بنااات اللي يعرف بالاشرطه الرياضية يدش{تم دمج المواضيع المتشابهه }

[شمس دنياه]

قووة بناات شلونكم

انا وحده صراحه ماحب اروح نادي واتعنى ساعات اتعيييز اطلع من البيت على شان نادي وجم مرة اشترك بنادي واكشت فييه ما اكمل اشتراكي ففكرت لو اشتري اشرطه رياضية واسوي بالبيت بيكون وايد اريح منو منكم مجرب هالاشرطه ووين اقدر الاقيهم اتمنى تفيدوني باللي تعرفونه بسرعه :eh_s(1):

 

[شمس دنياه]

شدعووا محد يعرف

 

[Dancing^Queen]

ابي تمارين الكره الكبيره انزلهم من النت
او اشتريهم ماعنديمانع بس ماككوووو

 

[ombaza]

انا بعد ادور شريط تمارين سويدي وستبس اللي تعرف تقول الله يعافيكم

 

[لبلوبه]

عند مركز سلطان خوش اشرطة تمارين سويدى وستبس

 

[pretty sarona]

مركز سلطان عندهم سندي كروفورد و وحده من البنات قالتلي ان موجودين بسنتر بوينت الري

 

[أحلى الجياكر]

كوين هذا لج
http://www.google.com/products?sour...8&rlz=1T4ADBF_enKW247KW248&q=fitball+dvd&um=1

و حق باجى البنات ..سوى سيرج بالأمازون ..يطلع لج بلاوى ..

 

[حضن امى]

ابى اشرطة سى دى للرياضة؟؟

هلا وغلا فيكم اخواتى
ابى اشرطة لالعاب اليروبيكس اورياضه عاديه وتكون مميزه وحلوه ؟؟وين تنباع فى اى من المحلات التسجيل الفيدو
وجزاكم الله خير

 

[om deaj]

مركز سلطان - السالمية يم الحب والمكسرات اكو ستاند فيه وايد
ذكرتيني امس رحت ونسيت اشتري

 

[حضن امى]

مشكوره ياقلبى

 

[ii DareeN ii]

اكو سيديات بنات

 

[ايفيان]

حبيبتي انا طلبتهم من موقع الامازونhttp://amazon.com

عن طريق مركز سلطان من خدمة اسأل

وصلوني خلال خمس أيام

وأسعارهم مو غالية

وانصحج خذي حق المدربة دينيس اوستن

اشحلات لعبها

وتشجعج طول ما انتي تلعبين


وعندها مجموعه حلوة ومتنوعه

انتي اختاري اللي تبين

وهذا اسمها denise austin

www.deniseaustin.com

وان شاء أكون فدتج:tek:

وانا صراحة جربت اشرطتها وايد حلوة وفي منها مستويات

سهل ومتوسط ومتقدم وانتي اختاري اللي يناسبج


ولازم اقولج ان السيديات على النظام الامريكي يعني لازم يكون عندج dvdيشغل النظام الامريكي

انا خذيته من الغانم ب17 دينار ويشغل كل شي

وموفقة

 

[(ذلتهم عيوني)]

شي حلو يبييله =)

 

[jareeeda]

موفقة ان شالله

 

[حضن امى]

شكر خاص لج اختى ايفيان ولكم اخواتى وانشاء الله راح اروح مركز سلطان واطلبهم
وحبيت اعرف كم سعرهم بالطلب ؟؟؟

 

[ايفيان]

حضن امي ...

حبيبتي تستهلين كل خير

أنا خذيتهم من موقع الامازون نفس السعر اللي مكتوب على السي دي بس تحويلينه بالدولار (الدولار =300 فلس)

والسيديات القديمة يكون سعرها أرخص من اليديدة

ومركز سلطان ياخذ فوق سعر السيديات 4ونص دينار اجور التوصيل على كل طلبية يعني اذا تبين تطلبين شغلات ثانية

من نفس الموقع ما راح ياخذونها منج الا مرة وحدة عشان جذيه جمعي كل اللي تبينه من الموقع وطلبيه مرة وحدة

وانا طلبت 4 سيديات طلعوا علي ب26 دينار والسديات اصلية

يعني لما حسبتها طلعت علي ارخص من الكويت لان السيدي الأصلي غالي

والسيديات تقدرين تعرفين محتواها من الامازون يكتبون اهي عبارة عن شنو ومدتها ومعلومات كاملة عنها

وبعد يحطون راي الناس اللي شروها وشنو تقييمهم للسيد دي

مثلا انا طلبت السي دي اللي في الصوره عباره عن المشي داخل البيت

وهو مقسم حق ثلاث اجزاء كل واحد عبارة عن ربع ساعة مشي سهل ومشي قوي والثالث المشي السريع والجزء

الرابع و الاخير اهو( stretching) عبارة عن عشر دقايق

واهو حلو واذا ما تبين تمشين بره شغلي السي دي وتوكلي على الله

انا العب كل الاجزاء مره وحدة يعني ياخذ مني ساعة تقريبا

بس لما اخلص احس اني ارضيت ضميري...

اتمنى اني اكون ماطولت عليج حبيبتي

وتسلمين يا عمري..

 

[^^ROSE^^]

انا دايما اشتري من امازون اشرطة ستبس وسويدي وحتى مشي داخل البيت وانتي واقفه بمكانج تمشين 3 اميال تحركين ريلج جنج تمشين بس انتي واقفة مع جم حركة يشدون الفخوذ والزنود والجسم يصير مقسم
من اسوي هالتمرين كل من يقولي ضعفتي وخصرج منحوت
اسم الدي في دي
walk away the pounds 3 miles
by Leslie Sansone
http://www.amazon.com/Leslie-Sanson...=pd_bbs_4?ie=UTF8&s=dvd&qid=1202718576&sr=8-4

انصحكم فيه جد جد جد يغير جسمج
اذا ماقدرتي تكملين المدة كامله مو مشكله ابدي بربع ساعه تالي زيدي لين تكملينه
انا اول ماشريته حدي 10 دقايق
بس الحين احط الاثقال بريولي وامسك اثقال بايدي واكمله كله قولوا ماشاء الله


وشريت حق نفس المدربة شريط ثاني 5 اميال
http://www.amazon.com/Leslie-Sanson..._bbs_sr_6?ie=UTF8&s=dvd&qid=1202718739&sr=8-6

معاه سير مطاط اللي تمططينه عشان يشد الزنود عجيب هو بيكون داخل القوطي
والحلو بهالشريط ان كل ميل بروحه وتقدرين تركبين الاميال اللي تبينها وتشتغلين فيهم
يعني هم 5 اميال كل واحد شكل واحد مشي سريع واحد مشي مع اثقال واحد مشي مع سير واحد مشي مع حزام البطن بس ماعندي الحزام ماينباع بامازون تلقونه بموقعها الرسمي

وايد حلو هالدي في دي بس انا احب الأول وايد لان اول واحد شريته وصج فرقت عليه

بس انتبهوا بنات لما تشترون دشوا عالروابط اللي انا حاطتها
لان ساعات على بالكم الشريط مختلف بس يطلع نفس الشي لكن الغلاف والاسم غير بس لاشغلتوه نفسه
مثلا اول واحد في منه باسم وغلاف غير وكاتبين بالامازون ناس شروه لقوا نفس اللي عندهم

عموما ماراح تحتاجون غير هالاثنين للمشي

وفي لنفس المدربة شريط تعليم بيلاتس
اسمه You Can Do Pilates بس ما جربته اصلا ما اعرف البيلاتس بس حق اللي سألوا اقولكم هالمدربة دايما تاخذ المركز الاول بالمبيعات وبأمازون بعد

صج انها قرقه بس تونس احس جنه احد قاعد يسولف معاي لوووول



في مدربة ثانية رووووعه اسمها Kathy Smith
شريت منها كذا دي في دي روعه

واحد للمشي بس اصعب من ليسلي سنسون<<<<بالله هذا اسم خخخخخخخ
هذا اسمه
Matrix Method - Power Walk for Weight Loss
هذا الرابط
http://www.amazon.com/Kathy-Smith-M...d_bbs_12?ie=UTF8&s=dvd&qid=1202719470&sr=8-12
هالتمرين وااايد حلو حتى فيه قسم خاص للبطن بدون ماتنسدحين وتسوين بش اب ولا شي
كله وانتي تمشين بمكانج

وشريت منها تمارين سويدي
Matrix Method - Ultimate Sculpt
http://www.amazon.com/Kathy-Smith-M..._bbs_sr_1?ie=UTF8&s=dvd&qid=1202719470&sr=8-1

وايد وايد حلو بس شوي صعب علي ما اسوي كل الحركات بس قسم البطن عجيب
اللي عندها لياقه شوي تقدر تسويه عادي
انا تمبل شوي خخخخخخخ

وترى هالدي في دي في منه بغلاف واسم غير انتبهوا اقروا الرفيوز تحت عشان تعرفون اذا شريط غير ولا بس مغيرين الغلاف


وهم شريت منها تمارين ستبس كاهو الدي في دي يسمع حسكم ماجربته خخخخ اسمه
Step Workout
http://www.amazon.com/Kathy-Smith-D...d_bbs_10?ie=UTF8&s=dvd&qid=1202719470&sr=8-10

بس انا اقولكم اخوي سواه ماشاء الله وجسمه تغير حيييييل انا مادري ليش عورتني فخوذي يمكن لاني بديت فيه اول ماهبيت بالرياضة ماكو لياقه
وهم مقسم كذا قسم
بس الموسيقى والاشكال عادي طوفوهم
في وحدة ورى مو مصدقة ان مصورينها
الاوادم تعبانين وعرقانين وهي بس تتضحك طماشة لوووووووول<<<لو فيج خير تحركتي مثلها هههه

اي ولها بعد دي في دي بيلاتس ماشريته ولا جربته بس انصحكم فيه لانها وايد زينه ومعروفه وحتى ماخذه تصويت عالي
Peel off the Pounds Pilates
http://www.amazon.com/Kathy-Smith-P..._bbs_sr_2?ie=UTF8&s=dvd&qid=1202719470&sr=8-2


اما تمارين البطن انصحكم وبشدة بهالشريط
10 Minute Solution: Blast Off Belly Fat
http://www.amazon.com/10-Minute-Sol...ef=sr_1_2?ie=UTF8&s=dvd&qid=1202719485&sr=1-2

مقسم 5 اقسام مختلفة كل قسم 10 دقايق وكلهم تمارين بطن
اعتقد القسم الثاني بيلاتس حق البطن بس ممتااااااااااز بس ها عاد سووه مو يوم اي و شهرين لأ

عموما منتجات شركة 10 Minute Solution ممتازة وتاخذ تصنيفات عالية لان تقسيمة التمارين حلوة وعندهم للبيلاتس
Slim and Sculpt Pilates
http://www.amazon.com/10-Minute-Sol...ef=sr_1_3?ie=UTF8&s=dvd&qid=1202720152&sr=1-3

وبعد 10 Minute Solution: Pilates
http://www.amazon.com/10-Minute-Sol...=sr_1_12?ie=UTF8&s=dvd&qid=1202720152&sr=1-12

وهم بعد Rapid Results Pilates
http://www.amazon.com/10-Minute-Sol...=sr_1_10?ie=UTF8&s=dvd&qid=1202720152&sr=1-10

وانا شريت منهم بعد كيك بوكسينغ حده عجييييييييييييب
10 Minute Solution - Kickbox Bootcamp
http://www.amazon.com/10-Minute-Sol...ef=sr_1_7?ie=UTF8&s=dvd&qid=1202720152&sr=1-7
صج هالعيوز مو هينه لو تشوفونها يمكن كبر امي بس عليها حركات
ومقسم اول شي بيسك تريننغ وبعدين للأيد وبعدين للأرجل وفي هاي كالوري بيرن واخر شي للبطن
روعه خصوصا قسم الريول
اذا عندكم مثلي كرة بالفخذ من داخل ومن بره هالتمارين زينه لهم احسن من سيندي كروفورد لانها تستهدف هالمشكله بالذات

واللي تبي حق البالانس بول عندهم خوش دي في دي
10 Minute Solution: Fitness Ball Workouts
http://www.amazon.com/10-Minute-Sol...=sr_1_11?ie=UTF8&s=dvd&qid=1202720152&sr=1-11

ان شاء الله أكون أفدتكم بهالمعلومات
وترى الي حطيتهم لكم واللي جربتهم صج يسوون الفلوس مو اي شي ولا خرابيط
يعني اهم شي ان الشخص العادي يقدر يسويهم مو شرط لياقه عاليه
هي اللياقه مع الوقت تزيد بس تقدرون عليهم ان شاء الله

وانا طلبتهم وخلال 10 ايام وصلوني
وان شاء الله لا جربتوهم بتحسون بالفرق ولاتنسون تدعولي

 

[صدى الاشواق]

انزينبنات اذا بططلب شلون ماعرف اطلب من امازون


اذا بتطلبون خل نطلب كميه مع بعض

 

[صدى الاشواق]

اشصار عليكم وينكم

لقيتو شي حلو ولا بعد

 

[آشوريا]

انا اشتريت ال دي في دي
امس

walk away the pounds 3 miles

راح ابدء فيه قريب ان شاء الله