اي استفسار انا حاضره يا حبايبي لان امي و جدتي يعالجون

[فديتني وبس]

فرواله اذا عندج حل حق الامساك لانه الصراحه يتلي فتره بغيت امووت والسبه الامساك
اذا عندج حل بليز قوليلي

 

[First Daughter]

​

جزاج الله خير حبيبتي
وان شالله بميزان حسناتج

انا عرسي بالعيد ان شالله
وحابة انظف جسمي من السموم
وبنفس الوقت مابي شي قوي
شتنصحيني فيه؟

انا استخدم العسل حاليا
بس ودي بالعسل المخلوط بالحبة السودة
بس ما ادري شكثر احط وكم مرة باليوم؟؟؟

وهم ودي استخدم سنا مكة

وان شالله يوميا بشرب مغلي البردقوش

يصير استخدمهم كلهم بنفس الفترة؟؟؟

 

[فراولة زرقاء]

فديتني و بس احسن عشبة تنظف البطن عشبة سنا مكي تلقينها عند الحواج تغلين كوب ماي و طفي عنه و حطي ملعقتين من السناء مكي
و خليها تنقع لاحد ما يصير الماء فاتر و شربية مرة بالصبح على الريق ومرة باليل بس كل شهر مرة بتحسين بنغزات بسيطة لانه يطلع الغازات قبل الفضلات و نصيحة كل شهر سوي هالطريقة معروفة هالعشبة من عهد الرسول صلى الله علية وسلم تنظف الجسم من كل شي
و هي ما تسوي اسهال و انتي بكرامة لا الفضلات العادية بس من غير تعسر بينزل كل شي بسهولة
وفي حبوب حلول مرررة ممتازة و اااامنه هذا اهم شي من واحنا صغار ناخذهم اسمها فام لاكس fam-lax
حبتين للكبار وحبة للصغار تنظف على طول و لون العلبة برتقالي وشكلة دائري ومعدن مو كرتون

first طريقة العسل صح ملعقة عسل مع كوب ماء دافي لازم دافي مو بارد على الريق لازم و الحبة السوداء سبع حبات الصبح وسبع اليل
من سنة الرسول ياكل سبع حبات بس لان الحبة السوداء كثرتها تسوي حرارة بالمعده و العدد الي قلته هو المطلوب
و في طريقة ثانية كوب ماي دافي مع عصره ليمون على الريق بس هاذي الطريقة تناسب ناس وناس وهي ممتازة لتنظيف الكلى
و السنة مكي مرة وحدة بالشهر ومو مشكلة تاخذينهم بنفس اليوم


اي استفسار انا حاضره

 

[مطيرية متواضعة]

مشكوووووورة ماتقصرين حبيبتي الغالية

 

[فـرفـر]

فرااوله لحقي علي




قبل يوميين حسيت صوب رحمي عوار جنه الدوره بتنزل علي مع انى ماصارلي اسبوع خالصه منها

حييل خفت اخاف فيني شي


نغزاات قويه جتني بأرحاامي بغيت اموت
شسوي

اول مره تصير فيني

 

["( سعوديه )"]

فروله ,,, يعطيج العافيه معلومات جد مهمه ومفيده
<< نسخ ولصق لجميع المعلومات المهمه \بارك الله فيك
ومازلت متابعه للموضوع

ربي يوسع عليك

 

[First Daughter]

جزاج الله خير فراولة
وان شاله بميزان حسناتج

 

[فاقده غوالي]

::


مرحبا .. يا الغاليه ,,

اخبارك ؟؟


يابعدي ..حبيت اسألك ..كيف النافس تتخلص من حجم بطنها .. مع العلم انه صار لها تقريبا17 يوم من ولادتها ولا زال على نفس الحجم ..وكأنها للحين حامل ..
اذا في شي ينزله خبريني ..
قالو لها تربط عليه قطعة قماش او شماغ ..بس مو قادره لانه كبير .. وغير كذا هي جايبه بعمليه ومتخوفه تسوي اي شي ..



ويعطيك ربي العافيه .. ويرزقك من خيري الدنيا والاخره .. وييسر لك امورك يارب​

 

[aloowa]

السلام
اختي فراوله زرقه اشلونج انشالله تمام. امانه طلبتج ابي شي يوخر عوار الريل امي صارلها مده ماتنام من عوار الريل تحس انها تشاخص صوب الركبه والسبب انها من قبل سنه خذت ابره كرتزون وكلما حست انها بردانه تحس بالم مو طبيعي لدرجه انها ماتقدر تنام ولا توقف وعندها عروج زرقه طالعه من ريلها بشكل يخرع رحنه الطبيب وقال من سبه كثره الوقفه واحنه الحين مسافرين والجو بارد فصارلها جم يوم المسكينه ماتنام ولاتطلع قاعده وتتالم ياليت تقدرين تعطيني وصفه تقلل عنها الالم واكون شاكرتلج واايد

 

[فراولة زرقاء]

ام فروحة النغزات القوية الي تصير يحس فيها الشخص مرة بصدرة ومرة بطنه ومره في الرحم هاذي برد و بالذات وقت الدورة تكثر عند الحريم بس انا من رايي تفحصين عند دكتور اضمن لك انا اساعدك بالي اقدر علية بس الفحص لازم


فاقدة الغوالي فديتك 17 يوم مدة بسيطة تو الناس و بعملية يبي لها وقت النفاس ترجع لوزنة الطبيعي بعد ست شهور معروف حتى لو سوت رياضة قاسية لان هالفترة الهرمونات شوي متخربطة يبي لها وقت علشان ترجع لوزنه الطبيعي و الربط حلو في المشد الاندنوسي كثير جربوه و امدحوه و هذا تمدد الي بالبطن مو شحوم يعني وحتى اذا اطلعت من نفاسة بالسلامة لازم ماتسوي رياضة قاسية شوي شوي لاحد ما يرجع لوزنة صدقيني حتى لو عطيتك وصفة ماراح تنفعها بشي بس اهم شي مو تقعد كل فترة النفاس بالفراش لازم تمشي على فترات علشان الجسم يشد ما يترهل اكثر و النوم على جنب لاتكثر منه تحاول تنام اكثر شي على الظهر علشان البطن يرجع على وراء

aloowa فديت الوالد ما تشوف شر و الله هالركبة صارت كابوس المشكلة مالها علاج قوي يعني كل الي اقدر اقولة لك عباره عن مسكنات امنة بالاعشاب وصفة الدكتور يوسف الشرفا لعلاج خشونة الركبه
العلاج بإذن الله هو :
تاخذين ربع حزمة من البقدونس (اوراقه + عيدااانه لازم ) ويؤكل لاترمين العودان مفيدة مرة
لمدة عشر ايام متواصلة ...مع مراعاة التمرين باستمرار للركبة والتمرين
تجلس امك على كرسي ومن ثم رفع رجله اليمنى لمدة عشر ثواني ثم يعيد هذ التمرين ثمان مرات للرجل اليمنى ..بعدها يقوم بنفس التمرين للرجل اليسرى
والتمرين هذا يكون في الصباح والليل قبل النوم ...
و بعطيك دهان مسكن الي هو دهان الخردل تلقونه عند الحواج بس يكون اصلي
و كل يوم على الريق تاخذ امك الله يحفظها عشر حبات حبة سوداء تاكلهم و باليل نفس الشي و داوم على الحبة السوداء تخلي الحبة السوداء من الاساسيات في حياتها
و انا اعرف ناس عالجوا خشونة الركب بلسعة النحل اذا تعرفون احد عنده نحل يلسع مكان الركبة بس ياليت تشوفون مكان مختص بالنحل اضمن
و العروق الزرقاء دوالي يعني عروج يتجمع فيها الدم لازم مساج بالدهان قبل النوم و تلف رجلها علشان ما تبرد
و على فكرة الكروتوزون اذا تعود عليه الواحد مشكلة


اي استفسار انا حاضره

 

[فراولة زرقاء]

على فكرة يا بنات بنزل موضوع كامل وهو برنامج كامل للنفاس و الدورة من اول يوم لاحد اخر يوم و تراه برنامج ممتاز الي على وجة ولادة تتبع البرنامج

 

[aloowa]

مشكووره ماقصرتي ويعطيج العافيه وانشااله تستفيد انشالله والله الوالده قاعده تشكر فيج وتقوول الله يسلمها ويخليلها الوالوده
الف شكر بس دهان الخردل شلون شكله بالضبط عشان اعرفه بس ومشكووره مره ثاانيه

 

[مطيرية متواضعة]

مشكووورة

بس شفيه المزيوون ماعبرنا من امس ؟؟؟؟

 

[فراولة زرقاء]

aloowa دهان الخردل تلقينه عند الحواج و ياليت يكون اصلي و اذا كان من وادي النحل يكون احسن لانها اضمن


مطيرية و الله مشغولة قاعده احضر للدوام يوم الاحد الجاي الله يهديهم مدري ليش العجلة نداوم برمضان لاشغلة ولا مشغلة

 

[فراولة زرقاء]

بناءا على طلب كثير من الاخوات في الخاص قمت بترتيب وتلخيص نظام فيافي مع بعض الاضافات البسيطه من عندي..
واحب اوضح ان هذا النظام يصلح للمرأة الخربانه سواء متزوجه او غير متزوجه ويصلح للنفساء ايضا حتى لو لم تكن خربانه.. اما التي تعودت على نظام معين للنفاس في جميع ولاداتها وارتاحت عليه ولاتحس بالخراب الافضل ان تبقى على نظامها

بالنسبه للنظام يقسم الى فترتين:
1- الفترة الاولى : ال 20 يوم الاولى في النفاس او ال 3 ايام في الدوره
2- الفترة الثانيه : ال 20 يوم الاخيره من النفاس او اليوم الرابع للدوره وحتى نهاية الدوره
ملاحظه هامه جدا : افضل نتيجه لهذا النظام يكون خلال النفاس مع ملاحظه ان الدورة الشهريه التي تلي النفاس مهمه جدا جدا .. ويجب الاستمرار عليه حتى 3 دورات وراء النفاس حتى يعطي النتيجه المرجوه بشرط الالتزام الكامل والصارم ..اما اذا كانت الحرمة خربانة تسوي هالنظام كأنها نفاس يطبق 40 يوم مع بداية الدوره واذا جاءت الدوره التاليه خلال ال 40 يوم نقلب الايام ونلتزم بالنظام حسب الدوره واذا انتهت الدوره نكمل النظام عادي الذي كان قبل الدوره .. اي نطبق اخر 20 يوم ..

اثناء الحيض او النفاس او العوارعليك تجنب الأتي:
الجوع الشديد(يعني رجيم يوقف) او التخمة الزائدة
الأكلات اللزجة مثل الملوخية, الباميا,البصل الاخضر,القرع,الشمام ,البطيخ
الحوامض خاصه الليمون, العنب الحامض والرمان والكيوي والاناناس والمنجا لاباس بأكل برتقاله في اليوم ولكن بعد الشبع و لاتكون البرتقالة حامضه الأيسكريم,الجوامد بشكل عام
تعريض القدمين للماء او المشي حافية على البلاط البارد او الأستحمام بكثرة
او اخذ دش مهبلي ويجب المحافظة على النظافة اليومية المشروبات الغازية
حمل الأشياء الثقيلة او سحبها وهذا لايمنع الحركه عادي تحركي و اشتغلي بس الاشغال السهلة ممنوع الرياضه العنيفه اثناء النفاس او الدوره و بالذات الي تبي تنحف وقت النفاس مايصير الجسم تتغير هرموناته بعد الولادة يعني مو مستقر بعد ثلاث شهور يبداء يستقر

ملخص النظام كله من أوله لآخره:
- الايام العشرين الاولى من النفاس او الايام الثلاث الاولى من الدورة :
في الصباح وعلى الريق تأخذين مع هذا السفوف ( اللهوم ) بعد جمعه وطحنها تأخذين منه 2.م.ك يعني ملعقة كبيره
{ كوب حلبه+ نصف كوب حبة سوداء + مقدار فنجال حبة حلوة+م.ك قرنفل} وتلهمينها وتشربين بعدها كوب حليب انتبهي الهوم او السفوف ماينخلط لازم بروحه
بعد كذا تأخذين :
تمر + 2 م.ك. سمن غنم او زبدة يطبخ على نار هادئه لمدة 10 دقائق ثم يضاف إليه حب الرشاد وهو ناشف بدون غسيل وكثري شوي و الي ماتحب السمن تسوي عصيدة التمر المحلاة وهي عباره عن( كوب تمر بدون النوى + 4كوب ماء) ثم توضع في الخلاط وتصفى ويضاف اليها كوب دقيق اسمر ثم توضع على نار هادئة مع التحريك حتى تثخن مثل الباشميل يستغرق طبخها ساعة تقريباَ ثم تضيفين إليها فلفل اسود ,ممكن تعبينها في علب بلاستيك على كميات وتوضع في الثلاجه وكل ما بغيتي تأكلين تطلعين علبه وتحميها
بعد ذلك بنصف ساعه
تقريبا الافطار وهو على رغبتك لكن ابتعدي عن المعلبات دماااار تضر ماتنفع مثل الزيتون و التونة و الجبن المعلب لان كلها مواد حافظة و البنة و الجبنة ابعدي عنها لانها حامضة
اخذي جبن عادي مافية حموضة

بعد ساعه اشربي شاي الاعشاب ممكن تحليه بسكر نبات او عسل وانا افضل العسل الطبيعي وتأخذين منه مقدار 3.م.ك مع 3كوب ماء وتغليه وشاي الاعشاب مكون من نصف كيلو ميرميه+ اعواد شيح+ نصف كوب كمون+ قليل من قشر قهوه+ نونخه+ دارسين او ماتسمى بالقرفه + يانسون} وممكن انك تضعين باقي المقادير التي لم احدد بقياس كوب من كل نوع..

بعد الغداء بربع ساعه سوي هالمنقوع : في كوب ماء وسط او صغير( م.ك.عنزروت+م.ص.مره+ شوي محلب ..لاتكثرين المحلب بس نتفه) لانها تعمل كمهضم وملين وتنظف الأمعاء ولابأس من اضافة الماء اليها كلما انتهت الكميه واستخدامها لاكثر من يوم طبعا توضع في الثلاجه وقبل ما تشربيها بنصف ساعه طلعيها من الثلاجة. طبعا ما تغلينها تنقعينها بس

فترة العصر وبعد الغداء ب3ساعات اشربي شاهي الاعشاب السابق مع 2.م.ك من السفوف السابق
العشاء المجال امامك مفتوح ( مرقوق – مرق و لحم مع خبز بر – جريش – وغيره من الاكلات الشعبية المفيدة و لاتنسين السلطة )

استخدمي التحميلات من اول يوم او اذا بغيتي يوم وراء يوم وهي مكونه من {م.ك. مرة مطحونه+ فنجال ملح(اما فارسي او خشن)+ م.ك.محلب مطحون
واعجنيهم بعسل قليل مع تبليل الاصابع بالماي حتى يسهل تكويرهم وانشريهم في تيارات هواء بدون غبار لمدة يومين او حطيهم بغرفة و اشغلي عليهم مروحة حتى ينشفون وبعد ماينشفون احفظيهم في مكان جاف مو شرط في الثلاجه. بس اذا ساح هذا معنه انك كثرتي العسل جمعيهم و اعجنيهم من جديد و كثري مرة وملح و لا تحطين عسل و كوريهم من جديد و سويهم على شكل التحاميل و حطيهم قبل النوم ما ينفع و انتي تمشين و تتحركين و راح تذوب و تسحب كل الاوساخ و السوائل و تعقم الرحم


الغسول لمنطقة المهبل وهو:
( ارطا بكسر الراء + يطبخ مع ماء + ملح فارسي ) تلاحظين لونه يتحول الى الاحمر لاتخافي عادي هو كذا ثم صفيه وضعيه في جركل وغسلي منه يومياً و يكون طوال النفاس و نشفي وراه بالمناديل و لا تتركين المنطقة رطبة لازم تنشفينها



نقعد على هالجدول العشرين يوم الاولى او الثلاثة ايام الاولى من الدورة و الحين نبداء بالعشرين يوم الاخيرة او الايام الباقية من الدورة



(( الايام العشرين الاخيرة او الايام الباقية الاخيرة من الدورة :
نفس تسلسلك بالاكل و الادويه ولكن السفوف يختلف وهو مكون من {كوب حبه سوداء+ م.ك. قرنفل+م. ك قرفه + م. ك. فلفل اسود+ م.ص. محلب + فنجان كمون + م.ك. نونخه+ فنجان حبة حلوة(شمر)+ فنجان رشاد} تطحنين جميع المكونات ماعدا الرشاد
*استمري على التمر والرشاد والسمن كل ايام الدورة و النفاس لانه ينظف الارحام
*تستخدمين منقوعة العنزروت نفسها بس زيديها وزيدي كمية المحلب و زيديها شوي مباركة او ماتسمى بالصبرة لان المحلب ينشف فنقللة اول ايام النفاس علشان ما ينشف الرحم على الخراب و نكثرة اخر الايام لانه خلاص اذا مشيتي العشرين يوم الاولى صح تقدرين تكثرينه
*تستخدمين شاي الاعشاب نفسه كل يوم
تعملين كبو كل ليلة يعني بخور تبخرين المنطقة الحساسة فية وهو كبو الهواء وهو مكون من
( خوا جوا+مرة+كمون+حلتيته+محلب+ قشر بصل يابس من البيت وليس العطار+ هدب اثل+ فلفل هواء} و احيانا الي يشترون كبو هواء جاهز انتبهوا يا بنات في الكبو الجاهز حبوب صغيره حمرا يابسه مثل الخرز هذي شيليها مو زينه تزينك في البداية بعدين دمر الرحم انتبهوا اذا اخذي ملعقتين من مخلوط البخور و حطيهم على الفحم ووقفي فوقهم و اذا خلصتي بسرعة تروحين للفراش و تتغطين وتنامين لاتسوين أي مجهود و ياليت يكون بعد ما ترضعين الطفل و ينام
ملاحظات هامه:
* يجب تجفيف التحاميل تحت الشمس في مكان نظيف حتى يمنع خرابه ويجب التاكد من انها ناشفه تماما قبل وضعها في علبه زجاجيه حتى تمنع تعفنها
* اذا الجو بارد احفظي التحاميل خارج الثلاجه واذا الجو حار احفظيها في غرفة بارده بشرط التأكد من انها ناشفه حتى لاتتعفن
* اكثري من منقوعة العنزروت اخر 20 يوم
* اضيفي الماش الى طعامك وممكن اضافة مجروش الماش مع السفوف لان الماش يقوي الظهر والعضلات ويعوض الدم
* كمية شاي الاعشاب المغلي تكفي لمرتين باليوم بشرط وضعها في مطاره حافظه للحراره بعد غليها صباحا حتى تظل ساخنه للعصر
* الافضل عدم غسل الراس الا بعد اسبوع من النفاس واذا غسلتي شعرك اغسليه بالمغسله وليس تحت الدش او البانيو .. يعني اغسليه بدون الجسم وغطيه جيدا حتى لايدخل هواء للاذن ويصيبك ( خوا الراس ) وهذا يسبب خراب شديد للارحام مع صداع شديد ومستمر للراس
* لاتتنقعي في بانيو لان الماء يدخل الارحام ويفسدها واستحمي مره بالاسبوع بشكل سريع
يعني بعض الحريم بالنفاس تعبي البانيو ماي دافي و تسوي رغوة و تقعد فية هي على باله نظافة و لاكن هذا دماااااااااار لها لان المنطقة الحساسة مفتوحة و راح تدخل جراثيم لاحصر لها و تسوي لها التهابات لا لها او من اخر
* قللي المحلب في الايام الاولى في منقوعة ( المره والمحلب والعنزروت ) وكثريه في الايام ال 20 الاخيره
* الحبه الحلوه هي نفسها الشمر وليس الينسون
* ابعدي عن السكر واستبدليه بالعسل الطبيعي لان السكر يمنع التئام الجروح عكس العسل الذي يسرع في التئام الجروح
* لاتشربي الحلبه نهائيا فكمية الحلبه في اللهوم اول 20 يوم كافيه لان كثرة الحلبه ترخي عضلات الرحم
* لاتشربي الماي على جوع ولاتكثري منه ولاتقللي واشربي بالمعقول لكن على شبع ولاتشربي الماي البارد.. لان كثرة شرب الماء تكبر البطن وتسبب خراب للارحام
* من الممكن اكل المشمش والعنب والكرز والخوخ لكن على شبع
* اذا مالقيتي قشر القهوه عند الحواج ممكن الاستغناء عنه ولكن ضعي مع القهوه التي تشربينها نص ملعقة صغيرة القرنفل يعني مسمار
* لاتأكلي الرشاد في اول 20 يوم الا مع التمر .. اما في ال 20 يوم الاخيره يؤخذ مع السفوف والتمر
* الفلفل الاسود ممتاز مع الشوربات والايدامات والمرقوق والمطازيز .. اما التي تعاني من مشاكل في القولون والمعده او الربو لاتكثر منه
* المحلب ينشف وينزل الماء لكنه لايستخدم الا اخر 20 يوم لانه اذا استخدم اول 20يوم ينشف على خراب لذا يوضع القليل جدا منه مع منقوعة العنزروت
* لاتأكلي الرز لانه لايفيد .. فقط يكبر البطن ويسمّن واستعيضي عنه بالبر ونخالته
* تجنبي العطور خصوصا الريحان والمسك واكليل الجبل والتبخر بالمعمول لانه يسبب الشمم
* فائدة الاورطا انه يشد المنطقه ويمنع تعفنها
* اذا كانت المره سوداء فهذا يعني انها قديمه
* الافضل ان لاتكثري المحلب مع التحاميل اذا اردتي استخدامها في ال 20 يوم الاولى او اول ثلاثة ايام من الدورة
* لاتكثري المره مع الكبو
و انتبهوا كل الي قلته خاص للبنات و المتزوجات بس يابنات يابنات يا بنات اينتبهون لا تستخدمون التحاميل لانها خاصة بالمتزوجات فقط

و على فكرة يا متزوجات انصح كل وحد في خلال فترة ثلاث شهور الاولى من الحمل اذا قال لكم الدكتور الجنين ميت او لازم تسقطين الجنين نصيحة لوجة الله لاتسوين تسقيط بالمستشفى وعمليات تنظيف لان كثير مايحملون بعد هالتنظيف يشيلون كل بطانه الرحم و انتظري بعد فترة علشان تحملين فية عشبة اسمها عشبة العوار اذا انتي حامل من الشهر الاول او الثاني او الثلاث يعني الجينين توه ما تكون و مات اخذي مغلي هالعشبة مرتين باليوم بس لاتغلي كثير و صدقيني و لا تخافين اذا حي بترفعه و اذا ميت ينزل ومن فوائد هالعشبة تنظيف فعال للرحم وتهيء الرحم للحمل خلال شهرين او ثلاث انا اقول هالكلام وانا ناصحة لكم

اتمنى ان يكون النظام واضح .. و الله تعبت و انا اقرى واستخلاص المعلومات الخاصه بالنفاس وترتيبه واتمنى ان تستفيدو منه وان تدعولي

أي استفسار انا حاضره

 

[q8nina]

الله يعطيج العافيه اختي .. وجزاج الله الف خير

 

["( سعوديه )"]

يعطيك العافيه ... معلومات وبرنامج رائع
وباذن الله بتبعه بارك الله فيك ..
اختي انا قريت ان الغسول بالارطاء يسود المنطقه صح او خطأ المعلومه
ربي يسعدك على هذه المعلومات اللي بجاجتها
لاهنتي

/

::

 

[نجلاء 99]

الله يعطيك العافية بصراحه ماقصرتي
ياليتك بالسعودية
الله يعطيك على قد نيتك
تقبلي مني وافر التحية والاحترام

 

[فراولة زرقاء]

سعودية الغسول بالارطاء ما يسود و بعدين الحريم و بشراتهم يختلفون المشكلة بعض الحريم بالنفاس تهمل العناية بالمنطقة الحساسة كله من الخوف عادي مافية شي غسلي و دهني بزيت زيتون خفيف مو كثير ومو على الخياط على الافخاذ من داخل علشان ما تسمر مع العرق او فازلين حلو بعد


نجلاء فديتك انا سعودية و بالسعودية ساكنة الخفجي جيران الكويت و موظفة بالكويت

 

[فراولة زرقاء]

ان شاء الله يا بنات بنزل لكم الكبو حق الشمم و قت النفاس يعني لما يلتهب عليها الخياط سواء عملية او طبيعي لازم تسوي بخور كبو علشان الشمم يوقف و الشمم يجي من العطور و بخور المعمول و غيره و بذات عشبة اكليل الجبل قاتل للنفاس يجيب لها حراره فضيعة انتبهوا منه

اي استفسار انا حاضره