قوة اشلونكم بنات
باخذ رايكم بشغله اختي متقدملها واحد واهيا مسكينة كانت متزوجة من قبل بس فسخت بالملجة عافت الريال لان كان يخونها والحمدلله مادخل عليها وفلت منه بعد 3 شهور ملجة واختي الحمدلله مو ناقصها شي حييييييل جميله وشهادتها مهندسة وناوية تكمل ماجستير
المهم حاليا متقدملها واحد شهادته متوسطة مع دبلوم ويشتغل بقطاع خاص صارله 6 سنين ونفس حالتها مطلق بالملجة بس لا اهوا ولا اهله كانو واضحين بسبب طلاقه كل واحد يقول شي مرة يقولون من امها كلا تتدخل ومرة يقولون اهيا عنيدة والله ماندري عن هالناس وامس ياه وشافها اهيا الفقيرة قنوعة بس قاعدة تحاتي لان لمن اقعدت مع الخاطب قالها انا بصارحج انا ريال سيدة وماعندي خرابيط وهوايتي الحداق ودقدقة العود وقالها ان ماكمل دراسته عشان يحب قعدات السمرات والدقدقة وقالها ان الحين هد هالسمرات وقام يدقدق عود في ديوانية بيتهم بين ربعه الخاصين وفوق كل هذا قالها انا ماخذ قرض اشكبره وماقدر اسويلج عرس اذا انتي تبين سوي تخيلو كل هذا بيوم واحد من اول ما شافها طارت عيونه عليها وعلى جمالها ووافق واهوا قاعد وقالها تعبيرا عن موافقته عليها ( شوفي اهلج متى يعطوني خبر عشان نسوي اجراءات الفحص ) والصراحة اختي خايفة من :
1- ان يكون يشرب لان على قولتها اكثر الي يروحون سمرات يشربون طبعا مو كلهم .
2- ان يكون قاسي عليها لان اختي تقول اهوا شكله حده جريء .
3- تخاف ان يكون مايخاف الله فيها ويعاملها بقسوة خاصة ان هذا ثاني زواج لها لو صار .
4- تخاف مايخليها تكمل دراستها العليا وطموحها .
5- تخاف ان يكون يبي ياخذ من معاشها على ابو انها جامعية وحيل خافت لمن قال لها انا ماخذ قرض شكبره واذا تبين عرس سوي انتي عرس انا مابي تخاف يجعصها عليها ولا مايعطيها حقوقها .
طبعا امه واخته حيل مستانسين وشكلهم مالهم كلمة من كثر ماولدهم جريء
ياجماعة انا قلت حق اختي تستخير واهيا طول امس طايحتله استخارة بس ابي رايكم في الموضوع ابي نظرتكم المستقبلية حق هالزواج لو تم ونسي اقولكم ان اختي عمرها 25 واهوا 23 يعني اختي اكبر منه بسنتين واختي دايما تقول انها تبي واحد اكبر منها ويكون بالثلاثينات عشان ترتاح ماتبي واحد مو شبعان من الدنيا بس محد تقدملها بهالعمر كلا صغار الي ايوونها واهيا تخاف ان يكون لحد الحين ماشبع من الدنيا ويفصل عليها اذا خذاها بسوالف الخرابيط والبنات بليز ابي نظرتكم نورونا حدنا محتاسين بهالموضوع ناطرة ردودكم
حبيبتي
اول شي الله يكتب الي فيه الخير ويبارك لها
اذاخايفه انه يشرب فالاحسن تسالون عنه لان هالشي ما ينخش والكويت صغيرة
على ان جريئ مو معناته قاسي مااشوف في علاقه
وسالفه المعاش والامور الماديه لازم يتفقون عليها مافيها شي التفاهم والاتفاق وايد مهم
وعلى فكرة الحين نادر تحصلين ريال يصرف على مرته من الالف الى الياآ نااادر
يعني ممكن يتعاونون
وانا عندي ان اهو رايه المهم ليش تبون اخته وامه يبدون رايهم
هذا دليل انهم
ماراح يتدخلون بينهم وهالشي ايجابي لان ادخل الاهل دايما يسوي مشاكل
هذي حياتهم واهم يقررون
وسالوا الي كان مالج عليها وشوفوا ليش انفصلوا يمكن ايووز لها الريال وتتحمل عيوبه
وخل تفهم منه جم بوم يروح يدق عود وليم ساعه جم
لان في حريم يتضايقون اذا كل يوم وليم ساعه متاخرة
واهم شي يصلي والا لا
