اي احد يقول لي الله يعوضج احس يجرحني

[om attami]

بعد قلبي حبيبتي عااااادي الحاله اللي انتي فيها طبيعيه جداً
بس لا تهدين نفسچ ،، صلي ،، ادعي ،، مسكي القرآن ،، سبحان الله القرآن علاج اقوى واسرع من اي دوى واي كلام ينقال
انا مريت فيها مرتين والحمدلله الله عوضني والحين ما انام حتى المنتدى من زماااان مادري عنه
محد قدر يعالجني الا القرآن ووايد كنت ابچي وما اكلم احد
مع ان بالاول والثاني ما كنت ادري اني حامل الا عقب ما اجهضت ((يعني ما عشت الفرحه عشان اتضايق))
ومع هذا حاشني اكتئاب
ذكري الله والله يرزقچ حياتي
استغفري وايد

 

[katkoota90]

عسى الله يوفقكم وحده وحده و يرزقكم باللي تتمنونه و كلامكم كله كان عسسسسل و دعمكم لي بالكلام الطيب هذا هدفي


دعيتلكم كلكم من قلبي والله

 

[حوريه ...]

انا مريت فيها بس انا ولاده مبكره وماتت بنتي عسى الله يعوضني

انا كنت ابكي من اول ماحسيت بالالم

واول نفاسي كل ليله قبل انام اتغطى بالحاف علشان امي ماتشوفني ويتكدر خاطرها

وابكي ابكي لين ارتاح بس بدون صوت

واذا خلصت نمت او قعدت اقرا سورة البقره واستغفر

اخر نفاسي لا يمكن لاني كنت ملتزمه بالاستغفار

اذا حسيت بضيقه والا شي قعدت استغفر وانشغلت بالاستغفار

مرات تخنقني العبره مااكذب عليكم اذا جاني ولد اخوي الصغير وقالي بنتج وينها ماشفتها

ومتى تجيبينها
ومره رحت موعد لي ولما رجعت لقيته يستقبلني ع بالها رايحه اجيبها يقولي ماجبتي بنتك????

وبنات اختي نفس الشي

بس الحمدالله وان شاءالله تكون شفيعه لي ولوالدها يارب

 

[حوريه ...]

كاني قرقرت واجد ��

 

[رغد84]

انا مرررريت بعد بااجهاض اول حمل لي
تعبت نفسسسسيتي
وكله ابجي

ان شا الله فتره وتعدي
وتنسينها

خلي ايمانج بالله قوي
وكرري اللهم اجرني في مصيبتي واخلف لي خيرا منهااااا

 

[أعشقه]

لاتزعلين من كلمه الله يعوض عليك
تتوقعين لو كتبتي مشكلتك محد راح يقولك كذا ..
هذا الي بينقال لا اي احد تصير معه نفس مشكلتك ..
يعني ماتبين ربي يعوض عليك بحمل ثاني وان شاء الله يثبت ويقر عينك بشوفته
وسعي صدرك هذا كله من الهرمونات من الحمل ماثره ع نفسيتك وشكلك من النوع الحساس
ربي يمسح ع قلبك ويبعد عنك كل هم وضيق ويدخل الفرح والسرور الى قلبك يارب

 

[You FOR Me Only]

عادي انا اجهضت قبل 5 شهور تقريبا كنت كله ابجي بس خلاص اكيد هالشي خيره

ربي كريم وربي يعوضنا

والحين قلبي يعورني لان المفروض ولادتي بشهر 10 هاي بس هاي كله وساوس من الشيطان لا اعتراض على امر ربي

انا وانتي وغيرنا ان شاء الله ربي بيعوضنا خير ؛)

 

[latkt7as]

الله يعينج حبيبتي

بس اكيد فتره وتعدي

وعسى ان تكرهو شيئا وهو خير لكم

يعني تاكدي انها خيره لج

وقوي قلبج

تقبلي مروري