بنات شاكة ان فيني المرض الخبيث بس مادري شسوي مابي اقول لاهي

[متفاائلة]

بنات انا عضوة قديمة بالمنتدى بس سجلت علشان ما اضيق خلقكم المهم:
بنات قبل 6 اشهر لاحظت ان حلمة الثدي بدت تنكمش فجأة وترد وبس قررت اني اتناسى الموضوع بس الحين بصراحة زاد :eh_s(2): وانا حيل خايفة مو هذي المشكلة المشكلة ان عمري 18 و بعدي ما اسوق السايق اهو الي يوديني الكلية وانا بصراحة مابي اقول لأهلي
شوروا علي وين اقول للسايق يوديني مركز حسين مكي ولا مستشفى خاص ؟؟ وشنو في دكاترة زينين وشلون ادلي السايق ؟؟ وشلون اخذ موعد ؟؟
بنات لا تقولون قولي لأهلج مستحييييل انتوا ما تعرفونهم شلون بيخترعون :eh_s(11):

 

[Tom ♥ Jerry]

.


لا حول و لا قوة الا بالله العلي العظيمـ !
حياتي اول شي ان شاء الله ما فيج الا كل خير
و ماشالله عليج الله يرزقج بر عيالج مثل ما انتي تبرين اهلج
و خايفه عليهم من الصدمات و من كل شي
ياليت كل البنات و الشباب مثلج ، فديتج

بعدين انتي روحي قولي حق السايق خل يوديج اي مستشفى خاص
و سوي فحوصات و ان شاء الله ماكو الا كل خير
و انا افضل انج تاخذين امج او على الاقل اختج الكبيره
انزين اذا ما تبين احد من البيت روحي ويا خالتج اقرب وحده منكم
او وحده من عماتج ، على الاقل احد ايي وياج !


و طمنينا يا الغاليه ؛*

 

[سارونه الامورة]

ان شاااء الله يالغاليه مافيك شيء

حااولي تروحين مع السسايق لمستشفى خاااص وتسوين فحص شاامل وان شاااء الله مافيك شيء

وتكفييين طمنينا عليك ​

 

[بمبة المفترسة]

توج صغيرة ولازم اهلج معاج على الاقل اختج
واعتقد هالشي طبيعي حبوبة
لحلمة تدخل داخل مافيها شي اذا مافي ورم عادي

 

[قمر بيت أبوها]

لا توسوسين أعرف ناس جاهم المرض أصغر منك
أغلب الظن لو عندك ورم ولا كتله محسوسه بداخل الثدي جهة الحلمه اللي انتي تشتكين منها او شاكه فيها ورم ليفي ولا ورم كيسي تشيلينه بعمليه و بس
الخبيث له أعراض اخري غير الانكماش تغير لون الصدر ونزول افرازات من الثدي ونزول بالوزن
لا توسوسين ولو حابه اشرح لك ولا اوضح أكثر راسليني علي الخاص
مو كل ورم ولا اصابه بالثدي نسميه سرطان لا تفاولون علي انفسكم
المرض مايصير صعب لحد ماالشخص يهم نفسه واللي يموت بهالمرض قضاء الله وقدره
ويالغلا اي استفسار راسليني علي الخاص ولو تبغين إيميلي أبشري
ومافيك الا العافيه افحصي عند دكتور جراحه عامه لانه أعلم بهالامراض من دكتور عادي
واطلبي خزعه للورم لو عندك ولا لصدر بشكل عام
وان شاء الله مافيك لا مرض ولا غيره

 

[سويت فانيلا]

لاالف سلامه فحصي وبشرينا عنك اسال رب العرش العظيم ان يشفيك

 

[لحظآتَ]

حبيبتي انتبهي من الوسواس ديري بالج تقعدين طول الوقت تفكرين وهالشيء يأثر على نفسيتج !
واذا مُصره وحابه تتطمنين انا من رايي تروحين خاص افضل .. اي طبيب خاص عادي يسويلج فحوصات اسم الله عليج
وان شاء الله بإذن الله النتيجه بتكون ايجابيه .. وطمنينا عليج ياقلبي وماتشوفين شر يارب

 

[بحر الرمال]

اول شي روحي المستوصف خل الطبيب يشوف, اهو يحدد اذا يحولج لمستشفى او لا

 

[فاقده حنان ابوه]

روحي فحصي حبيبتي ولازم تاخذين احد ويااج وسلامات انشالله مافيج الا العافيه

طمنينا عليج

 

[ترانيم القصيم]

والله يا قلبي لازم أمك تدري على الأقل أو أختك الكبيرة

المهم شخص واحد يدري بالموضوع عشان لا تتبهذلين بلحالك

أنـا اكبر منك ,, بس لو صار لي آللي صار لك ( كل البيت راح يدري ) ,, على الأقل يآقفون معي وقفة معنوية و يحسون فيني

لا تسكتين ,, خلي أمك تدري بسرعة ,, حتّى لو خافت بعد وش تسووين يا الغلا خوفها طبيعي أنتِ بنيتها و حبيبتها

فلازم تدري عشان تعرف كيف تتصرف يا الغلا ,,

الحين لازم تروحين المستشفى لأن كل لحظة تمر خطر على صدرك ,, إلا هالسالفة ما فيها تأجيلات ,,

و أنـا ما أقدر أخبي عليك و أجاملك ,, مضطرة أقول لك الحقيقة حتّى لو كانت مُرعبة ,, عشان يمديك تتلاحقين على نفسك ,,

بسرعة روحي المستشفى تحرّكي ,, لا تطنشين الوضع ,, و إذا ما تبين أهلك يدرون , علمي خالتك أو روحي مع أم صديقتك

المهم لازم يكون أحد معك ,, أنـا آللي أكبر منك ما أعرف أتصرف بلحالي

 

[دلوعة صلوح]

اسم الله عليج حبيبتى ان شاءالله مافيج الا العافية.

 

[قلبي وينك]

لا توسوسين ترى في امراض والتهابات تتشابه بس احس شئ تروحين المستشفى وتكشفين وخذي اي احد معاج من معارفج او اهلج المهم احد يرافجتج

 

[khawla&tito]

ان شاء الله مافيج الا العافيه

 

[مهندسة الابيات]

حبيبتي اسم الله عليج

بس عشان تتطمنين في حملة اسمها كان سوي سيرج بالنت ترى واايد بيفيدوونج

و ان شاء الله ما فيج شي

بس ضروووري تدقين عليهم عشان يساعدوونج

لا تسكتيين

 

[سكوتي بذوقي]

بعيد الشر عنك اختي

يارب مافيكِ شي

بس لازم تقولين للوالده او اختك

 

[نونه المنكوشه]

ان شاءالله مافيج اله العافيه انا بنت اختى كان فيها ورمه صغيه بحلمة صدرها وكانت اتحاتى بعدين الحمدالله طلع جيس دهن ان شاءالله مافيج شى بس علشان ترتاحين روحى مستشفى خاص علشان الفحوصات ماطول والله يبعد عنج وعنا جميع الامراض وطمنينا عليج

 

[عادت ذكرياتي]

بالمستوصف العادي اكو فحص لسرطان الثدي على حسب علمي ...


وإن شاء الله ما كو إلا كل خير


بس تطمني أكثر على صحتج بفحص الدكتورة لج

 

[معزوفة عشق&]

لا تخافين مافيك الا كل خير حبيبتي
اهم شي اتصدقي وتوكلي ع الله وقل لن يصيبنا الا ماكتب الله لنا
وروحي اكشفي وطمنينا عليك ..

 

[*غلا الكويت *]

حبيتي ان شاء الله مافيج الا عافيه بس ضروري احد يروح ويااج اختج الكبيره او بنات خالتج او اي احد قريب منج

طمنيناا عنج

 

[حنان الحربيه]

الله يحفطك مافيك لا العافيه ان شالله

سوي بحث في قوقل وشوفي الاعراض لان اعراضه كثيره
الله يحفظنا ويحفظ المسلمين