بنات شاكة ان فيني المرض الخبيث بس مادري شسوي مابي اقول لاهي

[اشلون يعني &]

مستشفى مكي جمعه يم مستشفى الصباح على شارع جامعه الشيوخ
قولي حق السايق يوديج
مستشفى الصباح بعدها روحي لمكي جمعه على اساس عندك بحث للدراسه
وافتحي ملف وان شاء الله مفاجئ الا العافيه يمكن خربطت هرمونات
اعرف وحده جاها يصدرها وسوت عمليه وتزوجت خلفت ما شاء الله

 

[البروآز]

انا اتوقع هذي تغيرات طبيعيه
لا توسوسين بالشي هذا
المرض الخبيث الظاهر احد مسولف لج عنه ومكثر حجي وحاط هالشي براسج
عشان جذي خايفه منه
انا والله دايم قبل يصير معاي جذي
صدقيني حبيبتي مافيج الا العافيه
ومع هذا لازم تقولين ع الاقل لاحد قريب منج حيل من اهلج
لانه ممكن يعرف بالاشياء هذي ويساعد
تعوذي من ابليس ياقلبي ,

 

[القصيدة]

السلام عليكم و رحمة الله و بركاته

الله يطمّن قلبك و تكوني بخير و عافية يا ربّ :eh_s(17):

طمنينا وش صار معك غلاتي ؟!​

 

[-تكفيني الذكرى-]

بشرينا عنك ...........

 

[سلطة]

حبيبتي لازم أحد من أهلج يكون معاج على الأقل أختج أو الوالدة أولا وآخرا بيعرفون فقولي لهم من ألحين لا تقولين فيني المرض الخبيث اللهم كافينا الشر لأ ، قولي بسوي فحوصات ومن هالكلام والله يشفي كل مريض

 

[سمو ذاااتي]

مادري شصار عليج


انا مثلج شكيت لان تقريبا الحلمه تنكمش وحولينها المنطقه متجعده مادري شلون اوصف وهالشي قبل الزواج وخفت اعلم امي المهم رحت طبيب خاص بروحي وسويت سونار وقاااالي مافيج شي ودخول الحلمه خلقه وتجعدها من الجفااف او النومه عالبطن وقاااالي بعد هالشي طبيبعي نص البنات فيهم وتطمنت


يارب تكونين بخير وطمنينا عليج

 

[abanawis]

حبيبتي لايقصون عليج اخذيها مني مجربه والحين اتعالج روحي ع مركز جمعه مكي ع طول ولا تتاخرين مثلي

 

[انا المظلومه]

سلااااااااامات ياروحي ان شاء الله مافيك الا العافيه

 

[منيرة@]

لاتفاولين على عمرك

 

[عويتقة]

ان شاء الله ماااااكو الا العافية انتي بس متوسوسة والحلمة بتدخل وبتخرج عند كووووووول البنات وانا وحدة منهم بس انتي للأحتياط روحي المستوصف مشان ترتاحين لكن نصيحة اياااك والوسواس ديري بالك تتوسوسين

 

[مدّهره !]

لا إن شااء الله ماافيك إلااا العااافيه ...’

تعوووذي من إبليس وروووحي لمستشفى سووي فحوصاات وتحاليل كااااااااااامله

خلي أحد يدلّي الساايق أو رووحي مع وحده من صديقااتك ^^

وطمنيناااا خيتو ...’

 

[رانيا6]

بعيد الشر عليج حبيبتي ان شاء الله ما فيك الا العافيه

 

[a7la_7b]

اسم الله عليج ان شاء الله مافيج الا العافيه
روحي فحصي واخذي اختج معاج مايصير بروحج عالاقل احد يساندج ويهون عليج

 

[ضــمــاد]

بسم الله عليج .. تفاؤلو بالخير تجدوه


ان شاء الله مافيج الا العافيــه


والبنات كفو ووفو

 

[sinamor]

بعيد الشر عنك اختي

يارب مافيكِ شي

بس لازم تقولين للوالده او اختك

كلامها وكلام البنات صحيح
حبيبتي نحن نبي مصلحتج
يارب مافيج الا الخير

 

[Patcholli]

حبيبتي اول شي سرطان الثدي مايحوش اللي بعمرج بعيد الشر عنج
ممكن الللي بعمرج يحوشج باماكن ثانيه بس اللي بالصدر مايحوش الي اصغر من 30 هذا على كلام الدكاتره
ثاني شي قولي حق اهلج انج شاكه ان فيج حساسيه وبتروحين تفحصين لاتقولينلهم شي ثاني وتخرعينهم ..
واللي بعمرج ممكن يحوشهم غدد او تليفات عاديه ومنتشره بكثره بين البنات
وطالما ان ماتحسين بوجود كتله ان شاء الله ماكو شي
وسركان الثدي مو من علاماته ان الحلمه تنكمش وترد بعدين
من علاماته ان وحده تصير حيل اكبر من الثانيه او وحده فوق ووحده تحت او يصير لونها غامج ومو طبيعي

 

[عذوٍق الوٍرٍد]

حبيبتي
الانكماش احسه عااادي جدااا

انا حلمتي تصير اشكال وانواع مرة منكمشه وفجأه تنط وبعدها تصير عاديه وفجأه يتغير لونها هههههههههههه
عادي مافكرت ولاشي لان احس هالشي طبيعي ..
انتي موسوسة مافيج الا العافية

انا بسألج في وحده من اهلج جاها هالمرض؟
اذا فيه اسمله عليكم روحي فحصي مع اني ماضن فيج شي ..
لان من وصفج عاااادي وطبيعي

 

[.حــنــان.]

ان شالله مافيج شي

و اذا انتي شاكه بهالمرض من ست اشهر المفروض تروحين تفحصين علطول

لان بدايه المرض يكون اسهل

 

[.حــنــان.]

حبيبتي اول شي سرطان الثدي مايحوش اللي بعمرج بعيد الشر عنج
ممكن الللي بعمرج يحوشج باماكن ثانيه بس اللي بالصدر مايحوش الي اصغر من 30 هذا على كلام الدكاتره
ثاني شي قولي حق اهلج انج شاكه ان فيج حساسيه وبتروحين تفحصين لاتقولينلهم شي ثاني وتخرعينهم ..
واللي بعمرج ممكن يحوشهم غدد او تليفات عاديه ومنتشره بكثره بين البنات
وطالما ان ماتحسين بوجود كتله ان شاء الله ماكو شي
وسركان الثدي مو من علاماته ان الحلمه تنكمش وترد بعدين
من علاماته ان وحده تصير حيل اكبر من الثانيه او وحده فوق ووحده تحت او يصير لونها غامج ومو طبيعي

لا حبيبتي مو من سن الثلاثين يبدي

رايحه ندويه عن هالمرض يقولون ان قاعد ينتشر من سن العشرين

 

[Patcholli]

^^

حبيبتي مادري والله بس هذا كلام دكتور راجعته اختي قبل فتره لان طالعلها تليف بصدرها وكنا خايفين بعيد الشر يكون شي ثاني
بس الحمدلله
طلعت الياف عاديه

اهي عمرها بالعشرين
ورحنا حق اكثر من دكتور وكلهم قالو نفس الكلام
انه مايطلع حق اللي بعمرها هالنوع
يعني ممكن يطلع نوع ثاني بس بالثدي مايطلع حق العشرينيه
هذا كلامهم والله وانا نقلت كلام الدكاتره فقط لاغير ^_^
هالحجي قبل جم شهر مو من زمان



والله اعلم ^_^