بنات ابي شوركم ... اسكت ولا اواجهه ؟؟؟؟؟

[e7sas ontha]

السلام عليكم
شلونكم .. شخباركم عساكم بخير


بنات ابي ادخل بالموضوع على طول
ماحب المقدمات

واللي عندها نصيحه مجربه ومفيده
لاتبخل علي فيها..

المهم ... انا من فتره شفت مسجات بتلفون زوجي
وطبعا كان مطرشها لوحده

والله يابنات مو من طبعي افتش بتلفونه بس بالصدفه قالي طلعيلي رقم فلان وعطيته وطلع
وربي على نيتي .. قلت خل ادخل عالرسايل واشوف
شنو من مسجاتي اللي عاجبته ومحتفظ فيها؟؟؟؟

وليتني ماشفت .. رسايل مرسله لوحده
لاتقولون شدراج لان الصيغه صيغة بنت (تقدرين) (ماتردين) (قوليلي) (شعندج) يعني كلمات وايده
واللي غثني ان الرقم مسجل باسم ريال
بنات هذا شنو معناته ؟؟؟؟؟؟؟
وشفت السجل هالرقم موجود بمكالمات صادره ووارده ولم يرد عليها

رحت خذيت الرقم خزنته بتلفوني
ثاني يوم دقيت عالرقم من الجمعيه قلت قبل لا اظلمه اتاكد اذا كانت بنت ولا لأ
دقيت وردت قالت الووو الووو .. بنات صوتها يرن بأذني

رحت مكان ثاني ودقيت وقلت وين فلانه قالت الرقم غلط مو رقم فلانه وسكرته

تصدقون حاشتني حاله قمت اضحك
مادري اضحك على نفسي وغفلتي ولا شنو بالضبط

ولي يومكم هذا وانا ساكته
اضحك معاه واطلع معاه ولا مبينه علي شي
سوالف ونضحك والبس له واسهر معاه
وعايشه معاه طبيعي ماحسسته بشي

بس والله والله ميته قهر
اضحك ومن داخلي ميته
لما يقول انتي الغاليه وانتي الحب اقول لنفسي عيل هذيج البنت منو؟

انغزله وأألف سوالف من الدوام اقوله فلانه زوجها يعرف بنات وفلانه زوجها كله بتايلند و ... و......

يقول مايستحون على ويههم متزوج ويروح مع بنات ليش ؟؟؟

مرات نقعد نسولف عاد اقوله يافلان
انا مقصره معاك بشي؟؟ يقول لا
اقوله مرتاح معاي؟؟ يقول الحمدلله مرتاح
اقوله في شي مضايقك مني؟؟ يقول اذا في شي اكيد بقولج
واهو متعود اي شي مايعجبه يقولي عنه وانا اغيره واعدل من نفسي


اسمعه احتار بأمره اقول لنفسي زين واللي شفته بتلفونه واللي سمعت صوتها شنوووووو


انا ساكته لاني احبه
ساكته لاني عارفه معدنه طيب واهله طيبييين حيييل معاي
ساكته لاني مابي اخرب بيتي
ساكته لان عندي امل تكون البنت نزوه وبيرجعلي

ساكته بس هم هالسكوت متعبني
صرت اجيك على تلفونه كل مادخل الحمام
احس نفسي صرت شكاكه اذا بيطلع اقول يمكن رايح يشوفها ويمكن ويمكن
بنات عفيه شنو تشورون علي

اسكت ولا اواجهه ؟؟؟؟؟؟

​

 

[فاقده ابوهاااا]

رد : بنات ابي شوركم ... اسكت ولا اواجهه ؟؟؟؟؟

لا تغلطين وتواجهينه في رياييل اذا واجهتيهم بالخيانه يقوم يعاند ويسوي كل شي جدام عينج .. انتي كثر ما تقدرين احتاطي وراقبيه من غير لا يدري واذا انتي امقصره معاه بشغله عدلي من نفسج اكيد في شي ناقصه جان ما طالع بره وامشي على هالمنوال لمده شهر واذ ما تعدل وهد بنت ابليس هذيج الساعه حطيله حد وصارحيه وخليه يختار يا حياته الزوجيه او المصخره

 

[آنا من دونك أندمر]

رد : بنات ابي شوركم ... اسكت ولا اواجهه ؟؟؟؟؟

يالله حبيبتي

والله حاسه فيج..

ما عليه.. انا بساعدج.. >> أبي الأجر

عادي اقولج بالخاص.. لأنها خطه محكمه

 

[فاقده ابوهاااا]

رد : بنات ابي شوركم ... اسكت ولا اواجهه ؟؟؟؟؟

يالله حبيبتي

والله حاسه فيج..

ما عليه.. انا بساعدج.. >> أبي الأجر

عادي اقولج بالخاص.. لأنها خطه محكمه

ههههههههه يما منج يا ام الخطط قولي عالعام :lololoe: تحسين وحده ملقوفه :050103nbh_prv:

 

[سارونهh_a_z]

دام عندج رقمها هزئيهاااااااااااااااااااااااا عدل وسفلي وفيها

وبنفس الوقت كوني سمن على عسل مع ريلج ولا تبينين له شي

 

[dectora 7elwa]

لا تواجهين وزين سويتي
ادعيله وشبعيه من العلاقه الحميمه
قطي نغزات عن ريل وحده معالج بالدوام حياتهم حيل مستقره صادته يخون وانج قلتيلها لاتسكتين وووووو
عشان يخاف

 

[ام زاكي]

رد: رد : بنات ابي شوركم ... اسكت ولا اواجهه ؟؟؟؟؟

ههههههههه يما منج يا ام الخطط قولي عالعام :lololoe: تحسين وحده ملقوفه :050103nbh_prv:

حتى انا ابي اعرف شنحاسه تكلمي على العام وخل الكل يستفيد لووول

 

[الأميرة جوري]

رد : بنات ابي شوركم ... اسكت ولا اواجهه ؟؟؟؟؟

نصيحه لاتواجهينه ماراح تستفيدين شيء الا يقلب السالفه عليج تفتشين خليج وحطي نفسج مغفله وركزي ودققي فيه شلي خلاه يكلمها ؟؟ يعني راقبيه من بعيد لي بعيد المواااااااااجهه ماراح تنفع نصيحه من هالمواضيع الي شفتها للبنات كلهم اما زعلانات عند اهلهم او زافها واخرتها ماشي.....بالطريج اللي يبيه الله يعينج ويهديه

 

[رواسي شامخة]

والله انا من رايي انج تقولين له لأن حلاة الحياة ما فيها شكوك وبالذات بين المرأة ورجلها لأنها هي اللي تخرب الحياة فأحسن شي قولي له وطبعا انتي تعرفين زوجج والوقت اللي يكون فيه الوضع اوكي ..وموفقة والله يسخره لج ويبعد عنكم بنات وعيال الحرام..

 

[Tom ♥ Jerry]

.


دقي عليها و قوليلها بكل هدوء آنا مرت الي تكلمينه
و لو سمحتي مآبي مشآكل و لا آودي رقمج المخفر خوفيها > طبعا مو صج !
بس عشان تخاف و تبعد عن ريلج ..

يخرب بيتهآ خطآفه الرجآله :/ !

و بنفس الوقت لا تبينين حق زوجج و لا شي !
خلج طبيعيه و طلعي و استانسي معآه و لا كآنه شي صار ..


.

 

[blue diamond]

دام عندج رقمها هزئيهاااااااااااااااااااااااا عدل وسفلي وفيها

وبنفس الوقت كوني سمن على عسل مع ريلج ولا تبينين له شي

مع احترامي لراي العضوة سارونه بس انا مو معاها

مشكلتج مو مع البنت مشكلتج بخيانه ريلج لج مو معقوله الريال يغلط والبنت تاكلها مو يمكن يكون قاص عليها ومعشمها بشي !!!
ان زفيتيها وخافت يمكن يكون في غيرها
وفي بنات مفتحين باللبن حتى اذا زفيتيها وهددتيها ما يهمها لان تدري ان الحق معاها واللي خان الريل واهيا تقدر تطلع نفسها بسهوووولة

ما علينا لو انا بمكانج الله لا يقوله اشوف طبيعه ريلي وعلى اساسه راح اعرف اتصرف

اذا كان ريلج يحب المصارحه وفاهم وعاقل راح اقعد معاه قعده مصارحه واكلمه بكل هدوء والمسجات اهيا الدليل

واذا كان ريلج من النوع اللي يعاند ماراح اصارحه وراح اقل نغزات غير مباشره يعني مثلا قوليله انه رفيجتج لا سمح الله ريلها خانها وطاحت على المسجات واهي مو عارفه شنو تسوي ؟؟ وقوليله انا وااااااثقه فيك وادري انك ما تسوي جذي بس لو انا بمكانها راح اعلم اهلي لان اهم سندي ويمكن ارفع عليك قضيه

وادعي ربج وايد واستغفريه وايد ان شاء الله ما يصير إلا اللي تبينه​

 

[آهات الليل]

رد : بنات ابي شوركم ... اسكت ولا اواجهه ؟؟؟؟؟

واي الله يعينج واجهييي حبيبتي لاتسكتين وتموتين حره وتبجين لا واجهييي حرام اللي قعد يسويييه فيج

 

[أم حوور]

الله يعين الحريم على خيانات الرياييل



حبيبتي كوني لزوجج كل شي وحاولي تكونين معاه بكل وقت وخليج اخر دلع معاه وبزود




خليه شبعان من الحريم كلهم بس انتي بالدنيا


مع ان الراييل ما يملاا عينهم شي



انتي سوي المستحيل



بنت ابليس بييها يوم مثل ما تخون بييها اليوم اللي ريلها بيخونها ولا يمكن بوسط بيتها


حسبي الله على هالبنات والرياييل بنفس الوقت

 

[أم حوور]

السموحه يا قلبي اذا في شي كلامي

 

[Rou7y Te7eba]

دام الرقم عندج كلميها اهيا وواجهيها شوفي شنو سبب الي خله ريلج يروح لغيرج اكيد شاكيلها الحال
ويمكن هالبنت ماتدري متزوج ؟؟
فاانتي كلميها وخل تفهم انج مرته وانكم تحبون بعض وانه اهيا بتسبب خراب بيت
واذا شفتيها وقحه حاولي تكلمينها بسلوب تخلينها تخاف منج ولا تبينين ضعفج

ونطري اذا قالتله راح ايي يكلمج واذا مايه كلمج انتي واجهيه قوليله ترضاها تطيح من عيني عقب ماكنت مالي عيني !!
وكلميه بكلام تخلينه يحس بدمه ويعرف طيب اصلج بس لا تعصبين ولا تتكلمين بكلام ممكن يصير ضدج
بكل سياسه وهدوء وحب
ولا تنسنين انه الي تكلمينه شخص يهمج

والله يعينج بصراحه

 

[كنوشة 2009]

مع احترامي لراي العضوة سارونه بس انا مو معاها

مشكلتج مو مع البنت مشكلتج بخيانه ريلج لج مو معقوله الريال يغلط والبنت تاكلها مو يمكن يكون قاص عليها ومعشمها بشي !!!
ان زفيتيها وخافت يمكن يكون في غيرها
وفي بنات مفتحين باللبن حتى اذا زفيتيها وهددتيها ما يهمها لان تدري ان الحق معاها واللي خان الريل واهيا تقدر تطلع نفسها بسهوووولة

ما علينا لو انا بمكانج الله لا يقوله اشوف طبيعه ريلي وعلى اساسه راح اعرف اتصرف

اذا كان ريلج يحب المصارحه وفاهم وعاقل راح اقعد معاه قعده مصارحه واكلمه بكل هدوء والمسجات اهيا الدليل

واذا كان ريلج من النوع اللي يعاند ماراح اصارحه وراح اقل نغزات غير مباشره يعني مثلا قوليله انه رفيجتج لا سمح الله ريلها خانها وطاحت على المسجات واهي مو عارفه شنو تسوي ؟؟ وقوليله انا وااااااثقه فيك وادري انك ما تسوي جذي بس لو انا بمكانها راح اعلم اهلي لان اهم سندي ويمكن ارفع عليك قضيه

وادعي ربج وايد واستغفريه وايد ان شاء الله ما يصير إلا اللي تبينه​

كلامها عين العقل

 

[brettey]

رد : بنات ابي شوركم ... اسكت ولا اواجهه ؟؟؟؟؟

مادري بس الحل اهو المواجهه عشان ترتاحين لانج لو سكتي بقول مرتي ماتدري عن هوى دارها خل العب بذيلي واجهيه وحسسيه بغلطه وان خيانته مو شي هين
الله يهديه

 

[đeɱɛɼɑ™]

صرآحة الوحدة الزم مآ عليها صحتها
ليه متى بتسكتين ؟ تقدرين مااا تصارحينه طول عمرج ؟؟

علاقتج معاه بـ تكون متوترة اغلب الوقت وكلهآ شك في شك غير ضيقة الصدر والهم ..
اللي بينج وبين ريلج ربآط مُقدس .. قعدي معاه وصارحيه و واجهيه بـ اللي عرفتيه
لانه جذي والله العظيم بتتعبين واااااااااااايد اكثر من ما انتي تعبانة الحين

وبعدين عكسي الموضوع
لو انتي لا سمح الله اللي مسوية سوات ريلج و تكلمين واحد من وراه ومسجلة رقمه بـ اسم بنت
جان شسوه فيج ريلج !!
لا تقولين الريال شايل عيبه .. اذا ديننا وشرعنا اقر نفس العقاب للي يزني سواءا رجل او امراة

صلي استخارة قبل ما تكلمينه
وعسى ربي يوفقج ويهدي سركم

 

[nadoy]

لالالالااااااا

لاتغلطين وتواجهينه

ترى في رياييل اذا واجهتيهم مو مشكله عندهم

خليج ساكته وبيني له انج ماتدرين عشان لايتمادى

لانه يمكن يكون من النوع اللي مايهمه

وصدقيني ترى نزوه اذا انتي حاسه انه يحبج ومن كلامه راح تعرفين انها نزوه

بس اذا عنده اخو وانتي حيل معاه قوليله خل ينصحه احسن

الله يعينج حبيبتي والله ادري هالسالفه تقهر بس حاولي انج ماتفكرين فيها وايد

ولاتقصرين معاه عشان لابغيتي تواجهينه مايحط عذاريب ويقول انج مقصره

والله هالبنات ماهمهم هالايام متزوج مو متزوج عادي

فـ لحد يقول يمكن قاص عالبنيه :\

الله يستر علينا وعليهم يارب

 

[كرزة ضايعه]

لا تنغزين ولا تخربين حياتج عشان هالسالفه مدام ريلج مهتم فيج وحاطج على باله يعني اكيد نزوه ..
بس لو انا منج جان امسح رقمها وكل المسجات الي منها عشان اراويه اني دريت بس ما اقوله عشان يعرف اني ما ابي اخرب حياتي عشان هالشي واني مسامحته بس يتوب ولا اني افشله بالمواجه واذا رد لحركاته وسوالف البنات ساعتها ما يلوم غير نفسه