بنااات اللي يعرف بالاشرطه الرياضية يدش{تم دمج المواضيع المتشابهه }

[nonowat ibi]

رد: بنااات اللي يعرف بالاشرطه الرياضية يدش

انا والله حبيت تمارين سندي اي باشرطة فيديو يبيعونهم مركز سلطان

 

[عرووب20]

رد: بنااات اللي يعرف بالاشرطه الرياضية يدش

والله خوش شيء أحسن من النادي واخذ آثام حبيباتي اللي شرت الدي في دي 3أميال تطلبلي معاها لأني مما أعرف أطلب
تاخذون فيني أجر الله يبلرك فيكم

 

[شيخه***البنات]

رد: بنااات اللي يعرف بالاشرطه الرياضية يدش

مركز سلطان عندهم حق سندي كروفورد ..

رفيجتي كانت تسوي بفتره الرجيم وايد ضعفت ..

الفال لج ..

 

[ظلال القرآن]

رد: بنااات اللي يعرف بالاشرطه الرياضية يدش

والله يا بنات سوالف الاشرطه ما اعرف فيها عطوني خلطات ما بقى عشبه ما لطيتها طبعا ماكو فايده

المهم اخوي يقول ان رفيجه شرى دي في دي من النت حق مدربه امريكيه عيوز ما يقولج تلعبج ثلث ساعه عن ثلاث ساعات

عاد قلت حق اخوي والي عافيك يب لنا اسمها ومن وين طلبها قال قمي زين ادري بسال وبيبلج وهذا ويهي اذا شريتيه ولا لعبتي
عاد قلت اقولكم المواصفات يمكن وحده فيكم تعرف هالمدربه

 

[^^ROSE^^]

رد: بنااات اللي يعرف بالاشرطه الرياضية يدش

اشواريا
لا جربتيه قوليلنا شرايج
انا واثقه انه بيعجبج لانه التمارين سهله صج ان اول مابديت فيه تعبت 10 دقايق ولا ربع ساعه واوقف بس الحين ماشاء الله اكمله كله
وترى هي اثقالها عباره عن كره انتي اخذي الاثقال العادية الدنابل انا عندي نص كيلو وكيلو وكيلو ونص
بديت بالتدريج حاليا استخدم كيلو ونص لكل إيد واحيانا البس الوزن اللي بالريوم اذا فيني همة ونشاط


عروب حبيبتي لاتتعبين نفسج
روحي مركز سلطان السالمية او شرق او الكوت
عند خدمة اسأل من تدشين قولي وين قسم خدمة اسأل
هالخدمة تقدرين تطلبين اي شي من النت وياخذون منج سعر القطعه مع شحنها وانتي مرتاحة
ترى بيفرق عن سعر الارامكس دينارين يمكن لان الدي في دي خفيف
يعني يطلع عليج التوتال ما بين 8 الى 10 دنانير واصل لي الكويت وكل شي واذا تبين يوصلونه لي بيتكم يصير
هذا رقم فرع سوق شرق 2407088
وهذا رقم السالمية5750135
دقي عطيهم اسم السايت واسم اللي تبينه ويقولونلج التكلفه كامله وحتى يصير يطرشون لج المندوب ياخذ العربون اللي هو نص القيمة
وخلال اسبوعين الطلب عندج


ظلال القرآن
في وايد مدربات زينين بس في ثنتين صعبة تمارينهم محد يقدر عليهم كلش
جاري لف و الثانية مالت برنامج الخاسر الاكبر اللي بطنها مقسم عضلات عرفتيها؟
هذولي الثنتين تمارينهم تشقج شقتين بس اذا عندج لياقة وتتحملين تسوينهم عادي
بس اللي انا حطيتهم ممتازين للمبتدئات والمتقدمات

 

[^^ROSE^^]

رد: ابى اشرطة سى دى للرياضة؟؟

ايفيان تصدقين انا شارية من امازون للمشي بس ماجربت دنيس لان الغالبية مامدحوها
بس الباقي مدحوهم
شلون تمرينها؟ وشنو حركاتها
اذا عاجبج المشي جربي ليسلي سانسون رووووووووووووعه
3 اميال مشي بس صج يغير الجسم
شوفي انا كاتبة عن كل اشرطتي بالتفصيل وكلهم من امازون
http://www.q8yat.net/showthread.php?t=99317

 

[bombo]

رد: بنااات اللي يعرف بالاشرطه الرياضية يدش

يعطييييييييييييج الف عافيه

 

[^^ROSE^^]

الله يعافيج حبيبتي

 

[بوران]

بنات شلون تتمرنون مع الاشرطة يعني كل يوم تشغلونهم و تتدربون

 

[^^ROSE^^]

اي حبوبة شغلي الشريط ولعبي معاهم مايبيله شي وايد احسن من روحة النوادي وقط الفلوس وتهبين جم يوم وتكشتين وتروح فلوسج

 

[Japanese]

رووووزه ماشاء الله عليج كفيتي ووفيتي وايد شجعتيني على الأشرطه

ودي اسأل شلون اشرطه المشي مافهمت شلون يعني بنتدرب على المشي !


: صرااااحه اعجبتني فكرة الأشرطه وايد دشت براسي خاصتنا ان ودي امرن جسمي جزء جزء


ودي اسألج بعد عن أشرطه تمارين للجزء العلوي من الجسم > الصدر الظهر


ويعطيج العافيه ماقصرتي

 

[^^ROSE^^]

هلا حبيبتي
المشي عادي تسوين روحج تمشين وانتي واقفه بمكانج وفي حركات للفخوذ والبطن والخصر وجذي
وايد حلوين لايطوفونج

اما بالنسبة للصدر والظهر اخذي شريط كاثي سميث matrix method
اللي كتبت عنه وايد مفيد وحلو بس بالبداية بتحسينه صعب لين تتعودين عليه ان شاء الله

وهم شريط سيندي كروفورد
shape your body
ممتاز بعد وهم عندها شريط ثاني
next challenge
بس هذا اصعب من الاولي

 

[Japanese]

مااااااااااااااااقصرتي روزه :$

ان شاء الله بطلبهم قريب

 

[^^ROSE^^]

حياج الله حبيبتي
وان شاء الله تستفيدين منهم

 

[^^ROSE^^]

السلام عليكم

شفيكم بنات طخيتوا عن هالموضوع؟

انا اليوم وصلني حزام الرياضة Denise Austin PowerBelt Walking System
طلبته من امازون عشان استخدمه مع دي في دي المشي الخاص بالكرشه
يعني 3 اميال مشي داخل البيت للكرششششششش باستخدام الحزام طبعا
هذا هو الحزام
http://www.amazon.com/Denise-Austin...e=UTF8&s=sporting-goods&qid=1206901413&sr=1-1
وترى عليه خصم لايفوتكم وشحنه بالارامكس طلع 8 ونص لانه شوي ثقيل بس وايد حلو ويتصغر ويتكبر على حسب قياسكم
وشكله اوكي مو بو طقه

وهذا هو دي في دي المشي
http://www.amazon.com/Leslie-Sanson...ef=sr_1_7?ie=UTF8&s=dvd&qid=1206901636&sr=8-7

ترى هذا 3 اميال نفس اللي قلت لكم عنه قبل بس هذا باستخدام الحزام وللكرش يعني الخطوات غير شوي مو نفس هذاك
هذاك بس للحرق وجذي هذا للكرش

اتمنى يفيدونكم ونبي ردود اللي طلبوا شصار عليكم؟

 

[^^ROSE^^]

اليوم وصلني دي في دي
10 Minute Solution: Fitness Ball Workouts
صراحة عجيييييييييييب وبشتري الكرة عشان اطبق التمارين

بس تحسفت يوم شفت بأمازون مسوين عرض نفس الدي في دي مع الكرة والبمب مالها ورخيص حيل
http://www.amazon.com/10%2dmin%2e-S...UTF8&coliid=I3MUKL6X7R4KQS&colid=K39TT6MV5MFO

هذا الرابط اذا حبيتوا تطلبونه لان صج صج عجيب
مقسم 5 اقسام كل قسم 10 دقايق
اول واحد للفخوذ والمؤخرة
ثاني واحد للأذرع والاكتاف
ثالث واحد للمعدة
الرابع حرق سعرات
الخامس سترتش

اتمنى اكون افدتكم

 

[Japanese]

واااي رووزه ماشاء الله ماشاء الله عليج


تشوقييييييييييييييييييني على الديفيديات :$ ... عاد ليحين ماسويت لي بريد ارامكس

لازم اروح لهم عشان اقدر اطلب ..

ان شاء الله هالايام ماشاء الله عليج > سيري ونحن ورائكي :d


يعطيح العافيه حبيبتي

 

[^^ROSE^^]

اي والله لاجربتي التمارين ماتقدرين تهدينها
وحتى لاهديتيها ترجعين
عندي احسن من النادي وارخص

 

[Japanese]

السلام عليكم

هلا روزه شخبارج

انا اليوم مريت فتحت لي اكاونت بأرامكس وعاد بعدها مريت كارفور وجوفي الصدفه !!

لقيت الديفيدي مال ام سنسون بو 3 اميال وخذتته وبعد خذت ديفيدي حق ليزا هارت عالكوره تمارين خاصه بالبطن

بس في شي محيرني :/ .. انا الحين صارلي يمكن شهرين او 3 كل يوم اتمرن عالاوربتريك

اتعرفين الاوربتريك شوي التمرين عليه صعب .. ممكن هالأشرطه تكون احسن لي من الاوربتريك !!!

تبين الصج حسيت تمارينها عاديه شوي يعني مدري مافيها تحدي لدهوني وشحووومي لووووووول



فمادري قاعده افكر اخذ ديفيديات جيليان ريتشارد مالت الرابح الأكبر ... شراااااييججج

والف شكر حبيبتي ان شاء الله باجر اجرب مال ام سنسون ويتروالي بعد التجربه بيتضح لي اكثر

اذا بيكون افيد لي من الجهاز ولا

وبشريني بعد عن الاشرطه اليديده شلووون زينين ولا !! ويعطييييج العاااااافيه

 

[^^ROSE^^]

هلا حبيبتي
شوفي الاوربت تراك ينسق الجسم ويبني عضلات
تمارين المشي بو 3 اميال تحرق الدهون اكثر
خصوصا اذا سويتيها وانتي مو ماكله يعني يا اما اول ماتقومين من النوم او بعد الاكل بساعتين عشان التمارين بجذي راح تحرق الشحوم المتجمعه بس اذا كليتي وعلى طول تمرنتي راح تحرقين بس اللي كليتيه

فقلتلج اذا تبين تحرقين دهون عندج المشي بو 3 اميال روعه
ومايمنع انج تشكلين يعني يوم جذي ويوم جذي هم حلو