بنات الله يخليكم ساعدوني انا تعبانه وايد :(

[جوري وبنفسج]

السلام عليكم

الله يعينج يا قلبي

نصيحتي صلي صلاة إستخارة وبعدها أمشي بأمور اللي تقررينها وأن كان الطلاق خيرة لج راح يتيسر وأن كان لا راح تلقين الأمور متعسرة .

وتبين ترتاحين وربي يفرج همج > أقرأي سورة الأنبياء بعد كل صلاة وبتشوفين اللي يسرج .​

 

[اشتياق]

انتي زواجه الاول؟؟

قعدي بيت اهلج ارتاحي منه شوي ولمن يرد يصير خير

غلط الوحده تتنازل عن حقوقها من البدايه ..

الله يهديه

 

[حبيبة زوجها q8]

اختي ام العبايه
والله دزيت مسجات من غير لوم ولا عتاب وقلت له انت ريلي وبوعيالي مابي اخسرك وقلت له اني من غيره تعبانه ولا تحط ببالك اني مرتاحه ..

بس اقولج شي مسجات الكلام الطيب ما يرد عليها بس مسجات فيها طلاق ومشاكل يرد بسرعه

 

[حبيبة زوجها q8]

حبيبتي بنفسج صليت استخاره والله كريم الله يكتب الي فيه الخير حقي وحق عيالي ..
اختي اشتياق مشكوره على االرد وانا زواجه الاول

 

[ام العبايه]

رد : بنات الله يخليكم ساعدوني انا تعبانه وايد

ارسليله وننطر النتيجه هذا النوع حنين بس يبي الى يشجعه مو الى ينرفزه اتوكلى على الله وحاولى . واتوقع المسج الى فيه عتاب ومشاكل اهله يدرون فيه ويشحنونه اما الكلام الحلو يستحى يقوله و ما يرد لان محد يدرى عنه وما يعرف يرد اهو ما يسمع من اهله الا التشحين وحافظ مرداتهم اما الكلام الزين حالفين عنه هذا طريق وحاولي فيه

 

[A7bny =)]

اللله يعينج ويحنن قلبه ويصير اللي تبينه والله حاسه فيج وايد صعبه اكره شي ان تجرأ ومد يده واللي يمد يده على مره بصراحه احتقره وايد

بس انتي لا تستعجلين الامور خل يرجع ويكلمه ابوج وشوفي يمكن الله يهديه واحين رمضان جاينا قريب عليج بالدعاء عسى الله يهديه ويسخره لكم

 

[@حنين 2008@]

انااااااااااا مع كلالالالالالالالام ام العبايه

طولي بالج اهووووووو معدوم الشخصييه تقدرين تفرينه وتاخذينه من طوايف اهله بعد

انسي طلالالالالالالالالاق وهالسوالف مابتنفعج الا الحسره والقهره والمرض

 

[حبيبة زوجها q8]

اقولج شي اختي ام العبايه تدري انه اهله راضين انه يطلع بشقه واخوانه راضين وقالو له هذي حياتك وانت كيفك بس مو راضي كلش يقولي انا مااطلع من البيت

 

[ألماسة ثلجية]

(( مستحيل اخلي عيالي عنده ريال لا يصلي ولا يعرف ربه ولا يعرف طريج المسجد وما عنده اسلوب ولا شخصيه اخوانه وامه اهما الي يمشونه ..))
ولاتخلين نفسج معاه ياحبيبتي بعد


رايي جريء جدا تطلقي ولاتستمرين معاه هذا واحد سفيه ومايخاف ربه لاحاشم بنت الناس ولا كاف شر أهله واذا تسنع معاج وصار آدمي بحوشج طشار أهله هالناس من البداية يايينج بشرهم

لاتغلطين غلطة رفيجتي عاشت 17 سنة على أمل انه يتعدل نفس مشكلتج ومردها تطلقت مرة عودة ضاع عمرها على ماميش

 

[حبيبة زوجها q8]

اختي حنين انا ما كان ببالي الطلاق كلش بس كثر ما اهو اييب طاري الطلاق واني تنازل عن عيالي حسيت انه هالريال مايبيني وانه عاجبته حياته الحاليه اهو اصلا لما كنت عنده تخيلي 24 ساعه بالقهوه بشكل مو طبيعي ..
وريلي من النوع الي لا لازم كلام المره ما يمشي عرفتي ومرات انصحه بشغلات بسيطه بس ما يرضى ويسوي عكسها بعدين يقولي لو سامع كلامج عرفتي
الله يهديه ويصلحه

 

[أم تروكـ]

رد : بنات الله يخليكم ساعدوني انا تعبانه وايد

الله يعينج ياقلبي

شوفي حبيبتي انتي غلطانه يوم سكتي على وضعهم باول العرس شلون مافي عرس ويجذبون عليج ولاحتى حطوو لج اي اهتمام ؟؟ ولا استقبلووج ؟؟

المهم هالسالفه راحت وخلصت ..

اما سالفة انه يمد ايده عليج ويصارخ عشان اخته !! واخته تسبج !! لاتسكتين عنهااا

مهما كان انتي لج كرامتج والمفروووض يحترموونج

انتي خلي ابوج يتفاهم معااه وشوفي شراح يصير واذا ماتغير شي بعد شنقول لاحول ولاقوة اطلبي الطلاق اذا كنتي صج مومستحملته

بس ديربالج اتنازلين عن عياالج هذووول عيالج وبيكوونون بحضانة امهم

والله يفرج همج ويكتب الخير لج ان شاءالله

 

[غدووور الكويت]

الله يفرج همج يااارب

 

[روح مغليها]

اصلن حرااام حراام تعيشين مع واحد مايصلي
الله يهديه
بس لا ترفعيين قضيه خلي ابووج يكلمه ويقوله كلام فيه حزم شوي
والله يكتب الي فيه خير

 

[@حنين 2008@]

أهله وبالذات امه مأثريييين عليه وااااااااااااايد

لا حول ولا قوة الا باللللله

أنااااااا عندي خاله واهله كلهم اعوذ باللله عمات عينهم يشوفوني مرتاحه مع ريلي

تخيلي اذا زرت زواره وطلعنا منها بكل مره تصييير بينا مشاااااااااكل ما رتحت الا لما قطعتم وانتهى الموضوع راحه نفسيه صج

 

[حبيبة زوجها q8]

اختي روح مغليها ابوي كلمه قبل لا اخته تسبني وكان واقف معاه وكان يقوله انا بحاول اقنعها ترجع لك البيت وانه المره مالها غير بيت زوجها
وقاله لاتكبر السالفه وان شا الله تنحل الامور
بس اهو لانه ما يعرف يتصرف كبر الامور والسوالف وكلم اخته واخته دقت وصرخت علي وسبتني بمسج ابوي اهني قلب عليه وعلى اهله اكيد لانه ما في ابو يرضى على بنته خصوصا ابوي يدري اني متأذيه منه ومن اهله وايد
وابوي اصر الحين انه يا شقه ويتعدل ويعدل من نفسه ولا يطلق

 

[[[ عيون جابر ]]]

الله يهدي سركم

 

[حبيبة زوجها q8]

عيل شنو تقولين عني يا حنين انا كل يوم مشاكل مع اهله انا مابي منهم شي ابي راحتي وراحة ريلي وعيالي مابي منهم شي والله وتصدقين خالتي مرات تسافر اسبوع تعالي شوفينا ما فينا الا العافيه
شوفي انا قلت له انا ماراح اقطع اهلك لو شنو سوو فيني هذول مثل اهلي وتدرين قلت له لما كان الكلام بيني وبينه اني بطلع بشقه قلت له ما اطلع من هالبيت الا وخالتي راضيه عني وعنك وقول لها انه شقتنا ضاقت علينا عشان لا تفسرها تفسير ثاني
بس الله يهديه ما كو فايده بكل والوسايل والطرق ييت معاه بس ماكو فايده وانا للحين صابره انه الله يهديه حق عياله اهم شي عندي

 

[روحي تحبه غصب]

حبيبتي انتي الحين اتخذتي خطوه جريئه ولازم تكملينها

خليج على موقف ولاتردين له الا ليمن يطلعج بشقه

وهذا حقج يعني انتي متضايقه وابسط شي مطبخ ماعندج ولازم تحسسينه انج وقفتي معاها في بداية حياتكم

وليمن الحين انتي بتساعدينه

ولا تخافين ماراح يطلق بدليل انه يبيج انتي ترفعين القضيه عشان تخسرين كل حقوقج

الحمدلله انتي في بيت اهلج معززه ومكرمه واصبري

ولاتدزين له مسيجات ولاتردين على اتصالاته اثقلي

خليه يحس انج ماخذه الموضوع بشكل جدي

الله يسهل امورج وبسخرلج ريلج وطمنينا شنو صار معاج

 

[Om 3zo0oz_2011]

انتي لو صج تحبينه جان تتحملين العيشه معاه

 

[هيبة ملك]

الله يهديه ويلم شملكم