بلييييييز قولولي شنو اسوي في ريلي

[A7la q8tya]

بنات انا مليت عندي اللحين 3 بنات و ريلي يقولي اذا ما يبتي الولد بتزرج عليج جني اناااااا اللي متعمده و انا مالي غيره ابوي و امي توفوا و ما عندي احد

والله مو مقصره معاه معتنيه في نفسي ومهتمه وايد في جمالي و الكل يقول عني حلوه و اهو صااار يكرهني اللحين علشان يبت له 3 بنات و قالي هذي اخر فرصه لي اذا ما يبت الولد قالي يا يطلقني او يتزوج علي

نصحوني شنو اسوي

حسبي الله و نعم الوكيل علي كل ظالم

 

[كادي2011]

وي معقوله للحين في رياييل جذي يفكرون
اصلا البنات هم ملح هالحياه ومافي احن على الابو من بنته وهذا الواقع اللي نعيشه
مستحيل في اي عايله تشوفين الولد حنون ع ابوه اكثر من البنت
حبيبتي الرسول عليه الصلاة والسلام بشرنا من له بنات واحسن تربيتهم دخل الجنه
قال رسول الله صلى الله عليه وسلم : ( من كانت له ثلاث بنات فصبر عليهن وسقاهن وكساهن كن له حجابا من النار )

قولي له هالكلام خل يفهم شنو اطلقج وين قاعدين !!
شوفي ياحياتي والله وعن تجربة مالج الا سجده في الثلث الاخير من الليل تشكين لرب العالمين وبيقين تام إن الله بيستجيب
يعني ادعي وانتي متأكده ان الله خلاص اجاب دعائج

حبيبتي الله يرزقج بالولد الصالح عاجل غير آجل
وكأني سمعت إن في اطعمه خاصه او طرق لانجاب الولد مو متأكده والله !!
ابذلي الاسباب مع الدعاء والله ما يخيب رجاج ..

 

[honey 2010]

واااااااااااااااي الله يعييييييينج تفكيره متخلف وااااااااايد عليج بصلاة الليل والاستغفار والدعاااااء كله عند ربج
حنا ما بايدنا شئ

 

[تعبت اداري...~]

اهلين حبيبتي
الله يعينج ويصبرج ويرزقج با الولد الصالح
بس حبيت اطمنج انا اعرف ناس يابو ثلاث بنات والرابع مشاء الله ولد
مآيرد القضاء الا الدعاء عليج با الدعاء وربي ييسرها عليج

 

[نور وضي القمر]

ان شاء الله تجيبين الولد

والحمدلله البنت والولد نفس الشي

عسي ربي يهدي لج زوجج

 

[Om Ghanem 75]

المفروض تقوليله هذي أخر فرصة لك انت اذا ما يبت الولد أطلقك

أتغشمر حبوبة

لأن حبيبتي المسؤول عن جنس الجنين الابو مو الام و سألي الدكتورة بس استغفر الله ليلحين في ناس تفكر ؟؟!!جذي شوفي انت روحي حاجي الدكتورة و سأليها و بعدين اخذي ريلج و هن يسمع الكلام منها .. لأن الظاهر ما يفيد معاه كلام كتبه ربك و اللي يي من الله حياه الله .. و اذا كلش كلش قوليله اكو في عمليات انت تختار فيها جنس الجنين ..

و ترا ماكو فرق البنت و الولد بالعكس ساعات تكون البنية عن 60 ريال ما شاء الله متعلمات و يشتغلون و شايلين الام و الاب

و الله يوفقج

 

[الاميره ديما]

بصراحه الله يعينج صج ماعنده عقل وقليل ايمان اقولج في دكتور يعطيج
وصفه من الاكل وتجيبين ولد بصراحه هذي رفيجة اختي راحت لهذا الدكتور
وعطاها الوصفه وجابت ولد وهم حمات اختي مثل الشي راحت عنده وجابت ولد
انا بكلم اختي تاخذ رقم الدكتور اذا بغيتي ؟؟؟

 

[قاهره عذالي]

انتي مالج شغل
اذا يطلع ضناه بنات
ومالج ذنب
هذا واحد يتحجج
مشتهي يغثج ويتزوج عليج ويحط له حجه عشان يعرس
مالت ع الرجاجيل المتخلفين اللي مثله
خل يسال دكتور
ليش ضناه كله بنات
وراح يقوله انه السبب فيه هو مو انتي

 

[فخامه كبريائي]

الحمد لله و الشكر !!!
انا امي جابت 3 بنات و الرابع ولد ...و في ناس اعرفهم جابو 4 بنات و بعدهم ولد ...!!
يا ربي شهالتخلف للحين في ناس ما تدري ان الي يحدد الجنس هو الرجال مو المرا !!

 

[ميااااار]

قولي له انه هو المسؤؤل عن جنننس الجنين واذا مومصدق خليه يطس يسئل دكتووور

واذا فتح موضوع الزواج قولي انت تبي تتزوووج بس مالقيييت عذر وتعذرت انك تبي ولللد

حسسسبي الله عليهم ماكأأن اللي يرررزقنا الله وكانه شي بيد المره صحييح متتتخلفين وعقولهم متحججره

 

[اخت خالتهم]

انـا اللي اعـرفـه ان من الريـال اذا بنت أو ولـد
وهذي دراسه طبيه وعلماء اللي قـالو هالشي ..
على العمـوم جربـي .. والله كاتب اللي بصيـر
وادعي ربـج
ولا تربطين حياتج فيه على طول عيشي حيـاتج حتى لو ادري في بيت واحد و زوجج
بس فكري بنفسج شوي
واذا تزوج اهو الخسران .. لأن تفكيره من العصر الحجري آسفه على هالكلمـه

 

[kanoosha]

البطن اللي شالت البنت اتشيل الولد امي يابت اربع بنات وري بعض والخامس ولد وايووو وراه الصبيان ......مالومج الكل جذيه مادري شفايديناه الصبيان الحين البنات اشحلوهم الله يرزقج بالولد يارب وتفرحين

 

[om_dodo]

الله يرزقج بالولد يارب

 

[سندس 90]

آنا اعرف وحده والله العظيم جابت 9 بنااااات ووتعقدت المسكينه تدرين ورى البنااااااااات يابت 5 صبيان أقسم بالله ما أجذب ما شالله لا قوة إلا بالله

 

[حكم الصمت]

الله يرزقكـ بالولد البار الصالح ياااااااااااارب
ويهدي زوجكـ بحق محمد وآله ..

 

[توتو_الحلوة]

احكيلوا شكرا على تفكيرك الجاهل

 

[منار البربرية]

يااارب يرزقج بالولد ولا توااأم روحي عند دكاتره استغفرالله في تحديد جنس الجنين عاد حلال حرام ما ادري
ولا لو تصيرين ملكة جمال العالم هذول الرياييل اكرهم واكره طاريهم
ما وراهم فااايده
وبعدين تحديد الجنس من ريال مو المره
واذا تبين الشرح بعد دزيله ياه علا الواتس اب خل يعرف قدره اشوا ان مو زوجي ولا جان هههههه
ما عليج مني بس احتريت

 

[jooosy]

ياربي اشفيهم الرياييل صايرين جذي دلوعين ويبون الشاره
امبي قوليله ياحبيبي انت الي مسؤل عن جنس الولد والبنت مو انا
واذا تبي انروح حق دكتوره تعطيني برنامج حق الاكل في شي لازم ما اتكثرين منه اعتقد الحمظيات والله ما ادري
رفيجتي ماشاءالله عندها ٦ بنات
وراحت حق دكتوره عطتها القائمه بالممنوعات ومشت عليه ولا إله إلا الله يابت الولد
طبعا هذا فضل من الله واهو الي ابإيده كل شي
والله محد يشيل الام والابو ابكبرهم غير البنات
فيهم خير اكثر من الاولاد
قوليله الحمدالله انه الله رزقنا ابنات صاحين وما فيهم شي
شوف الي ودهم ابريحة الياهل وقعد يتعالجون اسنين
هذا بدال ما تشكر الله على النعمه الي انت فيه
الله يهديه بس ويسخره حقج

 

[ناتشوو]

الله يهديه ويسخره لج
يعني انتو مرتاحين مع بعض واوضاعكم كلها اوكي مع اهلج واهله
بس مشكلته الولد؟

 

[Kocheko]

بييييييييييييييييه نفس ابوى احنا اربع بنات راح تزوج على امى عشان الولد عشر سنين وزوجته ما حملت
لان ظلم امى وظلمنا
ربج ما يطق بعصا خاصه اللى مايقول الحمدالله على نعمه ربه
الله يهديهم بس