بنات لا تبخلون علي محتاجتكم

[Model Look]

بقولج سالفه لبنت اعرفها معرفه تاااااااامه وعن قرب
هالبنت ابوها صايع وشرب وسيرته بكل لسان وامها ازيد من ابوها استغفرالله
يعني شنو الام والابو رايحين فيها
والبنت بذرتها زينه تخرجت من الثانويه ب 3 سنين وامتياز ودشت الجامعه وخذها
هم ب 3 سنين وقامت تشتغل وتكد على روحها لانه اهلها مستحيل يصرفون عليها
تنخطب البنت ويطيرون فيها لانها اخلاق ماشالله وسمعتها حييييل نظيفه وحلوه
بس يسألون عن اهلها يهونون كذا مره والبنت تتحطم واعتقد كانت تدعي بكثره والله العالم
المهم توظفت شهرين وتزوجت ناس والنعم والله وطايرين فيها ومدللينها ماشالله
احس انه ربي عوضها عن سنين الحرمان والقهر والحين عندها بنت وولد والله ييسر
امورج ان شالله
عليج بالدعاء وتوج صغيره وربي يرزقج ويرزقني بالزوج الصاااااالح
لا تفقدين الامل وثقي بالله وكل تأخيره فيها خيره

 

[mahray]

رد : بنات لا تبخلون علي محتاجتكم

:::

الله يهديه

مالنـآآ الا ندعى لج الدعاء بظهر الغيب مستجاب


الله يوقفج وان شاللله تلقين نصيبج ..^^

 

[shmrya]

رد : بنات لا تبخلون علي محتاجتكم

لا تزعلين من ردي

انتي مو مشكلتج بابوج انتي مشكلتج بثقتج بنفسج
ماعندج ثقه بنفسج
الي يقرا كلامج يقول كل المتزوجات ابهاتهم مطاوعه ورجال دين
لايبا هذا نصيب
والي يعافج علشان سمعة ابوج مايشوف شر شنو بيتزوج ابوج
وبعدين تعالي ياما في شباب حال ابهاتهم من حال ابوج من وين بيخطب

فكري عدل

خلج واثقة بنفسج
سمعتج انتي تكونينها بشخصيتج واحترامج وتعاملج مع الناس واخلاقياتج

وامشي وانتي رافعه راسج

وفي مثل كويتي عندنا مطبق ميه بالاميه الريال شايل عيبه

ذكرتيني بوحده معانا ابوها امام مسيد بس الله يستر عليها ماخلت شي ماسوته (قوليلي منو هذا الي ياخذها واهي سمعتها تعبانه ) هل بيتزوجها احد علشان اخلاق ابوها؟؟؟

حبيبتي توج صغيره وانشالله بيييج نصيبج بس حافظي علي نفسج وسمعتج وخل الناس تقول ونعم فلاله

 

[شووكولاته]

ماعندهم سالفه

ونصيبج بيجيج ادعي واسغفري

 

[الصارووووخ]

رد : بنات لا تبخلون علي محتاجتكم

حبيبتي شلون تضايقين والله فوقج ياقلبي الله يهدي ابوج ومن البر انج تدعيله بالهدايه واكثري من الدعاء وما ادراك ما الدعاء

 

[دمعه ندم]

والله مادري شقول الله يهدي ابوج ويصلح حاله وياقلبي لاتحاتين نصيبج بتاخذينه والله يوفقج

 

[ماني من الناس]

حبوبه ادعي الله ,,,,,,,,,,

انتي تعرفين شنو الحل

لازم تطلعين زوارات اعراس تخلين الناس يشوفونج ويعرفونج ويخطبونج عشانك مو عشان اهلك او ابوك

لازم تبرزين شخصيتج بكل مكان عشان لما يجون لج يتقدمون يكون عشان شخصك وما بينتهبون لابوج او اهلج ولا فصلج,,,,,,,,,

 

[صباح الليل]

حبيبتي خلي ايمانج بالله قوي
ودايما ادعي انه يرزقج الزوج الصالح

ولاترفضين اللي يجون اهم ماجو الا سائلين عنج
وحتى لو ماكانوا يدرون ودروا بعدين
الريال اذا شاف زوجته اخلاق وحبها مستحيل يفرط فيها بذنب مو ذنبها
كبري عقلج حبيبتي ولاترفضين احد
وبعدين انتي توج صغيره والعمر جدامج ووايد بنات بعمرج للحين ماتزوجوا

وكثري من الدعاء وقيام الليل
ترى مالج الا رب العالمين

وعسى الله يارب يرزقج بالزوج الصالح
اللي يعوضج عن كل شي
ومايشوف غيرج بالدنيا

 

[ورد]

الله يهديه ان شاء الله

وتبين الصراحة الناس اذا حطو في بالهم وحدة ما همهم شي

سمعت وشفت بناااات كثييييير الي ابوها الي امها الي هي نفسها والكل يدري عن خياسهم وتزوجو

لا تخافين حبيبتي وخلي املج بالله قوي

نصيييبج محفووووظ وبيجي يوم تبشرينا

 

[ن*ه*ر*]

رد : بنات لا تبخلون علي محتاجتكم

بأبعد قلبي انتي لاتعورين قلبك ماتدرين يمكن يوم يجي ويمسح كل الألم الي شفتيه اصبري واحتسبي واستغفري صدقيني الله ماينسى عبيده وترا مو بس انتي الي عنده مشاكل مواجهته تفائلي شوفي أنا اصغرمنك بسنتين وعندي مشكله قريبهمنك بس الواحد يصبر ولابد ياخذ نصيبه *

 

[Creamy Girl]

حبيبتي لاتحاتين
وان شالله الله كاتبلج نصيبج من يوم نولدتي منو ومتى بس انتي اللي عليج انج تكثرين استغفار بنية هداية ابوج وبنية الزوح الصالح

 

[* حبيبي يشوّق *]

رد : بنات لا تبخلون علي محتاجتكم

اولا انتي بعدج صغيره .. 24 كبيره ؟

انا امي تزوجت عمرها 28 !! و عمتي تزوجت عمرها 35 !!
و توهم بنتين من اهلنا تزوجوا وحده عمرها 28 و وحده 26 !!

النصيب نصيب .. محد يقدر يرده

و بعدين الزواج مو كل شي بالدنيا !

نصيبج بييلج لي مكانج ..

انا عمي سكير و بنات و ماخذ فلبينيه و حوسة الدنيا عنده و سجون احيانا !!

و بنته عمرها 25 تزوجت و الحين كبرت و عندها عيال !!

ابوج مو اهو سبب عدم زواجج ..

السبب ان الله ما اراد لج الزواج الحين

تبين سر سوته وحده اعرفها لمدة شهرين جان اتزوج

بكل صلاة قولي يارب ترزقني الزوج الصالح عاجلا غير آجلا .. و ركزي قوليه بكل صلاة

​

 

[Adorable]

رد : بنات لا تبخلون علي محتاجتكم

حبيبتي كله نصيب ترا انا اعرف بنات ابوهم جذي اهما ٢ و كاهم متزوجات و الكويت كلها تدري عن ابوهم لا و اكثر من ابوج بعد ذاك دش السجن بقضيه مخدرات

 

[قآهرني بس آحبه]

رد : بنات لا تبخلون علي محتاجتكم

ياحياتي انتي ادعيله وادعي الله يسرلج امورج ويرزقج اللي فيه الخييييييير

ولاتيأسييييييين من رحمة ربي

 

[no-hope]

رد : بنات لا تبخلون علي محتاجتكم

بنات انا والله مو سالفه ميته عل زواج انا من الحره قلت مابي احد ايلي
انا اللي معور قلبي لما ايون يطيرون فيني و يحطون القمر في ايد و الشمس في ايد بس يسألون تتغير كل الكلام
و الحمدالله انا محبوبه و اروح وايد اعروس المشكله مو ماكو خطاب بل عكس في واايد بس المشكله لماا يسألون
و اللي تقول ابوها امام مسيد و البنت موليه
والله العظيم واله العظيم اعرف بنات كلمه منحطه شوي والله شوي الله يستر عليها كل شي تسوي و تفخر
زقاير و شرب انا كنت اقول ابي اعرف الغبي اللي بياخذها
تخيلو مشالله مليون واحد يتقدم عشان سمعت ابوها
و قبل لا تتخرج تزوجت مشالله

 

[Laidy n3ooma]

رد : بنات لا تبخلون علي محتاجتكم

مافي قوه بالكون تقدر تمنع نصيبج ولا شي مكتوب لج .. اللي ربي كاتبيه بيصير لو انشاء الله قلب بيتكم ديسكو

 

[travel_addicted]

رد : بنات لا تبخلون علي محتاجتكم

الله يهدي ابوج و يصلحه و يفرج همج
حبيبتي حطي ابالج شي اذا الله كاتبلج نصيب بتاخذينه لو شنو يصير
وايد بنات تزوجوا و ابوهم نفس حال ابوج و اردى
ما عليج الا ابكل صلاة و بالسجود تدعين انه الله يرزقج بالريال الصالح اللي يخاف و يستر عليج و عليج بالصدقه لو مبلغ بسيط و الاستغفار و الله يوفقج ان شاء الله

 

[reem83]

نصيبج بيد الله مو بيد الناس

ابوج ماله شغل فيج لان انتي البنية الي بتزوجين مو ابوج فا المفروض هم الناس مايظلمونج

وياما بنات اهاليهم مو شي بس الله رزقهم وترى رزقج جدامج بس صبري ولا ترفضين احد بدون سبب يمكن يكون هالانسان نصيبج

 

[المرتاحة]

رفيجت اختي ابوها سكير و هايت وامها بريطانيه وعادي ما همها..والبنت تزوجت واحد ريال بمعنى الكلمه سكن عندهم و صار هو ريال البيت لآنه ابوها هايت
ويدري في ابوها حتى مرات يدش ابوها سكران ويسوي هوليله ي البيت ومحد يهدي الوضع غير ريلها.. ترى الدنيا مازالت بخير انتي عليج بالدعاء

 

[no-hope]

رد : بنات لا تبخلون علي محتاجتكم

مشكووريين بنات على الردووود
و انا بحط في بالي الكلام اللي قلتوه
معنه قبل سبوع تقدملي واحد يا الدوام و شافني و انا ما ادري و سأل عني و كل شى لما سأل عن ابوي ..
ماله داعي اكمل انتو تعرفون النهايه
الله كريم انا ما قمت اعلق ولا ابدي رايي بأي واحد موكله امري لربي
بنات عفيه اللي تقرا سالفتي و حتى مالها خلق ترد بس تدعي الله يهدي ابوي حتى لو بقلبها