قوه بنات شلونكم
انا واله مفتشله اتكلم جذي بس ماعندي غيركم استشيره
بنات انا ابوي ماكو شي مومسويه
مونس عمره على اخر درجه انا احبه و مومخلي علي قاصر
بس عيبه
يشرب و بنات و سفرات كلشي
حتى نادي يدق حديد رايح
مشكله مو ياهل فيه فوق ال50
المشكله وين؟
المشكله انه محد راضي يتزوجني
ولله اني ما امدح نفسي بس كل من شافني بغاني
والله اللي اقعد معاهم بس يطلعون يقولون نبيها لانه الحمدلله انا مو قاصرني شي
بس يقولون خل نسأل
جك بم ماكو نصيب
وادري ابوي السبب
لدرجه بنات اني والله مااااااعندي ولاااا شرط
بنات مليت والله
خلاص انا موصغيره عمري 24 و دكتوره اسنان
والله حتى بالدوام حريم يخطبوني حق عيالهم
يتلي فتره بس ارفض
قلت حق امي مراح اوافق الا لما يتعدل ابوي
قامت تبجي والله عورت قلبي
قالتلي ابوج صايع و عاجبه الوضع و مو هامته انتي
تبين ضيعين عمرج عشانه ؟
بنات شسويييييي والله قاعده اكره عمري والله
كل ما اقعد مع الريال و اهله يطيرون فيني
والله اقرا و جعلنا من بين ايديهم سدا
بس بعدين اقول حتى لو ما درو الحين مردا بعد الزواج بيدرون
بنات مادري شسوي
الي عور قلبي بعد خاالتي يعني مو غريبه شوفو
تقول بيت يران بنات اسم الله عليهم كل وحده تقول الزود عندي
كاهم قاعدين 27-25-24 و تقول معني اعرفهم عدل
بس شل فايده الكويت صغيره و الكل يعرف الثاني
بنات انا اعرف ابوي و غاسله ادي منه مراح يتأغير
ادري ودكم تخخفون علي بس هذا الواقع و انا راضيه فيه
والله قلبي يعورني لما اشوف وحده بدوام تكلم ريلها ولا بطنها متفوخ اقول ودي بس بعدين اتذكر ابوي و اسكت
بنات في واحد بيللي الحين والله اني رفضته قبل لا اشوفه بس مو هاين علي دموع امي
قلتلها بشوفه والله بس عشانج بس ادري بصير رفض
بس حبيت افضفضلكم و ودي اسألكم في احد نفس وضعي و تزوج؟
عفيه لا تعطوني امل اذا ماكو امل
مابي احط امل على شي مو موجود لااا و اخر شي اندقرت كل عاده انا كتبت الموضوع امس و اليوم قالو ماكو نصيباكيد ماكطو دام هاذا ابوي !!
هلا اختي
رددي اللهم اشرح لي صدري ويسر لي امري
ولازم تثقين باالله مايجوز تدعين وانتي مو واثقه ان الله يستجيبلك
مافيه شي اقوى من ربك سبحانه
عليكم بسهام الليل
وبعدين لو نصيبك في الصين يجيك مهما بعد
اهم شي لا تضيقين صدر امك اللي فيها كافيها
ادعي لابوك بالهدايه ويخلي لك اخوك وامك اهم شي ودايمن قولي استودعك الله الذي لاتضيع ودائعه
وبعدين يمكن يجيك واحد دكتور ومستواه زي مستواك وابوه زي ابوك
ماتدرين وين نصيبك فيه
ترا الهم يكبر شكلك وانتي بنوتة ماسمعتي الشاعرة اللي تقول
كبرتني ياهم دخيلك قول للدنيا انا عمري الحقيقي كم :lolo:
انتي لاتفكرين بالزواج سبحان االله يجي من نفسه
حللي فلوس ابوك ووسعي صدرك وتصدقي بنية الدعاء لابوك بالهداية
ولا تنسين ادعي ربك وانتي واثقة وموقنه بالاستجابة ولا تقولين ولا حتى مجرد التفكير(انا دعيت ربي ومااستجاب لي :050103nbh_prv:
وقولي الحمد لله على الصحة والعافية
