريها خيرة

 

[ROSE AL Q8T]

الله يعوضج خير ويعوضني خير

بالعكس احتسبيه اجر

 

[عبره]

دامك حملتي هذي اكبر نعمه
انك تعرفين انك انتي وزوجك بخير
واقلها جربتي احساس الحمل اللي كثير ماجربوه
بالعكس لا قالوا الله يعوضك احسه زي البلسسم دعوه حلوه
شوفي الردود الاغلب جربوا الاجهاض مو بس انتي
الكل معرض له هذا شي غصب
قولي الحمدلله وعيشي حياتك وانتظري الرزق

 

[شقاوة هداوي]

يارب يعوضك اختي انا نفس حالتك مالي شهر مسقطه برمضان شهر ونص يارب عوضنا يارب عرف مابي قلبي ابي طفل يارب