بنات متوهقه اخذ ولدي والا لا؟؟؟؟

[ام البندري 12]

مرررررررحباااااااااا

شلونكم حبايبي انشالله بخيرررر

بنات انشالله بسافر هالصيف تقريبا 20 يوم بنروح كذا دوله بس لي الحين ما حددنااا وين

وزوجي يقول بناخذ ولدنا معانا عمره سنتين وماعمري جربت السفر مع ولدي اخاف يأذيني ولا استانس

واذا باخذه لازم اخذ خدامته يعني بتغثني ما راح اخذ راحتي شاسوي اخلي ولدي؟؟ مع انه زوجي يقول

بنطول وهو بيسليناااا بنزهق اذا رحناا بروحنااا شرايكم؟؟ مابي اخرب سفرتي وزوجي ما يساعدني عليه

مادري خايفه من امجربا السفر مع الولد و الخدامه؟؟؟؟ واشلون اذا جذي لازم ناخذ شقه بننحرم من

الفندق؟؟ وربي محتاره شوووووورووووووووو علي؟؟

 

[رفرف]

سنتين اسمالله عليه ريال وما يحتاج خدامة شدعوه تساعدوا عليه انتي وريلج ..

بس وديله سناك بفك او نودلز لأن الياهل ايوع باوقات ما تكونون مستعدين فيها فيكون عندج شي جاهز ..
واخذيله غيارات على طول معاج سبحان الله ياهل يوصخ هدومه والا شي الا معاج احتياط ..
وطبعا عربانة خفيفة واااااااايد تنفع ..
اممم وشنو بعد ؟ ودولكم دي في دي بلاير صغير او اللابتوب ونزليله افلام يهال مسرحيات اشياء يحبها تلهيه هناك لي تملل ..

 

[ღGUCCIღ]

انـا اقول تخليــنه عند امـج او اي احد تثقيـن فيــه

لان مادري احسـ اليااهل يغث بالسفـر لازم تشيلينه ااذا بجــى وتغيريــن له حتى ماراح تستانســين

حلاتها تكوونين بروحج مع ريلــج تستانســون وتاخذون راحتـكم لا يهال ولا خدامة وعوار راس

 

[ام البندري 12]

انا اخاف بوقت النوم والقعده يأذيني..

وزجي من النوع اللي يبي يرتاح بالليل ما يبي ازعاااج انا بيتي ولدي ينام بغرفه بروحه واخلي الخدامه تنام عنده

اخاف زوجي يتوب من عقب هالسفره ولا يسفرني.. لان زوجي راعي سفرات بروحه وتعرفين اللي يسافر بروحه شنوو يحب !!!!

الله يعين يكتب لنا اللي فيه الخيييررر

 

[ام البندري 12]

ابي احد امجرررررررب السفر مع الياااااااهل

فيدووووني

انا سفرت بس مره مع زوجي وكناا رايحين عمره بس وكلها يومين

ماجربت اسافر مغ ولدي ولا جربت اسافر يععني اسبوع والا اسبوعين بروحي ومع زوجي

كلها سفره يتيمه ويومين فا مو عارفه الوضع ابي تجاربكم وخبرتكم

 

[ra-ha]

ان اقول لاتاخذينا اليهال اذا تغير عليهم الجو يتعسرون ويمرضون ولا راح يستانس اشفهما

 

[ام البندري 12]

مشكورين على المرور

بس بعد ابي احد مجرب السفر مع ياهل عمره سنتين ومن غير ياهل وبتقعدين من اسبوعين تفريباا

ووووووووووووينكممممممممممممممم

 

[eng-toota]

انا اقول هذي اول سفره لج مع زوجج خلكم بروحكم ولدج عمره سنتين يعني ما راح يذكر السفره ولا راح يستانس راح يتعب ويتعبكم معاه ..غيري جو انتي مع زوجج ولاحقة على السفر مع اليهال..

 

[أغلى حبيبه]

انا سافرت مع ريلي وبنتي كانت بالاشهر

كنا نتساعد انا وريلي وعلى طول بعربانتها بس تأذت بالنومه وحتى بالسينما اذيه

يعني اذا عندج احد ثقه خلي ولدج عنده وروحي غيري جو مع ريلج

وماتسوى تاجرين شقه عشان خدامه وتروح عليج حلاوه الفندق

 

[بتبوتااا]

انا سافرت مع ولدي البجر كان عمره ست اشهر ماشاء الله عليه كان هادي ما أذاني بالعكس وهم سافرت مع عيالي
السنه الي فاتت مع عيالي كلهم ولدي العود ست سنين وولدي الثاني سنتين ونص وتسع اشهر والحمدلله كانت سفره حلوه وماتأذينا وانتي ماشاء الله واحد عسى الله يخيله لج وكبير عاادي مارح يأذيكم اخذي احسن

 

[غدير20]

تبين نصيحتي اخذي ولدج لاتخلينه

اول العام كنا رايحيين مع قروب واغلبنا ماخذين اعيالهم الا وحده
قالت بستانس هالجم يوم ومخليه بناتها ثنتين عند امها
وحده عمرها سنتين وحده عمرها 4 سنوات
المهم ما اطول عليج كل ما طلعنا القروب وشافت اليهال قعدت تبجي
ماتت من البجي والله حنت على بناتها وتحسفت انها ما خذتهم معاها
انا اشوف ولدج كبير اسم الله عليه ويفهم ويتعلم القعده والطلعه
بس لا تاخذين الخدامه كثري الغيارات معاج
والله ماترتاحين الا لما يكون معاج هذي نظريتي واللي شفته وانتي براحتج
بس تذكري كلامي عدل
وسفرة سعيدة ان شاء الله

 

[بنت جنيف]

[COLOR="Green"]لاوالله اخذي معاج انا بنتي كان عمره سنه و8شهور خذيتها معاي 3 دول اوربيه لكن والله عادي صج اهي الي تحلي السفرة احطها بعربانتها الخفيفة مالت مذركير وجنطه فيها كاكاو وعصاير وبطاط وبسكوت اهيا ملح السفرة كانت ولا انا ولا ريلي ما انخلي عيالنا عند غيرنا لا والحين بسافر مع ولدي 10 شهور وبنتي اخذي وتوكلي على الله ومالاداعي خدامه اصلا

 

[kash-kash]

انا اقول اخذية معاج و بدون خدامة ... اهوه يفهم و راح يفقدكم .. 20 يوم مو شوية .. و بعدين يعطيكم جو .... و الخدامة مالها داعي خصوصا انكم شوية .. فراح اتم مجابلتكم ..و هم راح تأذيكم بالسكن .... يعني لو ثلاث او اربع يهال نقول تسوه اذيتها

و قبل كل شي صلي الاستخارة .. واللة يدبر لج اللي فية الخير .. تروحين و تردين بالسلامة

 

[اميرة الغيد]

عزيزتي انا اقول سافري واستانسي ولا تاخذين ولدج سنتين مو كبير راح يتغير عليه الجو ويتعب ويتغير المكان عليه ممكن يتخربط نومه واذا طلعتوا يوصخ ملابسه قعدي غسلي وبدلي وابتلشي فيه ويبكي ويتعسر ، انتي مسافره عشان تستانسين ، والخدامه صج مالها داعي خليها تمسك الولد وتقعد بالديره عند اهلج احسن ، واذا كبر الولد وصار يعرف ودي معاج سفره عائليه .

 

[بنفسجية]

يطاوعج قلبج تروحين و تخلينه ؟
سنتين مو ياهل ترى
يفهم و يستانس و يشوف
اخذيه معاج و داريه ،
عربانه و سناكس و انتي الي ماشية
و ريلج قايلج يبيه تقولين لا ؟
و بعدين ، ليش يحرم يسافر معاكم ؟
مرة عن مرة ولدج بيكبر مو صاغر و بيفهم اكثر
و فوق كل هذا ، ما تحتاجين خدامة
وايد ناس تسافر مع عيالها عادي و لا
في مشاكل.
انا اشوف تاخذينه معاكم تستانسون وتونسونه !
وعليكم بالعافية .​

 

[غوالي76]

حبيبتي إذا عندج أحد ثقة خليه بالكويت

وإذا تقدرين (( يعني يطاوعج قلبي )) خليه عادي

آنا مرة سافرت بدون عيالي بس طول الوقت أبجي أبيهم

وصاجة وحدة من اللي ردت عليج >> راح تشوفين الأغلب ماخذين عيالهم وراح يحن قلبج

وأول وتالي شي راجع لج

موفقة

 

[كلي دلع!]

أنا سافرت مع بنتي كان عمرها سنه ونص
بصراحه أذتني ما تقعدوكلا صراخ أذتني بس ما تحسفت

 

[حاااايره]

والله تبين الصج خليييييييييييييييييييييييييييييييييييييييييييييه ادري بضيق خلقج وتشتاقيله بس روحي ونسي نفسج وزوجج جددو شهر عسلكم بروحكم وولدج بأذيج يتغير عليه الجو وبتملل ويوصخ وشيلي وحطي

خليه عند امج او اختج ودقي كل يوم وجيبيله هدايا والله بيستانس ولا تاخذينه يأذيج ويتأذى معاج

 

[ام البندري 12]

مشكورين على المرور ما قصرتووااااا

بس زوجي من النوع اللي يمل يحب قعدت الشباب والونااسه اذا احنا بروحناا بيزهق لانه مو متعود فا يبي ولدنا يقول يونسنا بصير عندنا وقت فاضي الله يكتب اللي فيه الخيررر

 

[ام البندري 12]

للرفع