بلييييييز قولولي شنو اسوي في ريلي

[شذا الياسمين]

يعني هو واثق اذا تزوج راح يجيب الولد !!!
ورب الكون نعرف واحد زوجته جابت 7 بنات ولما تزوج عليها الثانية جابت 10 بنات يعني صار عندهـ 17 بنت ماشاء الله ربي يحفظهم يهبلووون يعني مو شرط اذا تزوج راح يجيه ولد ..
واحنا 7 بنات وولد واحد لكن ابوي الله يطول عمرهـ كان يدور رضانا دوارهـ وعمره ماغثنا بكلمة والحمد لله ربانا أحسن تربية الله ياجرهـ ولا يحرمنا منه يارب ..
الله يباركـ لج في هالبنات الحلوين وحافظي عليهم تراهمـ هديه من الرحمن وبكرهـ هم اللي بيرفعون راسج ان شاء الله وربي يرزقج بالولد الصالح في القريب العاجل يارب بس حاليا اذا تقدري روحو للدكتورة وخليه يقتنع ان هالشي مو منج انتي ولا بيدج وبالتوفيق حبيبتي..

 

[Beauty is Me]

قوليله لو تتزوج عشر مو الحريم اللي يحددون جنس البيبي

هاذي ارزاق من الله

والريال اهوه اللي يحدد جنس البيبي مو المره

وديه حق دكتوره نسائيه تشرحله

قوليله انت معترض على قضاء الله وقدره

افرش سجادتك واطلب من الله

بدل ما تحل هالموضوع بخراب بيتك وطلااق

وما تدري يمكن هالبنات بيشيلونك واكيد حكمه من الله سبحانه


اتوقع يمكن الدكتوره تساعدج لان يقولون في طرق يحددون جنس البيبي بس ما ادري اذا حلال او لا

خليه يفهم انه هالشي مو غلطتج

في ناس يحبون يلومون الاخرين اهوه يمكن عباله انه ما ياب الولد انه فشل او انه اقل قدر من اللي عندهم اولاد

وتلقين ربعه او الناس يعايروونه

كلميه بهدووء ووديه معاج الدكتوره وشوفي شيصير معاااج

والله يرزقج بالذريه الصالحه والولد الصالح

قوليله ناس تتمنى ظفر الضنا وانت مو عاجبك

الله يخليلج هالبنيات يا ربي

 

[الرأي الآخر]

وي معقوله للحين في رياييل جذي يفكرون
اصلا البنات هم ملح هالحياه ومافي احن على الابو من بنته وهذا الواقع اللي نعيشه
مستحيل في اي عايله تشوفين الولد حنون ع ابوه اكثر من البنت
حبيبتي الرسول عليه الصلاة والسلام بشرنا من له بنات واحسن تربيتهم دخل الجنه
قال رسول الله صلى الله عليه وسلم : ( من كانت له ثلاث بنات فصبر عليهن وسقاهن وكساهن كن له حجابا من النار )

قولي له هالكلام خل يفهم شنو اطلقج وين قاعدين !!
شوفي ياحياتي والله وعن تجربة مالج الا سجده في الثلث الاخير من الليل تشكين لرب العالمين وبيقين تام إن الله بيستجيب
يعني ادعي وانتي متأكده ان الله خلاص اجاب دعائج

حبيبتي الله يرزقج بالولد الصالح عاجل غير آجل
وكأني سمعت إن في اطعمه خاصه او طرق لانجاب الولد مو متأكده والله !!
ابذلي الاسباب مع الدعاء والله ما يخيب رجاج ..

درر والله درر كلامج مشاء الله عليج
شي يضيق الخاطر و يزعل الواحد ان ب 2011 في ناس عقلهم جذي .. اصلا اثبت علميا ان الريال هو اللي سائله المنوي يحدد نوغ الجنين .. حرام عليه اللي يقوله لج .. اليهال (بنات و اولاد) نعمه من الله عز وجل و شدراه يمكن هالبنت اللي طايحه من عينه تشرفه و ترفع راسه اكثر من الولد اللي يهددج بالطلاق فيه..
عيب عليه والله ..

 

[Tom ♥ Jerry]

،


حمد لله و الشكر !
معقوله ليلحين في البنات يفكرون هالتفكير المتخلف ! :/

قوليله أولا الرياييل منك يا قلبي
الريال اهوة الي يحدد جنس الجنين برحم الآم مو انا ؛)
و اذا مو مصدق روح اسال اي دكتور ولاده


و اذا مآ صدق و قال رآح يتزوج !
قوليله مآ تشوف شر روح تزوج ، دآم هاذا تفكيره :/

عيشي حق نفسج و بناتج آحسنلج
آلله يحفظهم و يخليهم لج

مآ رآح تموتين بدونه و الي مآ يبينا مآ نبيه ؛*

 

[زوجه حبيبي]

الله يرزقك بالولد ويجعل اللي ببطني ولد لاتنسيني من دعائك

 

[coralia]

الله يرزقج بالولد ياااارب

 

[ماني من الناس]

خل يروح عندالدكتور يلقي عليه محاضره ان السبب منه مو منج

ولا اهو بس يبي يتزوج وبس هذا شي ثاني

 

[همس الليل2009]

الله يرزقك بالولد الصالح

 

[اسرار الغلا]

الله يرزقج بالولد الصالح

 

[مناير ...!]

قولي له يبطل النت ويقرا
الريال المسئول عن جنس المولود

 

[برنسس كاتي]

شهل تفكيير !
الناس تتمنى الاطفال الي بصحة وعافية وهو يتشرط
بعدين ثبت الطب انه الرجل هو الي يحدد جنس الطفل وليس المرأة
مافي الا تورينه مقالات و لا برامج عن هل موضضووع !
وهذا الشي ماخذينه في المدرسة
انه الكروماسوم الي يحدد جنس الجنين يكون من الرجل وليس المرأة
قوليله هل كلام وانه هل شي من ربي وخل يقول الحمد الله

 

[Killer^Girl]

لاحول ولاقوة الا بالله
روحي حق دكتورة تسوي لج تلقيح صناعي عقب مايفصلون الحيوانات المنويه

 

[حنطاااويه]

الله يعينج
لازم توصليله المعلوومه انه من الريال مو منج الي يحدد نووع الجنس
حتى لوو راح تزوج مو معنااته انه راح اييب ولد

 

[شجون المحبة]

فديتج والله عورتي قلبي
ليش هالجهل في امور غيبيه محد يعرفها غير رب العباد
اختي قبل لا تحملين روحي عند استشاري نساء وولاده هو بساعدج لان في طرق وأساليب لانجاب الذكر او الانثى
بنت عمتي جابت ثلاث اولاد وكان خاطرها تحمل ببنت وراحت عند اخصائي عطاها نصايح وبأمر الله حملت وجابت بنت ماشالله طبعا كله بيد الله سبحانه بس هاي اجتهادات من الاطبا
ياااارب الله يرزقج بالولد الصالح ويسخر زوجج لج انشالله
حسبي الله ونعم الوكيل

 

[ام كوشه منكووشه]

حبيبتي الله يرزقج بالوالد الصالح ان شاءالله

 

[amoonh-87]

مالومج انا اول مره ادخلواسولف انا نفسج بس الحمدالله انا يبت بنت وحده وتخيلي فيني عقده اخاف احمل اييب بنت
وهو كل ما قالي ليش ما تحملين قلت لهانت ما فيك غير البنات طولي لا تيبين ورا بعض

 

[Om_Ksha]

انا اعرف وحده يابت 8 بنااااااات
والتاسع ولد ،، وبناتها اللي قايمين فيه

 

[مجروحه وتكابر&]

وين عايشين خير بالعصر الجاهلي إحنا وبعدين والله ماينفع الأهل مثل البنت ولا الولد بكره تلخذه المره وصير خيره وقته لها ولا انتم لكم الله(مادري وش ببون فيهم تربيتهم تعب مستقبلهم وضيفتهم تعب ومشاكل حريمهم بعدين هم تعب ( إحنا 8بنات ولد ومطلع عيون أمي وأبوي ومانفعهم غيرنا
وبعدين حبيبتي الله يعينج ع ريلج اذا هاذا تفكيره

 

[el-zain]

وااااااي شنو هاذا الرياييل عبالهم احنا مكينه تفريغ ولا شنو يعني بكيفنا انقي !!! خو نصيب هاذا رزق من الله بعد شنسوي مو زيين جذي خل يحمدون ربهم ... وااااي صج الله يعيينج ربي يهديه لج و يسخره لج ... استغفرالله صج الرايييل يبيلهم قلب

 

[A7la q8tya]

مشكووووووووووووووورين واااايد وااااايد و ما قصرتوووا و صج خففتوا عني واااايد و الله يعيني علي بلوتي كل ما يشوف ويهي يقولي يا ام البنات جنه يسبني يعني و يقولي انتي ما من وراج فود و بخليج تخدمين اليديده انتي و بناتج ((((

صج غاثني و صارت عيوني سوده كله افكر و ماصرت انام خايفه علي بناتي وااايد و خايفه من المستقبل اللي ناطرنه

والله بنات دمعتي علي عيني دووم و بالذات لما اشوف بناتي الصغار

ما اقول الا حسبي الله و نعم الوكيل في كل ظالم