بنات شاكة ان فيني المرض الخبيث بس مادري شسوي مابي اقول لاهي

[Soosty]

اختي قمر بيت ابوها ممكن الايميل ارتحت لكلامك حييل وابيه ضروري ولا اقدر اراسلها خااص بليز مرره محتتاجتك

 

[اخت خالتهم]

شنو قصدج
سوري بس بشرح

الحلمة اللي بارزة الي يمصها الياهل ويطلع منها حليب
تطلع وتدخل ؟
اذا اي هذا عادي انا تصير فيني
خاصه اذا قطيت الستيان


بس اذا قصدج كل الحلمة
اتصلي وسئلي
وان شاءالله مافيج شي

 

[the-angel]

حبيبي ان شاء الله ماكو الا الخير ولا تحاتين

قووولي لامج وتوكلي علي الله وروحي مكي جمعه

ولا تنسين الصلاه والاستغفار

 

[دلوعة أبوهآ]

آلله يطمن قلبك وإن شاءالله مايكون فيكِ الا آلخير ..

 

[بنت الكويت &]

هذي وسواس الشيطان يريد احزان بني اًدم اذا متعبج هالشي روحي مع اهلج احسن
الف سلامه علييج يارب

 

[حنين الفرح]

انا كنت خايفه قبل فتره لانه طلعت فيها مثل الكوره واالله كنت مانام من الخوف وقريت انه اذا طلع من الصدر افرازات مو زين واول مامسكت الحلمه
طلع منها افرازات والله اني حسيت اني راح امووووت والحمدالله طلعت الكوره حليب قديم لازم اسحبه واالافرازات حليب لانه ولدي مارضع مني
حبيبتي مو كل شي يصير فينا نشك بالخبيث
الله يطمنج يارب

 

[هناء - Hana]

ان شاءالله مافيج الا العافية؛*والله يششفيج ولاتوسسين..وروحي خاص افضل..

 

[حنين الفرح]

بس ضروري تسوينفحوصات علشان ترتاحين

 

[αησмα]

اسمله عليج الرحمن الرحيم

اعوذ بالله من الشيطان / الله يكافيج شر هالمرض ويكفينا شره


ي قلبي اقري سورة البقره وتوكلي الله روحي ولازم معاج احد لا تروحين برووحج


تفائلي ي ربي خرعتيني

 

[عاليـــه]

اولا اختي ان شاء الله مافيج شي

اخذي اذا قصدج الحلمه مالت الصدر الي يمص منها الطفل حليب تنكمش ومرات تطلع على برى ترى عادي معروف الحلمه مرات يكون لها رده فعل يعني مثلا فالبرد الحلمه تطلع على برى واذا بعد فصختي الستيان لانه تتحاكك مع القميص...المهم هذا ما يمنع انج تسوين فحص تتطمنين على نفسج اكثر وتريحين نفسج من الشك...بس اختي اخذي معاج احد احسن..اي بنت قريبه منج سواء بنت خالتج او بنت عمج او اختج احسن من تروحين بروحج وان شاء الله مافيج الا العافيه حبيبتي.

لا تنسين طتمنينا عليج اختي​

 

[ام احمد الزاهر]

لا لالالالالالالالالالالالالا لاااااااااااااااااااااااااا مو خبيث انشالله باذن الله والله اعلم الي قاعد يصير انه صدرج ينمو والهرمونات تتخربط لغايه سن 21 وبجذي يصير تغيرات صدرج قاعد يكبر حجمه عشان ياخذ الوضع الطبيعي الي خلقه الله لج بس في شي موقف نمو الحلمه يعني الحلمه مو قاعده تطلع بسبب عيب خلقي او اي شي لازم تراجعين واذا بتطمنين اكثر دقي ع حملة كان بالامكان معالجة السرطان هذي حمله اسمها كان بالامكان مقرهم ع طريق الفحيحيل السريع دقي عليهم مو لازم تروحين وهم يعلمونج اشلون تفحصين نفسج بالبيت بدون اطبا ولا شي واذا قلتيلهم راح يعلمونج اذا فيج شي او لا وفي نصيحه ثانيه روحي للمستوصف عادي هم يفحصونج اهناك طب عام عادي بالمستوصف جنج مسخنه وهي تعلمج شنو فيج وتقولج اذا لازم تروحين مكان او تحاليل او شي تعطيج تحويل انا لما فحصت ع صدري كان عندي ورمه اصغيره متعبتني ورحت لتخصصي امراض نساء قالت لا الصدر عادي بالمستوسف مو امراض نساء ورحت وعطوني تحويل هم يتصرفون ويعلمونج وين تروحين
اتمناااااااااااااااااااااااااااااااا اني فدتج وتكفييييييييييييييييين طمنيني عنج حتا لو بالخاص لاني ممكن مادخل الموضوع

 

[فديت اثنينه بس]

انشالله ماكو الا كل خير لاتوسوسين ، كلنا يصيرلنا نفس الشي
الوساوس من الشيطان

 

[لآلئ وردية]

لا حول و لا قوة الا بالله

أسأل الله الكريم رب العرش العظيم أن يشفيج

 

[اميرة بعزتي]

ان شاء الله مافيج الا العافيه بس اذ حابه تتطمنين روحي سوي فحص وان شاء الله ماعليج شر

 

[BaiTotia]

اسم الله عليج من المرض

وطمنينا عليج

 

[Ghreba eb derty]

اذا عندج رفيجه او بنت خاله تثقين فيها وتسوق روحي معاها المستوصف واهو يحولج على مكي جمعه جنه
بس لا تقولين للسايق خوفج يعلم احد

لا اقولين حق امج راح يضيق خلقها وتتاثر حيل ومايسوى خرعتها اذا بالاخير مافيج شي

يارب مافيج الا العافيه

 

[اذوب بكلامه]

شوفي ياقلبي انتي قولي لأمك احس اني تعبانه ومرهقه ابي اروح المستشفى
اسوي فحوصات شامله يمكن عندي نقص فيتامينات
وبهطريقه بتروح امك معاك من دون ماتخرعينها
وان شاء الله ماعليك شر

 

[جذابه بنت ذيابه]

عسى ر يشفيييج و يشفي كل مريض


لا تحاتين ان شاء الله مافيج الا العافيه و لازم تعلمين احد كبير يكون معاج

 

[مودي كويتي]

هذا ابليس اللعين الكلب تعوذي من ابليس ولاتوسوسين سبجان الله الحين اغلب الناس اذا لاحظت شي او تغير ع طول يروح بالها لهالمرض ان شاءالله ماكو الا العافيه وروحي مستوصف خاص يعني معقوله السايق مايدل اي مستوصف روحي عشان تطمنين وطمنينا عنك

 

[Withered flower]

حبيبتي
شي طبيعي الحلمة تنكمش وتطلع مكانها مرة ثانية
لا توسوسين
اصلا مو دايما الحلمة تكون بارزة