بنات ابي شوركم ... اسكت ولا اواجهه ؟؟؟؟؟

[القوارير]

رد : رد: بنات ابي شوركم ... اسكت ولا اواجهه ؟؟؟؟؟

مع احترامي لراي العضوة سارونه بس انا مو معاها​

مشكلتج مو مع البنت مشكلتج بخيانه ريلج لج مو معقوله الريال يغلط والبنت تاكلها مو يمكن يكون قاص عليها ومعشمها بشي !!!
ان زفيتيها وخافت يمكن يكون في غيرها
وفي بنات مفتحين باللبن حتى اذا زفيتيها وهددتيها ما يهمها لان تدري ان الحق معاها واللي خان الريل واهيا تقدر تطلع نفسها بسهوووولة​

ما علينا لو انا بمكانج الله لا يقوله اشوف طبيعه ريلي وعلى اساسه راح اعرف اتصرف​

اذا كان ريلج يحب المصارحه وفاهم وعاقل راح اقعد معاه قعده مصارحه واكلمه بكل هدوء والمسجات اهيا الدليل ​

واذا كان ريلج من النوع اللي يعاند ماراح اصارحه وراح اقل نغزات غير مباشره يعني مثلا قوليله انه رفيجتج لا سمح الله ريلها خانها وطاحت على المسجات واهي مو عارفه شنو تسوي ؟؟ وقوليله انا وااااااثقه فيك وادري انك ما تسوي جذي بس لو انا بمكانها راح اعلم اهلي لان اهم سندي ويمكن ارفع عليك قضيه​

وادعي ربج وايد واستغفريه وايد ان شاء الله ما يصير إلا اللي تبينه​

اايدها وبقوة عين العقل والله يريح قلبج انشاء الله :eh_s(7):

 

[مس لوتس]

الله يعينج

 

[فرحه عمر]

صحيح دايمن الخيانه سببها الزوج حتى لو كانت زوجنه مقصره معاه لانه الخيانه غش وماتجوز
وحتى لو الزوجه مو مقصره وماليه عينه بس اللي عينه زايغه مايملاها غير التراب
هالكلام عااااااااااااام مو لصاحبه الموضوع
للامانه حلو الواحد انه يحسن الظن في بعض الاحيان ممكن تكون معاه بالدوام وممكن بينهم شغل ومايحب يسجل اسمها عشان يفتك من المشاكل وعوار الراس لانه للامانه ماوضحتيلنا من متى متزوجين ممكن انه للحين مايعرف شخصيتج وردته فعلج
وهم بعد ماوضحتيلنا نوعيه المسجات اذا غزل ولا عتب من نوع خاص مثلا؟؟
وعلى العموم انتي ابخص بزوجج اذا من النوع الجمبازي والعيار ولا الصريح الواثق

 

[انا مو هني]

رد : بنات ابي شوركم ... اسكت ولا اواجهه ؟؟؟؟؟

الله يعينج ان شالله

 

[e7sas ontha]

رد : بنات ابي شوركم ... اسكت ولا اواجهه ؟؟؟؟؟

قبل كل شي
الله يوفق كل وحده ردت علي ويفرج همها ويفتحها بويهها وين ماراحت
ماقصرتوا واحترم راي الجميع

اذا علي انا افضل السكوت مع الحرص والمراقبه من بعيد لبعيد
واحاول قد ماقدر اخلي الوضع طبيعي

اهو مو مقصر بشي لا في البيت ولا معاي ولا اهله ولا اهلي
الحمدلله وانا بعد ماقصرت بشي (باعتراف منه)


في وحده قالت يمكن زميله معاه بالدوام....
دوامه مافيه بنات ( في السلك العسكري)
ولو فرضنا ان معاه بالدوام ليش يخش دام العلاقه علاقة عمل!! يقوم يخش عني ويسجل اسمها باسم ريال !!
انا اسولفله عن زملائي بالدوام فلان وعلان عادي موخايفه من شي لاني ماسويت شي غلط


في وحده سالت اذا كانت المسجات غزل او ....
وانا بنطر لين تصير مسجات غزل وغرام!!!
اذا يقولها تقدرين تطلعين ولا نكسل نخليها وقت ثاني؟؟
الله يستر بعد الطلعه شنو يصير؟؟؟

​

 

[H Style]

سين ولام يعني سلام:blueSmCLR:

والله ما ادري شقولج يعتمد الوضع على طبيعة زوجج

ولصراحة حبيت اشاركج مشكلتج لأني حيييل محترة وعورتي قلبي
اااخ منكم ياالرياييل
وهم اااخ منكم بنات ابليس هادين الرياييل كلهم ولافين على المتزوجين

تصدقون بنات احس انها هبة هابين فيها بنات هالوقت
تكلم متزوج مادري ليش
وازيدكم من الشعر بيت يمكن تكون متزوجة وهم تكلم متزوج
هذي فئة ...... في المجتمع هدفها خراب بيوت المتزوجين


بس حبيييييت أعبر لاني محترة

 

[.الاميره.]

رد : بنات ابي شوركم ... اسكت ولا اواجهه ؟؟؟؟؟

لا والله خليه يخربط ليييييييييييين يشبع دامه مو مقصر معاج وصدقيني ما رده لج
لا تصارحينه وتخربين حياتج بنفسج
خليه يولي واكشخي وتزيني وعيشي حياتج

 

[ليالي الكويت1]

رد : بنات ابي شوركم ... اسكت ولا اواجهه ؟؟؟؟؟

حبيتي سوي نفسج لا اسمع لا ارى لااتكم لاتواجهينة ولاشي وقالتها فوزي الدريع ببرنامجها اذا كل وحدة بتطلق عشان شافت ولاطاحت على زوجها بيخون لابلا الااعمرت البيوت اسمعي كلام خلي نفسج معاة عبيطة ولاتخلين لها فرصة ودلعي الرجال بالكلام الحلو والحركات والطلعات والروحات واذا طلب اي شي بس قوليلة حاضر انشاء اللة تكفين لاتواجهينة واللة بتخرب حياتج خصوصا ان اهو طيييب واهلة طييييبين وين تلقين الحين حمولة زينة واذا لقيتي ينعدون على الاصابع وصدقني تلقبن وانا استغفر اللة اهي اللي تحرش فية بس لاتعطينها اهي مجال تغلبج تدرين شلون تغلبج اذا زعلتي معاة راحلها وخلاج وتتطور الامور امور خليج انتي الافضل دائما وعساللة يوفقج

 

[جوري الفيلجاوي]

رد : بنات ابي شوركم ... اسكت ولا اواجهه ؟؟؟؟؟

لا تواجهينه ولا شي بس تقربي من ربج اكثر وكثري دعاء واستغفار وقيام الليل صدقيني مفعوله عجيييييييييييييب

 

[Ameeraaaaaa]

ترا ذكاء المراه بتظاهرها بالغباء !!
يعني سوي نفسج غبية !!
واتصرفي علي هالاساس
راقبي بهدوء ومن بعيد لبعيد
ولزقي اغلب الوقت لزوجج
ان راح الجميعة روحي معاه
وان قعد بالبيت قعدي معاه
خلي رقم البنت عندج بس لا تدقين ابدا عليها للاحتياط
قطي نغزات من وقت لوقت
وشوفي ردات الفعل
خليه يسوي لج الف حساب
وكثري من سورة البقرة في بيتج عسى الله يسخره ويصلحه لج
ويبعد بنات ابليس عنه

 

[زهـراء]

السكوت ابد مااييب نتيجة
والي تنصحج بالهشي غلطانة .... انا اعرف وحده ريلها جذي وسكتت على هالوضع اكثر من سنة لما يا اليوم الي ريلها راح حق حبيبته المغربية وخطبها من اهلها هناك...

 

[انسام الكويت]

شوفي حبيبتي انا حاااسه فيج كأني قاعد اقرا قصتي بالضبط بعطيج

حل وانشاالله خير يارب دام رقمها عندج خلي اي ريال يكلم البنت ويخرعها

انه اذا دقت على رقم ريلج انه يوصلها للمخفر لأنه الريال متزوج وعنده عيال

ولا ترا المخفر ناطرج ترا البنت اتخاف اذا كان المكالمه من طرف ريال اما اذا

من طرف بنت عاادي عندها اتزيد لعااانه وماردها بتعلم ريلج وريلج بيتفشل

وبيحس بخووف بيعرف انتي عرفتي ولا لأ واذا واجهج استعبطي عليه

وقوليله شنوو انت عن شنو اتكلم هاذا طبعا اذا له ويه بيواجهج وبيطخ

او انج اتواجهينه واتقوليله منو هالجلبه اللي اتكلمها وحاولي اتحلين المشلكه معاه بهدووء

وقوليله انج دقيتي عليها وطلعت كل خياسك وقالت انك انت هيلقي ولازق فيها موراضي اتفج عنها يعني قلبي الموضوع عليها

عشان يكرها ولمن يحس على ويهه بغلطته حلفيه بالقرآن انه مايكرر هالخرابيط مرة ثانيه

واقطيعه بنات ابليس مايحلا بعينهم الا المتزوج عساها كل وحده اطيح

على ريال متزوج اتذووق هالشي اذا تزوجت ويخونها ريلها سووووري انفعلت بالموووضووع

 

[Q8tya_GirL]

رد : بنات ابي شوركم ... اسكت ولا اواجهه ؟؟؟؟؟

انا برايي انج تقعدين معاه قعدت مصارحه وتصارحينه باللي قاعده يسوويه طبعا بهدوء
لانه لي متي بتخلينه يلعب ويستانس وانتي قاعده تحترقين من الداخل وتفكير يوديج واييبج لازم انج اتوقفينه عند حده
بس اهم شي انه اتكلمينه بوقت مناسب

 

[eman84]

ميخالف انا اقووول الاحسن تواجهينه ولاتعيشين مغفله
يعني دامه شايف كل شي منج و مومقصره معاه بولا شي و شايلته شيل و اذا درى انج من زمان تدرين وساكته يمكن اصلا يتحطم من داخله ويحس على دمه ويتحسف و انج ذهبه واصيله ويمكن لما يحس بس مجرد احساس انج ممكن تتركينه راح يهد هذيج ويرجع لج !! انتي زعلي في مكانج وبعقل

ويمكن اهو توه ببداية العلاقة مع البنت ومصارحتج ممكن انها تنهي الشي قبل لا يكبر وتصير علاقتهم قوية @@ ويتووب يكرر هالشي و ترى الزم ماعليج صحتج وراحة بالج وشنو هالعيشه لي متى بتمين تنبشين وراه وتحرين عمرج خل يحط حد وقوليله انا مو مقصره معاك ليش تطالع بره وشوفي شنو عذره

وصلي استخاره هم قبل لا تسوين اي شي يمكن من الله توخر عنه و يمكن ماتدري ان متزوج و الله يهدي اموركم ويسخره لج بروحج

وهذا رايي مادري شوفي هم اراء البنات واختاري اللي انتي تشوفينه صح وبالنهايه انتي ابخص بريلج

 

[عيني عليه]

لا تنغزين ولا تخربين حياتج عشان هالسالفه مدام ريلج مهتم فيج وحاطج على باله يعني اكيد نزوه ..
بس لو انا منج جان امسح رقمها وكل المسجات الي منها عشان اراويه اني دريت بس ما اقوله عشان يعرف اني ما ابي اخرب حياتي عشان هالشي واني مسامحته بس يتوب ولا اني افشله بالمواجه واذا رد لحركاته وسوالف البنات ساعتها ما يلوم غير نفسه

حبييت هالحل ... ولو انا منج اسوييييه ...

 

[أميرة الاندلس]

اعذريني بس من كلامج عن ريلج وانه طيب وحبوب وماقالج عن اي عيب فيج فمعناته انه ما يخونج ... ويمكن هذا واحد من رفجانه بالديوانيه استخدم نقاله لاتظلمينه وتخربين الثقه على موضوع مسجات ... لاتظلمينه الا اذا شفتي شي حقيقي ..

 

[مشتاقه لك يبا]

رد : بنات ابي شوركم ... اسكت ولا اواجهه ؟؟؟؟؟

تسكتين وتاكلين بعمرج وتضحكين وتسولفين معاه ولا جنّه شي صااار ؟؟؟ معقوله تقدرين تسوينها ؟؟؟
حبيبتي لا تاكلينها امراض وبلاوي بتصير فيج سمعي نصيحتي لانج اذا ما واجهتيه ماراح ترتاحين واللي فهمته من كلامج انه زوجج رجال متفهم
وبينكم حوار وصراحه .. خلاص شنو المانع ما تواجهينه ؟؟؟ لو ضحكتي وابتسمتي وكتمتي ماراح تستفيدين شي لانج بتعيشين طوول عمرج بشك تصيرين مثل المجنونه بس تفتشينه وتفتشين ملابسه وماراح توقفين عند حد معين راح تمادين بس لماّ تقطعين الشك باليقين وتواجهينه وتعرفين ليش ومنو وشنو السبب ذيك الساعه حتى لو زعلتي وتظايقتي بترتاحيييييين حتى لو ما لقيتي جواب مقنع والا شالفايده اضحك معاه واستر عليه وجنّه ما شي صار واهو يلعب من وراااي لا حبيبتي انتي مو مقصّه جداامه خليه يحسبلج الف حساب بعدين شهالضعف انا ماحب المره الضعيفه اللي ما تدافع عن بيتها ... واجهيييييييييييييييه وبترتاحين واقري كلامي كلمه كلمه وبتقتنعين والله يفرج همج وصدقيني حاسه فيج حييييل بس المواجهه هي الحل الاكيد والله لا يفرقكم انشاء الله .

 

[غلاتي غلا]

ليش ليش ليش؟؟
ليش يابنات تقولون اسكتي وطوفي دام مو مقصر؟؟
اولا هالشي مو طيب من الرجال غصبن عنه ولا ليش متزوج عشان يذل بنت الناس؟؟
حبيبتي واجهيه وعاتبيه وازعلي بعد
والله ماهي شي سهل غير انها تزلزل مكان الحب والغلا والاحترام بتكون جرح ماااااايطيب بقلب المره وكرامتها
بس لاااااااااازم المواجه
بتعيشين بفتره صراع نفسي والله بتطين تموتين ومحد داري عن هوى دارج

واجهي واجهي بس تحملي الفرق اللي راح يصير بعد المواجه
بتشوفينه طول عمره مقصر وطول عمره خاين بصراحه شعور صعب ان الانسان يحاول يقنع نفسه بش والواقع شي ثاني

 

[أنا Top أنا]

رد : رد: بنات ابي شوركم ... اسكت ولا اواجهه ؟؟؟؟؟

مع احترامي لراي العضوة سارونه بس انا مو معاها

مشكلتج مو مع البنت مشكلتج بخيانه ريلج لج مو معقوله الريال يغلط والبنت تاكلها مو يمكن يكون قاص عليها ومعشمها بشي !!!
ان زفيتيها وخافت يمكن يكون في غيرها
وفي بنات مفتحين باللبن حتى اذا زفيتيها وهددتيها ما يهمها لان تدري ان الحق معاها واللي خان الريل واهيا تقدر تطلع نفسها بسهوووولة

ما علينا لو انا بمكانج الله لا يقوله اشوف طبيعه ريلي وعلى اساسه راح اعرف اتصرف

اذا كان ريلج يحب المصارحه وفاهم وعاقل راح اقعد معاه قعده مصارحه واكلمه بكل هدوء والمسجات اهيا الدليل

واذا كان ريلج من النوع اللي يعاند ماراح اصارحه وراح اقل نغزات غير مباشره يعني مثلا قوليله انه رفيجتج لا سمح الله ريلها خانها وطاحت على المسجات واهي مو عارفه شنو تسوي ؟؟ وقوليله انا وااااااثقه فيك وادري انك ما تسوي جذي بس لو انا بمكانها راح اعلم اهلي لان اهم سندي ويمكن ارفع عليك قضيه

وادعي ربج وايد واستغفريه وايد ان شاء الله ما يصير إلا اللي تبينه​

انا معاها :icon30::icon30:

المشكله في زوجج .. واجهيه ..
ما تسوى حالتج شك بشك كلميه واقطعي الشك باليقين

عشان راحتج يا قلبي انتي ~

 

[&الماس&]

امبين من اسلوبج يوم سكتي انج عاقل الله يكملج بعقلج لازم تدورين على خطه تظمنين انها سليمه ومااتاذين وانا اقول اذا تقدرين تخلين احد يجيب رقم البنت مسجل باسم منو وهدديها بس لاتدري منو انتي ما ادري يمكن فيه خطه احسن هذا اللي طلع معاي بس لاتواجهينه