بنات الله يخليكم ساعدوني انا تعبانه وايد :(

[صغيرة على الحب]

وضعج صعب حبيبتي

الله يعينج حبيبتي والله

انا من رايي انج تدخلين ابوج او اخوج يتفاهمون معاه احسن لان انتي سويتي اللي عليج و اهو راسه يابس و ما منه رجا كلش

خليج على اللي انتي تبينه و من حقج ان تاخذين عيالج عندج و منتى غلطانة و مافيج تتناقشين معاه اكثر من جذي و مبين انج

وايد وايد تعبانة

فا خليج سايلنت لا تكلمينه كلش و ابوج اواي احد فاهم ترتاحيله يتفاهم معاه عدل و يعطيه كلام بالعظم و اذا ظل عاند حزتها بكون

في حجي ثاني

اهي شدة و بتزول ولا تزعلين و ديري بالج على نفسج و صحتج

الله يفرجها باذنه

 

[ملح بدويه]

الله يصبرج

لاتستعجلين عالطلاق يمكن يندم و يحطلج شقه

 

[lovely jojo]

الله يعينج عليه هذا شكه بايع

 

[سنفوره8]

الله يعينج يا قلبي

كثري من الاستغفار وقيام الليل
وكثري من قول حسبي الله ونعم الوكيل

والله يعيينج يا قلبي

 

[حبيبة زوجها q8]

مشكورين يا بنات على ردودكم الي لها اثر طيب علي وتشجعني اني احاول بريلي عشان احافظ على بيتي وعياالي والله يهديه
والله يا بنات انا مابي اخسر بيتي وريلي المره مو كل يوم لها ريل وانا بنطر لي متى بيخليني جذي معلقه على قولته بخليج معلقه ببيت اهلج وان شاء الله يوم الاحد بيرجع والله يكتب الي فيه الخير والله كريم
تدرون المشكله اهلي ما يبوني اطلق عشان عيالي يقولون حرام انزين وانا ضاعت حياتي معاه وحاولت اعدل فيه بس هالريال عنيد بشكل مو طبيعي انا قلت انه ما عنده شخصيه بس مو عندي عند اهله يعني تخيلو يزفونه جدامي بس انا اقول مو منه من الي رباه الله يسامحها

 

[انتظر حبه]

رد: رد : بنات الله يخليكم ساعدوني انا تعبانه وايد

اول شي ياقلبي ربي يعينك ويصبر قلبك على ما بلاك يالغالية

حبيبتي انا اقول استخيري وفكري زين قبل لا تاخذين قرار بالطلاق. دام انك راضية ترجعين له بس بشقة لحالكم يعني انتي للحين متقبلة العيشة معاه . بس اذا وصلتي لمرحلة الي صرتي مستحيل تتحملينه كزوج سواء بشقة لحالكم ولا بنفس مكانكم ف ما اعتتقد انك مستعد للطلاق . مدري حبيبتي بس لو خلاص قررتي 100% انك تبين الطلاق منه رفعي عليه قضية وما عليك من تهديداته الديرة فيها قانون وهو مو بكيفه بس خلك قوية لان طريق المحاكم طويلة حيل وتحملي تتنازلين بشي واهم شي عيالك . ولما توكلين محامي للطلاق قولي كل التفاصيل الشينة الي فيه وانه ما يصلي يعني كافر !! والمسج الي من اخته لا تمسحينه خليه دليل . خلك قوية حبيبتي وصدقيني الواحد ما يعيش الا مرة وحدة انتي تحكمين كيف تعيشين حياتك بس تذكري ان ما لك الا هي ما بتكون لك حياة ثانية . وفكري بعيالك واهم شي بعديهم كل البعد عن المشاكل . وفكري كيف بيكون الوضع بعدين من ناحية الحضانة وكيف هو بيزور عياله او ياخذهم يوم بالاسبوع عنده ومن هالكلام . فكري بكل شي .

اذا انتي للحين عندك شك ومو متأكدة من هالخطوة . خلك بعيده عنه خليه هو بصوب وانتي بصوب لحد ما تهدأ الأمور . وبعدين خلي كبار العايلة من الصوبين يتدخلون اذا كان في مجال للصلح رب العالمين ما بيقصر سبحانه. وربي يعينك حبيبتي ويصبرك وربي صعبة ادري بس خلك قوية ولجئي لرب العالمين ادعيه من كل قلبك ولا تخلين الاستغفار وربي له اثر عظيم . عسى ربي يفرج همك ويهدي زوجك واهله ويسعدك ويهون عليك يارب .

انا راي من راي الاخت وانت حاولي تبعدين عنه وتفكريين بالقراراللي تبي تاخذينه وشنو نتايجه عليج وعلي عيالج الله يسخره لج

 

[حبيبة زوجها q8]

مشكوره حبيبتي الله يسمع منك ويسخره لي والله كريم

 

[آم آحمدو]

واي حبيبتي والله ربج راح يراويج فيه يوم صدقييييييييييييييييييييييييييييييييييييييييييييييييييييييني

 

[درة أهل الطولات]

المشكلة انج من بداية حياتج معاه عودتيه على التنازل


خلي ابوج يتفاهم معاه:cxxxp:

 

[*ريما*]

رد : بنات الله يخليكم ساعدوني انا تعبانه وايد

الله يهدية لك

 

[توته البتوته]

طولي بالج ولاتستعيلين في اتختاذ قرار الطلاق اول شي اذا موعشانج عشان اليهال حرام ينحرمون من ابوهم وباجر بكبرون انشالله ومسؤليتهم بتكبر معاهم
اذا رد من السفر قعدي معاه انتي وابوج وقفاهمو واذا عند ومرضا تطلعين شقه ردي بيت اهلة ومصيرج بتطلعين اذا موالسنه هذي السنه الي بعدها اصلن هو مصيره بيتضايق من الحشره والضيق ورايح من نفسه يقولج خلنا نطلع
بس كلش ولا الطلاق وانتي بعدج اصغيره والله باجر تندمين اهو مراح يهتم راح تزوج وانتي راح تحترين كل الي حولينج متزوجين يطلعون ويسافرون وانتي اتموتين قهر ترا محد راح يتحملج انتي وعيالج والاهل مراح يدمون لج والله يكتب الي في الخير لج ولعيالج​

:sfg:

 

[نور الكوثر]

صبري يا بنت الناس وكل شي بالمسايس

 

[Cinderella]

ha bshry 7abebti inshallah nsm3 ala7`bar al6aiba, tra 7abebti mdam dgow y3ny alryal shareech bs enty drbalch tgomeen edzela msgat 7gree 9dgeeny alrayal yrk9` wra almra althagela dont send msgs to him o 9bry o goly 7g a7`o aw ahlch ena may9ly o ena lazm a7d ynbha lhalshy

 

[& مــشــايــخ &]

أصررررررري عالشقه لو في بيت اهله بس تكون معزوله وكل شي فيها مطبخ ومكان راهي لج هذا حقج الشرعي مافيها شي

وماعتقد بيطلق ويبهذل عياله عشان شقه

انتي بس ادعي ربج يسخره لج ولعيالج خصوصا رمضان عالابواب الله يبلغنياه استغلي الاوقات اللي تكون فيها الدعوات مستجابه وادعي

 

[كارلوفي فاري]

والله انا شايفه انه مايستاهل واذا تبين تتحملين على شان عيالج فالله يعينج ومابعد الصبر الا الفرج وراجعي نفسج شلون تحاولين تغيرينه علشان ترتاحون بحياتكم

 

[حبيبة زوجها q8]

مشكورين يا بنات على ردودكم الطيبه

دز مسج قالي بيرجع يوم الاحد والله يسهل الامور ويهديه لانه وايد تعبت من السالفه هذي ونفسيتي تعبانه والله كريم

 

[لطوووفه]

:denya:


الله يصبرج حبيبتي

 

[najdeya]

رد: رد : بنات الله يخليكم ساعدوني انا تعبانه وايد

اول شي ياقلبي ربي يعينك ويصبر قلبك على ما بلاك يالغالية

حبيبتي انا اقول استخيري وفكري زين قبل لا تاخذين قرار بالطلاق. دام انك راضية ترجعين له بس بشقة لحالكم يعني انتي للحين متقبلة العيشة معاه . بس اذا وصلتي لمرحلة الي صرتي مستحيل تتحملينه كزوج سواء بشقة لحالكم ولا بنفس مكانكم ف ما اعتتقد انك مستعد للطلاق . مدري حبيبتي بس لو خلاص قررتي 100% انك تبين الطلاق منه رفعي عليه قضية وما عليك من تهديداته الديرة فيها قانون وهو مو بكيفه بس خلك قوية لان طريق المحاكم طويلة حيل وتحملي تتنازلين بشي واهم شي عيالك . ولما توكلين محامي للطلاق قولي كل التفاصيل الشينة الي فيه وانه ما يصلي يعني كافر !! والمسج الي من اخته لا تمسحينه خليه دليل . خلك قوية حبيبتي وصدقيني الواحد ما يعيش الا مرة وحدة انتي تحكمين كيف تعيشين حياتك بس تذكري ان ما لك الا هي ما بتكون لك حياة ثانية . وفكري بعيالك واهم شي بعديهم كل البعد عن المشاكل . وفكري كيف بيكون الوضع بعدين من ناحية الحضانة وكيف هو بيزور عياله او ياخذهم يوم بالاسبوع عنده ومن هالكلام . فكري بكل شي .

اذا انتي للحين عندك شك ومو متأكدة من هالخطوة . خلك بعيده عنه خليه هو بصوب وانتي بصوب لحد ما تهدأ الأمور . وبعدين خلي كبار العايلة من الصوبين يتدخلون اذا كان في مجال للصلح رب العالمين ما بيقصر سبحانه. وربي يعينك حبيبتي ويصبرك وربي صعبة ادري بس خلك قوية ولجئي لرب العالمين ادعيه من كل قلبك ولا تخلين الاستغفار وربي له اثر عظيم . عسى ربي يفرج همك ويهدي زوجك واهله ويسعدك ويهون عليك يارب .

عين العقل


و لا تنسين الدعاء ثم الدعاء ترى هذا اختبار لج

و ادعي ربي يكتب اللي فيه الخير لج و لعيالج و يقويج

صيري قويه و لا تبينين ضعفج لأحد

زوجج اذا شافج واثقه راح يبطل التهديدات اللي مالها داعي

لان ربج فوقج و احنا بديرة قانون مو قاعدين بغابه

و عسى الله يخلي لج اهلج عزوتج

و عسى ربي يوفقج و يخلي لج عيالج و يسخرج هالريال اذا فيه الخير لج

 

[najdeya]

و نسيت اقولج اذا ربي كتب انكم ترجعون حق بعض غيري طريقتج وياه

و اول شي شرطي انج ما راح ترجعين الا اذا سكنتوا بشقه بروحكم

و هو بنقسه راح يحس بالفرق

و وقتها انتي غيري من نفسج كوني انسانه جديده حلوه و سعيده و مرتاحه و واثقه من نفسها

ابتدي حياة جديده و افتحي صفحه جديده معاه كلميه بالمنطق و باسلوب ذكي و ذرب

و يمكن لما يبتعد عن اهله يصير احسن و يبتدى يعتمد على نفسه

بس قتلج اهم الشي الدعاء و كوني قويه و واثقه من نفسج

لا تكونين ضعيفه و خاضعه و يائسه ترى انت اللي بتخسرين

و عسى ربي يفرج همج حبيبتي

 

[در الـبحـور]

السلام عليكم

عسى الله يعينج و يجمعج بزوجج بالمودة و الرحمة اللهم آمين

شوفي حبوبة مدام إنه زوجج راجع إن شاء الله الأحد أنصحج

كثري استغفار و قراءة سورة البقرة و تصدقي بنية ربي يصلح لج أحوالج مابينج و ما بين زوجج

و كثري الدعاء لله سبحانه خاصة في قيام الليل و ادعيله لازم يصلي ما يجوز حرام اللي يترك الصلاة متعمد يعتبر كافر

و العياذ بالله و ربج كريم يا قلبي

انتي نطري ردته و تكلمي معاه و تفاهمي معاه بكل هدوء بكل اللي خاطرج فيه و يا عسى ربي يسهل دربج و تتصلح أمورج

اللهم آمين