اي استفسار انا حاضره يا حبايبي لان امي و جدتي يعالجون

[فراولة زرقاء]

لمياء ماتشوفين شر احسن شي لتلخبط الهرمونات القسط البحري و انا كثير انصح فية بنات ينظم كل الهرمونات و يعالج اشياء كثير سوي بحث بقوقل وشوفي فوائدة علشان تقتنعين تلقينه عند الحواج اخذي الي لونه بني البني و اطحنية و اخذيه مرتين مرة قبل الريوق بنص ساعة ومرة قبل العشاء بنص ساعة و استمري شهريين كامله و بعد شهريين بتتغيرين تماما بتلاحظين شغلات كنتي تعانين منه و راحت هالعشبة عجيبة
وصى فيها الرسول في اكثر من حديث

و كثير يعالجون تكيس الماء وتكيس الرحم و التليف بها العشبة و الحجامة مررررة ممتازة للتكيس

اي استفسار انا حاضره

 

[فراولة زرقاء]

احسن شي لتلخبط الهرمونات القسط البحري تلقينه عند الحواج اخذي الي لونه بني انتبهي بني و اطحنية و اخذيه مرتين باليوم
قبل الريوق بنص ساعة وقبل العشاء بنص ساعة تاخذينه لهوم و اذا ما قدرتي حطيه مع ربع ملعقة عسل لا تكثرين العسل
لمدة شهرين بالضبط و عدين شوفي راح تتغير شغلات كثير بتتنظم كل الهرمونات
هالعشبة عجيبة وصى فيها الرسول صلى الله عليه وسلم في اكثر من حديث سوي بحث و شوفي فوائدها ما راح تصدقين

و لتكيس و التليف يتعالج بعد بالحجامة مررررررة ممتازة

اي استفسار انا حاضره

 

[امل هلي]

حبيبتي بس بغيت اسال عن علاج حق نزيف الثه ولتساقط الشعر وبعد عن البواسير

 

[امل هلي]

حبيبتي بس بسال عن علاج لنزيف الثه ولتساقط الشعر وعلاج للبواسير

 

[..عطر..]

قوه حبيبتي يعطيهم العافيه امج و يدتج و يعطيهم طولة العمر

بغيت شغلة تبيض الجسم و تصفي البشره ذبحني حب الشباب

و ابي شغله توخر جرثومة المعده

و مشكووووره واايد

 

[thk]

جزاج الله خير

وجز الله خير يدنج وامج والله يخليهم لج


في استفسااار

الي في رحمها هوا وتحس يطلع من رحمها هوى شتسوي ؟


وتسلمين

 

[مساء مونترو]

مساء الخير..
دايما اقرا عن فوايد التمر بوقت الدورة بغيت الوصفة اللي تكون مع الرشاد والسمن مااعرف شنو مقاديرها واكون شاكرة لج

 

[فراولة زرقاء]

امل اهلي نزيف الثة راجعي دكتور احسن يمكن التهاب و الماي مع الملح معقم ممتاز للثة و الاسنان و بالنسبة للشعر سوي تحليل دم شوفي الحديد كم عندك احيانا يكون الدم كامل بس نسبة الحديد قليلة و بالنسبة للبواسير انا ذكرت علاجة شوفي بين الصفحات


عطر بالنسبة للبشرة فديتك مافية شي اقدر اوصفة لك بالاعشاب و جرثومة المعدة ذكرت علاجها شوفي بين الصفحات


thk بالنسبة للهوا فية طريقة التمر و الرشاد ذكرتها اول الصفحة و في طريقة الحليب مع الزنجبيل و الماش و الفلفل الابيض مررة ممتازة للهوا و شوفي طريقتهم بالصفحات الاولى و نزلت برنامج للنفاس و الدورة مرة ممتازة طبيقي الشغلات الي فية


مساء مونترو تلقين طريقة الرشاد و التمر اول صفحة


اي استفسار انا حاضره

 

[فراولة زرقاء]

بنات الي اعطيها وصفة للخراب او علاج للارحام لا تستعجلون من اول شهر تقولون ما سواء شي لا لازم اربع دورات علشان تشوفين نتيجة

 

[لمياء 99]

فراوله الله يجزاك خير ويجعله من موازين اعمالك

وان شاء الله خير

 

[مساء مونترو]

يعطيج العافية..

 

[فديت حبايبي]

السلام عليكم شلونج
لله يجزاكم خير انشالله
بغيت شي حق التسنين بنتي تعبت من لثتها وماذيثها عزج لله اسهال وما ترضع تكسر الخاطر ياليت تفيدوني

 

[كاتو_كويتيه]

يعطيج العافيه . عندج علاج للحمل ؟

 

[mestka]

امي عندها التهاب حاد بالركبه مع خشونه ... ووايد تعبانه منه ... ركبتها مسكينه منتفخه... صار عندها ادمان على المسكنات وخاصه البروفين ... الله يجزاكم خير شنو ممكن تساعدنا فيه جدتك اللله يحفضها لكم ؟؟؟؟

 

[فراولة زرقاء]

um شوفي حبيبتي الوصفة هاذي تبنج الثة ماتخلي الطفل يحس بالتسنين تجيبين هالاعشاب من الحواج و تطحنينهم طحن ناعم مرة
عنزروت + مره + محلب + كمون اذا طحنتيهم لا تخلطينهم اخذي كل يوم ربع ملعقة صغيرة من كل نوع و اخلطيهم مع بعض بعدين فركي الثة فيها مرتين باليوم يعني تسوينها في وقتها و بكميات متساوية

كاتو - كويتية فديتك شنو حالتك بالضبط شنو سبب تاخر الحمل علشان اعرف شنو اعطيك

mestka ماتشوف شر الوالدة انا حطيت علاج لخشونة الركب شوفية بين الصفحات


اي استفسار انا حاضره

 

[فديت حبايبي]

يعطيج العافيه يابعد روحي

 

[امل هلي]

الله يعطيج العافيه انا عندي الدم على طول نازل يعني مرات يوصل 9 ومرات 11 طيب نزول الدم سبب في تساقط الشعر

 

[فراولة زرقاء]

امل اهلي اكييييييييييييييييد الدم السبب الرئيسي في التساقط
اكلي شمندر ممتاز للدم و البقدونس و الكبده و الجرجير و الخس و غيرها كثير مفيدة للدم

 

[فازلين]

عساج على القوه حبيبتي
أنا بنت وفيني هوا .. شنو الحل؟

 

[فراولة زرقاء]

فازلين اتبعي طريقة التمر و الرشاد و الحليب مع الفلفل الابيض و الماش و الزنجبيل مرررررة ممتازة شوفي الطريقة بالصفحات الاولى
و اذا عندك قولون شيلي الماش لانه يهيج القولون



اي استفسار انا حاضره