بناااات كلية الهندسه و البترول <<<و لا ماكو مهندسات بالمنتدى :p

[شمعة الكويت]

والله ما ادري محتارة


ويعطيج الف عافيه حياتي ما قصرتي

انتي كنتي ماخذتها عند الصقعبي ؟؟ والدورة جم يوم وجم ساعه ؟؟

 

[Gears]

اي خذيتها عند الصقعبي ،، اهوا مايشررررح كلششش

ومعتمد على بوحصوة وبوحصوة يحفظج المقرر ويفهمج ياه بالدورة

فيعني في بنات مايحبون هالنظام بس يعني راح تطلعين بقريد عالي انشالله

والدورة تكون مع كل ميدتيرم ،، مثلا الميدتيرم الاول ،، قبله بسبوع ثلاث مرات وتكون من 4 لي 7 ونص " فتكون الدورة ثلاث مرات فيرست وسكند وفاينل "

ولازم تركزين بكلشي بالدورة وتكتبين معاه كلشي يقوله لان ايي بالامتحان جذي نظام الصقعبي

مادري في بنات يحسون عادي بس انا حسيت شوي ضغط وتعب تكونين راده من اللاب ولا شي تعبانه وتدشين دورة ولازم تفهمين وتكتبين عرفتي


بس انا اشوف انه عند الصقعبي احسن من غيره بوايد

وانتي شوفي شنو يناسبج وجذي ،،

 

[شمعة الكويت]

اوووله ثلاث ايام 3 ساعات يا ويلي

ومع الدفرنشل وكالكلس سي اتوقع يصير ضغط

ولا انتي شرايج ؟؟

انا ما راح اخذ معاهم لاب

لاب سي بلس بلس لازم اخذه مع الماده ؟؟

ويعطيج العافيه حياتي

 

[Gears]

امممممممممممم شسمه موشرط ثلاث ساعات ساعات ساعتين مادري حسب مزاج بوحصوة

المهم ،، لاب السي بلس بلس اي لازم مع المادة
لان اصلا ماعليه وحدات ،، ومتلازم مع المادة

وفي لابات مبجر
اتذكر لابي كان من 12 لي 2 ونطلع بحدود 1 ونص يعني زين مومتأخر

=)والله يعافيج ولو

 

[شمعة الكويت]

بس بالميجر شيت مو حاطين اللاب

بس حاطين الماده ؟؟

والحين تنصحيني اخذها يعني م عكالكلس سي ودفرنشل ورسم هندسي ما يصير ضغط ؟

ومشكووورة حياتي

 

[M.&A. Stuff]

مااشاء الله مهندسااتـــ.....وااي لويهــ مودداكمــ....الله يكوون بعونكمــ..
شمعه الكويت شنوو هالجدول حراام عليج ارحمي عمرجــ.....

توني ســألت اخوويــ...قال هذا جدول انتحااريــ...

خفي ع نفسجـــ...مو شرط تكدسين المواد..بس المهم المعدل....

 

[لك الحمد يا ربي]

الله يوفقكم ويعينكم على الدراسه وتتخرجون يالمهندسات المستقبل

 

[" ريماس "]

الله يعينكم ويوفقكم

بنااااااااااااات انا عندي وحده تحن علي <<بنت خالتي >>

اهي بتحول هندسه وعندها مشكله بالانجليزي وعشان جذي بتسأل عن الدراسه عندكم اسمعت ان كلها انجلش وبتتتأكد منكم يا مهندسات المستقبل

بالتوفيق ^_^

 

[د.ساره]

اي بالانجليزي

و الله يوفقها وكلها سهالات

 

[آلآرجـُوآنْ]

الله يعينكم ويوفقكم

بنااااااااااااات انا عندي وحده تحن علي <<بنت خالتي >>

اهي بتحول هندسه وعندها مشكله بالانجليزي وعشان جذي بتسأل عن الدراسه عندكم اسمعت ان كلها انجلش وبتتتأكد منكم يا مهندسات المستقبل

بالتوفيق ^_^

هلا حبيبتي

اهي اي دفعه عشان اقولج

 

[Gears]

مايحطون اللاب بالميجر شيت


لان ماعليه وحدات

بس لاب السيركت مثلا عليه وحدة يحطونه

بس لما تسجلين راح يحطولج صفحة فيها الللابات عرفتي

 

[~ miss NERD ~]

محد رد على سؤالي!!!

 

[آلآرجـُوآنْ]

محد رد على سؤالي!!!

شنو سؤالج حبيبتي

 

[~ miss NERD ~]

كنت قاعده اسال بنات الميكانيك لما يتخرجون وين يقدرون يشتغلون؟؟

 

[آلآرجـُوآنْ]

كنت قاعده اسال بنات الميكانيك لما يتخرجون وين يقدرون يشتغلون؟؟

فديتج انا كهربا مااعرف سوري

أسألج واردلج خبر

 

[Gears]

انا ميكانيك وجاوبت عالسؤال من قبل =\


بحاول ادور الصفحة اهوا بهالموضوع واسويلج كوبي عاللنك


لان وايد اماكن لووول

 

[Gears]

http://q8yat.net/showthread.php?t=402064&page=2
وهذا الكوبي اذا مالج خلق تدشين

والي تسأل عن وظايف الميكانيك ،،

فاهوا من اقوى الاقسام من ناحية الشغل " الطلب عليهم وايد "

مثلا
1- الوزارات " الدفاع - النفط - الطاقه - المواصلات - الاشغال العامة "
2-محطات تكرير النفط في شركات البترول
3-معهد الابحاث
4-جامعة الكويت " As TA ..."
5-بلدية الكويت والهيئة العامة للاسكان
6-مؤسسة الموانيئ العامة
7-الصندوق الكويتي للتنميه العربيه الاقتصادية
8- شركة النقل العام
9-شركة ناقلات النفط الكويتية
10-المكاتب الهندسية الخاصه ومكاتب استشارات المهندسين
11- الخطوط الجوية الكويتية
12- قطاع الصناعة بشكل عام " لان القسم مرتبط بصناعة المكاين وصيانتها والاشراف عليها والتحكم فيها "


وانشالله يعجبج تخصصنا =) حلو بس مو سهل =)

 

[~ miss NERD ~]

الله يعطيج العافيه

 

[Babystyle]

بنات ابسألكم الدراسة اشلونها عندكم صعبة ولا ماشي الحال ؟؟

يعني مستواها نفس مستوى المواد المشتركه الي تاخذونها ابكلية العلوم ولا اصعب ؟؟

 

[ام عفاف الكويت]

قوة
هذي دعوة لكم تفضلو

فرصه لبنات التجمع


http://www.q8yat.net/showthread.php?t=419916
وتسلمون

:eh_s(6):