بنات اختي الصغيرة طالبه طلب ومو عارفه انفذه

[حلوة ومرسومة]

السلام

بنات اختي الصغيرة ما تحب تروح مع امي اي مكان وبذات الأفنيو

وامي كله توديها كليرز الأفنيو

زين ليش ما تحب تروح مع امي ؟؟

عشان امي تلبس عباية راس

واختي تقول لي بليز قوليلها تلبس عباية جتف ... وكل يوم تحن علي

وانا صراحة مستحية اقول حق امي واهيا بعد مستحية تقولها :eh_s(2)::eh_s(2):

ف برايكم اقول حق امي ولا لا

وشرايكم بالموضوع
​

 

[سارونه الامورة]

لالالا حبيبتي لاتقولين لامكِ شي

وضحي لاختكِ اهميه العباءه على الرأس واجرها عند الله وحببي اختكِ في عبايه الراس

وترى حرااام اذا قلتوا لامكِ وغيرتها بعباءه الكتف ترى حراااااااام وقولي لها ان الرسول حثنا ومن هذا الكلام

وان حتى لو المجتمع مش راضي اهم شي رضى ربي ومن هذا الكلام راح تقتنع اختكِ بس لاتقولين لامكِ عنها​

 

[miss.one]

صراحه ومن غير اي زعل ..ً امج مو كبر بنت اختج عشان تتشرط بعدين خالتحمد ربها يدتها مدلعتها و اتطلعها في ناس ما شافوا يدتهم و لا ذاقوا حنانها و دلعها .. نصيحتي يا حياتي انج تسكتين عن هالموضوع لان هذا الشي راح يزعل امج و يضايقها فحاولي تقنعين بنت اختج .. و اسفه اذا حسيتيني انفعلت شوي بس لاني مريت بنفس الموضوع مع بنت خالتي الصغيره و الحمدالله عدا على خير .. الله يخليلج الوالده ولا يحرمج منها

 

[dalo0o3a_707]

الحمدلله والششكر
السستر تسستحون منه

 

[MiSs_CRaZya]

للاسف !! شوفوا ضحاله تفكير بناتنا

حبيبتي انا بنت عمري 19 سنه يعني لا تقولين كلام وحده عيوز .. بس والله العظيم عيب اصلا تطلبين من وحده تلبس عبايه راس تقوليلها لبسي عبايه عالجتف !! بدال لا تفتخرين بامج و بديانتها تفتشلون منها !!!!!

كبروا عقولكم و الله يهديكم مثل ما هدا امكم​

 

[مشتــآقـه]

لاحلو ولا قوة الا بالله

امج تستحين منها

عنها ماطلعت من البيت ان شاء الله وحطي ايدج ع راسج وافتخري بامج دامها متستره وخايفه ربها واذا مو عاجبج انتي واختج عنه ماعجبكم والله انكم مو كفو ام

 

[wesh jaah]

البنات ماقصرو
بس مااعتقدت انها توصل لدرجة انكم تتفشلون من عباية الراس
الحمدلله والشكر بعد شنو اقول
( للعلم عمري 18 سنة

وعسى الله يهدينا ويهديكم

 

[عاشقة هواك]

والله عيب تقولها جذي قولي حق اختج عيب عليج هالكلام خل يولون الناس بالطقاق خل يطالعون مادري شلون شنو يعني

تنحرج من امها عشان عبايه راس الحمد الله والشكر عشنا وجفنا

 

[تهبل و تستهبل]

لااا تقوولوون لهااا بعديين شفييهاا عباايه الرااس حلووه اناا البس عباايه الرااس ماالت يدتي خخخ <<< بس بالبيت يعني عبط هه عااد تصدقييين انا احن على امي انها تلبس عباايه رااس و امي قاام تفكر تلبس .. ويي فديييت يدتي تقعد تصاارخ باعلى صووتها بالافنيووز عاادي و تصاارخ على النااس بعد خخخخ

 

[قسوة الزمن]

عادي قولي لها

 

[miss_whitemocha]

الحين عباية الراس صارت فشيلة؟؟؟ عشنا و شفنا..​

 

[hadoy]

حبي شكلها صغيره حيل وتحاتي راي الناس
قولي لها ان العبايه ستر
وبعد هذا شي امرنا فيه اسلامنا والناس تحترم اللي تلبس عبايه الراس

 

[قطوه بيضاء]

الحين اللي متستره ولابسه عبايه صارت شي مخجل واللي لابسه جينز وفصير جنها تحت الرشاش صارت شي كشخه

اقول الله يهدي اختج مو لازم تروح الافنيوز الله يستر منها ديروا بالكم عليها بعد كلمتها هذي يبيلها مراقبه

 

[شتــات]

الحمدلله والشكر !!

 

[MooDii]

الحمدلله والشكر !!!
والله عيب
شنو مستحية منها عشان عباة راس
اول شي عيييييييييب تقول حق امها جذي
ثاني شي مافيها شي عباة الراس شكثر ناس يلبسون مادري من شنو متفشلة !!
عيب والله عيب

 

[Angel-Lady]

حبيبتي سواء كانت عباية راس او عباية جتف امج ما تفكر الا برضى الله سبحانه و تعالى و تفكر بالستر فلازم تستانسين من هذا الشي

لان الانسان مايبي شي بهذي الدنيا احسن من الله سبحانه يرضى عنه

انتي تقدرين اتروحين تسالينها الفرق بين عباية راس و عباية الجتف بالنسبة لها و تسمعين وجهة نظرها عشان تقتنعين ايهو احسن

حطي بالج جم شغله حتى اتقولينهم لاختج الصغيره

الله سبحانه و تعالى ما كتب لنا امر الا لانه يحبنا و احنا دايما نذكره ز نحمده و ننفذ اوامره لان انحب ربنا و فهمي اختج هذا الشي

ماكو شي راح ينجينا بالدنيا قبل الاخره الا طاعة الله سبحانه و تعالى

و اتمنى من باقي الخوات لما يردون خلهم يتخيلون عيالهم الصغار او خواتهم الصغار اهم الي يسالون و اجوبتهم اتكون برد ما تكرهم بانهم سالو و يدورون اجاباتهم عند الناس الغلط و لا تكرهم بالدين الانسان اما يقول الخير او يسكت احسن للكل
*

 

[دلوعة المنتدى]

وي غبره منصجها .؟.؟.؟

لا فهميمها ان العبااه مهمه

لا تقولين لامج

الله يهديييهاا

 

[صانعة الحياة]

لاياحبيبتي لاتقولين لامك شي

اقنعي اختك بعباءة الراس

وخليها وااثقه

 

[خُزام]

زمن أغـبـر اللي عباية الراس صارت تفشل !!
وزمن أغـبـر اللي الوحدة تتفشل من أمها !!
عموما بغض النظر عن اللبس ، هاذي أمها جنتها ونارها المفروض تحطها على راسها
وتفتخر فيها لو شنو ما سوّت وشنو ما لبست ،، مو تتفشل منها !
لو أمج تلبس ضيج وتترس الويه مكياج ونص شعرها طالع
نقول ها معقول هذا شي غلط و يمكن يحرج ويفشل بنت صغيرة
انها تشوف أمها بهالصورة مع إنه حتى بهالحاله المفروض ما تفكر بالفشله من أمها !!
التفكير الصح إنها تفكر هالشي غلط وما تبي أمها تكسب ذنـوب ،،
أمج ما غلطت بشي عشان تكلمينها ، ولو لمحتي مجرد تلميح هالشي راح يجرحها
انه بناتها متفشلين منها وهي ما سوت شي غلط !
المفروض تكلمين أختج اللي تفكيرها غلط ، جم عمرها !؟
لو استوعبتي الكلام اللي قلته قعدي مع إختج كلميها وفهميها وأقنعيها بطريقتج
وطالما أمج مو مقصرة تجاهكم ولا تجاه ربها محتشمه ومتسترة وتلبس عباية راس
المفروض تمشي يمها بالسوق وراسها مرفوع إنه هاذي أمها

 

[KOKO_284I]

شكو اختج بعبايه امج وليش اتفشل منها بدال لا اتحاجين امج فهمي اختج ان تفكيرها غلط