رد : بنات ابي شوركم ... اسكت ولا اواجهه ؟؟؟؟؟
السلام عليكم بنات
والله فرحتوني بردودكم
صحيح كل وحده لها رايها ووجهة نظرها
بس يكفي تجاوبكم وانفعالكم معاي
حسسني ان صج الدنيا فيها خير وفي احد اخذ رايه
انتو تدرون ان الاغلبيه مايبي يقول لاهله عشان لا تكبر السالفه
وهني بالمنتدى في بنات ماشاءالله رزينات وتفكيرهم واعي
وكلنا نحب الخير لبعض
***
الاخت اللي قالت ( مشكلتج مع زوجج مو مع البنت )...صحيح انا معاج
انا مابي اظلم بنت الناس يمكن ماتدري انه متزوج
والله يهديها ويبعدها ان كانت تدري او ماتدري
الاخت اللي قالت ( يمكن هذا واحد من ربعه بالديوانيه ) ..
لو فرضنا كلامج صحيح .. جان المسجات انمسحت وجان ماخزن رقمها باسم ريال!! بما ان موتلفونه شكو يخزنها بتلفون زوجي وباسم ريال
المفروض يطرش مسج او يدق يكلمها وخلاص .. بس مو كل مره بياخذ
تلفون زوجي واوقات مختلفه !!!
الاخت اللي قالت ( تسكتين وتاكلين بعمرج وتضحكين وتسولفين معاه ولا جنّه شي صااار ؟؟؟ معقوله تقدرين تسوينها ؟؟؟ )
اي والله سويتها.. سويتها ياختي لاني احبه ولاني ماحب اتسرع باي قرار ممكن يهدم بيتي
سويتها وسكت لاني ابي افكر بعقل انا ماتزوجت عشان ارجع بيت اهلي مطلقه عشان مشكله مروا فيها وااااااااااايد متزوجين
صحيح انا فضلت السكوت
بس مو معناته بسكت طول عمري
احب اعطي فرصه واعذار للي احبهم اذا اغلطو معاي
وما ابين لهم بشي لين بنفسهم يحسون بالذنب
وان شفت الشي زاد عن حده
انا اللي بحط حد .. بس باسلوب واعي وعقلاني
مابي عصبيتي وانفعالي تكون ممسك علي وضدي
***
بنات ادري مو حلوه الوحده فينا تعيش مغفله
والله شر البليه مايضحك ... اللي يضحك ان اهو عباله صج انا مادري
بس برايكم اذا عرف اني دريت عنهم من زمان وساكته عنه ومطوفتله
ساعتها بيحس ان اهو كان ياغاااافل.. لك الله
بينقد على نفسه لاني متحمله وساكته
