بقلبي غصة و الله العظيم وحاسة اني مخنوقة

[بنات حواء2]

اشتري كرامتج وبيتج بنفس الوقت
الانسان ما يعيش من غير كرامه
و المره كذلك ما تعيش من غير ريال يشيل عنها و الا تضيع وسط هلمجتمع الي ظالم المره
قعدي مع ريلج وفهمي انه هلكلام يضايق و يمس كرامتج الي هي من كرامته وذكري بايام حبكم و ساليه شنو الي غيراه
بالتفاهم راح تكسبين الاثنين و هذا تصرف المره الذكيه

 

[عيبي طيبتي]

(عروسة حبيبي) : جان زين تعطيني الرقم اسمها على الخاص خل استفيد منها

 

[عيبي طيبتي]

بنات حواء2 : حبيبتي ماكو شي تغير حياتنا حلوة لكن هالكلام الي ينقال بكل هوشة و بكل سالفة عيزت وقعدت معاه وفهمته لكن ماكو فايدة انا ابي شي يردعه بصراحة لان مليت من اسلوبه

 

[ام _خلودي]

حبيبيتى والله الله يعينج

اتصدقين هم انا جذى ماخذه ريلى عن حب

اول ايام صارت نجره بينا جان يقولى اذا مو عاجبج روحى بيت اهلج

اذكر يومهاا انقهرت وانصدمت وبجيت طبعا بروحى بعد جم يوم جان اعيدى الكلمه

قلتله شووف ياولد الناس والله وبالله العلى العظيم اذا نطقت هالكلمه مره ثانيه راح

اشيل اغراضى وروح بيت اهلى طبعا قلتلهاا وانا كنت حدى معصبه ومقهره ومن صجى

كنت بسويهااا ومن يومج لليوم مااقالهااا

 

[عيبي طيبتي]

ام _خلودي ك و الله اني سويت نفس الي سويتيه وصج كنت بطلع و الله العظيم انه خاف و قعد يساحل فيني اقعد بس هم ما سكت عن هالكلمة الزفرة الي مضايقة كياني كله

 

[آم آحمدو]

الله يهديه لج ياااااااااارب

 

[عيبي طيبتي]

آم آحمدو:رب يسمع منج بهالايام الفضيلة يارب

 

[Fstani]

رد : بقلبي غصة و الله العظيم وحاسة اني مخنوقة

وااي !!


الله إعينج ووعينا عليهم


انزين انتي جربي مره روحي بيت أهلج وشوفي شبسوي ؟

والله إذا ما همه ولا حز بخاطره انه ايي اراضيج ،فلا تبيعين نفسج عشانه وتردين له !!


والله إسخره لج يااارب

 

[منيرة خالد]

الله يعينج

حاولي تغيرين من طريقة واسلوب كلامج وشوفي الكلمه اللي تزعله لا تقولينها والكلام اللي يلين معاج فيه والله يسخره وتذكري زوجج على ما تعودينه وولدج على ما تربينه

 

[عيبي طيبتي]

Om.khaled: اوووه يام خالد ريلي عنيد و الله لو اروح لو اخيس ما يدري عني
مابي اتهور و اطلع من بيتي و اتحسف تالي

 

[عيبي طيبتي]

منيرة خالد: الله كريم رب يهديه ويهديني ويهدي كل زوجين

 

[لوازم العائلة]

رد : بقلبي غصة و الله العظيم وحاسة اني مخنوقة

مره ثانيه ادا قالج روحي بيت اهلج قوليله انت ودني

 

[عيبي طيبتي]

لوازم العائلة ك و الله مادري شنو ردة فعله حزتها

 

[الصارووووخ]

رد : بقلبي غصة و الله العظيم وحاسة اني مخنوقة

ياحياتي الله يهديه انشالله لج ربج اللي مايخلي عليج بالدعاء وكثرة الاستغفار
والله انا كنت شبيهة مشكلتج بس انا عصبية مع قلة احترام مليت من عصبيته لكن اللي صبرني احساسي
انه يحبني واهم شى الحب اذا حاسه انه يحبج هذادافع لج علشان تصبرين وبعدين كل صلات وانت ساجده ادعي ربج ان الله يهديه ويسخره لج
وكثري الاستغفار بهدف ان الله يهديه والله والله والله راح تشوفين شى مثل السحر راح يتغير 360درجه والله العظيم اني اللحين اعيش مع شخص ثاني والايام هذي حاولي تصبرين وكل ماغثج اخذي شهيق زفير وروحي مكان ثاني وبينيله انج مومتأثره وصدقيني مجرد وقت والله راح يغيره لج فوق تحت بس ها مو تيأسين (ولا تيأس من رحمة الله)ياقلبي طمنيني عليج والله حاسه فيج وما وراهم الا الهم

 

[eL 3eFa]

شوفي ياقلبي فدييت روحج اخذي نفس عمييق

واقري هالقصة عدل مدل ..

http://www.q8yat.net/showthread.php?t=487882

ومو شرط انه متزوج مره 2 شوفيها شلون الزوج تعلق بمرته وغير نظرته ..

جم صار لج متزوجة ؟

يمكن لان انتي عطييتيه كل اللي بقلبج ؟
وحسستيه انج ماتقدرين تعيشين بدونه ؟
واهوا كل شي بحياتج ؟

طبعا هالشي غلط ..

لاتفكرين تطلعين من بيتج تجاهليه مهما قدرتي
يعني اذا فتح لج هالموضوع بوزي وتجاهليه كثر ماتقدرين
بس اذا طلب منج اي شي سويه وخليج مبوزه بيني له انج متضايقه
واهوا صدقيني صدقيني بيحس وبيعتذر عاد نطري متى اسبوع اسبوعين شهر !!

عادي والله يسخره لج يارب ويحس فيج وبمشاعرج
باذن الله بدعيلج بصلاتي ياقلبي ..

خالتي زعلت عل زوجها والله اسبوعين ماتكلمة وتنام بغرفة ثانية
بعد اسبوعين قالها ( آسف سامحيني )

ما احب هالنوعية س شتسوين اذا نصيبج لا تتخلين عنه هذا ملكج انتي بروحج ..
لات فكرين بطلاق وخرابيط هذا زوجج انتي ولا تفرطين فيه بس لاتهينين نفسج وكرامتج

اذا ادزين له مسجات حق وقفي بهالفترة ولاتقولين له كلام حب بيني انج متضايقه
ولا تقولين له مابي اروح البيت عشان الشايب >> ديري بالج حبيبتي لايمسك هالشي عليج ..


ومثل ماقلت اقري الموضوع عدل

والله يسخره لج يارب ..

 

[*ريما*]

رد : بقلبي غصة و الله العظيم وحاسة اني مخنوقة

لاتسكتين لة ردي علية
والله يهدية لك

 

[كتكوته ورديه]

شفتي صرتي رخيصه عنده من قصة الحب

 

[عيبي طيبتي]

الصارووووخ ; اي و الله ما وراهم الا الهم و الغم و عوار القلب و الله بسمع نصيحتج و انا دايما ادعي رب ان رب يسخرلي زوجي و الله

 

[عيبي طيبتي]

eL 3eFa : و الله اتصدقين مرة قتله ان لو مو ضيقة خلق هالشايب جان خليتلك الجمل بما حمل شسوي مرات يضيق خلقي حيل و اقط كلام ماله داعي

 

[دانة حبيبها]

رد : بقلبي غصة و الله العظيم وحاسة اني مخنوقة

:
:

يا الغالية ..

اهم شي بالحياة الزوجية انج ما تعطين فرصة لأحد يدخل بينكم لو مهما يكون !!

بس اذا كرر هالكلمة و قالج روحي بيت اهلج ..

جدامه بس كـ تخريعه قوليه يلا ودني بيت اهلي ..

و سوي نفسج انج بتجمعين اغراضج ..

لان اغلب الرياييل هالكلمه تكون جذي تخريعه لا اكثرر ..

و ان قالج يلاا .. روحي قعدي عند اهلج يومين و ردي بس لا تدخلينهم بالموضوع بس خرعيه انه اذا حاول يقولها انج تقدرين تسوينها و تروحين لأهلج ..

و بعدين قوليله هذا بيتي و بيتك .. مو بيتك بروحك .. << بأسلوب حلوو وقت الرواقه و صفاة البال

و اخذيه بالمسايس و فهميه .. ان الحياة الزجية مشاركه !!

لو بينكم عيال بيقول هذيل عيالي مو عيالج ؟!!! ما يقدر !!

و بالنسبة لـ العباة .. كل ريال يحب شغلات مرته تسويها له ..

حطيها انه يغار عليج .. و يحبج ومايبي احد يشوفج !!

و المساج :. ما حن عليج و يبيه الا انتي فنانه فيه !!

ترا في مراكز يسون مساج و اذا ما تخافين على ريلج .. باجر يروح مكان ثاني بوحده من هالدول و يسوله مساج لا و بناات بعد !!

فـ انتي المفروض تستغلين حبه لـ هالشي ..!!

الله يوفقج حبيبتي ولا تهدمين بيتج على اشياء تافهه تقدرين تتقاضين عنهاا !!


:
: