بنات اختي الصغيرة طالبه طلب ومو عارفه انفذه

[دلوعة أبوهآ]

تستحون من امكم وصارت فشيله لكم لأنها تلبس عباية راس .!!!!
هذي أمكم مفتشلين منها .!!!!


عيب عليكم والله ..
انا ماراح أتكلم من الناحيه الدينيه وانه هالشي مفروض علينا أو لا ..
بس بتكلم عن كونها أمكم ولو مهما سوّت أو مهما كان شكلها المفروض تكون تاج ع رووسكم
وفخر لكم في الدنيا كلها
مو تفتشلون منها


وبدال ماتعقلين ع أختك جآيه تقولي انا بعد مستحيه شلون اقول لأمي .!!

لو إنك انتي اللي مكان امك ..! صدقيني مهما كان شكلك امك راح تمشي بين الناس وتفتخر فيكِ
ولو كنتي أبشع خلق الله ..


لا حول ولاقوة الا بالله

 

[*ريما*]

المفروض انتي واختك تلبسون عباية
مو تقنعون امكم تفسخها
زمن عجايب
الله يهديها

 

[Joy close]

الله يالدنيا صارت البزر تستحي من امها لانها تلبس عباة راس زمن اغبر
المفروض العكس!

 

[فيونكه..~!]

الحمدالله والشكر تستحي من امها
ولا عاد ياليت امج المسكينه مسويه شئ يفشل
بس عشانها ساتره نفسهاا

:rerrerek::rerrerek::rerrerek::rerrerek:

 

[طالبة1990]

المشكلة مو مشكلة انها تستحي من كلام الناس

وان امها تفششل او عباتها وسترها يفشل



الي مو مقتنعة فيه شدعوووووه علييييييكم وين قاعدين

عشان تستنكرون العباية ع الراس

حسستوني ان فعلا هالظاهرة غريبة

جنا بامريكا ولا لندن


هووب هوووب

احنا بالكويت ياحلوييين

يعني من عمر وهذي لبسة اهلنا وامهاتنا وبناتنا

شالغريب او اللي يلفت النظر ويخلي اختج تستحي منه

خليها تقرا كلامنا يمكن تستحي وتستوعب وااقعنا

لايكون الاخت عبالها ب دزني لاند



الغريب والشي اللي مفروض تستحي منه

ان مرة كبيرة تتصابا وتلبس عباة كتف

هذي صج اللي تحصلين الكل يمشي ويعلق عليها

ويتطنز

مو معناها اني ضد ان الكبيرة بالعمر تتصابا

بس هذا الحاصل بجتمعنا

دايم يتطنزون ع المتصابيا


اما مرة كبيرة لابسة ع الراس هذي ظاهرة عادية وطبيعية جدااا

 

[NOoOf 305]

عيييييييب
شنو يعني تستحس عشنا و شفنا كا انا امي تلبس عباية راس
و نروح الافنيوز و كل مكان ما استحي منها اصلا ما خطر في بالي شفيها عباية راس هذي ستر يا ماما كبروا عقولكم
لازم تفتخرين فيها مو تستحين كلش لا تقولين لامج و اذا مو عاجبكم لا تروحون انثبروا بالبيت انتو مو كفو روحه في ناس مو قادرين يروحون
لا و الاخت اتشرط بعد شقول استغفر الله
اسفة تنرفزت شوي

 

[نــgف]

للاسف !! شوفوا ضحاله تفكير بناتنا ​

حبيبتي انا بنت عمري 19 سنه يعني لا تقولين كلام وحده عيوز .. بس والله العظيم عيب اصلا تطلبين من وحده تلبس عبايه راس تقوليلها لبسي عبايه عالجتف !! بدال لا تفتخرين بامج و بديانتها تفتشلون منها !!!!!​

كبروا عقولكم و الله يهديكم مثل ما هدا امكم ​

:eh_s(15): صح لسانك ..

 

[ياغفور اغفر لي]

شفيها عبايه الراس استغفر الله ياربي المفروض تتفيخرون بامكم مو تقولون فشله اختج صغيرة وعقلها ع قدها مايخالف لكن انتي يالحلوة تقولين ماني عارفه اقول لامي ليش ماوبختي اختج يوم قالت هاللكلام

الله يهديكم بس *

 

[ام كوثر2007]

هذا الللبس فخر لها ولغيرها ..


لا تقولين حق امج خل تستحي علي ويهها وجعميها عيب قوليلها هذا دين مو لعب يهالووه ..

 

[ملاذ]

الحمد لله على نعمة العقل ,,

قولي لها انا مابي امي تروح للنار علشانك ..

يعني انتي تحاتين اختك الصغيره ومشاعرها ,,

وماتحاتين امك اذا وقفت امام رب العالمين ,, شبتقول له ..

حبيبتي قولي لاختك انه هذي عيشتكم وتربيتكم ودينكم واذا اختك ماتبيها خل تدور لها اهل غيركم ..

ماباقي الا الاطفال بيغيرون الاسلام وتعاليمه .

 

[حلوة ومرسومة]

بنات انتوا هاجمتوني

انا مو مفتشله من امي عشانها تلبس عباية راس اصلاً مفتخرة بس اختي شوي بقرة << مكرم السامع والقارئ

انتوا فهمتوا غلط

انا مفتشله ابطل الموضوع جدام امي

واختي عمرها 13 سنه يعني تفهم بس ما تبي تبطل مخها

 

[حلوة ومرسومة]

حبي شكلها صغيره حيل وتحاتي راي الناس
قولي لها ان العبايه ستر
وبعد هذا شي امرنا فيه اسلامنا والناس تحترم اللي تلبس عبايه الراس

بالضبط تحاتي راي العالم والناس

 

[Only One]

عيب وحدة تفتشل من امهادامها للحين صغيرة المفروض تعلمونها الصح من الغلط والحلال من الحرام مو تشجعونها عالغلط والحرام

وانتي جدامها لازم ما تايدينها بهالموضوع بالعكس قولي شي يشرف وافتخر فيها وانا ماشيه يمها

شلون اختج اصغر عنج وتمشي كلامها ورايها عليج؟!

وعلى فكرة ترا مو ضروري تروح الافنيوز

 

[راتشيل]

الحين اللي متستره ولابسه عبايه صارت شي مخجل واللي لابسه جينز وفصير جنها تحت الرشاش صارت شي كشخه

اقول الله يهدي اختج مو لازم تروح الافنيوز الله يستر منها ديروا بالكم عليها بعد كلمتها هذي يبيلها مراقبه

انا معه كلمه صح وديري بلج علي اختج هذي صغيرة وجذي تفكره:rgewrg:​

 

[حلوة ومرسومة]

بنات والله وااايد جرحتوني

ان اللي اقوله البنت راسها يابس

واكثر من مرة تقول حجي اهيا مو فاهمته

وانا اعلم فيها واعلم فيها

ومو راضيه تتعلم

والله تعبت

انا اروح مع امي كل مكان وعباية امي فخر لي

وقاعدة اقولها اخذيني كمثال انا اروح وارد مع امي

وجنه البخت

بليز اللي مو فاهم الموضوع يقره الردود

والله اختي تعبتني وآنتوا جرحتوني حيييل

 

[!witcha!]

حرام عليكم هذي امكم !!! في احد يتفشل من امه ؟؟؟
الله يهديكم

 

[حلوة ومرسومة]

حياتي اللي فوقي

وراس أبوي اللي اهوا أبوي مو مفتشله ولا شي

شفيكم علي !!

 

[Heaven Light]

تستحي ؟؟
وانتي لو مو مثل اختج جان ما سكتي لها ..
عيب عليكم امكم تتشرفون فيها لو تلبس خلاجين ..
حساف تعبها عليكم وسهرها ..

​

 

[A5tsloom]

بارك الله فيج وفي البنات
قولي لاختج انه عبايه الراس فخر تفتخر به المسلم اماام جميع الناس فهي محميه ومصانه من عند الله تعالى الله ميز النساء المسلمات عن باقي الناس بلبسهن لعبائه الراس والله انا اذا مشيت في السوق مع الوالده الله يحفظها وتكون هي الوحيده لابسه عبايه راس والله اني افتخر فيها من واجبج انج تنصحين اختج وجيبي لها النصيحه في اسلوب حلو
اسأل الله ان يرزقك فقاهة القول وان يجعلك واختك داعيات وناشرات للدين الاسلامي وجميع المسلمين اميين
اسفه على الاطاله
لكي ودي

 

[حلوة ومرسومة]

تستحي ؟؟
وانتي لو مو مثل اختج جان ما سكتي لها ..
عيب عليكم امكم تتشرفون فيها لو تلبس خلاجين ..
حساف تعبها عليكم وسهرها ..

​

حياتي وراس ابوي الغالي

انا مو جذي