اي استفسار انا حاضره يا حبايبي لان امي و جدتي يعالجون

[رووح حبيبي]

جزاج الله الف خير
بس معاي قولون من اخذ الماش
تصير الحرب العالمية الثالثه داخل بطني
ابي شي للقولون

 

[روروو]

ماعندي شي بس بقولك اني فرحت لما عرفت انك سعوديه :eh_s(6):
الله يوفقك ويسعدك ويسهل امورك​

 

[مطيرية متواضعة]

الله يحفظك لنا تمنيت انك تكونين ساكنه قريب من بيتنا محافظة الجهراء

بس وين انتي بعيييييده عنا للأسف قلت بصير صديقتها واتعلم منها

انا احب علم الاعشاب ودي اتعلمه لانه مفيييييد افضل من الآدوية

الطبيب صار لي فقط للفحص مو اكثروالعلاج من الله ثم عليج ياحلوة

 

[فراولة زرقاء]

روح حبيبي انا ذكرت لوحدة برنامج للقولون دورية بين الصفحات و الماش شيلية اذا عندك القولون مشكلة الماش يهيج القولون

رورو و مطيرية متواضعة تسلمون حبايبي

 

[روروو]

فراوله اش عنوان الموضوع اللي كاتبه فيه عن القولون ؟؟​

 

[فراولة زرقاء]

هلا روروو فية عشبة اسمها الصندل الاحمر تطحنينها و تحطين كوب ماي لما يغلي حطي ملعقة من الصندل الاحمر بس لا يغلي كثير بس دققيقة و طفي عنه لما يصير فاتر صفية و اشربيه بعد كل وجبة تشربينه و لازم تحضرينه في وقته ما يصير تسوينة الصبح و تخلينه لليل
و على فكرة فية بنات نفعت معهم وتشافوا من القولون


اي استفسار انا حاضره

 

[حـــور..]

يسرالله أمرك أختي

وجزاك الله الف خير

حبيت اسالك أذا تعرفين علاج حق الظهر

 

[ابله رشا]

الله يزاكم الف خير و يجعله بميزان حسناتكم و كثر الله من امثالكم
اللهم اشفي مرضانا و مرضى و المسلمين

 

[First Daughter]

first طريقة العسل صح ملعقة عسل مع كوب ماء دافي لازم دافي مو بارد على الريق لازم و الحبة السوداء سبع حبات الصبح وسبع اليل
من سنة الرسول ياكل سبع حبات بس لان الحبة السوداء كثرتها تسوي حرارة بالمعده و العدد الي قلته هو المطلوب
و في طريقة ثانية كوب ماي دافي مع عصره ليمون على الريق بس هاذي الطريقة تناسب ناس وناس وهي ممتازة لتنظيف الكلى
و السنة مكي مرة وحدة بالشهر ومو مشكلة تاخذينهم بنفس اليوم

اي استفسار انا حاضره

مشكووووورة حبيبتي
وجزاج الله خير

انا حطيت قفشتين وشوي سنامكي بقلاص ماي مغلي بالليل
وثاني يوم قبل الفطور زدته قلاص ماي فاتر ثاني (حسيته ثقيل)
وافطرت على شوية تمر وماي
وشربت استكانة من السنامكي بعد ما حليته بالعسل الطبيعي عبالي طعمه مر
وعالساعة 12 بالليل شربت استكانة ثانية (بدون عسل)
ما قدرت اشرب اكثر
طريقتي صح ولا لأ ؟
وصار معاي نغزات بسيطة بس ما حسيت بشي
واختي تقول تشربين منه 3 ايام متواصلة انتي شرايج؟؟؟

 

[east-woman]

السلام عليكم ، حبيبتي شلونج ؟ انا حامل بالشهر الرابع وحدي خايفه من تشققات البطن مع العلم عندي 2 صبيان وما صار تشققات وايد فيني بس ابي اوخر التشققات القديمه وما ابي يطلع شي يديد فيني واهم شي ابي كريمات طبيعيه ومن وصفات يدتج وامج مابي من الصيدليه اخاف والله بس اذا تعرفين شي طبي وزين قوليلي اسمه الله يعافيج ، ومشكوره وااااايد حبيبتي

 

[فراولة زرقاء]

حور شنو نوع الالم الي بظهرك شد او نقص كالسيوم او شايلة شغلة ثقيلة في كذا سبب حددي فديتك

first فديتك عشبة السناء مكي مو لازم ثلاثة ايام لانه تقعد ثمان ساعات تنظف البطن انا من رايي خليها مرتين صبح و ليل بيوم واحد بالشهر الحين خلاص هالشهر لاتاخذين انتظري الشهر الي بعدة و خليها بتاريخ محدد يعني اول يوم بالشهر تاخذينها تنظيف شهري و انا ما احليها لما تصير فاترة اشربها وراء بعض علشان ما احس بطعمه

east-woman زبدة الكاكاو ممتازة تدهنين فيها لاحد ما تولدين كل يوم علشان تخفف من التشققات و زيت الوز الحلو مع زيت الزيتون اخواتي كلهم علية كل يوم يدهنون و لازم تستمرين على الدهان علشان بعد الولادة ما يصير سواد كثير و بسرعة ينظف لانه يكون جلد طري مو ناشف من الجفاف

اي استفسار انا حاضره

 

[حـــور..]

فراولة فديتك انا

الوالدة هي التعبانة من فترة طويلة وهى تعاني من الم في اسفل الظهر

وفيها احتكاك في الظهر الله يسلمك

 

[فراولة زرقاء]

حور الله يخلي لك الوالدة و الله هالعظام مشكلة و بالذات الالم الظهر و الركبة هاذي يسمونه خشونة بالغضروف بعضها تجي بالركب و البعض بالظهر اسمعي لمدة عشرة ايام تاكل بقدونس ثلاث مرات باليوم يعني رزمة البقدونس تنقسم لثلاث اجزاء ربع الرزمة الصح و ربع الظهر وربع اليل تبي تاكلهم كذا او تفرمهم مو مشكلة اهم شي تستمر على كذا عشرة ايام كاملة لازم رزمة كاملة الههدف انها تاكل بها العشرة ايام كمية كبيرة من البقدونس و تدهن ظهرها بزيت الخردل مع زيت الزيتون مرتين باليوم و اهم شي لا تتعب نفسها بالشغل و لاتسحب او تشيل شي ثقيل خطر
هالطريقة هاذي اعطيها الي يعنون من خشونة الركب بعضهم سبحان الله يتعافون تماما من الخشونة وبعضهم يخف
و الحلبة و الماش ممتازة للعظام بس اذا عندها قولون لا تاخذ ماش لانه يهيج القولون


اي استفسار انا حاضره

 

[رووح حبيبي]

جزاج الله الف خير
الصندل الاحمر وين احصله
وبعدين انا معاي ربو
ما ياثر علي
يعني مايسبب لي حساسيه

 

[فراولة زرقاء]

الصندل الاحمر عند الحواج ولا مايضر الربو بالعكس ينفع للي عندهم ربو يعتبر مسكن بس لاتكثرين مثل ما ذكرت بالوصفة بعد كل وجبة مو قبل بعد

 

[روروو]

فراوله حبي حبوب الخميره باقي آخر حبيتين بالكرتون ومازدت غير كيلو اوكيلو ونص استمر او اتركها؟؟؟
بديت بخلطه نصحتني فيها صاحبتي وقالتلي انها باسبوعين غيرتها تخنت بسرعه قلتلها والقولون قالت ماعليك انا فيني قولون ومعدتي تعبانه ومعي الله يكرمك امساك مزمن ماضرتني الخلطه هي كوب ماش +ربع كوب زنجبيل+ربع كوب فلفل ابيض اطحنها واحط ملعقه صغيره مع حليب السعوديه واشربها ع الريق مع 7 تمرات
انتي اش رايك ؟؟
يهمني رايك لانك اعرف مني
اش رايك اخذها واخذ الصندل الاحمر بعد الاكل​

 

[حـــور..]

مشكورة حبيبتي الله يجزاك خير
ان شاء الله راح تستخدمها الوالدة الله يطول بعمرها
وراح اقولك النتيجة
بس عندي استفسار حول البقدونس تاكلة بجذورة او لا
الله يعطيك العافية

 

[بــدويه]

حبيبتي لو ماعليج امر ..,
بغيت اعرف عندها علاج للخربطه بالوزن النحافه شوي خلطات او وصفات واعشاب تفيد وتساعد على صعود الوزن ؟

 

[al_noory]

السلام عليكم ..

تقصدين الماش اهوا الكشري الي يستخدم بالكشري ..

مدور لونه اخضر ..؟

ومشكوره ..

 

[عود الريحان]

جزاكم الله خير
يعطيج العافيه