اي استفسار عن المكياج أو عن طريقة وضعه أنا حاضره ....

[عروس الدنيا]

بنات الي عندها اي استفسار عن اي شغله بوضع المكياج او طريقته
او شلون تخفين شغه بالمكياج
او شنو احسن الماركات و شنو يلوق على شنو او حتى الي تبي اقولها اسعار شغلات معينه ترا انا حاضره للرد على اي استفسار عشان الكل يستفيد طبعا هذا راجع لخبرتي المتواضعه بعالم المكيا ج .

 

[Moon_night]

مشكورة عالمبادرة الحلوه منج

انا ابي احسن كريم اساس يخفي عيوب الوجه وشلون نسوي اصلاحات بالوجه نخش ونبرز

 

[عروس الدنيا]

حبيبتي بس ابي اعرف اذا بشرتج دهنيه لازم تستخدمين oilfree foundation
اخذيه من كانيبو و اذا حابه شي يومي و يبين طبيعي حيل اخذي non fiction من بينفت و اذا عندج عيوب بويهج و حابه تخشينها في بمحل ريد ايرث الي بسوق شرق
علبه فيها 4 الوان مختلفه (وردي و أصفر و بيج و اخضر)
و كل لون يغطي شي
الاخضر يغطي الاحمرار الي بويهج و الوردي يغطي النمش
و الاصفر يغطي الاماكن الغامجه الي بويهج و البيج تحطينه مثل كونسيلر
و اذا بتصغرين خشمج حطي غامج عل اطراف
و اذا بتقصرينه حطي لون غامج تحت خشمج كلش صوب فتحات الخشم
و اذا في استفسارات يا ريت توضحين اكثر تقولين لي مثلا طريقة ويهج وشنو حابه تخشين و شنو حابع تبرزين

 

[جكورة]

:aha:

[grade="800080 FF1493 4B0082 32CD32 F4A460"]مشكــــــــورة حبيبتي على المبادرة الطيبة منـــــج...

وإن شاء الله تفيدين خواتج بالمنتــــدى...

وإن شاء الله إذا لقيت إقبال على الموضوع يستاهل إني أثبتــــــه...[/grade]

 

[خشف العرب]

مشكوره عالموضوع ممكن اعرف شنو معناته فاونديشن وتسلمين

 

[عروس الدنيا]

معنى فاونديشن

مشكوره عالموضوع ممكن اعرف شنو معناته فاونديشن وتسلمين

حبيبتي فاونديشن معناته كريم الاساس

 

[TooToo]

حبوبه -- ايهو احسن واروع كونسيلر ويعطي اضاءه للعين-- وشكرا

 

[عروس الدنيا]

؟؟؟

حبوبه -- ايهو احسن واروع كونسيلر ويعطي اضاءه للعين-- وشكرا

حبيبتي في ماركه ممتازه يستخدمونها اخصائين المكياج بره و هذي صورته من ماركة stila
اهي بصراحه مو موجوده اذا تقدرين تطلبين من النت زين بس اذا ما تقدرين بلغيني بشوف لج شغله مقاربه و من الكويت
هذي ال صوره

 

[أعرف قدر نفسي]

عاد انا عليمية

ابي اتعلم احط مكياج فابي تكونين المرشدة لي
شلون اتعلم وشنو الخطوات درجي متروس مكياج سنين ما انفتح من علبته لاني اشتري وما اعرف فما افتحهم بس اتوشق عليهم وقت اللي اشتري

1-شلون اخط الحكل ؟ شنو احسن اي لاينر او كحل عادي يعني قلم ؟
2-شلون اضبط الشدو العينين نفس الشيء ؟
3-الحمرة شلون اذا ما ابيها تطلع من حدود الشفايف ؟

 

[عروس الدنيا]

الاي شدو

عاد انا عليمية

ابي اتعلم احط مكياج فابي تكونين المرشدة لي
شلون اتعلم وشنو الخطوات درجي متروس مكياج سنين ما انفتح من علبته لاني اشتري وما اعرف فما افتحهم بس اتوشق عليهم وقت اللي اشتري

1-شلون اخط الحكل ؟ شنو احسن اي لاينر او كحل عادي يعني قلم ؟
2-شلون اضبط الشدو العينين نفس الشيء ؟
3-الحمرة شلون اذا ما ابيها تطلع من حدود الشفايف ؟

حبيتي غافله .... المكياج ترى شي سهل بس يبيله شوي تجربه و ثقه بالنفس
أول شي حبيبتي كبدايه لازم تجربين بالميك أب الخفيف لأن الثقيل بيكون صعب علييج من البدايه أنا برد على استفساراتج و عقبها بحاول أحط جم معلومه تسهل عليج

1- بالنسبه لأفضل كحل ..... أنا شخصيا أحب كحل شيسيدو ... لونه أسود غااامج
و سهل استخدامه و هذي صورته

و طريقت استخدام الكحل ... أحلى شي طبعا الكحل داخل عينج و أكيد تعرفين شلون
بعدين يبي كحل و خطي تحت عينج على الحواف بالضبط
و من فوق العين حطي خط أضعف من الي تحت و بنهاية العين (الزاويه الخارجيه للعين )حاولي تعرضين الخط أكثر و بعدين يبي فرشاة ( اهي المفروض فرشة العين مخصوصه حق هل سوالف ) بس اي فرشاة بتأدي الغرض و حاولي تمسحين الكحل بالفرشاة عشان يتوزع شوي
راح يعطيج شكل حلو للعين تحسين انها ناعسه

2- بالنسبه للاي لاينر اخذي اي نوع تكون ريشته يابسه
ريميل عندهم الايلاينر بريشه يابسه و يصير تستخدمينه نفس الكحل و نفس الشي بالفرشاة تورعينه عقب

3 - الشدو الشدو حبيبتي حطي على كل عينج لون فاتح و بعدين عل جوانب حطي لون غامج و تكونين قبلها مسويه طريقة الكحل و بيعجبج انشالله
4-حددي الشفايف يا حبيبتي بقلم نفس لون الحمره او نفس لون شفايفج و بعدين حطي الحمره بالفرشاة وايد احسن من استخدام الحمره نفسها
و انشالله اكون فدتج

 

[الالماس واللولو]

كل الشكر لك

بادرة حلوة منج يالغالية

سؤوالي وهو انا ما اقول حريفة مكياج بس ابي اسألج وهو طريقة الشدو على الاطراف اهي عقدتي شلون ارتبه

ما ادري فهمتي قصدي ولا لا

 

[عروس الدنيا]

ترتيب الشدو

بادرة حلوة منج يالغالية

سؤوالي وهو انا ما اقول حريفة مكياج بس ابي اسألج وهو طريقة الشدو على الاطراف اهي عقدتي شلون ارتبه

ما ادري فهمتي قصدي ولا لا

شوفي يا عمري اذا تحبين الشدو يكون مرتب طالع من العين بعد ما تخلصين يبي الاسفنجه مالت الكومباكت باودر ( البودرة المضغوطه )
و حطيها على الشدو من تحت و سحبي خط لي بره بيصير عندج الشكل المرتب الي تبينه

مع اني شخصيا ما احب هل طريقه الاحلى ان الشدو ما يكون محدد
لأن التحديد بيعطي مساحه لعينج جنه في بدايه و نهايه
بس من غير تحديد نظرة عينج بتكون احلى

 

[ii DareeN ii]

عندي سؤال انا بشرتي دهنيه بس مافيها مشاكل بس عندي مشكله اللمعه وماعندي عيوب كلش ويهي صافي بس كريم الاساس دايم يكتل ويشوهب عيزت اشتري كريمات اساس ماخليت نوع ماشريته ولا زال البحث جاري اذا عندج شي مناسب قوليلي حبيبتي

 

[shams]

يعطيييج الف عافيه على هالمبادره الحلووه

 

[some-one]

السلام عليكم
سؤالي سالته احدى العضوات بس ماجاوبتني عليه يمكن مشغوله
اتمنى القى الرد منج ..
بشترتي سمره بس مو غامجه واهيا مختلطه .. جربت فونديشن بوبي براون وكلنك بس مالقيت الدرجه المناسه .. انا احب الفانديشن الخفيف ومايل على لبرونز
السؤال الثاني ودي اب حمره بيج اتلوق للسمر وماتطلع جنها كونسيلر ماعندج فكره ؟
السؤال الثالث والاخير شنو برايج افضل مثين للمكياج؟ وشسمه ومن وين؟ وذا اتعرفين سعره ياريت اتزوديني فيه ..
واسفه على الاطاله

 

[some-one]

بالسؤال الاخير اقصد شنو احسن مثبت للمكياج .. سوري عالبدليات

 

[عروس الدنيا]

.....

عندي سؤال انا بشرتي دهنيه بس مافيها مشاكل بس عندي مشكله اللمعه وماعندي عيوب كلش ويهي صافي بس كريم الاساس دايم يكتل ويشوهب عيزت اشتري كريمات اساس ماخليت نوع ماشريته ولا زال البحث جاري اذا عندج شي مناسب قوليلي حبيبتي

حبيبتي تأكدي دايما ان الفاونديشن مالج يكون oilfree
و عقبه حطي loosebowder على ويهج كله و حاولي توزعين الاساس بالاسفنجه او الفرشاة عشان لا يتكتل معاج
و جربي هل فاونديشن و شوفي نتايجه معاج
اهو من ماركة

و هذي صورته و تراه وايد حلو عل بشره و تمتصه عدل لأن صاير مثل الفووم

 

[أعرف قدر نفسي]

حبيتي غافله .... المكياج ترى شي سهل بس يبيله شوي تجربه و ثقه بالنفس
أول شي حبيبتي كبدايه لازم تجربين بالميك أب الخفيف لأن الثقيل بيكون صعب علييج من البدايه أنا برد على استفساراتج و عقبها بحاول أحط جم معلومه تسهل عليج

1- بالنسبه لأفضل كحل ..... أنا شخصيا أحب كحل شيسيدو ... لونه أسود غااامج
و سهل استخدامه و هذي صورته

و طريقت استخدام الكحل ... أحلى شي طبعا الكحل داخل عينج و أكيد تعرفين شلون
بعدين يبي كحل و خطي تحت عينج على الحواف بالضبط
و من فوق العين حطي خط أضعف من الي تحت و بنهاية العين (الزاويه الخارجيه للعين )حاولي تعرضين الخط أكثر و بعدين يبي فرشاة ( اهي المفروض فرشة العين مخصوصه حق هل سوالف ) بس اي فرشاة بتأدي الغرض و حاولي تمسحين الكحل بالفرشاة عشان يتوزع شوي
راح يعطيج شكل حلو للعين تحسين انها ناعسه

2- بالنسبه للاي لاينر اخذي اي نوع تكون ريشته يابسه
ريميل عندهم الايلاينر بريشه يابسه و يصير تستخدمينه نفس الكحل و نفس الشي بالفرشاة تورعينه عقب

3 - الشدو الشدو حبيبتي حطي على كل عينج لون فاتح و بعدين عل جوانب حطي لون غامج و تكونين قبلها مسويه طريقة الكحل و بيعجبج انشالله
4-حددي الشفايف يا حبيبتي بقلم نفس لون الحمره او نفس لون شفايفج و بعدين حطي الحمره بالفرشاة وايد احسن من استخدام الحمره نفسها
و ان شالله اكون فدتج

خوش وما قصرتي

 

[عروس الدنيا]

........

السلام عليكم
سؤالي سالته احدى العضوات بس ماجاوبتني عليه يمكن مشغوله
اتمنى القى الرد منج ..
بشترتي سمره بس مو غامجه واهيا مختلطه .. جربت فونديشن بوبي براون وكلنك بس مالقيت الدرجه المناسه .. انا احب الفانديشن الخفيف ومايل على لبرونز
السؤال الثاني ودي اب حمره بيج اتلوق للسمر وماتطلع جنها كونسيلر ماعندج فكره ؟
السؤال الثالث والاخير شنو برايج افضل مثين للمكياج؟ وشسمه ومن وين؟ وذا اتعرفين سعره ياريت اتزوديني فيه ..
واسفه على الاطاله

حبيبتي بالنسبه لأسئلتج :
1- في نوعين فاونديشن بينفعون معاج
جربي من بينيفت non fiction
و هذي صورته

او في عند كانيبو هم فاونديشن حلو

2- بالنسبه لسؤالج حبيبتي جربي قبل لاتحطين الحمره تحططين القلم المحدد لون لحمي او وردي فاتح على كل شفايفج و عقبها حطي الحمره البيج عليها و انشالله بيعجبج اللون جربي ديور رقم 315

3-حبيبتي أنا غالبا مو من الي يفضلون مثبت المكياج... اذا حطيتي المكياج صح و اتبعتي الخطوات بيكون ثابت طول المناسبه ولا راح يتغير
بس اذا كنتي تحبين المثبت اخذي من بودي شوب لأنه حيل خفيف و السعر والله نسيت انا جم شاريته بس ما يطلع عن 10 دنانير . و اذا عندج اي استفسار انا حاضره

 

[some-one]

يعطيج العافيه حبوبه كفيتي و وفيتي