بلييييييز قولولي شنو اسوي في ريلي

[ناتشوو]

بييييييييييييييييه نفس ابوى احنا اربع بنات راح تزوج على امى عشان الولد عشر سنين وزوجته ما حملت
لان ظلم امى وظلمنا
ربج ما يطق بعصا خاصه اللى مايقول الحمدالله على نعمه ربه
الله يهديهم بس

سمعت مايجوز عبارة الله مايطق بعصا

زين اذا كان متزوج علشان الولد ليش ماتزوج ع الثانية ؟

 

[ترجمة احساس]

ادعي الله بثلث الليل
والله يرزقج بالولد الصالح

 

[كويتية بروما]

الله يرزقج بالولد اللهم امين
عليج دايم بالاستغفار
والله الواحد يبي طفل سليم مافيه اعاقه ولا مرض شنو فايده الطفل ادا مو صاحي
الحمدلله ناس ما تعرف قدر النعمه

 

[احلى ـآ وحده]

شالتخلف ليش اهو مايدري ان تحديد الجنس من اهو @@

 

[dectora 7elwa]

قوليله امش معاي عند د فوزيه القطان
تاخذ منك عينه وتفصل الحيوانات المنويه الانثويه عن الذكريه وتحقنهم برحمج وقت البويض
لان البنت والولد عندك موعندي
غير جذي ما اظمن لك الولد

 

[دلع انثه]

الله يعينج على ريلج
وبعدين الولد منه مو منج صبري حبيبتي وانشالله تيبين الولد انشالله

 

[جـروح]

نصيحه اكثري الاستغفار وانتي تستغفرين خلي نيتج انج تمنين من ربج الولد ...حدي ماعرف اوضح
والله انا جربتها كنت اتمنى بنوووته ولله الحمد ربي رزقني

 

[ورده الكرستال]

حبوبه قولي لزوجج انه يحمد ربه الي الله عطاه 3بنات ترا تسكرت 3ابواب من جهنم في وجهه


لوجاه ولد مصار له حجاب عن ابواب النار



اعوذ بالله مع كامل احترماتي زوجج في اي عصر عايش

 

[حلاوة الحلوة]

الله يهديه ويسخره لج
وياااارب ياكريم يرزقج بتوم اولاد

 

[Hadawii]

الله يهديج ان شاء الله
الحين الواحد يدور الصحه والعافيه
والله يرزقج الولد الصالح ان شاء الله

 

[ثريا الكون]

مالج الي طريقة الصينيه وراح تضبط حاولي تطبقينهاا انا خواتي ماشيين عليهااا تقول دشين بقاله وحده بوحده

 

[nora al]

مالج حل الا تدعين ربج !

وقوليله الله لا يخسف فيناا احمد ربك عندك بناات اشزينهم وترا البنت اهيه اللي تشيل امها وابوها الولد يتزوج ويروح مع مرته واهلها !


وعلى فكره ترا البنات والاصبيان منه اهوو ( علميا طبعا والا كل شي من الله ) على حسب الحيوان المنوي لان الريال يكون عنده مختلفين بس البنت نفس النوع فاذا ارتبط بالبويضه نفس النوع كان المولود بنت واذا اختلف كان المولود ذكر <<< سوري بس حبيت اوضحلج


والله يرزقج بااذن الله

 

[ريوومة 1982]

الله يهديه و يرزقج بالولد الصالح

روحي عالجي ترا في علاج حق الولد و بالنهايه كل بيد الله

الاهم من هذا كثري من الاستغفار و الصدقه و قيام الليل

 

[classicyah]

للحينْ فيه ريآييل حي تفكيرهم ؟ !

آلحمدلله و الشكر يـآ ربي . . !!

ترى هو المسؤول عن هالشيْ ،

فهميهْ ، و قوليله أنـآ مآ يخصنيْ ، شو يبت لك ، بنت و لآ ولد ،

هالشي انته الي اتحددهْ ، ،

,

آلحمدلله يـآ رب ،

آلله يرحمك يـآ أبويـه ،

3 بنآت ، و ولد وآحد ،

و عمره مآ قآل لأمي شيْ ،

بالعكس كآن مستآنس انه يآب 3 بنآت و اتسكر بآب النآر عنه ،

و كآن يبـآ زيـآده بنآت ،

آلله يجمعنآ فيه بالجنـه يـآ رب ، !

 

[مـعـجـبـة]

وووكأنه انتي السبب يعني ؟؟

يبي يعترض يبي يحتج مثلا ؟ هذا رزق من عند الله !!

وانتي الله يهداج مسوية روحج مسكينة وخايفة ، لا حبيبتي ما غلطتي

ليش اهو بيدج عشان يهددج يا يطلقج يا يتزوج عليج ويقعد يلووومج ؟؟؟

قوليله هذا رزق من الله، بخاطرك شي ادعي الله يرزقك بالولد الصالح @@@

لا يقعد يهددج بشي انتي مالج يد فيه .. لا يستقوي عليج خلج قوية والحق وياااج

لو ريلي يقولي جذي راح يسمع حجي عمره ما سمعه في حياته..

والله اقل شي باقوله ، لو تطلقني وتاخذ بدالي 4 من حووبتي الله ما بيعطيك ولــد !!

ولو تاخذ من تااااخذ وتسوي اللي تسوي إذا الله مو كاتب لك الــولــد ما راح اييك !!

إيييييي والله عقليات رجعية .. آخر زمن !!

 

[ندى العبير]

حبيبتي ماراح ازيد على كلام البنااات

فهميه ان هلشي بيد رب العالمين سبحااانه

وكوني قويه الله يهديه ويصلحه يارب

 

[! بــدويه وآآيــد !]

،

قولي له ياحبيبي انا مجرد وعاء يشيل الي يطلع منك وماطلع منك الا البنات خل يستريح​

 

[ҜęҜสђ]

الحمد لله والشكر ..
حبيبتيانتي لازم تفهمينه ان انتي مالج شغل حيواناته المنويه اهيا اللي تحدد جنس الجنين من بعد الله سبحانه.
يعني لو ياخذ عليج 3 وربي مو كاتبه الولد ماهو بشايفه

 

[شقرديه كيوت]

الله يرزقج بالولد الصالح

 

[White-tulip]

معقولة ليلحين في رياييل يفكرون جذي
الولد رزق من الله لا بيدج ولا بيده واذا الله كاتب لكم الولد ان شاء الله بيرزكم
وذكريه ان الله الرزاق وكل شي بيد الله
بس ما اقول الا ان شاء الله يرزقج الولد الصالح