بنات اختي الصغيرة طالبه طلب ومو عارفه انفذه

[حلوة ومرسومة]

ع العموم أنتوا شكلكم مو راضين تفهمون

الله يوفق كل وحدة ردت علي باسلوب محترم

يغلق يا مشرفات رحم الله ولديكم

 

[خفايا البحر]

الحمدالله والشكر بس
شنو يعنى عباة الراس\
والافنيو في كمن اللبس والاشكأل
من المتغطيه لسفور

 

[! بــدويه وآآيــد !]

،


يعني تفشل من امج عشان تلبس عباية رأس حرااام عليهاا وانتي الكبيره وبنتها ودج تفاتحين امج بالموضوع؟؟
فديت امي وعباتها الرآس ونقابها الكامل ولامشت مستعجله دراعتها البيت تبين وامشي يمها وامسك ايدهااا باي مكااان امي وارفع رااسي فيهااا

فهمي بنت اختج وعلميها اهي صغيره ومغتره بالدنيا وكلمة فري الدور عليج انتي الله يهديكم ويخليهااا لكم ويطول بعمرهااا

 

[نياره]

اي والله الحمد لله والشكر

 

[قصْر شآمخ~]

لا تخلين اختج تفكر بس بـ المظاهر
لازم تكون عندها ثقة بنفسها وين ما راحت ..

بـ العكس المشكلة مو عباة الراس ..
المشكلة الصجية واللي لازم تفكرين لها بـ حل
إن أختج ما عندها ثقة وتهتم بـ نظرات الناس وكلامهم وهذا اللي يبيله علاج

والأفنيو وغيره متروس ناس وبشر بـ يخلون أم القصير والمشخلع
وبـ يتطنزون على أمج

وين قاعدين مو بـ دولة غربية
إحنا بـ الكويت وعباة الراس اللي يلبسونها بـ كل مكان والحمدلله ..

 

[آصول آلذرآبه]

حتى آلبززر قامت تعرف تتفشل =\

 

[جديده 1]

اختج يبيلها خيزرانه .. امج لابسه عبايه راس ولا مايوه ؟؟ شهالكلام ؟

 

[ليناالعالية]

مافي أحسن من عباية الراس الحمدلله إني ألبسه وأنا مو متزوجه ومو شرط الحريم يلبسونها بسسس
أنا اللي أخترت ألبس العباية اللي يريحني الحمدلله محد جبرني الحمدلله
بس بصررااااحه وااايد أريح من عباية الجتف بووااااايد الحمدلله صج ارتحت من عباية الجتف مافيها عوار راس وكل شهر تفصلين جديد وآخر موديل وزينه وألوان وموديلات للعبي تفصل الجسم أستغفرالله
ع الأقل احمدي ربج إنها لابسه عباية راس مو تنورة قصيرة وكت وخرابيط الله يستر عليهم ويصلح حالهم

 

[LoLaTi]

الشرها عليج انتي اختها لكبيره وراضيه على كلام اختج ؟؟؟ هذا بدال لاتزفينها ؟؟
ومو انتي واختج الي تعلمون امكم شنو تلبس لان اهيه امكم عيب عليج انتي معاها :rgewrg:

 

[درة أهل الطولات]

شقول

 

[سمو الغلآ]

شفيها عبايه الراس انا البسها واموووت عليها
والله لو شنو ما ابدلها وبعدين عيب عليكم تعلمون امكم واهي بهالسن شنو تلبس

 

[NaYoob]

بنات انتوا هاجمتوني

انا مو مفتشله من امي عشانها تلبس عباية راس اصلاً مفتخرة بس اختي شوي بقرة << مكرم السامع والقارئ

انتوا فهمتوا غلط

انا مفتشله ابطل الموضوع جدام امي

واختي عمرها 13 سنه يعني تفهم بس ما تبي تبطل مخها

ما فهمنا غلط فهمنا الصح وبدام قلتي اختج تفهم رويها ردودنا خل تشوف
وتنقد على عمرها شلون فكرت هل تفكير

 

[سعودييييه هع]

يبيلك تعديل مخ انتي واختك

صراحه امكم فشله لها الي تمشي معاكم >عصبت

فديت راسها والله لو هي امي لأشيلها فوق كتوفي وامشي فيها بكل فخر

 

[ما كو اسم]

هاذي كلش ما فيها ثقه بالنفس ديري بالج عليها باجر تصير لعبه بايد البنات علبنه تبي رضاهم وان يعطونها ويه .......... اقولج قوليلها انتي مريضه بعدم الثقه بالنفس وضعف الشخصيه ويبيلج علاج

 

[مفسرة الاحلام]

الله المستعان بس

صار الستر يتفشون منه والتعري نفتخر فيه

اعوذبالله بس

 

[عادت ذكرياتي]

الستر حلو

 

[Stay alive]

انا أنقد عالبنات اللي طالعين مع امهاتهم
ولابسين ضيج ومخصر والام مستتره ..

منظرهم غلط ومحسوب على امهاتهم ..

وانتي واختج تشوفون العكس ..! انه امج اهي اللي تفشلكم بعباية الراس ..؟!!

انقلبت الموازين ..

ونصيحه لا تقولون لها ولا شي .. راجعوا حساباتكم ..

وعزاااه يا هالام اللي بناتها جذي

 

[Angel-Lady]

انا ما قريت كل الردود بس اغلبها صراحة تفشل اذا كانت طالعه من امهات و ما عرفو ان هذا سؤال له علاقه بالتربيه و لازم يشوفون له حل مو انتقاد و كلام ماله معنى او فايده .... اكلتو البنت بقشورها و انتو مو فاهمين المشكله ... الله يعين عيالكم اذا عندكم او عيالكم بالمستقبل.. اذا مشكله بسيطه مثل هذي ما عرفتو اشلون اتحلونها اذا كان هذا مستوى ثقافة تربية الابناء الي عندكم

يعني لو قالت البنت ابي امي تفصخ العباة جان شسويتو ؟ و لا عندكم بنات الي يلبسون عباة الجتف صيع و مو متسترات و مايخافون ربهم ؟

و الي اتقول لا تكلمين امج عطيني سبب واحد مقنع ان ما اتقولها و لا تكلمها؟؟ يعني امها عمرها عشر سنين مثلا؟ ليش دايما الامهات يشتكون بناتي دايما برا البيت و يطيقون يقعدون معاي ؟؟ و دايما يتكلومن مع صديقاتهم اكثر منهم ؟؟؟ بردودكم هذي قاعدين تخلقون حاجز بين الام و بنتها
المفروض اتشجعزن البنت تتكلم و تتحاور و تتفاهم مع امها مو اتخلونها اتروح ادور على احد غيرها !!! اتروح اتسال و اتكلم الام ليش انتي اتحبين عباية الراس ؟ ليش اتشوفينها احسن ؟ انا اشوفج بعباية الجتف احلى انتي شتقولين؟ تحاورا مع عيالكم و سولفو معاهم و كسبو ثقتهم

لا تردون باسم الحياء و الدين ، الرسول عليه السلام كان اكثر حياء و كلنا نعرف القصة المشهورة عن الشاب الي راح يستاذن الرسول عليه السلام بالزنى
هل رد بنفس طريقتكم؟؟؟ ما تستحي و انثبر بالبيت و شنو مستوى تفكيرك و ضحالته؟؟؟؟؟ و لا كان المربي الي لازم الكل يقتدي فيه و تفاهم معاه و علمه الخطأ و فهمه طريق الحق؟؟؟؟

لاتقولون فهمتو المشكلة لانكم مافهمتوها و فعلا ردودكم تففشل، رحو ثقفو نفسكم بعلم تربية الابناء و الي ما تبي لا تتكلم تنصح و تفتي

و افضل المربين الحاليين الي المفروض يقرا له او يسمع له هو الدكتور محمد الثويني الله يحفظه تعلمو اشوي منه على الاقل عشان عيالكم

 

[تباعدناااا]

مشكله اذا عباة الراس تفششششششششششل؟؟؟؟؟؟؟؟؟

اذا هي فشييييييييييييييييييله يا محلااااها من فشييله
الله يهديكم

 

[om yousefany]

شوفي حبيبتي انا برد رد غير عن خواتي لانهم كفوا ووففوا
العيب مومنها منج ومن اللي مربينها لان شايفتكم انتوا ابتعدوا عن الدين اتقولين نصلي موكافي ووديتوها مجالس دينية
في مجالس للاطفال تكون دينية تذكر باسلوب مبسط شنو معناة الحجاب والعباة ونذكر لها شخصيه من اهل البيت مثال للستر والطهارة السيدة خديجة زوجة الرسول وابنتها فاطمة الزهراء وابنتها زينب الكبري عليهم السلام وبعد مو لازم تروح فرضا اتقولين مشغولين يوميا تحطين في برامج تنزل باليوتيوب اشياء مفيدة شوفي لو انه البنت معلمينها عدل جان ماسالت هالسؤال