بنات لا تبخلون علي محتاجتكم

[no-hope]

قوه بنات شلونكم
انا واله مفتشله اتكلم جذي بس ماعندي غيركم استشيره
بنات انا ابوي ماكو شي مومسويه
مونس عمره على اخر درجه انا احبه و مومخلي علي قاصر
بس عيبه
يشرب و بنات و سفرات كلشي
حتى نادي يدق حديد رايح
مشكله مو ياهل فيه فوق ال50
المشكله وين؟
المشكله انه محد راضي يتزوجني
ولله اني ما امدح نفسي بس كل من شافني بغاني
والله اللي اقعد معاهم بس يطلعون يقولون نبيها لانه الحمدلله انا مو قاصرني شي
بس يقولون خل نسأل
جك بم ماكو نصيب
وادري ابوي السبب
لدرجه بنات اني والله مااااااعندي ولاااا شرط
بنات مليت والله
خلاص انا موصغيره عمري 24 و دكتوره اسنان
والله حتى بالدوام حريم يخطبوني حق عيالهم
يتلي فتره بس ارفض
قلت حق امي مراح اوافق الا لما يتعدل ابوي
قامت تبجي والله عورت قلبي
قالتلي ابوج صايع و عاجبه الوضع و مو هامته انتي
تبين ضيعين عمرج عشانه ؟
بنات شسويييييي والله قاعده اكره عمري والله
كل ما اقعد مع الريال و اهله يطيرون فيني
والله اقرا و جعلنا من بين ايديهم سدا
بس بعدين اقول حتى لو ما درو الحين مردا بعد الزواج بيدرون
بنات مادري شسوي
الي عور قلبي بعد خاالتي يعني مو غريبه شوفو
تقول بيت يران بنات اسم الله عليهم كل وحده تقول الزود عندي
كاهم قاعدين 27-25-24 و تقول معني اعرفهم عدل
بس مستحيل ازوج عيالي حقهم عشان ابوهم
و ابوي نفسه !
انزين انا شنو ذنبي
لدرجه 4 مرات 5 مرات يروح العمره بس تمويه حق الناس
بس شل فايده الكويت صغيره و الكل يعرف الثاني
بنات انا اعرف ابوي و غاسله ادي منه مراح يتأغير
ادري ودكم تخخفون علي بس هذا الواقع و انا راضيه فيه
والله قلبي يعورني لما اشوف وحده بدوام تكلم ريلها ولا بطنها متفوخ اقول ودي بس بعدين اتذكر ابوي و اسكت
بنات في واحد بيللي الحين والله اني رفضته قبل لا اشوفه بس مو هاين علي دموع امي
قلتلها بشوفه والله بس عشانج بس ادري بصير رفض
بس حبيت افضفضلكم و ودي اسألكم في احد نفس وضعي و تزوج؟
اذا ماتبون تقولون بالعام كتبولي بل خاص
عفيه لا تعطوني امل اذا ماكو امل
مابي احط امل على شي مو موجود لااا و اخر شي اندقرت كل عاده انا كتبت الموضوع امس و اليوم قالو ماكو نصيباكيد ماكطو دام هاذا ابوي !!

 

[قطوووة]

رد : بنات لا تبخلون علي محتاجتكم

نصيبج بيد الله مو بيد الناس

وطلبي الله وادعي انه يرزقج اللي يستاهلج

الله ابرك من الناس

 

[قطوووة]

رد : بنات لا تبخلون علي محتاجتكم

نصيبج بيد الله مو بيد الناس

وطلبي الله وادعي انه يرزقج اللي يستاهلج

الله ابرك من الناس

 

[mysterious sea]

رد : بنات لا تبخلون علي محتاجتكم

الله يوفقج ويكتب لج الخير

 

[آلله يسآمحك !]

رد : بنات لا تبخلون علي محتاجتكم


يآ حيآتي آنتي

كلكم رآع وكلكم مسؤول عن رعيته .،


آلله يعين آبوج على آللي بيشوفه من ربه آذآ مآتآب وآلتفت لكم لآنه هذآ وآجب عليه وملزوم فيه ..


زين حبوبتي ليش مآ تحآولين تقعدين مع آبوج وتكلمينه ؟!


آمسكيه وقوليله حرآم عليك ضيعتنآ آنت آبونآ آنت عزوتنآ ليش تخلي آلنآس تتشمت فينآ ومن هآلكلآم

وآلآ دخلي وآحد من عمآمج ؟!


وآلله سآلفتج مآلهآ حل غير آنج تكلمين آبوج آو آن تدعيله لين ربي يهديه ..



وآلله يهدي آبوج ويصلحه ويسخر قلبه لكم ويردهـ لكم ردآ جميلآ يآرب !


حيآتي وآلله قطعتي قلبي



××

 

[no-hope]

رد : بنات لا تبخلون علي محتاجتكم

والله فيني البجيه
كلمني ذاك اليوم يقولي بنت رفيجي بتيي عندج العياده قلتله حياها الله
واليوم تعبثت في فونه لقيت الزفته قايلتله عفيه كلملي بنتك بودي بنتي عندها ايييييييييي قلببببببببببيييييييي
حتى قايلها وين اداوم؟؟؟؟؟؟
قالها كل شي
يا خوفي اشوفها اتفل بويها
بنات شسوي ؟
لقيت تسأله عن المشروب
و جنها بعد متزوجه
بنات وين اروح؟ اهلي غاسلين ايدهم منه
ماعندي اخو
اخوي عمره 10
والله كثر ما بجيت عيوني تعورني احس ما اقدر ارمش
حتى بالدوام يبي يفضحني
ودي اروح اعيش بروحي
والله ودي بس كلام الناس ما يرحم
اقول حق امي تطلقي
خلي عندج شوي كرامه من اللي صار
تقول ما اعطيهم حياتي بارده مبرده
قلتلها عاجبتج حياتنا؟
تقول الله كريم
بنات مادري شسوي ؟
ودي اروح حق د.فوزيه الدريع

مابي احد من اهلي يدري عنه
ماحب الشماته
ودي اصارحه
بس احس ماكو فايده
مليون سنه عايش على الصياعه مراح يتغير
رفيجه دازله مسج يطنز
يقوله شفيك رايح العمره كل شوي لايكون بتعتكف الدين الاسلامي؟
انزين جم ركعه صلاه المغرب!!
هذا شي يتغشمرون فيه ؟
يا ويلهم من الله
بنات شسوي؟
انتحر ؟
محد حاس بالضيم اللي انا فيه
امي تقول انتي ليش زعلانه
انا اللي متأذيه
قلتلها انتي قاعده تهدمين حياتنا شوي شوي
والله بالدوام امشي و ادي على قلبي
اخاف احد من ربع ابوي يشوفني
لانه سمعتي زينه بالدوام
مابي اي شي يطلع عني
الناس تقول امشي و انتى رافعه راسج انج دكتوره
محد يدري بالظيم اللي انا فيه
بنات انا مكبره السالفه؟ ولا صج السالفه كبيره
تكفون لا تقولولي ادعي عشان يتغير
هذا راح بيت ربه ما هزه شي
بنات مرات اقول ودي اتزوج بس منو يبيني ؟
مرات اقول وين اتزوج و هذا ابوي ؟
اخاف يطلعلي ريل نفسه
قولولي بنات
كل وحده عندها كلمه بقلبها خل تقولي
حتى لو تضايق
لا تعيشوفي في حلم وردي و بعدين انصدم
مابي امال زايفه
ابي شي موجود بالواقع
عفيه بنات طلبتكم ردو علي ريحو قلبي

 

[مناير ...!]

رد : بنات لا تبخلون علي محتاجتكم

اول شي توج صغيره ومابعد ياء نصيبج
والنصيب مكتوب عند الله من خلقج فلاتخافين حبوبه
بتاخذين نصيبج

 

[no-hope]

رد : بنات لا تبخلون علي محتاجتكم

انا قلت اليوم او باجر بكلمه بس مو قادره اتحمل الوضع كليوم اروح الدوام عيوني متفخه من البجي
نفسيتي تعبت
كل ما ارد البيت ما اقدر اقعد مع احد استحي من الناس يعرفون هدا ابوي

 

[no-hope]

رد : بنات لا تبخلون علي محتاجتكم

انا ما طلبت فلوس
ولاطلبت خدمه
كل اللي طلبته نصيحه

عموما مشكورين حق ال79 اللي دشو و ما قدرو حتى يقولون كلمه حلوه

 

[Tom ♥ Jerry]

.




حبيبتي نصيبج رآح آييج لا تحأتين : )
مو ابوج و لا غيره رآح يأجله

آدعي ربج يرزقج الزوج الصالح :*

 

[ام دليار]

رد : بنات لا تبخلون علي محتاجتكم

آدعي ربج يرزقج الزوج الصالح
أنو الله يهديه

 

[شوكليت ديزاين]

يا قلبي نصيبج عند رب العالمين ومقسم الارزاق موجود عليج بالدعاء والصدقة بالسر والاستغفار ولا تردين نصيبج لان الله الكاتب ولا تزر وازرة وزر اخرى ))) ربج عادل واذا والدج فيه شي ينفر الخطاب فانا اقولج محد كامل ومافي اسرة مافيها شي ،، في اسر كانوا آباءهم خونه للبلد وتزوجوا البنات وفي اسر آباءهم بالسجن لجراءئم اخلاقية وتزوجوا وغيرهم وغيرهم ،،،،،،،،،،،،،،،،،،لو اللي يتزوجون اللي كاملين ومافيهم عيب او نقص جان ما تزوج احد ،،،،،،،،،،،،،حبيبتي خلي عندج ثقه بربج وثقه بنفسج وتوكلي على الله وادعي لوالدج بالهدايه،،،،،،،،،،

 

[ام الدرر]

ياقلبي خلي ايمانج قوي ولا تستعجلين رزقج
و نصيبج ربج كاتبه لج قبل تنولدين
يعني كل اللي تزوجوا ابهاتهم وامهاتهم مصلين ومسمين
ادعي لابوج الله يهديه ولا تياسين من رحمة رب العالمين ولا تقولين ماراح يتغير
سبحانه قلوب الناس بين يديه يقلبها كيف يشاء
وادعي لنفسج
عسى ربي يرزقج الزوج الصالح​

 

[~LiBrA~]

رد : بنات لا تبخلون علي محتاجتكم

عسى الله يرزقج ويفرج همج ياااارب ويبعد عنج عيال الحرام وينصرج على الي ظلمج حتى لو كان ابوج


نصيبج راح ايي لا تحاتين والله كريم ماراح ينساج اذا آمنتي فيه

 

[ام خالد الغلا]

اللة يعطيج على قد نيتج ولا تردين احد اذا جالج وبتاخذين نصيبج انشاللة وشيلى التفكير عنج واللة يوفقج

 

[قطوووة]

رد : بنات لا تبخلون علي محتاجتكم

الطيبون للطيبات

 

[باربية الكوووويت]

عورتي قلبي الله يهديه ابوج ويصلح حاله مادري شقولج انا لو مكانج ابلغ عنه الشرطه لانه لاربه خايف منه ولا راضي يتوب يمكن السجن يعدله واسفه اذا كلامي ضايقج وربي يرزقج باحسن زوج يعوضج انشالله

 

[الأميرة جوري]

رد : بنات لا تبخلون علي محتاجتكم

ياقلبي اللي الله كاتبه لج بيصير ... وياما سمعت اخوان سكار ى ومع هذا خذوهم عادي انتى لاتعقدين عمرج وتوج صغيره بس اللي معور قلبي ابوج الله يهداه كبير بالعمر مايخاف ن ربه مايفكر بالاخره وعذاب القبر الله يهديه ويتوب عليه ...ياليت تنصحينه تهدين له اشرطه كتيبات ...الله يرزقج باللي تمنين ياااااارب

 

[دنياالوله]

حبيبتي مالج الا ربج
انما اشكو بثي وحزني الى الله
امن يجيب المضظر اذا دعاه ويكشف السوء
كثري استغفار بنية شي في بالج
وكل يوم اقري سورة البقره ولا تقنطين من رحمة ربي
والحي بالدعاء
ان الله يسهل امورج ويرزقج عاجلا غير اجل
وكاج الحين ماشاء الله كتوره اد الددنيا
الله يهنيج لا تخلين هالشي يأثر عليج
وكلمي ابوج وضحي له انج على وجه زواج
والناس توخر عنج عشانه
فهميه انه السبب اللي مو قف نصيبج
والله يسر امورج

 

[فـرفـر]

عسي ربي يرزقج بالرجال الصالح للي يسعدج
وعسي ربي يهدي ابووج