بعض مما قرأت

[كراميلا مرة]

السلام عليكم
اولا فتحت هالموضوع بناء على طلب من الاخت الغاليه ليلو جبريت
وبعد عشان اسجل فيه كل ما اقراه واقول رايي فيه

اول شيء بعض مما قرأت في الفتره الاخيره
وبتلاحظون اغلبهم روايات لاني ماقرأ كتب كثيره لاني اطول في الكتاب عشان استوعبه وافهمه عدل
كتاب العرب وجهة نظر يابانيه

الكاتب يتكلم عن العرب ويقارن بينها وبين اليابان
في بعض الاحيان يكون معه حق بس اصلا في اختلاف كبير بينه وبينهم والكتاب يملل
كتاب 4000حقيقه مذهله
]

[/URL]
كتاب خفيف وحلو في معلومات كبيره وحلوه
بس يبي له قراءة بتمهل عشان يستوعب حجم المعلومات اللي فيه
الكتاب الثالث
اساطير الاولين ميخائيل عبدالله غابريال
الكتاب حلو للي يحب الاساطير القديمه بس النسخه اللي عندي رديئه فما افهم فيها عدل

الحين نجي للروايات



]روايه نيجيريه حلوه وخفيفه
تتكلم عن حياة شخص صعب اسمائهم
بس انصح الكل بقراءته يتكلم عن بعض معتقدات والاساطير عند النيجيرين وحياتهم البدائيه
وكيف دخل عليهم التبشير بالمسيحيه
انا عني استمتعت بقرأتها





رواية غايب لبتول الخضيري
روايه خفيفه وبسيطه تتكلم احداثها في العراق
يتكلم عن شخصية دلال وحده تعيش مع خالتها وزوجها
والعمل اللي تقوم به عشان تعيش وتكسب وتكمل دراستها
وتقوم بمساعده زوج خالتها في تربية النحل
نهايتها غير متوقعه بس في النهايه الروايه حلوه
وتفيد عن عالم النحل وكيف التعامل معه



الروايه حلوه

[URL=http://up.3ros.net]

[/URL]
قصة حب مجوسيه لعبدالرحمن منيف
بصراحه قصه تتكلم عن شخص يحب امراه مجوسيه من اول نظره لها وتتغير حياته بسبب هالحب
ويحاول يبحث عنها لين يفقد الامل
بصراحه الروايه ماعجبتني بس الالفاظ وطريقة السرد حلوه



رواية ارجوكم لاتسخروا مني لجودي بلانكو
المؤلفه تتكلم عن نفسها في مرحله الدراسيه من السنه الخامسه في الابتدائيه لين الثانويه
وكيف كانت محبوبه من مجموعتها وكيف انقلبت الى منبوذه وتلقت عنف وضرب من قبل زملائها
وفشلها في التأقلم الاجتماعي رغم تغيير مدرستها اكثر من مره
ومعاناتها من شكلها الغير مقبول
وكيف صارت بعد تخرجها
وكيف تخطت هالمرحله

الروايه روعه حلوه حيل وتناسب للي مروا بنفس المشاكل ايام الدراسه



رواية مغامرة حب في بلاد ممزقه لجين ساسون
تحكي الروايه عن جوانا من اب عراقي وام كرديه
وقصة حبها وتعلقها في بلد امها كردستان
وقصة حبها فيها مغامره وكيف انتقلت لتعيش مع زوجها
حياة البشمركه المطارده من قبل قوات صدام حسين
القصه مشوقه وحلوه بس فيها بعض المبالغات
واللي ماعجبني فيها انها تميل للاصل الكردي مع انها عربيه
القصة عورت قلبي وخاصة اللي صار للاكراد من قبل الطاغيه صدام لما ماتوا الالوف بسبب غاز الكيماوي
تعرفك عن بعض الاحداث التاريخيه بين حرب العراق مع ايران والاكراد

http://up.3ros.net/get-10-2011-7h9g2jzc.jpg[/IMG][/URL

الحب الكبير لساره دان
بصراح الروايه سخيفها ومالها اهميه غير الجنس مع انها مافيها تفاصيل جنسيه مخله بس
الهدف من الروايه ليش ماصار الجنس وكم علاقه وماله نهايه



رواية ايام معه لكوليت خوري
توني ابتديت فيها ومادري البدايه مابينت شيء بس شكلها قصة حب
قريتها من كثر ماسمعت مدح عنها

ولي عوده ان شاء الله مع قائمتي الجديده عشان اعرف رايكم فيها بس الحين تعبت والكيبورد والفاره عني مادري شفيهم فقدوا الذاكره الظاهر لوووول

 

[كراميلا مرة]

قائمتي الجديده واتنى اعرف رايكم في الكتب والروايات قبل اقرأهم
1_ ارض السواد الاجزاء الثلاثه لعبدالرحمن منيف
2_وعاظ السلاطين لعلي الوردي
3_اله الاشياء الصغيره
4-شيفرة دافنشي دان براون
5- جنة الشوك لطه حسين
6-رحمه مذهله دانيال ستيل
7- فسوق لعبده خال
8- نحن لانزرع الشوك يوسف سباعي
9-الاغواء الاخير عفاف البطاينه
10-النمر الابيض آرافيند أديفا
11- الاخوه الاعداء
12_ ملحمة الحرافيش لنجيب محفوظ
والقائمه قابله للتعديل يمكن اضيف شيء واحذف شيء بانتظار رايكم

 

[رويال كلاس]

شنو مخططاتكم لعيد الأضحى المبارك
http://www.q8yat.com/t959928.html​

 

[ليلو جبريت]

كلووووش

اخيرا نزلتي الموضوع

صراحه انا متشووقه اني اعرف الكتب الي تقرينهم

وخذت لي كم اسم وراح اقراهم باذن الله

 

[ليلو جبريت]

قائمتي الجديده واتنى اعرف رايكم في الكتب والروايات قبل اقرأهم
1_ ارض السواد الاجزاء الثلاثه لعبدالرحمن منيف
2_وعاظ السلاطين لعلي الوردي
3_اله الاشياء الصغيره
4-شيفرة دافنشي دان براون
5- جنة الشوك لطه حسين
6-رحمه مذهله دانيال ستيل
7- فسوق لعبده خال
8- نحن لانزرع الشوك يوسف سباعي
9-الاغواء الاخير عفاف البطاينه
10-النمر الابيض آرافيند أديفا
11- الاخوه الاعداء
12_ ملحمة الحرافيش لنجيب محفوظ
والقائمه قابله للتعديل يمكن اضيف شيء واحذف شيء بانتظار رايكم

انا هالشهر حابه اقراء لعبده خال واله الاشياء


وشفرة دفنشي طويلة اتمنى تستمتعين فيها

:eh_s(9)::eh_s(9)::eh_s(9):<<< فرحانه على الموضوع

 

[كراميلا مرة]

كلووووش

اخيرا نزلتي الموضوع

صراحه انا متشووقه اني اعرف الكتب الي تقرينهم

وخذت لي كم اسم وراح اقراهم باذن الله

حياج الله ليلو
انا اللي اخرني التحميل ماحبه
ساعه على ماضبطت الموضوع وقلت بحط كتب من اللي قريت اكثر بس تعبت من التحميل

انا هالشهر حابه اقراء لعبده خال واله الاشياء


وشفرة دفنشي طويلة اتمنى تستمتعين فيها

:eh_s(9)::eh_s(9)::eh_s(9):<<< فرحانه على الموضوع

والقائمه عندي ماتنهي قلت بحطها كلها بس بتصير كارثه
عندي فوق 200 كتاب وروايه
كتبت يمكن 20 وكل حين اختصرت واحترت شنو احذف وشنو احط :eh_s(1):

اذا تبين اكتب جزء اكبر من الكتب اللي في قائمتي انا حاضره

 

[3oosh <3 MJ]

حلووة لستتج حبيبتي
اله الاشياء الصغيرة حلووة .. ورواية قصة حب مجوسية ماعجبتني كلش ..
صار لي اسبوعين تقريبا من بديت فيها ولحين ماخلصتها .. احس اني مب متقبلتها :\
ورواية غايب حسيتها نفس رواية the secret life of bees..
باقراها انشالله عشان احكم عليها ، واتمنى ان ماتكون نفس الروايات المستنسخه ..
يعطيج العافية حياتي

 

[Kadin Cligin]

إله الأشياء الصغيرة وين تنباع بأي دار بالمعرض؟

 

[كراميلا مرة]

حلووة لستتج حبيبتي
اله الاشياء الصغيرة حلووة .. ورواية قصة حب مجوسية ماعجبتني كلش ..
صار لي اسبوعين تقريبا من بديت فيها ولحين ماخلصتها .. احس اني مب متقبلتها :\
ورواية غايب حسيتها نفس رواية the secret life of bees..
باقراها انشالله عشان احكم عليها ، واتمنى ان ماتكون نفس الروايات المستنسخه ..
يعطيج العافية حياتي

انا تحمست لقراءة اله الاشياء الصغيره شكلي راح ابدي فيه
وقصة حب مجوسيه حتى انا ماحبيتها كلش
وغايب والله ماقريت الروايه وماعرف اذا نفسها
وحياج الله :eh_s(7):

إله الأشياء الصغيرة وين تنباع بأي دار بالمعرض؟

للاسف انا مادري اللي عندي نسخه الكترونيه
حياج الله:eh_s(7):

 

[كراميلا مرة]

احس نفسي ظلمت الكتب اللي عندي ماحطيت الا لسته صغيره وانا ابي اشوف رايكم
باكثر من هاللي حطيت

اشدعوه بنات وينكم ؟؟
ابي رايكم بالكتب

 

[ليلو جبريت]

كوكو بعد حطي كتب قريتيهم ابي ارتب لي قائمة

 

[Violet Reem]

شفيرة دافنشي شريتها
وبيدت قرائتها بس ليلحين ما خلصتها
اهي تتكلم عن شفيرة رقمية خاصة للمخابرات الامريكيه والرواية تناسب الي يحبون الروايات البوليسية وروايات الغاز انا حسيت بملل بقرائتها وما تشجعت اكملها
وباقي اللسته حلوه وموفقة خير

 

[كراميلا مرة]

كوكو بعد حطي كتب قريتيهم ابي ارتب لي قائمة

خلاص انتظريني :eh_s(7):

شفيرة دافنشي شريتها
وبيدت قرائتها بس ليلحين ما خلصتها
اهي تتكلم عن شفيرة رقمية خاصة للمخابرات الامريكيه والرواية تناسب الي يحبون الروايات البوليسية وروايات الغاز انا حسيت بملل بقرائتها وما تشجعت اكملها
وباقي اللسته حلوه وموفقة خير

عاد انا نادرا اقرا قصه بوليسيه بس تعجبني
احس اتحمس لين يكتشفون صاحب الجريمه او القاتل
وحياج الله:eh_s(7):

 

[كراميلا مرة]

رواية احدب نوتردام لفيكتور هيجو



روايه تتكلم عن واحد مشوه واحدب ومصاب بالصمم

ويشتغل في قرع الاجراس نظر لصممه
يحب فتاه غجريه ويضحي من اجلها الروايه وايد حلوه


2- رواية بائعة الخبز لكزافييه دو منتبان


تتكلم عن امرا يتوفى زوجها اثر اصابته في العمل فتضطر للعمل من اجل اعالة ابنها
ويتقرب منها احد العاملين ويطلب الزواج منها والاتفاق معها لقتل صاحب المعمل وحين ترفض
يقتل صاحب المعمل ويتهمها فيه ويسافر
والمراه تسجن وبعدين تهرب لتبحث عن ابنها وبنتها ولتكشف الحقيقه
رواية حلوه وتحمس حييل

3- رواية العزاب الفاسدون لدانيال ستيل



تتكلم عن 3 عزاب يعيشون في لهو ويجتمعون في يخت كل عام
ويكونون رفضين لفكرة الزواج لين يلتقون بالنساء اللي يلفتون نظرهم
قصه حلوه بالنسبه لي بس مافيها شيء جديد ونهايتها معروفه


4- رواية جسر التنهدات لميشال زيفاكو



5- عشاق فينيسيا لميشال زيفاكو


انا ناسيه القصه عدل اهي من جزئين بس القصه امراه تحب شخص ولما ماستجاب لحبها وحب وحده ثانيه وناوي يتزوجها

طلبت من مره اخيره انه يتزوجها وانها تحبه بس رفض
قتلت رجل واتهمته بقتله
ووشت به في يوم زواجه وسجنوه مده طويله وانتقموا من ابوه لين قدر يهرب
وينتقم من كل اللي اتهموه بالقتل واللي عذبوه
والروايه وايد حلوه وفيها احداث كثيره وعجيبه

5- رواية اليهودي الحالي لعلي المقري




قصة وحده مسلمه تحب شخص يهودي وتضحي باشياء كثيره علشانه
اعجبتني القصه
بس ماعجبني اسلوب المدح لليهود والتطبيع مع المسلمين

6-رواية ام العروسه لعبد الحميد السحار



القصه تتحدث عن عايله وتفاصيل كثيره فيها عن العايله من ضمنها زواج بنت منها والتجهيزات اللي يقوم فيها ابو العروس وام العروسه
والتعب اللي يصير من التجهيز
روايه خفيفه

7- رواية خان الخليلي لنجيب محفوظ


تتكلم عن عايله تركت سكنها وانتقلت لخان الخليلي بسبب الخوف من الحرب والقصف
ورجل والله انسى الاسماء بسرعه
في الاربعين عايش منغلق على حاله ومايحب ولما عرف الحب جاء مانع وانهى الحب

مادري ماعجبتني الروايه

 

[أنثى اليمامة]

قائمة جميلة .. كراميلا بعضها من قائمتي للقراءة .. اووف والله عندي شكثر كتب باللستة .. الي كل يوم تزيد .. اصبح الآن الكتاب الالكتروني متوفر بشكل كبير وراقي .. حتى النسخ المتوفره تصوير جودة عالية .. تغري بالاقتناء ..


​

 

[رحيل المرافيء]

عجبتني المجموعة الثالثة
خاصة ام العروسة لووووووووول
يعطيج العافية
وننتظر القية

 

[عادت ذكرياتي]

ما شاء الله عجبني جم كتاب

ومازالت قائمتي تطول والمكتبة تزدحم لوووول

 

[3oosh <3 MJ]

لستتج الثالثه حلوة وفي كتب قاريتها
والحين بحمل رواية ام العروسة شكلها حلوة ..
متاابعه

 

[3oosh <3 MJ]

إله الأشياء الصغيرة وين تنباع بأي دار بالمعرض؟

دار نينوى حبيبتي

 

[كراميلا مرة]

قائمة جميلة .. كراميلا بعضها من قائمتي للقراءة .. اووف والله عندي شكثر كتب باللستة .. الي كل يوم تزيد .. اصبح الآن الكتاب الالكتروني متوفر بشكل كبير وراقي .. حتى النسخ المتوفره تصوير جودة عالية .. تغري بالاقتناء .. ​

صدقتي انا نفس الحاله كل يوم يزيد في القائمه كتاب او كتابين
مادري متى بقراهم كلهم :bbbiu:
حياج الله:eh_s(7):

عجبتني المجموعة الثالثة
خاصة ام العروسة لووووووووول
يعطيج العافية
وننتظر القية

حياج الله :eh_s(7):
وام العروسه روايه خفيفه وحلوه

ما شاء الله عجبني جم كتاب

ومازالت قائمتي تطول والمكتبة تزدحم لوووول

كلنا نفس الحال
حياج الله :eh_s(7):

لستتج الثالثه حلوة وفي كتب قاريتها
والحين بحمل رواية ام العروسة شكلها حلوة ..
متاابعه

حياج الله :eh_s(7):
ان شاء الله تعجبك