بقلبي غصة و الله العظيم وحاسة اني مخنوقة

[مـوج البـحـر]

الله يشرح صدرج ويفك كربتج عاجلا غير آجل ويبدل حزنج فرح

 

[عيبي طيبتي]

كتكوته ورديه : لا ابد ما صرت رخيصة من قصة حب انا ليلحين كبيرة بعينه و ترى اهو وايد يحبني و انا اعرف هالشي عدل بس انا ما ابي اذا عصب يقط علي مثل هالكلام

 

[حصة]

شوفي كل ريال ان عصب يقول اكثر,, خلج ذكيه وتعالي بالسياسه بس دام سواها تدرين شتسوين سووي اللي اقولج ووالله ماراح يعيدها وقولي ماقالت حصه

ان قالج ابتسمي بويهه وقوليله افا يا فلان صرت رخيصه عندك ؟؟ عموما يسلم راسك ومن عيوني كاني رايحه باخذ اغراضي واروح بيت اهلي بس حط ابالك كثر الدقيفج اللحام انا كل مرة اتعذر واقول معصب او تضحك او بطفرني بس تبي الصراحه الله حفظ كرامه الانسان وانا ما احفظها واللي ربوني صغيره يربوني كبيره يا الغالي ومشكور والله كنت اتعذرلك من غلاتك وعلى فكره ماكنت اقولك كانت بيني وبين قلبي بس تصدق صرت استحي من نفسي اتعذر اكبر واذا لك كلام قول حق ابوي ترى انا مسوي الشقه وكل يوم والثاني اطردها وشوف شيرد عليك ابوي والله يسامحك " طبعا هالكلام ينقال وانتي مبتسمه بس ابتسامه طيبه مو استهزاء لوووول وروحي حطي اغراضج بالجنطه وراح يصير واحد من هالاثنين:

1- لما يشوف شالفتج صج بيلحقج الغرفة ويتعذر لان مايكون حاسب حساب هالشي
2- راح يسكت ولما تروحينبيت اهلج اسبوع ماراح اطولين صدقيني وبيي يتعذر ويتاسف بس هاااااا لا ترضين ولا تشرطين تعاليله وقوليله انا ماني من الحريم بقولك سفرني والا عطني فلوس لا ابي كتاب الله بينا احلفلي انك ما تطريهاوان طريتها حط ابالك خنت الامانه واهيا كتاب الله وماراح اقعد عندك لان كله والا كرامتي

شرايج بالرساله لوووووووووووووول بس والله وعن تجربة بنات تنفع والله بدون مبالغه حتى رفيجاتي جربووووو والله يقولون حتى ريلها يقول طريقتج تغيرت

 

[عيبي طيبتي]

دانة حبيبها : كلامج واااايد حلو و الله ويريح القلب بس مشكلتي اني حساسة و بسرعة اتاثر و الله الله كريم بحاول اسوي الي قلتي عنه

مـوج البـحـر :اللهم امين

 

[عيبي طيبتي]

حصة : و الله خوش فكرة راح اطبقها ان انقالت مرة ثانية مع انها وايد تنقال الله يهديهم و الله ما وراهم غير ضيقة الخلق

 

[حصة]

طيعيني وماعلييييج تدرين مرات ريلي يعصب واعصابه مو طبيعيه والله لو اهوا غلطان علي اسكت وانزل عيني واسمع كلام يذبح والله يجرح تدرين شسوي ابتسم وبعيني العبره يسكت اهوا لاني مارديت والا كلمه بعدين ايي وابوس راسه واهوا منصدم اقولة اذا تضايقت سبتي انا اسفه وحقك عليي واعتبرني ياهل وانت ابوي واذا انت الغلطان صدقني مسموح وادري انت ريلي وظهري وسندي ماراح تاذيني "طبعا مرات ودي اعضه لوووووووووول " والله تدرين مع الوقت صار يمسك اعضابه وانصدم بعدين يقولي باليوم الفلاني ماحبيت اعصب واصرخ عليج لانج نفس بنتي تعرفين زرعت فيه سالفة اهوا ابوي مع انه كبري بس حسسته ان انا برقبته ترى والله الريال سهل بس صيري ذكيه

 

[eL 3eFa]

كلام حصة حيل حلو طبقيه اايدها

 

[Ba$ko0oTa]

الله يكون بعونج
ويهديه لج ويسخره قولي امين

 

[شانييل]

لا تخلينة يتمادى
إذا سكتيلة راح يزيد بالكلام القذر الي يزعجج
لازم توقفينة عند حدة وتسنعينة تزعلي طقي بوز نامي ببيت أهلج
ومعلومة يمكنه مل منج وتحسف على الزواج لازم ما تخلينة يوصل لهالاحساس

 

[غنج اهلها]

الله يعينج

 

[هيبة ملك]

أنت تحاشيه بالأول لاتثيرين أي مشكلة


وإذا هو سبب المشكلة لاتناقشينه خليه وروحي بعيد عنه

يبه لاتردين عليه كلش خليه يتحلطم لين يسكت

والله يكون بعونج

 

[DooLy88]

رد: رد : بقلبي غصة و الله العظيم وحاسة اني مخنوقة

الله يعينج

الصراحة يقهر

 

[mar( مرمر )mar]

رد : بقلبي غصة و الله العظيم وحاسة اني مخنوقة

طنشييييييييييييييييييييه
وكبري مخج ولا تفكرين انج تطلعين برا بيتج
اكفاية انه الحكومه معطته بدل اجار وزوجية علشان تزوجج يحمد ربه ويهج خير عليه
رياييل اخر زمن مالهم الا الطنااااااااااااااااااااااااااااااش

 

[shaikhat elbnat]

اذا بس هذي مشكلتج معاه فحمدي ربج اتضلين احسن من غيرج
مو معناه انه شي هين او سهلا .. لا حبيبتي بالعكس .. معاملته اتبط الجبد و اتنرفز و شكل مصرقع و متسرع

بس انا اقول لازم احد من اهلج يكون بالصوره .. امج لازم اتعرف في امور ما ينسكت عنها
هذي مو خلالفات يوميه و عاديه
هذا نمط حياة .. و ترى كل شي ممكن يتطور
فانتي عندج خيارين يا انتي تسكتين و تكتمين لين يطفح الكيل
او انج اتحطين اهلج بالصوره لانه اهما الي يقدرون يفهمون ظروفج وياه عدل و اهما الي يقدرون يحلون الموضوع حتى لو بطريق غير مباشر
يعني يقطون نغزات مثلا او يسولفون في قصص اهوا يفهم الزبده

 

[عيبي طيبتي]

حصة : و الله كلامج وايد حلو ويكسر عين الواحد بعد بجرب و ان شاء الله يفيد معاه يارب

eL 3eFa: مشكورة يا الغالية على اهتمامج باللموضوع لا خلا ولا عدم

Ba$ko0oTa: اللهم امين بهاليوم الفضيل

شانييل: مشكورة يا قلبي سالفة ان مل مني ما اعتقد لان اذا غبت عنه و الله العظيم يصير مثل الياهل ينطرني حتى لو اصلي يقعد ينطر لين اخلص يقول قعدي معاي سالفة مل مني هذي انسيها لاني انا ونيسة و غشمرجية بس اسلوبه هذا الزت الي مخرب على هالريال

غنج اهلها: اللهم امين

هيبة ملك: ما اعرف و الله يقعد يتحلطم و يتحلطم ويغلط و انا متاكدة ان اهو الغلطان وما اعرف اسكت شلون اسكت بس بحاول و الله ان كل يوم ادعي رب ان يعطيني الصبر و يسخرلي هالريال

DooLy88:اللهم امين اهو ما يقهر اهو يبط الجبد بعد

mar( مرمر )mar: اي و الله لازم الطناش علشان الواحد يعيش بجرب و بحاول و ان شاء الله عاد اقدر

shaikhat elbnat: جزاج الله خير و ادري ان مشكلتي بسيطة بس تقهر و تبط الجبد مرات يقص علي بليس و مرات اتعوذ منه و اقول كلام ينقال يا بنت لا تطورين المشكلة امي قلبي قالتلي لو شيصير بينكم لا تطلعين من بيتج لانج ان طلعتي خلاص المشاكل راح تبتدي لكن ان قعدتي وتعوذتي من ابليس راح تلاقينها مجرد غمامة و انزاحت وردت الامور لطبيعتها و فعلا قاعدة اسوي بنصيحتها