بنات اخيرا رحت موعدي عند عبدالله المطوع

[اليازيا2007]

حبيبتي قصدج اي عياده اي وحده الي في شرق او المنقف.........

 

[mi corazon]

لا المنقف حبوبه .. بس اهو بيروح بالاوقاف .. عيادته اليديده عقب شهر يمكن ان شالله

 

[أغلاهم]

حبيبتي ممكن تكتبين لي نظامج القديم اللي نزلج لين 60 كيلو

عندي مناسبه قريبة حيل وابي اضعف

 

[mi corazon]

أغلاهم دزيتلج عالخاص حياتي

 

[&&coco&&]

ياسلام

مشيت تقريبا على نفس ريجيمك اختي

صرت الحين 63

بس من الاربعاء وانا اخبص بالاكل...والله قهر.. برجع مره ثانيه ببدى بكره

لكن للاسف ماعندي الاعشاب ...فشسويت..

اشرب الصبح على الريق 3كاسات ماي دااااااااااااافي تقربا 750 مللتر

والظهر بالليل اسوي لي شاي اخضر مع ليمون وزنجبيل ...

غير ان السلطه اعبيها فجل احمر..لاني انا سامعه الدكتور عادل العبدالعال بنفسي ان يكسر السليوليت..

حتى شعري خف التساقط عنه الحمدلله ...اول لما كنت اسوي ريجيم شعري يتساقط...


دعواتي للجميع

 

[mi corazon]

كوكو

ماشالله عليج ماشالله

بنات امبيه قمت اخربط ومانزلت الا كيلو ونص فقط عن آخر زيارة

يعني المجموع بس 8 كيلو ونص بشهر تقريبا :\

شكلي بأجل موعدي ماراح اروح يوم 22 ماقدر لأنه بزفني :\

بنات امبيه شسوي؟ بالدوام تصحيح ومراقبه اقضب عمري بس آكل التوسته مالت الصبح وعالضحى آكل التفاحه بس بالدوام كله يخربون علي ايبون ورق عنب مو طبيعي وحلو قهوه

بنات شسوي؟

وجهاز المشي والقاري والكريزي فت غبرو :\

بنات i am bad girl :\

ماحبني :\

 

[مستشاره قانونيه]

ماشالله نزولج وايد حلووو بشهر 8 كيلو والله حساااااافه كملي كملي لاتوقفييين وبالدوام شربي نسكافيه يسد الشهيه احسن

 

[mi corazon]

مستشاره اي والله شكلي بكمل لأن عيب اللي قاعد يصير :\ كله بلعه؟

يسلمو حياتو

 

[سكوتي اذلك فيه]

ودي ابتدي معاج من باجر وزني 108 :0bee2e8d89: كل مانزلت وزني رد على هالرقم بس لازم اكسره :krkrkr:

والحمدلله هالاسبوع بس دوام وعقب عطله _03BA:

واهم شي فيه عيش لاني ماقدر استغني عنه :eh_s(1):

بس بغيت اسألج الاعشاب عقب الغدا والعشا على طول ولا بنص ساعه ؟ والجاي الاخضر عادي اشربه باي وقت ؟

 

[كوارين]

ماشالله انشالله تحصلينا النتيجة الي تبينها

 

[mi corazon]

يسلمو كوارين

سكوتي حياتي يالله ابدي وياي وعلميني يومياتج اول باول

ياستي الاعشاب عقب الغدا والعشا علطول

والشاي الاخضر كلما كثرتي احسن

والعيش خلطيه مع سلطه تطلع واو وناسه

عاد آنا عدوة السلطه بس حبيتها من هالحركه

وصدقيني بس تنزلين من الاميه تسهل كل شي

موفقه انطرج

 

[سكوتي اذلك فيه]

صباح الخير اليوم اخذت ملعقه كبيره بذره الكتان وقلاصين ماي وشوي بتريق جاي حليب وحلوم

 

[سكوتي اذلك فيه]

وينكم بنات :0bee2e8d89:

 

[mi corazon]

ها سكوتي شالاخبار وياج؟

آنا أجلت موعدي لي الاسبوع الياي عالطل

لأن ماكو فايده الدوره عالابواب وماقدر اسوي رياضه :\

ومانزلت شي يالهويس يالهويس بنزف

بنات مخففه اكل عالآخر عالآخر صج

 

[سكوتي اذلك فيه]

انا الحمدلله هذا ثالث يوم وخربطت شوي بس احس نفسي خفيفه حيل بنتظر السبت اوزن ان شاء الله اكون نازله لو كيلو

 

[يميزني سمو ذاتي]

حبيبتي ماي انشاء الله تضعفين و تحققين رغبتج

ممكن تعطينا رجيمح اللي قبل اللي نزلتي فيه لي 60 كيلو

لان ودي ابدي برجيم احس اني انتفخت حدي وزني الحين 98

و قبل كان 80 وكنت رشيقه لاني انا طويله و عظامي عريضه نفسج ههههههه

 

[mi corazon]

بناااااااااااااااات مابيكم تسون رجيمي اللي قبل

لو فيه خير جان سويته يابنات

والحين ىنا محتاجه اضعف بسرعه بس صج ماسوت علي لأني ياني فقر دم حاد وشعري حت واظافري تكسرت ورحت فيها صوت عيوزه

الوحده ادور الصحه :\

عالعموم لو مصره بدزلج عالخاص وادري منتي متحمله .. ( كان عندي دافع قوي جدا)

سكوتي ان شالله يارب تكونين نازله كيلوين مو بس كيلو ))))

ها شنو صار؟

آنا رديت التزمت بالرجيم لأني عيب مصختها :\

بس ماتغديت اليوم .. تريقت وتعشيت

 

[سكوتي اذلك فيه]

صباح الخير .. شخباركم

قاعده اتريق توست وجبن قليل الدسم وخيار وعصير اناناس

العشا خليته خفيف حيل بس رووب وعقبه كوب جاي اعشاب بس باجر بالليل بخليه اوف

 

[شوارفسكيه حمره]

وايد حلووو رجيمج
التزمي
لوووووووووول

 

[ام ابرار]

حبيبتى موفقة واللة ينزلج بصحة وعافية