برياني دجاج اعدادي وتصويري :)

[أم علي الرفاعي]

بسم الله الرحمن الرحيم





المكونات :

أرز

دجاج

بصل

ثوم

معجون طماطم

روب (زبادي)

زنجبيل

بازلاء (حسب الرغبة)

بطاطا

بهارات برياني

كمون

فلفل أسود

كركم

ملح

زيت





الطريقة:



يقطع البصل الى جوانح (شرائح)

ويقلى بزيت غزير / يصفى ويترك جانبا ...





تقطع البطاطا الى مكعبات متوسطة الحجم

وتقلى ايضا بزيت غزير / تصفى وتترك جانبا ..





تقطع الدجاجة وتغلى مع بهار البرياني الى أن تنضج ..




وهذي صورة بهار البرياني





يرفع الدجاج من الماء بعد نضجه



تصفى مرقة الدجاج من البهار

ويستخدم لطبخ الأرز مع اضافة كمية من الملح ...





طبعا نخلي الأرز يستوي 1/2 سوى

أو أكثر شوي ثم يصفى ...



بصل ((كمية معقولة)) مفروم

مع شوية زيت ويضاف لهم الدجاج

+ زنجبيل مبشور ..



نضيف القليل من الفلفل البهار الأسود

الكركم والكمون والملح ...



نحرك الخليط

ثم نضيف ملعقتين فقط

من معجون الطماطم ..








يحرك الخليط جيدا ثم نضيف القليل

من الثوم المفروم للنكهة ..



نضيف الروب




بالأخير نضيف البازلاء,,



ناخذ الجدر ..
طبعا أول شي نضع كمية قليلة من الزيت

ثم ثلث كمية الرز ثم خليط الدجاج

ثم نضع البطاطا وجوانح البصل المقلية

ونضع باقي كمية الرز فوقهم ..



نعمل ثقوب بالأرز ونرش القليل من الزيت

على السطح ...







نخليه يبخّر ..

بمجرد ما نشوف البخار بدأ يظهر

نخفف ع الآخر على النار

ونتركه يبخر على الراحة تقريبا نصف ساعة..

طبعا مع اغلاق الوعاء أكيد ..



وهذا الشكل النهائي








وطبعا علاوي أول واحد

راز فيسه ع السفرة قصدي الجريدة خخ








مع أطيب التمنيات

 

[تحبني ولا ...]

واااااااااااااااااااااااو جاري التطبيق
من اليوم محتاره شنو اسوي غدا
الله يخل لج عيالج الحلوين فديتهم

 

[!بحر الصبر!]

بصراحه على الوصف مره لذيذ لان الصور ماطلعت عندي بس عن جد تسلم الايادي

 

[ضحكة الدنيا]

شغل عدل
تسلم ايدج
وعليكم بالعافيه

 

[digital]

تسلم ايدج

نفس طريقتى تقريبا والله يخليلج علاوي سلم قلبه

 

[أم علي الرفاعي]

يسلمكم ربي

عاد هالله هالله برياييلكم

سووهم فيلة وطيحوهم بجبودكم خخخ

 

[نيلفار]

شكله عجيييييييب وان شاء الله باجر راح اسويه

 

[78MariMar78]

يعطيج العافية على الوصفة الجميلة

وصحتين وهنا على قلب علاوي

 

[أم علي الرفاعي]

نيلفار
ماريمار

مشكورين ع المرور
وع المدح

 

[جارة القمر]

مشكوووووووووووووره




تسلم ايدج

 

[أسـيـل]

يعطيك العافيه حبيبتي

 

[د.شريفة]

تسلم ايدينج

 

[pama girl]

تسلللللللللللللللللللللللللم ايدج

شكله لذييييييييييذ

 

[الجمان المنثور]

يا لبي قلبك ياعلاوي الله يخليك لعينن ترجيك يا علاوي
تسلم ايدينك والله يخليك لهم ويحفظهم ربي بما يحفظ عباده الصالحين

 

[النشامة]

[B]

شىء عدل
والله خوش غدا
وعسى الله يحفظهم عيالج​

[/B]

:weight_lift::aha::weight_lift::aha:​

 

[<<لمار>>]

تسلم ايدج

 

[KaNoOoSha]

الله يخلي لج عيالج يارب ويحفظهم امييييين

يسلموووو يوعتيناااا

 

[أم علي الرفاعي]

خلاص يابنات ,,

بطرش لكم جدير صغيرون
عاد انتو تقاسموه !!!


مشكورين ع الاطراءات الجميلة
والدعاوي الحلوة

 

[FiOnKa]

شكله حلوو الصراحه ,, انا اللحين اغرمت بطباخج ,, من بعد الربيان و اللحين البرياني اثبتي شطارتج و بجداره تسلم ايدج حبيبتي ..

و ما تبلى هالديات << قلبت سوري

 

[ليالي العاشقين]

اممممممممممممم لذيذ شكله عليكم بالعافيه