بسرعة دشو ابي نظرتكم حق هالزواج

[Queenleo]

وعلى فكرة اختي فرصها قليلة المسكينة اقولها نطري تقول مستعدة انطر بس محد قاعد يطق بابها مع ان مو ناقصها شي تقولون عين صابتها

حبيبتي انا عمري 28 وومانطق بابنا الا مرتين :eh_s(1):
ووخير ان شاء الله!!!
الي خلقني قسم رززقي وباخذه اذا 40 او حتى 70
ووشنوو فرصه قليله اووكي لاااتتزوج احسنلها
من واحد يمكن سكير وويطقها ووويبهذلها
وبعدين تعالوا فكوني
وو وراها كووكش عيال
تكفون فكروا عدل :eh_s(4):
لاتقطون روحكم قطه الله العالم فيها بس عشان زووواج
الحمدالله عايشه ومرتاحه ووبعز ياما تزوج واحد يعيشها عيشه حلوه ولا بالله
الله يعووووض
وايد بنات قطوا روحهم بس عشان بتزوج
ووشوفي القسم ترس مشاكل عبالكم الزواج سهل
تنرفزت :bbbiu:

 

[هذا مزاجي]

لو انا مكانها مراح اوافق
والله يرزق اختج بواحد احسن منه

 

[meshmeshaa]

اذا قلنا كان صريح لانه مر بتجربه فاشله ويخاف انها تنصدم بعدين وتطلب الطلاق مثل اللي كان مملج عليها
بس هو بصراحته طلع عيوبه كلها وهذا من حسن حظ اختج
اول شيء اختج خليها تسال نفسها تقدر تعيش من غير ما تشوف ريلها دايما
واغلب الاوقات يعتذر انه يطلع معاها لانه مواعد ربعه بيروح الحداق ولا عنده
سمره او ما يقدر يطلع معاها يتمشون او يتسوقون ويقولها مثلا روحي مع اهلج واذا اعترضت
بيوم من الايام بيقولها انا قلتلج قبل الزواج وانتى وافقتى
ثاني شي هي مستعده تشيل كل شي على راسها خصوصا لما اييهم يهال هو ماراح يكون
فاضي وانه تعود يا سمره يا حداق
ثالث شي لو ملجو ولقت انه مأثث الشقه مع مطلقته من قبل اختج راح ترضى بهالاثاث لانه بيقولها انا
ما عندى فلوس وهذا اللى موجود
وعلى العيوب الثانيه مقدور عليها
الدراسه هي تقدر تشجعه بعدين وممكن يكمل ووايد اعرفهم منهم ولد عمي على الثانويه وبعد الزواج
مرته شجعته والحين عنده ماجستير حقوق والحين يشتغل باحسن وظيفه
اما دراستها تقدر تشرط عليه بالعقد وما يقدر يخرب عليها جذيه
اما مساله العرس ترى وايد الحين ماقاموا يسوون عروس يسوون حفله استقبال بالبيت وبس ويروحون
بفلوسهم شهر عسل يستانسون يعنى لا تحطوون العرس عقبه - العرس مو لها العرس للناس وهم اللى
يستانسون وبالاخير ديون على ظهرهم هي وريلها - حفله ببيتكم والله يبارك فيها وبتستانس
واما بسبب جرأته انا اتوقع انه متاثر من طلاقه وما يبيه يتكرر فيبي الكل فاهم قبل لا يرتبطون
لكن المهم انه اختج بعد ما تستخير وتشوف شنو نوت عليه
خليها تطلبه وتقعد معاه جدام امج وابوج وتكون مجهزه الكلام يعني من غير ما تستحي لان فيها عشره وزواج
وتقوله كل اللى تبيه وتبدى بكلامها انها وايد احترمت صراحته وامانته وانه ما قص عليها وبالاخير ماراح يتفقون
وانها بالمقابل تبي تبادله هذى الصراحه عشان يكون فاهم الوضع وهي تعرف كل شي عنه عشان الزواج ينجح
وتقوله انها تبي تكمل دراستها - انه ما يهملها بسبب وناسته ويشوف بيته ومسوولياته - وتساله عن القرض وجم مدته
وجم يبقى من معاشه يعنى يقدر يفتح بيت ويصرف عليه ولا لا وتفهمه باسلوب هادي انها تسال عن القرض
لانه لازم تطمن انه يقدر يفتح بيت ويتحمل المسووليه واذا ما تقدر تتكلم بهالاشياء خلوا ابوج يكلمه جدامها
عشان الكل يكون على بينه - ويكون عارف انه هو يتحمل مصرف البيت باللى يقدر عليه يعنى يحط مصرف
البيت (يمكن قايلين مهندسه معاشها قوي ماراح تسال عن شي وبتشيل معاك )
فخله يفهم انه هو المسوول وهي تتاقلم على معاشه اما معاشها هي حره كل الحريم يساعدون رياييلهم
لكن اذا طلبوا اشياء اكثر من طاقته يعنى تبي تاجر بمكان غالي المفروض تقط معاه اذا هذى رغبتها او
تسكن معاه بالمكان اللى يقدر يدفع ايجاره
وبالنسبه لمصرف البيت اذا اشتهت شي تشتريه لنفسها يعني مو معقوله تروح تشترى خرابيط من مصروف
البيت يعني مادام هي بوظيفه وماخذه من وقت بيتها المفروض تقط على نفسها بالمقابل
وما تحسسه انه قطت عشان ما يتعود الا لما تكون مشتهيه او حبت تشترى شي
اما بالنسبه للخاطب واللي انا سويته زوجها وضبطت مصرفهم لووووووووووووووووول وايد اندمجت
فاذا كان متفهم وتكلم بكل صراحه ووضح القرض ومصروفاته وتفاهمت معاه على كل شي شنو اللى
يمنع زواجها
ياما بنات تزوجوا متعلمين ومثقفين واطلعوا افسد منهم مافي ونشفوا ريجهم وهم شايفين نفسهم
الريال باخلاقه وتصرفاته النبيله مع مرته مو بتعليمه اهم شي هي ما تحسسه بفرق التعليم بينهم

وبالاخير خلي اهلج يسالون عنه اكثر و عن صلاته وترى وايد شباب اللى لاهين بالحداق والسمرات
ما عندهم خرابيط لانه ما عندهم وقت ولا يفترون بهالمجمعات وبعدين هو قال انا اقعد بالديوانيه
يعني الاكيد انه ما يخربط
والله يوفق اختج ويكتب لها كل خير وبنات المسلمين امين

 

[hbenc]

اب اب بعد ابي نظرتكم

 

[^_^ Coco Chanel]

من امه لأ ... اختج توها صغيره ؟؟؟؟ ليش تسوي بعمرها جذي؟؟؟ على كلامج مو ناقصها شي !! عيل انشالله تصبر والله بيعطيها اللي احسن ان شاء الله ..
الكتاب يبين من عنوانه ...
وبالتوفيق

 

[~Unreachable]

امبي لا حده مايطمن كلامه !!

شنو يعني راعي سمرات و هديتهم الحين !

هذا يعطي اشاره ان ممكن ارد باي وقت و حجته اني معطيج خبر !!

وبالنسبه للعمر ماكو تاكفؤ

وبالنسبه للقرض عطاها اشاره ثانيه انه ممكن يخليها تسدد معاه من كلمة ( قرض كبير )

+

سالفة الديوانيه و العود فيها سهر و " ينخاف منه " !!

وبعدين حطها جدام الامر الواقع و قالها عن الفحص يعني يبي يصدمها عشان لي فكرت تقول شاريني و يبيني !!

انا اقولج هذا من كلامه مو هين و ينخاااااااااااااااااف منه

خل تدير بالها خصوصا انه راح يكون ثاني زواج لها .. لا تستعيل فيه الناس مايرحمون باجر بيقولون العيب منها اذا انفصلت للمره الثانيه لاسمح الله ..

وبعدين بالنسبه للسبب اللي خلاه ينفصل من الملجه

الديره صغيره حبيبتي و ماكو شي ينخش .. تقصوا و سألوا عدل راح تعرفون ليش انفصل عنها !!

انا اقول الخطوه وايد كبيره و خطره .. لاتهدم نفسها معاه .. خصوصا انها طموحه و جامعيه و موناقصها شي ماشالله ..

و بلغينا شيصير :*

 

[كراميلا مرة]

اولا شيء
خل يسالون عن الرجال عدل وعن اخلاقه وسبب طلاقه
واذا كان زين تستخير وتتوكل على الله
وربي يكتب لها الخير

 

[hbenc]

مشكوووؤرين خواتي وانا خليتها تقرا ردودكم واقتنعت بس قالت لازم اقول حق اهله ان انا متخوفة من 1 و2 و3 على قولتها خل نعطيه فرصة يدافع عن نفسه مابي اظلمه واليوم الساعة 10 ونص الصبح دقت امه وقالت شنو قالت البنت فقالتلها امي ان البنت ودها تشوف الريال تبي تتأكد من جم شغله فأمه قالت حق امي خل تكلمه وتسأله واحنا بينا وبينكم قلنا احسن بدال ما اييونا ونستقبلهم وحالتنا حاله قلنا نختصر السالفة بالفون وفعلا اختي كلمته وقالتله شنو تقصد بسالفة ان قرضك اشكبره وماتقدر تسوي عرس قالها انا ماخذ فوق ال20 الف دينار لاني شريت حق زوجتي الي فاتت سيارة وسافرنا انا معاها 12 يووووم وركزو على 12 يوووووم ( طبعا اهله واهوا في البداية قالولنا انها ما اقعدت عنده كلش وفلو بالملجة وان مادخل عليها ) والحين زل السانه وقال ان سافر معاها 12 يوم وانها مو كويتية من فئة اخوانا البدون وطبعا قالها وقام يرقع ان اهوا ماراح يقصر معاها ومن هالحجي الصراحة مكالمتهم شبه طولت واختي لاعت جبدها ولمن سكرته خافت قالت هذا متزوج وحدة مو كويتية اكيد كان يحبها ولا شلون خذاها غير ان اهوا يحبها وهدو بعض وخافت ان لو تتزوجه يكون من هالرياييل الي عينهم وقلوبهم تهف على الاجانب فطقت بريك وقالتله انا اخاف تحسر فيني جان يقولها لا عادي نتساعد عاد اهيا سكرت الموضوع وقالتله شكله مافي نصيب وربك يرزقك بالي احسن مني

 

[^_^ Coco Chanel]

ان شاء الله نصيبها تاخذ اللي احسن منه ...

 

[دي حسن]

البنات كفووو وووفوووو الصراحه لو بمكانها ما اوافق لو شنو وكافي انه اصغر منها والله يوفقها انشالله باللي احسن منه :*

 

[hbenc]

فديتكم ثانكيو كلكم

 

[بنوته كيكه]

اختي الله يرزقها وعوض عليها في الاحسن منه
والصراحه الخواة ماقصرو في الرد ماخلو شي ماقلوه وصح الي قالو

 

[hbenc]

الحمدلله على كل حال وربي يرزقها الزوج الصالح الوفي الحنون يارب ادعولها حبايبي

 

[كيوت وعسل]

الله يرزقها الزوج الصالح اللي احسن منه
اللهم امين
وقولي لها تستغفر بعد كل صلاه 100 مره
انا كنت نفس حالتها وبديت بالاستغفار والله العظيم شهر وملكت والحمد لله
اللهم لك الحمد يارب

 

[منو انت]

لو القرض انصرف على ترميم بيتهم او على علاج احد مريض لا سمح الله اوكي

لكن مجهول سبب القرض وهالشي يحير بصراحه ماادري شنو اقول بس الله يكتب لها الخيره يارب

 

[منو انت]

توني اقر ردك ان مسافر معاها 12 يوم مو بالبدايه كانت بس ملجه شكلهم نصابين عاد الا الزواج حلاته الواحد يكون صريح وانتي ياام المعرس ماعندج بنات ماتخافين ربج يبيلج بناس يكذبون علييج


شي يقهر وخيره حق اختج الله يرزقها الزوج الصالح وشنو تقولين فرصتها قليله ليش عمرها 55 توها عز الشباب

الله يرزقها الاحسن يارب والله لايبلانااا مسكين شكل العرس الاول هد حيله

 

[كويتيه كيكه2011]

نصيحه لا تتزوجه وكل واحد بطريق واهي المفروض تاخذ احد كبير مو اهي امه اكبر منه والله يرزقها بالزوج الصالح

 

[دلوعة صلوح]

صراحة هذا من اولها جذى عيل بعدين شبيسوى .. لا توافق ولا شئ خلها عن اهاها احسن لها
باجر بيصير كل شئ على راسها.. والله يرزقها الزوج لى يسعد حياتها يارب العالمين.

 

[Om_Ksha]

زيييييييييييييين سوت اختج .. كلش مايصلح لها .. ولا تتهاون بالامور على ابو انه اسمي متزوجه !!

خل يكون عندها يقين انه ربي يبي لها الافضل .. وكل شي مكتوووب ..

والله حظهم الريايل .. البنت تيي لهم زاهبه من كل شي شهاده جمال وفوق هذا يتشرطون ومايعجبهم العجب .. والبنات يرضون بأي شي اهم شي اخلاقه زينه كافي .. ويريت يبين بعيووووونهم

 

[زهرة الزهور]

صراحه كلامه واسلوبه مايطمن ابدااااااااااا جريى زيادة عن اللزوم هدا وللحين ما تزوجو لتزوجو شنو بيسوي بتصير تشوفه بالسنة مرة متل العيد وكل مارح تطلب منه شي رح يقول انا قايلج قبل لا نتزوج ما عندي فلوس وشنو انتي العرس ليش شايفها بايرة بالاربعين ولا الخمسين ولا ناقصها ايد استغفر الله وبعدين اصغر منها وهي توها صغير وحلوة وشهادة واو ولا شي اصلا يخليه يفكر يتزوجها انا اقول تفكررر وتفكررر وتفكر وترفض ان شاء الله بيجيها اللي احسن منه